ਸਿੱਖਿਆ ਵਿਭਾਗ ਵਲੋਂ ਜ਼ਿਲ੍ਹਾ ਸਿੱਖਿਆ ਅਫਸਰ, ਸ. ਜਰਨੈਲ ਸਿੰਘ (ਸੈ.ਸਿ.) ਦੀ ਅਗਵਾਈ ਵਿੱਚ ਜ਼ਿਲ੍ਹਾ ਪੱਧਰੀ ਕ੍ਰਿਕਟ ਟੂਰਨਾਮੈਂਟ ਅੰਡਰ-14 ਸਰਕਾਰੀ ਕਾਲਜ ਰੋਪੜ ਵਿਖੇ ਕਰਵਾਇਆ ਗਿਆ। ਇਸ ਟੂਰਨਾਮੈਂਟ ਦਾ ਫਾਇਨਲ ਮੈਚ ਰੋਪੜ ਜ਼ੋਨ ਅਤੇ ਘਨੌਲੀ ਜ਼ੋਨ ਵਿਚਾਕਰ ਖੇਡਿਆ ਗਿਆ। ਟਾਸ ਜਿੱਤ ਕੇ ਰੋਪੜ ਜ਼ੋਨ ਨੇ ਬੱਲੇਬਾਜ਼ੀ ਕੀਤੀ ਤੇ ਕੁੱਲ 53 ਰਨ ਬਣਾਏ। ਇਸ ਦੇ ਜਵਾਬ ਵਿੱਚ ਘਨੌਲੀ ਜ਼ੋਨ ਦੀ ਟੀਮ ਨੇ 1 ਵਿਕਟ ਗਵਾ ਕੇ 7 ਓਵਰਾਂ ਵਿੱਚ ਇਹ ਟੀਚਾ ਪ੍ਰਾਪਤ ਕਰ ਲਿਆ।
ਘਨੌਲੀ ਜ਼ੋਨ ਨੇ ਮੈਚ ਜਿੱਤ ਕੇ ਜ਼ਿਲ੍ਹੇ ਵਿੱਚ ਪਹਿਲਾ ਸਥਾਨ ਹਾਸਿਲ ਕੀਤਾ। ਬੱਲੇਬਾਜ਼ ਯੁਵਰਾਜ ਸਿੰਘ ਨੇ ਨਾਟਆਊਟ 29 ਰਨ ਬਣਾਏ ਅਤੇ ਚੰਦਨ ਕੁਮਾਰ ਨੇ 19 ਰਨ ਬਣਾਏ। ਇਸ ਬਾਬਤ ਸਰਕਾਰੀ ਹਾਈ ਸਕੂਲ,ਮਲਕਪੁਰ ਵਿਖੇ ਮੁੱਖ ਅਧਿਆਪਕ ਭੀਮ ਰਾਓ ਤੇ ਹੋਰ ਸਟਾਫ ਮੈਂਬਰਾਂ ਅਤੇ ਕੰਪਿਊਟਰ ਅਧਿਆਪਕ ਸ਼੍ਰੀ ਸੰਦੀਪ ਨੇ ਜੇਤੂ ਖਿਡਾਰੀਆਂ ਨੂੰ ਸ਼ੁੱਭ ਕਾਮਨਾਵਾਂ ਦਿੱਤੀਆਂ ਅਤੇ ਭਵਿੱਖ ਲਈ ਹੌਂਸਲਾ ਅਫਜ਼ਾਈ ਕੀਤੀ। ਇਸ ਮੌਕੇ ਸਮੂਹ ਸਟਾਫ ਮੈਂਬਰ ਅਤੇ ਵਿਦਿਆਰਥੀ ਹਾਜ਼ਰ ਸਨ।