ਚੇਤਨ ਸਿੰਘ ਜੌੜਾਮਾਜਰਾ, ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰੀ, ਪੰਜਾਬ 21 ਸਤੰਬਰ ਨੂੰ ਆਰੀਅਨਜ਼ ਦੇ ਪਹਿਲੇ ਹੈਲਥ ਕੇਅਰ ਜੌਬ ਫੈਸਟ ਦਾ ਉਦਘਾਟਨ ਕਰਨਗੇ। ਇਹ ਫੈਸਟ ਆਰੀਅਨਜ਼ ਗਰੁੱਪ ਆਫ਼ ਕਾਲਜ, ਰਾਜਪੁਰਾ, ਨੇੜੇ ਚੰਡੀਗੜ੍ਹ ਵਿਖੇ ਆਯੋਜਿਤ ਕੀਤਾ ਜਾਵੇਗਾ। ਸਿਹਤ ਮੰਤਰੀ ਵੱਲੋਂ ਅੱਜ ਜੌਬ ਫੈਸਟ ਦਾ ਪੋਸਟਰ ਵੀ ਲਾਂਚ ਕੀਤਾ ਗਿਆ। ਡਾ. ਅੰਸ਼ੂ ਕਟਾਰੀਆ,ਚੇਅਰਮੈਨ, ਆਰੀਅਨਜ਼ ਗਰੁੱਪ ਨੇ ਦੱਸਿਆ ਕਿ 20 ਤੋਂ ਵੱਧ ਪ੍ਰਮੁੱਖ ਕੰਪਨੀਆਂ ਫਾਰਮੇਸੀ, ਨਰਸਿੰਗ, ਪੈਰਾਮੈਡੀਕਲ ਲਾਅ ਅਤੇ ਮੈਨੇਜਮੈਂਟ ਸਮੇਤ ਵੱਖ-ਵੱਖ ਹੈਲਥਕੇਅਰ ਸਟ੍ਰੀਮਜ਼ ਵਿੱਚ ਲਗਭਗ 500 ਨੌਕਰੀਆਂ ਦੀ ਪੇਸ਼ਕਸ਼ ਕਰਨਗੀਆਂ।
ਜੌਬ ਫੈਸਟ ਦਾ ਪੋਸਟਰ ਜਾਰੀ ਕਰਦੇ ਹੋਏ ਜੌੜਾਮਾਜਰਾ ਨੇ ਕਿਹਾ ਕਿ ਮਾਨ ਸਰਕਾਰ ਨੌਜਵਾਨਾਂ ਨੂੰ ਨੌਕਰੀਆਂ ਨਾਲ ਸਸ਼ਕਤ ਕਰਨ ਅਤੇ ਸਮੁੱਚੇ ਪੰਜਾਬ ਵਿੱਚੋਂ ਨਸ਼ਿਆਂ ਦੀ ਅਲਾਮਤ ਨੂੰ ਜੜ੍ਹੋਂ ਖ਼ਤਮ ਕਰਨ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹੈ। ਉਨ੍ਹਾਂ ਨੇ ਹੈਲਥ ਸੈਕਟਰ ਲਈ ਪਹਿਲੇ ਜੌਬ ਫੈਸਟ ਦਾ ਆਯੋਜਨ ਕਰਨ ਲਈ ਆਰੀਅਨਜ਼ ਗਰੁੱਪ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਇਸ ਫੈਸਟ ਵਿੱਚ ਪ੍ਰਮੁੱਖ ਫਾਰਮਾ ਕੰਪਨੀਆਂ ਅਤੇ ਪ੍ਰਮੁੱਖ ਹਸਪਤਾਲਾਂ ਦੀ ਭਾਗੀਦਾਰੀ 'ਤੇ ਵੀ ਆਪਣੀ ਤਸੱਲੀ ਪ੍ਰਗਟ ਕੀਤੀ।
ਨੌਕਰੀ ਦੇ ਮੌਕਿਆਂ ਦਾ ਲਾਭ ਲੈਣ ਦੇ ਚਾਹਵਾਨ ਵਿਦਿਆਰਥੀ www.aryans.edu.in 'ਤੇ ਆਨਲਾਈਨ ਅਪਲਾਈ ਕਰਕੇ ਰਜਿਸਟਰ ਕਰਵਾ ਸਕਦੇ ਹਨ। ਇਹ ਫੈਸਟ ਸਿਰਫ਼ ਆਰੀਅਨਜ਼ ਦੇ ਵਿਦਿਆਰਥੀਆਂ ਲਈ ਹੀ ਨਹੀਂ ਹੈ ਬਲਕਿ ਹੋਰ ਕਾਲਜਾਂ ਦੇ ਵਿਦਿਆਰਥੀ ਵੀ ਇਸ ਲਈ ਅਪਲਾਈ ਕਰ ਸਕਦੇ ਹਨ। ਫਾਰਮਾਸਿਸਟ, ਨਰਸਿੰਗ ਕੇਅਰ, ਮਾਰਕੀਟਿੰਗ, ਮੈਨੂਫੈਕਚਰਿੰਗ, ਡਰੱਗ ਸੇਫਟੀ, ਕੁਆਲਿਟੀ ਐਸ਼ੋਰੈਂਸ, ਕੁਆਲਿਟੀ ਕੰਟਰੋਲ, ਹੈਲਥ ਵਰਕਰ, ਪੈਰਾਮੈਡੀਕਲ ਸਟਾਫ, ਕਾਨੂੰਨੀ ਪ੍ਰਬੰਧਕ ਆਦਿ ਵਰਗੇ ਵੱਖ-ਵੱਖ ਖੇਤਰਾਂ ਵਿੱਚ ਨੌਕਰੀਆਂ ਉਪਲਬਧ ਹਨ।
ਫੋਰਟਿਸ, ਅਲੇਮਬਿਕ, ਮੈਕਲੀਓਡਸ, ਕੈਡਿਲਾ, ਅਲਕੇਮ, ਮੇਅਰ, ਮੈਨਕਾਇਨਡ, ਹਿਮਾਲਿਆ, ਪਲੈਨੇਟ ਆਯੁਰਵੇਦ, ਯੁਕਤੀ ਹਰਬਸ, ਡਾਬਰ, ਮੇਂਟਸ, ਕੇਪਲਰ, ਵਰਸੋਏ ਹੈਲਥਕੇਅਰ, ਅਜ਼ੈਂਸੀਆ ਆਦਿ ਵਰਗੀਆਂ ਕੰਪਨੀਆਂ ਨੌਕਰੀ ਮੇਲੇ ਵਿੱਚ ਆਉਣਗੀਆਂ।