ਆਲ ਇੰਡੀਆ ਕਾਉਂਸਿਲ ਆਫ਼ ਟੈਕਨੀਕਲ ਐਜੂਕੇਸ਼ਨ, ਹਾਰਟਫੁੱਲਨੈੱਸ ਐਜੂਕੇਸ਼ਨ ਟਰੱਸਟ ਅਤੇ ਯੂਅਰ ਵਨ ਲਾਈਫ ਨੇ ਆਰੀਅਨਜ਼ ਗਰੁੱਪ ਆਫ਼ ਕਾਲੇਜਿਸ, ਰਾਜਪੁਰਾ, ਨੇੜੇ ਚੰਡੀਗੜ੍ਹ ਨੂੰ ਕਾਨ੍ਹਾ ਸ਼ਾਂਤੀ ਵਨਮ, ਹੈਦਰਾਬਾਦ ਵਿੱਚ ਨੈਸ਼ਨਲ ਯੂਨੀਕੋਰਨ ਅਵਾਰਡ ਨਾਲ ਸਨਮਾਨਿਤ ਕੀਤਾ। ਇਹ ਪੁਰਸਕਾਰ ਕੇ. ਕਵਿਤਾ ਮੈਂਬਰ, ਵਿਧਾਨ ਪ੍ਰੀਸ਼ਦ, ਨਿਜ਼ਾਮਾਬਾਦ; ਸ਼੍ਰੀ ਕਮਲੇਸ਼ ਡੀ. ਪਟੇਲ (ਦਾਜੀ), ਪ੍ਰਧਾਨ, ਰਾਮ ਮਿਸ਼ਨ ਅਤੇ ਸੰਸਥਾਪਕ,ਹਾਰਟਫੁੱਲਨੈੱਸ ਐਜੂਕੇਸ਼ਨ ਟਰੱਸਟ; ਡਾ. ਅਨਿਲ ਸਹਿਸਰਾਬੁਦੇ, ਚੇਅਰਮੈਨ,ਆਲ ਇੰਡੀਆ ਕਾਉਂਸਿਲ ਆਫ਼ ਟੈਕਨੀਕਲ ਐਜੂਕੇਸ਼ਨ; ਯੋਗੀ ਕੋਚਰ, ਯੂਅਰ ਵਨ ਲਾਈਫ ਆਦਿ ਦੀ ਮੌਜੂਦਗੀ ਵਿੱਚ ਦਿੱਤਾ ਗਿਆ।
ਹਾਰਟਫੁੱਲਨੈੱਸ ਐਜੂਕੇਸ਼ਨ ਟਰੱਸਟ,ਆਲ ਇੰਡੀਆ ਕਾਉਂਸਿਲ ਆਫ਼ ਟੈਕਨੀਕਲ ਐਜੂਕੇਸ਼ਨ ਅਤੇ ਯੂਅਰ ਵਨ ਲਾਈਫ ਦੁਆਰਾ ਸੰਸਥਾਗਤ ਪੁਰਸਕਾਰ ਭਾਰਤ ਵਿੱਚ ਸਭ ਤੋਂ ਖੁਸ਼ਹਾਲ ਸੰਸਥਾਵਾਂ ਨੂੰ ਮਾਨਤਾ ਦੇਣ ਵਾਲੇ ਰਾਸ਼ਟਰੀ ਪੱਧਰ 'ਤੇ ਪਹਿਲੇ ਪੁਰਸਕਾਰ ਹਨ। ਇਸ ਸਮਾਗਮ ਨੂੰ ਕਾਨ੍ਹਾ ਸ਼ਾਂਤੀ ਵਨਮ ਵਿੱਚ ਮੌਜੂਦ 10000 ਹਾਜ਼ਰੀਨ ਦੁਆਰਾ ਦੇਖਿਆ ਗਿਆ ਅਤੇ 150 ਤੋਂ ਵੱਧ ਦੇਸ਼ਾਂ ਵਿੱਚ ਲੱਖਾਂ ਲੋਕ ਸ਼ਾਮਲ ਹੋਏ।
