ਰਿਆਤ ਬਾਹਰਾ ਯੂਨੀਵਰਸਿਟੀ ਸਕੂਲ ਆਫ਼ ਲਾਅ ਵੱਲੋਂ 'ਕਾਨੂੰਨ ਅਤੇ ਮਨੋਵਿਗਿਆਨ ਵਿਚਕਾਰ ਸਬੰਧ: ਖੋਜ ਵਿੱਚ ਅੰਤਰ-ਅਨੁਸ਼ਾਸਨਿਕਤਾ ਦਾ ਅਧਿਐਨ' ਵਿਸ਼ੇ 'ਤੇ ਇਕ ਐਕਸਪਰਟ ਟਾਕ ਦਾ ਆਯੋਜਨ ਕੀਤਾ ਗਿਆ। ਇਸ ਐਕਸਪਰਟ ਟਾਕ ਦੌਰਾਨ ਰੀਹੈਬ ਮਨੋਵਿਗਿਆਨੀ ਅਤੇ ਰੀਹੈਬਲੀਟੇਸ਼ਨ ਕੌਂਸਲ ਆਫ਼ ਇੰਡੀਆ (ਆਰਸੀਆਈ) ਦੀ ਮਾਨਸਿਕ ਸਿਹਤ ਸਲਾਹਕਾਰ ਸੀਮਾ ਗੁਪਤਾ ਨੇ ਮੁੱਖ ਬੁਲਾਰੇ ਵਜੋਂ ਸ਼ਿਰਕਤ ਕੀਤੀ ਅਤੇ ਮਾਹਿਰ ਭਾਸ਼ਣ ਦਿੱਤਾ। ਮਾਹਿਰ ਸੀਮਾ ਗੁਪਤਾ ਨੇ ਦੱਸਿਆ ਕਿ ਕਾਨੂੰਨ ਅਤੇ ਮਨੋਵਿਗਿਆਨ ਦੋ ਵੱਖ-ਵੱਖ ਵਿਸ਼ੇ ਹਨ ਪਰ ਇਨ੍ਹਾਂ ਵਿੱਚ ਬਹੁਤ ਕੁਝ ਸਮਾਨ ਹੈ ਜਦੋਂ ਕਿ ਮਨੋਵਿਗਿਆਨ ਦਾ ਟੀਚਾ ਵਿਵਹਾਰ ਨੂੰ ਸਮਝਣਾ ਹੈ, ਕਾਨੂੰਨ ਦਾ ਟੀਚਾ ਇਸ ਨੂੰ ਨਿਯਮਤ ਕਰਨਾ ਹੈ।
ਰਿਆਤ ਬਾਹਰਾ ਯੂਨੀਵਰਸਿਟੀ ਦੇ ਚਾਂਸਲਰ ਗੁਰਵਿੰਦਰ ਸਿੰਘ ਬਾਹਰਾ ਅਤੇ ਵਾਈਸ-ਚਾਂਸਲਰ ਡਾ: ਪਰਵਿੰਦਰ ਸਿੰਘ ਨੇ ਇਸ ਮਾਹਿਰ ਭਾਸ਼ਣ ਦੇ ਆਯੋਜਨ ਲਈ ਸਕੂਲ ਆਫ਼ ਲਾਅ ਦੇ ਉੱਦਮ ਦੀ ਸ਼ਲਾਘਾ ਕੀਤੀ। ਇਸ ਤੋਂ ਪਹਿਲਾਂ ਰਿਆਤ ਬਾਹਰਾ ਯੂਨੀਵਰਸਿਟੀ ਸਕੂਲ ਆਫ਼ ਲਾਅ ਦੀ ਡੀਨ ਡਾ. ਰਿਚਾ ਰੰਜਨ ਨੇ ਮਾਹਿਰ ਬੁਲਾਰੇ ਦਾ ਸੁਆਗਤ ਕੀਤਾ ਅਤੇ ਕਿਹਾ ਕਿ ਮਨੋਵਿਗਿਆਨ ਫੈਸਲੇ ਲੈਣ ਵਿੱਚ ਮਦਦ ਕਰਦਾ ਹੈ। ਪ੍ਰੋਗਰਾਮ ਦੇ ਅੰਤ ਵਿੱਚ ਵਿਦਿਆਰਥੀ ਭਲਾਈ ਡੀਨ ਡਾ. ਸਿਮਰਜੀਤ ਕੌਰ ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਉਨ੍ਹਾਂ ਕਿਹਾ ਕਿ ਵਿਦਿਆਰਥੀਆਂ ਨੂੰ ਆਪਣੇ ਆਪ ਨੂੰ ਸਮਾਂ ਦੇਣਾ ਚਾਹੀਦਾ ਹੈ,ਤਾਂ ਜੋ ਉਨ੍ਹਾਂ ਦੀ ਧਾਰਨਾ ਸਪੱਸ਼ਟ ਹੋ ਸਕੇ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਪ੍ਰੋ: ਐਮਐਸ ਬੈਂਸ , ਮੋਨਿਕਾ ਬੈਂਸ ਅਤੇ ਸਕੂਲ ਆਫ ਲਾਅ ਦੇ ਸਮੂਹ ਫੈਕਲਟੀ ਮੈਂਬਰ ਮੌਜੂਦ ਸਨ