ਡਿਪਟੀ ਕਮਿਸ਼ਨਰ ਸ਼੍ਰੀ ਸੰਦੀਪ ਹੰਸ ਵਲੋਂ ਅੱਜ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਹੁਸ਼ਿਆਰਪੁਰ ਦੇ ਮੇਨ ਗੇਟ ਵਿਖੇ ਸਥਾਪਿਤ ਆਤਮਾ ਕਿਸਾਨ ਹੱਟ ਨੂੰ ਪ੍ਰਾਪਤ ਹੋਈਆਂ ਨਵੀਆਂ ਮਸ਼ੀਨਾਂ ਦਾ ਉਦਘਾਟਨ ਕੀਤਾ ਗਿਆ। ਡਿਪਟੀ ਕਮਿਸ਼ਨਰ ਵਲੋਂ ਉਦਘਾਟਨ ਕਰਦੇ ਸਮੇਂ ਇਹ ਆਤਮਾ ਕਿਸਾਨ ਹੱਟ ਮੌਜੂਦ ਸੈਲਫ ਹੈਲਪ ਗਰੁੱਪਾਂ ਵਲੋਂ ਤਿਆਰ ਉਤਪਾਦਾਂ ਦੀ ਪ੍ਰਸ਼ੰਸਾ ਕੀਤੀ ਗਈ। ਇਸ ਮੌਕੇ ਉਨ੍ਹਾਂ ਨੇ ਆਏ ਕਿਸਾਨ ਮੈਂਬਰਾਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਕਿਸਾਨਾਂ ਦੀਆਂ ਸਮੱਸਿਆਵਾਂ ਅਤੇ ਵਾਜਿਬ ਮੰਗਾਂ ਨੂੰ ਪਹਿਲ ਦੇ ਆਧਾਰ ਹੱਲ ਕੀਤਾ ਜਾਵੇਗਾ।
ਉਨ੍ਹਾਂ ਦੱਸਿਆ ਕਿ ਜ਼ਿਲ੍ਹਾ ਪ੍ਰਸ਼ਾਸਨ ਵਲੋਂ ਆਤਮਾ ਕਿਸਾਨ ਹੱਟ ਨੂੰ ਇਕ ਵੱਡਾ ਫਰਿਜ, ਫਲਾਂ ਦਾ ਜੂਸਰ ਅਤੇ ਗੰਨੇ ਦਾ ਰਸ ਕੱਢਣ ਵਾਲਾ ਜੂਸਰ ਖਰੀਦਣ ਲਈ ਫੰਡਜ ਮੁਹੱਈਆ ਕਰਵਾਏ ਹਨ।ਮੁੱਖ ਖੇਤੀਬਾੜੀ ਅਫ਼ਸਰ ਗੁਰਦੇਵ ਸਿੰਘ ਵਲੋਂ ਡਿਪਟੀ ਕਮਿਸ਼ਨਰ ਦਾ ਆਤਮਾ ਕਿਸਾਨ ਹੱਟ ਵਿਚ ਪਹੁੰਚਣ ’ਤੇ ਸਵਾਗਤ ਕੀਤਾ ਗਿਆ ਅਤੇ ਦੱਸਿਆ ਕਿ ਇਸ ਉਪਰਾਲੇ ਨਾਲ ਉਪਭੋਗਤਾਵਾਂ ਨੂੰ ਵਾਜਿਬ ਕੀਮਤ ’ਤੇ ਮਿਆਰੀ ਖੇਤੀ ਵਸਤੂਆਂ ਮੁਹੱਈਆ ਕਰਵਾਈਆਂ ਜਾਂਦੀਆਂ ਹਨ।
ਉਨ੍ਹਾਂ ਦੱਸਿਆ ਕਿ ਇਹ ਆਤਮਾ ਕਿਸਾਨ ਹੱਟ ਜਿਲ੍ਹਾ ਜ਼ਿਲ੍ਹਾ ਪ੍ਰਸ਼ਾਸਨ ਦੇ ਸਹਿਯੋਗ ਨਾਲ ਚਲ ਰਹੇ ਇਨੋਵੇਟਿਵ ਫਾਰਮਰ ਐਸੋਸੀਏਸ਼ਨ ਦੇ ਕਿਸਾਨਾਂ ਦੇ ਸਮੂਹ ਨੂੰ ਸਵੈ ਮੰਡੀਕਰਨ ਦੀ ਸਮੱਸਿਆ ਦੇ ਹੱਲ ਲਈ ਅਤੇ ਕਿਸਾਨਾਂ ਦੇ ਉਤਪਾਦਾਂ ਦੀ ਵੈਲਯੂ ਐਡੀਸ਼ਨ ਲਈ ਸਿੱਧੇ ਮੰਡੀਕਰਨ ਦੀ ਸੁਵਿਧਾ ਪ੍ਰਦਾਨ ਕਰਨ ਲਈ 5 ਸਤੰਬਰ 2014 ਨੂੰ ਸ਼ੁਰੂ ਕਰਵਾਇਆ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ ਇਸ ਦਾ ਉਦੇਸ਼ ਕਿਸਾਨ, ਉਪਭੋਗਤਾਵਾਂ ਦੀ ਜ਼ਰੂਰਤ ਅਨੁਸਾਰ ਉਤਪਾਦ ਪੈਦਾ ਕਰ ਸਕੇ ਅਤੇ ਉਤਪਾਦਕਾਂ ਤੇ ਉਪਭੋਗਤਾਵਾਂ ਦਾ ਸਿੱਧਾ ਸਬੰਧ ਬਣ ਸਕੇ।
