ਹਰਿਆਣਾ ਦੇ ਸਪੀਕਰ ਗਿਆਨ ਚੰਦ ਗੁਪਤਾ ਨੇ ਬੀਤੇ ਦਿਨ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਵੱਲੋਂ ਪ੍ਰਵਾਸੀਆਂ ਲਈ ਵਰਤੇ ਗਏ ਸ਼ਬਦਾਂ ਲਈ ਸਖ਼ਤ ਅਲੋਚਨਾ ਕੀਤੀ ਹੈ। ਸਪੀਕਰ ਗੁਪਤਾ ਨੇ ਕਿਹਾ ਕਿ ਮੁੱਖ ਮੰਤਰੀ ਚੰਨੀ ਨੇ ਜਿਸ ਤਰਾਂ ਪ੍ਰਿਯਕਾ ਗਾਂਧੀ ਦੀ ਹਾਜ਼ਰੀ ਵਿਚ ਯੂ.ਪੀ, ਬਿਹਾਰ, ਦਿੱਲੀ ਦੇ ਲੋਕਾਂ ਲਈ ''ਭਈਏ'' ਸ਼ਬਦ ਵਰਤਣਾ ਇਨ੍ਹਾਂ ਰਾਜਾਂ ਦੇ ਵਸਨੀਕਾਂ ਦੀ ਬੇਇੱਜ਼ਤੀ ਕਰਨਾ ਹੈ। ਪੰਜਾਬੀਆਂ ਨੂੰ ਵੀ ਯੂ.ਪੀ, ਬਿਹਾਰ ਵਿਚ ਪੂਰਾ ਇੱਜ਼ਤ ਮਾਣ ਦਿਤਾ ਜਾਂਦਾ ਹੈ, ਕਿਉਂਕਿ ਉਹ ਵੀ ਭਾਰਤ ਦੇ ਨਾਗਰਿਕ ਹਨ। ਦੂਜੇ ਪਾਸੇ ਕਾਂਗਰਸ ਲੋਕਾਂ ਵਿਚ ਵੰਡੀਆਂ ਪਾ ਕੇ ਰਾਜ ਕਰਨਾ ਚਾਹੁੰਦੀ ਹੈ । ਜਦ ਕਿ ਭਾਜਪਾ ਨੇ ਸਦਾ ਦੇਸ਼ ਦੇ ਹਰ ਨਾਗਰਿਕ ਨੂੰ ਗਲ ਨਾਲ ਲਗਾ ਕੇ ਹਰ ਵਿਅਕਤੀ ਅਤੇ ਹਰ ਰਾਜ ਦੇ ਵਿਕਾਸ ਵਿਚ ਕੋਈ ਵਿਤਕਰਾ ਨਹੀਂ ਕੀਤਾ ਹੈ।
ਸਪੀਕਰ ਗਿਆਨ ਚੰਦ ਗੁਪਤਾ ਨੇ ਕਾਂਗਰਸ ਪਾਰਟੀ ਤੇ ਵਰ੍ਹਦੇ ਹੋਏ ਕਿਹਾ ਕਿ ਅਸੀਂ ਸਭ ਭਾਰਤ ਵਾਸੀ ਹਾਂ ਜਦ ਕਿ ਕਾਂਗਰਸ ਨੇ ਸਦਾ ਸਭ ਭਾਰਤੀਆਂ ਨੂੰ ਧਰਮਾਂ, ਜਾਤਾਂ ਜਾਂ ਰਾਜਾਂ ਵਿਚ ਵੰਡਣ ਦੀ ਰਾਜਨੀਤੀ ਖੇਡੀ ਹੈ। ਚੰਨੀ ਦੇ ਇਸ ਬਿਆਨ ਨਾਲ ਇਹ ਵੀ ਸਿੱਧ ਹੋ ਗਿਆ ਹੈ ਕਿ ਕਾਂਗਰਸੀਆਂ ਅੰਦਰ ਪ੍ਰਵਾਸੀਆਂ ਲਈ ਕਿੰਨੀ ਕੁ ਇੱਜ਼ਤ ਹੈ। ਕਾਂਗਰਸ ਪਾਰਟੀਆਂ ਪ੍ਰਵਾਸੀਆਂ ਨੂੰ ਸਿਰਫ਼ ਵੋਟ ਬੈਂਕ ਸਮਝਦੀ ਹੈ। ਇਨ੍ਹਾਂ ਚੋਣਾਂ ਵਿਚ ਦੇਸ਼ ਵਿਚ ਵੰਡੀਆਂ ਪਾਉਣ ਵਾਲੀ ਕਾਂਗਰਸ ਪਾਰਟੀ ਨੂੰ ਕੋਈ ਪ੍ਰਵਾਸੀ ਵੋਟ ਨਹੀ ਪਵੇਗਾ।ਉਨ੍ਹਾਂ ਨੇ ਪ੍ਰਿਯਕਾ ਗਾਂਧੀ ਤੇ ਤਜ ਕੱਸਦੇ ਹੋਏ ਕਿਹਾ ਕਿ ਮੰਚ ਤੇ ਖੜੇ ਹੋ ਕੇ ਜੇਕਰ ਸੂਬੇ ਦਾ ਮੁੱਖ ਮੰਤਰੀ ਯੂ.ਪੀ, ਬਿਹਾਰ ਵਾਲਿਆਂ ਦੀ ਬੇਇੱਜ਼ਤੀ ਕਰਦਾ ਹੈ ਅਤੇ ਪ੍ਰਿਯਕਾ ਗਾਂਧੀ ਵੀਡਿੳ ਵਿਚ ਨਾਲ ਖੜੀ ਤਾੜੀਆਂ ਮਾਰ ਕੇ ਹੱਸ ਰਹੀ ਹੈ। ਇਸ ਤਰਾਂ ਲੋਕਾਂ ਨੂੰ ਆਪਸ ਵਿਚ ਲੜਾ ਕੇ ਅਤੇ ਫ਼ਿਰਕਿਆਂ ਵਿਚ ਵੰਡਣ ਵਾਲੀ ਸੋਚ ਨਾਲ ਕੀ ਕਾਂਗਰਸ ਦੇਸ਼ ਦੇ ਵਿਕਾਸ ਦੀ ਗੱਲ ਕਰਦੇ ਹਨ।