ਡਾ. ਅੰਸ਼ੂ ਕਟਾਰੀਆ, ਚੇਅਰਮੈਨ, ਆਰੀਅਨਜ਼ ਗਰੁੱਪ ਆਫ਼ ਕਾਲੇਜਿਸ, ਰਾਜਪੁਰਾ, ਨੇੜੇ ਚੰਡੀਗੜ੍ਹ; ਪ੍ਰਧਾਨ, ਪੰਜਾਬ ਅਨਏਡਿਡ ਕਾਲਜਿਜ਼ ਐਸੋਸੀਏਸ਼ਨ (ਪੁੱਕਾ); ਅਤੇ ਫੈਡਰੇਸ਼ਨ ਆਫ ਸੈਲਫ ਫਾਈਨੈਂਸਿੰਗ ਟੈਕਨੀਕਲ ਇੰਸਟੀਚਿਊਸ਼ਨਜ਼ ਨੇ ਇਹ ਪੁਰਸਕਾਰ ਪ੍ਰਾਪਤ ਕੀਤਾ। ਇਸ ਸਮਾਰੋਹ ਵਿੱਚ ਭਾਰਤ ਭਰ ਤੋਂ ਕਈ ਵਾਈਸ ਚਾਂਸਲਰ ਅਤੇ ਵੱਖ-ਵੱਖ ਸੰਸਥਾਵਾਂ ਦੇ ਡਾਇਰੈਕਟਰਾਂ ਨੇ ਸ਼ਿਰਕਤ ਕੀਤੀ। ਇਸ ਸਮਾਗਮ ਵਿੱਚ ਭਾਰਤ ਦੇ ਸਾਰੇ ਰਾਜਾਂ ਦੀ ਪ੍ਰਤੀਨਿਧਤਾ ਵੀ ਦਿਖਾਈ ਦਿੱਤੀ।
ਡਾ. ਅੰਸ਼ੂ ਕਟਾਰੀਆ ਨੇ ਧੰਨਵਾਦ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਅਸੀਂ ਇਸ ਰਾਸ਼ਟਰੀ ਪੁਰਸਕਾਰ ਨੂੰ ਪ੍ਰਾਪਤ ਕਰਨ ਤੋਂ ਬਾਅਦ ਬਹੁਤ ਖੁਸ਼ ਹਾਂ। ਜਲਦੀ ਹੀ ਅਸੀਂ ਆਰੀਅਨਜ਼ ਹੈਪੀਨੇਸ ਮੇਲਾ ਦੀ ਯੋਜਨਾ ਬਣਾ ਰਹੇ ਹਾਂ ਅਤੇ ਅਸੀਂ ਆਰੀਅਨਜ਼ ਕੈਂਪਸ ਵਿੱਚ ਵਿਦਿਆਰਥੀਆਂ ਅਤੇ ਫੈਕਲਟੀ ਦੇ ਨਾਲ ਉਹਨਾਂ ਦੀ ਤੰਦਰੁਸਤੀ ਲਈ ਲਗਾਤਾਰ ਖੁਸ਼ੀ ਦੀਆਂ ਗਤੀਵਿਧੀਆਂ ਦੇ ਨਾਲ-ਨਾਲ ਕੁਝ ਵਰਕਸ਼ਾਪ ਵੀ ਕਰ ਰਹੇ ਹਾਂ। ਉਨ੍ਹਾਂ ਨੇ ਅੱਗੇ ਸਾਰੀ ਆਰੀਅਨਜ਼ ਟੀਮ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਆਰੀਅਨਜ਼ ਗਰੁੱਪ ਦੇ ਵਿਦਿਆਰਥੀਆਂ ਅਤੇ ਸਟਾਫ਼ ਨੇ ਪਿਛਲੇ 15 ਸਾਲਾਂ ਵਿੱਚ ਬਹੁਤ ਸਾਰੀਆਂ ਉਪਲਬਧੀਆਂ ਹਾਸਲ ਕੀਤੀਆਂ ਹਨ।
ਇਸ ਮੌਕੇ 'ਤੇ ਬੋਲਦੇ ਹੋਏ, ਸ਼੍ਰੀਮਤੀ ਕੇ. ਕਵਿਤਾ ਨੇ ਕਿਹਾ, "ਅਸੀਂ ਇਹ ਯਕੀਨੀ ਬਣਾਉਣ ਲਈ ਮਜ਼ਬੂਤ ਵਚਨਬੱਧਤਾ ਦੇ ਨਾਲ ਅਜਿਹਾ ਕਰਨ ਦੀ ਮਹੱਤਤਾ ਨੂੰ ਸਮਝਦੇ ਹਾਂ ਕਿ ਦਿਲ ਦੀ ਖੁਸ਼ਹਾਲੀ ਅਤੇ ਖੁਸ਼ੀ ਇਸ ਵਿਕਾਸ ਦੀ ਨੀਂਹ ਬਣਾਉਂਦੇ ਹਨ। ਅਸੀਂ ਨਾ ਸਿਰਫ਼ ਤੇਲੰਗਾਨਾ ਲਈ ਇਸ ਪ੍ਰੋਗਰਾਮ ਦਾ ਸਮਰਥਨ ਕਰ ਰਹੇ ਹਾਂ, ਸਗੋਂ ਹਾਰਟਫੁੱਲਨੈੱਸ ਐਜੂਕੇਸ਼ਨ ਟਰੱਸਟ,ਆਲ ਇੰਡੀਆ ਕਾਉਂਸਿਲ ਆਫ਼ ਟੈਕਨੀਕਲ ਐਜੂਕੇਸ਼ਨ ਅਤੇ ਯੂਅਰ ਵਨ ਲਾਈਫ ਅਤੇ ਫੈਡਰੇਸ਼ਨ ਆਫ ਸੈਲਫ ਫਾਈਨੈਂਸਿੰਗ ਟੈਕਨੀਕਲ ਇੰਸਟੀਚਿਊਸ਼ਨਜ਼ ਦੇ ਨਾਲ ਪੂਰੇ ਭਾਰਤ ਵਿੱਚ ਇਸਦੀ ਜਾਣਕਾਰੀ ਪ੍ਰਦਾਨ ਕਰਨ ਲਈ ਵੀ ਖੁਸ਼ ਹਾਂ।"
ਡਾ. ਅਨਿਲ ਸਹਿਸਬੁੱਧੇ,ਚੇਅਰਮੈਨ, ਆਲ ਇੰਡੀਆ ਕਾਉਂਸਿਲ ਆਫ਼ ਟੈਕਨੀਕਲ ਐਜੂਕੇਸ਼ਨ ਨੇ ਕਿਹਾ, “ਵਿਦਿਆਰਥੀਆਂ ਦੇ ਜੀਵਨ ਵਿੱਚ ਡਿਜ਼ੀਟਲ ਪਲੇਟਫਾਰਮ ਨਾ ਸਿਰਫ ਉਹਨਾਂ ਦੇ ਧਿਆਨ ਨੂੰ ਪ੍ਰਭਾਵਤ ਕਰ ਰਿਹਾ ਹੈ, ਸਗੋਂ ਉਹਨਾਂ ਦੀ ਪੂਰੀ ਐਂਡੋਕਰੀਨਲ ਪ੍ਰਣਾਲੀ ਅਤੇ ਬਦਲੇ ਵਿੱਚ ਉਹਨਾਂ ਦੀ ਭਾਵਨਾਤਮਕ ਅਤੇ ਸਰੀਰਕ ਸਿਹਤ ਵਿੱਚ ਤਬਦੀਲੀ ਹੋ ਰਹੀ ਹੈ। ਅਸੀਂ ਨਿਊ ਐਜੂਕੇਸ਼ਨ ਪਾਲਸੀ ਦਾ ਧੰਨਵਾਦ ਕਰਦੇ ਹਾਂ ਜਿਸ ਕਰਕੇ ਇੰਡੀਅਨ ਅਕਾਦਮਿਕ ਵਿੱਚ ਯੂਅਰ ਵਨ ਲਾਈਫ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਐਪ ਜੋ ਇਕ ਹੋਰ 'ਡਿਜੀਟਲ ਦਖਲਅੰਦਾਜ਼ੀ' ਵੀ ਹੈ, ਅਤੇ 'ਡਿਜੀਟਲ ਹਮਲੇ' ਦਾ ਮੁਕਾਬਲਾ ਕਰਦੀ ਹੈ। ਇਹ ਸਾਰੇ ਵਿਦਿਆਰਥੀਆਂ ਦੇ ਮਨ ਦੀ ਸਾਂਝ, ਦਿਮਾਗੀ ਨਕਸ਼ੇ ਅਤੇ ਖੁਸ਼ੀ ਸੂਚਕਾਂਕ ਦੀ ਨਿਗਰਾਨੀ ਕਰਦਾ ਹੈ ਅਤੇ ਕੈਲੀਬਰੇਟ ਕਰਦਾ ਹੈ।" ਉਨ੍ਹਾਂ ਨੇ ਡਾ. ਕਟਾਰੀਆ ਨੂੰ ਐਵਾਰਡ ਮਿਲਣ 'ਤੇ ਵਧਾਈ ਦਿੱਤੀ |