ਇਸ ਦੌਰਾਨ ਆਤਮਾ ਕਿਸਾਨ ਹੱਟ ਦੇ ਮੈਂਬਰ ਸੁਨੀਲ ਕੁਮਾਰ ਠਾਕੁਰ ਵਲੋਂ ਦੁੱਧ ਨਾਲ ਤਿਆਰ ਉਤਪਾਦ, ਖੀਰ, ਦਹੀ ਭੱਲੇ, ਪਨੀਰ ਤੇ ਸਾਹੀਵਾਲ ਗਾਂ ਦਾ ਦੇਸੀ ਘਿਊ ਉਪਭੋਗਤਾਵਾਂ ਨੂੰ ਵਾਜਿਬ ਭਾਅ ’ਤੇ ਮੁਹੱਈਆ ਕਰਵਾਉਣ ਬਾਰੇ ਡਿਪਟੀ ਕਮਿਸ਼ਨਰ ਨੂੰ ਦੱਸਿਆ ਗਿਆ। ਇਨੋਵੇਟਿਵ ਫਾਰਮਰ ਐਸੋਸੀਏਸ਼ਨ ਦੇ ਸਰਪ੍ਰਸਤ ਅਸ਼ੋਕ ਕੁਮਾਰ ਵਲੋਂ ਹੱਟ ਵਿਚ ਮੌਜੂਦ ਆਪਣਾ ਸੈਲਫ ਹੈਲਪ ਗਰੁੱਪ ਨੰਦਨ, ਕਰਨ ਸੈਲਫ ਹੈਲਪ ਗਰੁੱਭ ਬਜਵਾੜਾ, ਸੰਧਿਆ ਸੈਲਫ ਹੈਲਪ ਗਰੁੱਪ ਮੈਲੀ, ਫੈਪਰੋ ਭੁੰਗਾ ਤੇ ਕੈਫਰੋ ਤਲਵਾੜਾ ਦੀਆਂ ਸਜਾਵਟੀ ਪਲੇਟਾਂ, ਨਮਕੀਨ, ਪੈਕਡ ਜੂਸ, ਹਲਦੀ, ਸ਼ਹਿਦ, ਆਟਾ, ਆਰਗੈਨਿਕ ਸਬਜ਼ੀਆਂ ਆਦਿ ਵਸਤੂਆਂ ਬਾਰੇ ਕਿਸਾਨ ਮੈਂਬਰਾਂ ਦੇ ਲਾਭ ਮਾਰਜਨ ਬਾਰੇ ਡਿਪਟੀ ਕਮਿਸ਼ਨਰ ਨੂੰ ਜਾਣੂ ਕਰਵਾਇਆ।
ਇਸ ਮੌਕੇ ਸ੍ਰੀ ਰਮਨ ਸਰਮਾ ਡਿਪਟੀ ਪ੍ਰੋਜੈਕਟ ਡਾਇਰੈਕਟਰ (ਆਤਮਾ), ਸ੍ਰੀ ਰਾਜੀਵ ਰੰਜਨ ਕੁਮਾਰ ਡਿਪਟੀ ਪ੍ਰੋਜੈਕਟ ਡਾਇਰੈਕਟਰ (ਆਤਮਾ), ਸ੍ਰੀ ਦੀਪਕ ਪੂਰੀ ਖੇਤੀਬਾੜੀ ਅਫਸਰ, ਸ੍ਰੀ ਦਪਿੰਦਰ ਸਿੰਘ ਖੇਤੀਬਾੜੀ ਅਫਸਰ (ਜ), ਸ੍ਰੀ ਹਰਮਨਦੀਪ ਸਿੰਘ ਖੇਤੀਬਾੜੀ ਅਫਸਰ, ਸ੍ਰੀ ਕਿਰਨਜੀਤ ਸਿੰਘ ਖੇਤੀਬਾੜੀ ਵਿਕਾਸ ਅਫਸਰ, ਸ੍ਰੀ ਹਰਪ੍ਰੀਤ ਸਿੰਘ ਖੇਤੀਬਾੜੀ ਵਿਕਾਸ ਅਫਸਰ, ਸ੍ਰੀ ਲਵਜੀਤ ਸਿੰਘ, ਸ੍ਰੀ ਗੁਰਵਿੰਦਰ ਸਿੰਘ ਖੇਤੀਬਾੜੀ ਵਿਕਾਸ ਅਫਸਰ, ਇਨੋਵੇਟਿਵ ਫਾਰਮਰ ਐਸੋਸੀਏਸ਼ਨ (ਜ਼ਂ) ਦੇ ਪ੍ਰਧਾਨ ਸ੍ਰੀ ਨਰਿੰਦਰ ਸਿੰਘ, ਰਿਟਾ: ਪ੍ਰਿੰਸੀਪਲ ਤਰਸੇਮ ਸਿੰਘ, ਰੇਸ਼ਮ ਸਿੰਘ, ਕਰਨੈਲ ਸਿੰਘ ਅਤੇ ਰਿਟਾ: ਜਿਲਾ ਸਿਖਲਾਈ ਅਫਸਰ ਖੇਤੀਬਾੜੀ ਵਿਭਾਗ ਸ੍ਰੀ ਚਮਨ ਲਾਲ ਵਸ਼ਿਸਟ ਮੋਜੂਦ ਸਨ।