ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਅਨੁਰਾਗ ਠਾਕੁਰ ਨੇ ਹਿਮਾਚਲੀ ਮੂਲ ਦੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਨਿਗਮ ਚੋਣਾਂ ਦੌਰਾਨ ਭਾਜਪਾ ਦੀ ਜਿੱਤ ਨੂੰ ਸੁਨਿਸ਼ਚਿਤ ਕਰਨ ਲਈ ਵੋਟ ਦੇਣ। ਭਾਜਪਾ ਦੇ ਨਾਲ ਹੀ ਹਿਮਾਚਲ ਵਾਸੀਆਂ ਦੇ ਹਿੱਤ ਸੁਰੱਖਅਤ ਹਨ। ਉਨ੍ਹਾਂ ਐਤਵਾਰ ਨੂੰ ਵਾਰਡ ਨੰ. 35 ਤੋਂ ਪਾਰਟੀ ਉਮੀਦਵਾਰ ਰਾਜਿੰਦਰ ਸ਼ਰਮਾ ਦੇ ਸਮਰਥਨ ਵਿਚ ਸੈਕਟਰ 48, ਵਾਰਡ ਨੰ. 13 ਤੋਂ ਪਿ੍ਰੰਸ ਬੰਡੂਲਾ ਦੇ ਸਮਰਥਨ ਵਿਚ ਪੰਜਾਬ ਵਿਵੀ ਕੈਂਪਸ ਵਿਚ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕੀਤਾ, ਉਥੇ ਹੀ ਉਨ੍ਹਾਂ ਵਾਰਡ ਨੰ. 27 ਤੋਂ ਪਾਰਟੀ ਉਮੀਦਵਾਰ ਰਵੀ ਰਾਵਤ ਦੇ ਸਮਰਥਲ ਵਿਚ ਮੀਟਿੰਗ ਨੂੰ ਵੀ ਸੰਬੋਧਨ ਕੀਤਾ। ਅਨੁਰਾਗ ਠਾਕੁਰ ਨੇ ਚੋਣ ਮੀਟਿੰਗਾਂ ਦੌਰਾਨ ਹਿਮਾਚਲੀ ਭਾਸ਼ਾ ਵਿਚ ਸ਼ਹਿਰ ਵਾਸੀਆਂ ਦੇ ਰੂਬਰੂ ਹੁੰਦਿਆਂ ਕਿਹਾ ਕਿ ਤੁਸਾਂ ਕਮਲ ’ਤੇ ਮੋਹਰ ਲਗਾਈ ਕੈ ਅਸਾਂ ਦੇ ਭਾਜਪਾ ਉਮੀਦਵਾਰਾਂ ਨੂੰ ਜਤਾਉਣਾ। ਅਨੁਸਾਰ ਦੀ ਇਹ ਅਪੀਲ ਸੁਣਦਿਆਂ ਹੀ ਚੋਣ ਮੀਟਿੰਗ ਵਿਚ ਮੌਜੂਦ ਹਿਮਾਚਲੀ ਲੋਕਾਂ ਨੇ ਹੱਥ ਖੜੇ ਕਰਕੇ ਭਾਪਜਾ ਦੇ ਸਮਰਥਨ ਦਾ ਐਲਾਨ ਕੀਤਾ।
ਅਨੁਰਾਗ ਠਾਕੁਰ ਨੇ ਕਿਹਾ ਕਿ ਚੰਡੀਗੜ੍ਹ ਵਾਸੀਆਂ ਲਈ ਡਬਲ ਇੰਜਣ ਦੀ ਸਰਕਾਰ ਬੇਹੱਦ ਲਾਭਦਾਇਕ ਸਿੱਧ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਨੇ ਜੋ ਵੀ ਯੋਜਨਾ ਬਣਾਈ ਹੈ ਉਸਨੂੰ ਚੰਡੀਗੜ੍ਹ ਵਿਚ ਸਭ ਤੋਂ ਪਹਿਲਾਂ ਲਾਗੂ ਕੀਤਾ ਗਿਆ ਹੈ। ਭਵਿੱਖ ਵਿਚ ਵੀ ਕਈ ਯੋਜਨਾਵਾਂ ਲਾਗੂ ਕੀਤੀਆਂ ਜਾ ਰਹੀਆਂ ਹਨ, ਜਿਸਦਾ ਚੰਡੀਗੜ੍ਹ ਵਾਸੀਆਂ ਨੂੰ ਲਾਭ ਮਿਲੇਗਾ। ਉਨ੍ਹਾਂ ਕਿਹਾ ਕਿ ਕੇਂਦਰ ਦੀ ਮੋਦੀ ਸਰਕਾਰ ਨੇ ਆਮ ਜਨਤਾ ਲਈ ਅਨੇਕਾਂ ਯੋਜਨਾਵਾਂ ਚਲਾਈਆਂ ਹਨ। ਜਨ ਧਨ ਯੋਜਨਾ ਨਾਲ ਹਰ ਗਰੀਬ ਨੂੰ ਜੀਰੋ ਬੈਲੇਸ ’ਤੇ ਖਾਤਾ ਖੁਲਵਾਉਣ ਦਾ ਮੌਕਾ ਮਿਲਿਆ ਹੈ। ਇਨ੍ਹਾਂ ਖਾਤਿਆਂ ਵਿਚ ਸਰਕਾਰੀ ਯੋਜਨਾਵਾਂ ਦਾ ਲਾਭ ਵੀ ਸਿੱਧਾ ਲੋਕਾਂ ਦੇ ਖਾਤੇ ਵਿਚ ਜਾ ਰਿਹਾ ਹੈ। ਜਿਸ ਨਾਲ ਬਚੋਲੀਆ ਸਿਸਟਮ ਖਤਮ ਹੋਇਆ ਹੈ। ਇਸ ਮੌਕੇ ਸਮਾਗਮ ਦੇ ਮੁੱਖ ਪ੍ਰਬੰਧਕ ਗੁਰਪ੍ਰੀਤ ਸਿੰਘ ਢਿੱਲੋਂ ਨੇ ਕਿਹਾ ਕਿ ਭਾਜਪਾ ਫਿਰ ਤੋਂ ਨਿਗਮ ਵਿਚ ਸੱਤਾ ਸੰਭਾਲਣ ਜਾ ਰਹੀ ਹੈ। ਇਸ ਜਿੱਤ ਵਿਚ ਹਿਮਾਚਲ ਵਾਸੀਆਂ ਦੀ ਭੂਮੀਕਾ ਅਹਿਮ ਹੋਵੇਗੀ। ਇਸ ਮੌਕੇ ਵਾਰਡ ਪ੍ਰਧਾਨ ਨੀਲਮ ਸਾਹੀ, ਪ੍ਰਮੋਦ ਚੌਹਾਨ, ਆਜ਼ਾਦ ਕੁਮਾਰ ਪੰਕਜ, ਵਿਜੈ ਬਾਲੀ, ਰਾਜੇਸ਼ ਡੋਗਰਾ ਸਮੇਤ ਕਈ ਹਾਜ਼ਰ ਸਨ।