ਇਸ ਸਮਾਰੋਹ ਵਿੱਚ ਦੇਸ਼ ਭਰ ਦੀਆਂ ਵੱਖ-ਵੱਖ ਵਿੱਦਿਅਕ ਸੰਸਥਾਵਾਂ ਵਿੱਚੋਂ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ (ਪੰਜਾਬ); ਮਨੀਪਾਲ ਯੂਨੀਵਰਸਿਟੀ ਜੈਪੁਰ (ਰਾਜਸਥਾਨ); ਜੈਪੁਰੀਆ ਇੰਸਟੀਚਿਊਟ ਆਫ ਮੈਨੇਜਮੈਂਟ (ਰਾਜਸਥਾਨ); ਸੇਂਟ ਮੈਰੀ (ਹੈਦਰਾਬਾਦ); ਮਨੀਪੁਰ ਯੂਨੀਵਰਸਿਟੀ; ਐਸ ਜੀ ਟੀ ਯੂਨੀਵਰਸਿਟੀ (ਹਰਿਆਣਾ); ਸਿੱਕਮ ਮਨੀਪਾਲ ਯੂਨੀਵਰਸਿਟੀ (ਸਿੱਕਮ), ਕੇ ਆਈ ਈ ਟੀ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ (ਗਾਜ਼ੀਆਬਾਦ); ਨੇਤਾਜੀ ਸੁਭਾਸ਼ ਚੰਦਰ ਇੰਸਟੀਚਿਊਟ ਆਫ ਟੈਕਨਾਲੋਜੀ (ਦਿੱਲੀ); ਵੇਲਮਲ ਇੰਜੀਨੀਅਰਿੰਗ ਕਾਲਜ (ਤਾਮਿਲਨਾਡੂ); ਮਾਰ ਬੇਸੇਲੀਓਸ ਇੰਸਟੀਚਿਊਟ ਆਫ ਟੈਕਨਾਲੋਜੀ ਐਂਡ ਸਾਇੰਸ (ਕੇਰਲਾ); ਜੇ ਐੱਸ ਐੱਸ ਅਕੈਡਮੀ ਆਫ ਹਾਇਰ ਐਜੂਕੇਸ਼ਨ ਐਂਡ ਰਿਸਰਚ (ਕਰਨਾਟਕ); ਕਲਾਸਾਲਿੰਗਮ ਅਕੈਡਮੀ ਆਫ਼ ਰਿਸਰਚ ਐਂਡ ਐਜੂਕੇਸ਼ਨ (ਤਾਮਿਲਨਾਡੂ); ਅੰਮ੍ਰਿਤਸਰ ਗਰੁੱਪ ਆਫ਼ ਕਾਲੇਜਿਸ (ਪੰਜਾਬ); ਅੰਬਾਲਿਕਾ ਇੰਸਟੀਚਿਊਟ ਆਫ ਮੈਨੇਜਮੈਂਟ ਐਂਡ ਟੈਕਨਾਲੋਜੀ (ਯੂ ਪੀ); ਭਾਰਤੀ ਵਿਦਿਆਪੀਠ ਇੰਸਟੀਚਿਊਟ ਆਫ਼ ਮੈਨੇਜਮੈਂਟ ਸਟੱਡੀਜ਼ ਐਂਡ ਰਿਸਰਚ (ਮਹਾਰਾਸ਼ਟਰ); ਟੈਕਨੀਆ ਇੰਸਟੀਚਿਊਟ ਆਫ਼ ਐਡਵਾਂਸਡ ਸਟੱਡੀਜ਼ (ਦਿੱਲੀ), ਲਕਸ਼ਮੀ ਨਰਾਇਣ ਕਾਲਜ ਆਫ਼ ਟੈਕਨਾਲੋਜੀ (ਮੱਧ ਪ੍ਰਦੇਸ਼) ਆਦਿ ਨੇ ਅਵਾਰਡ ਜਿੱਤੇ।