ਜ਼ੀ ਪੰਜਾਬੀ ਚੈਟ ਸ਼ੋਅ "ਦਿਲ ਦੀਆਂ ਗੱਲਾਂ ਸੀਜ਼ਨ-2" ਦਰਸ਼ਕਾਂ ਦੇ ਲਈ ਇਸ ਵੀਕਐਂਡ ਪੰਜਾਬੀ ਸਿਨੇਮਾ ਦੇ ਮਸ਼ਹੂਰ ਕਲਾਕਾਰ ਅਤੇ ਸਿੰਗਰ ਹੈਪੀ ਰਾਏਕੋਟੀ, ਸਵੀਤਾਜ ਬਰਾੜ, ਕਪਤਾਨ ਅਤੇ ਵਿੱਕੀ ਨੂੰ ਮਹਿਮਾਨਾਂ ਵਜੋਂ ਸੱਦਾ ਦੇਣ ਜਾ ਰਿਹਾ ਹੈ।ਸ਼ਨੀਵਾਰ ਦੀ ਸ਼ਾਮ ਹੋਰ ਵੀ ਰੰਗੀਨ ਹੋਵੇਗੀ ਕਿਉਂਕਿ "ਦਿਲ ਦੀਆਂ ਗੱਲਾਂ ਸੀਜ਼ਨ-2" ਦੇ ਖਾਸ ਮੰਚ ਉੱਤੇ ਪੰਜਾਬ ਦੇ ਮਸ਼ਹੂਰ ਕਲਾਕਾਰ ਅਤੇ ਸਿੰਗਰ ਹੈਪੀ ਰਾਏਕੋਟੀ ਅਤੇ ਸਵੀਤਾਜ ਬਰਾੜ ਇਸ ਮੰਚ ਉੱਤੇ ਆ ਰਹੇ ਹਨ।
ਹੈਪੀ ਰਾਏਕੋਟੀ ਜਿਹਨਾਂ ਨੇ ਬੇਸ਼ੱਕ ਪੰਜਾਬੀ ਇੰਡਸਟਰੀ ਵਿੱਚ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਗੀਤਕਾਰੀ ਦੇ ਰਾਹੀਂ ਕੀਤੀ ਅਤੇ ਬਾਅਦ ਵਿੱਚ ਇਹਨਾਂ ਨੇ ਗਾਇਕੀ ਦੇ ਨਾਲ ਹੋਲੀ-ਹੋਲੀ ਫ਼ਿਲਮੀ ਕੈਰੀਅਰ ਵਿੱਚ ਆਪਣੇ ਪੈਰ ਪਸਾਰੇ। ਪੰਜਾਬੀ ਸਿਨੇਮਾ ਵਿੱਚ ਆਪਣਾ ਨਾਮ ਕਮਾਉਣ ਦੀ ਚਾਹਤ ਰੱਖਦੀ ਨਵੀਂ ਅਦਾਕਾਰਾ ਸਵੀਤਾਜ ਬਰਾੜ ਗਾਇਕੀ ਦੇ ਨਾਲ-ਨਾਲ ਹੁਣ ਫਿਲਮ ਵਿੱਚ ਵੀ ਕੰਮ ਕਰ ਰਾਹੀਂ ਹੈ। ਇਹਨਾਂ ਦੋਨਾਂ ਦੇ ਕੈਰੀਅਰ ਦੀ ਸ਼ੁਰੁਆਤ ਅਤੇ ਉਹਨਾਂ ਦੀ ਨਿੱਜੀ ਜਿੰਦਗੀ ਬਾਰੇ ਸਾਨੂੰ ਸ਼ਨੀਵਾਰ ਦੀ ਸ਼ਾਮ ਨੂੰ ਜਾਨਣ ਦਾ ਮੌਕਾ ਮਿਲੇਗਾ। ਇਹ ਕਲਾਕਾਰ ਮੇਜ਼ਬਾਨ ਸੋਨਮ ਬਾਜਵਾ ਨਾਲ ਮਸਤੀ ਕਰਦੇ ਦਿਖਾਈ ਦੇਣਗੇ।
ਇਸ ਐਤਵਾਰ ਇੱਕ ਮਿਊਜ਼ਿਕਲ ਸ਼ਾਮ ਹੋਣ ਜਾ ਰਹੀਂ ਹੈ, ਜਿੱਥੇ ਮਸ਼ਹੂਰ ਗੀਤਕਾਰ ਕਪਤਾਨ ਅਤੇ "ਟਾੱਪ-ਨਾਚ ਗੱਬਰੂ" ਫੇਮ ਗਾਇਕ ਵਿੱਕੀ ਮੇਜ਼ਬਾਨ ਸੋਨਮ ਬਾਜਵਾ ਨਾਲ ਇੱਕ ਦਿਲਚਸਪ ਐਪੀਸੋਡ ਵਿੱਚ ਸ਼ਾਮਿਲ ਹੋਣਗੇ। ਇਹਨਾਂ ਦੀ ਗੀਤਾਂ ਨਾਲ ਤਾਂ ਸਭ ਵਾਕਿਫ ਨੇ ਅਤੇ ਇਹ ਗੀਤ ਦਰਸ਼ਕਾਂ ਨੂੰ ਬੇਹੱਦ ਪਸੰਦ ਵੀ ਆਉਂਦੇ ਹਨ। ਪਰ ਇਹਨਾਂ ਦੀ ਅਸਲ ਜ਼ਿੰਦਗੀ ਬਾਰੇ ਕੋਈ ਨਹੀਂ ਜਾਣਦਾ। ਇਹ ਮੰਚ ਸਾਨੂੰ ਇਹਨਾਂ ਦੀ ਨਿੱਜੀ ਜਿੰਦਗੀ ਬਾਰੇ ਜਾਨਣ ਦਾ ਇੱਕ ਮੌਕਾ ਪ੍ਰਦਾਨ ਕਰੇਗਾ ਜਿੱਥੇ ਅਸੀਂ ਉਹਨਾਂ ਦੀ ਪਸੰਦ ਨਾ ਪਸੰਦ ਬਾਰੇ ਜਾਣ ਸਕਾਂਗੇ। ਇਸ ਲਈ ਜੇਕਰ ਤੁਸੀਂ ਇਹ ਸ਼ਾਨਦਾਰ ਵੀਕਐਂਡ ਮਿਸ ਨਹੀਂ ਕਰਨਾ ਚਾਹੁੰਦੇ, ਜ਼ੀ ਪੰਜਾਬੀ ਚੈਨਲ ਹੁਣੇ ਹੀ ਟਿਊਨ ਇਨ ਕਰੋ ਅਤੇ ਇਸ ਬਾਰੇ ਹੋਰ ਜਾਣਕਾਰੀ ਪ੍ਰਾਪਤ ਕਰੋ।