ਅੰਬਾਲਾ ਦੇ ਸੰਸਦ ਮੈਂਬਰ ਅਤੇ ਸਾਬਕਾ ਕੇਂਦਰੀ ਮੰਤਰੀ ਰਤਨਲਾਲ ਕਟਾਰੀਆ ਨੇ ਸ਼ਹਿਰ ਵਿਚ ਚੋਣ ਪ੍ਰਚਾਰ ਕੀਤਾ। ਕਟਾਰੀਆ ਨੇ ਸ਼ਹਿਰ ਵਿਚ ਕਈ ਥਾਵਾਂ ’ਤੇ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕਰਦਿਆਂ ਵੋਟਰਾਂ ਨੂੰ ਲਾਮਵੰਮ ਕੀਤਾ। ਰਤਨਲਾਲ ਕਟਾਰੀਆ ਨੇ ਵਾਰਡ ਨੰ. 26 ਤੋਂ ਪਾਰਟੀ ਉਮੀਦਵਾਰ ਰਾਜੇਸ਼ ਕਾਲੀਆ ਦੇ ਸਮਰਥਨ ਵਿਚ ਡੱਡੂਮਾਜਰਾ ਮਾਰਕੀਟ, ਵਾਰਡ ਨੰ. 7 ਤੋਂ ਮਨੋਜ ਸੋਨਕਰ ਦੇ ਸਮਰਥਨ ਵਿਚ ਮੌਲੀ ਜਾਗਰਾ ਮਾਰਕੀਟ, ਵਾਰਡ ਨੰ. 31 ਤੋਂ ਭਾਜਪਾ ਉਮੀਦਵਾਰ ਭਾਰਤ ਕੁਮਾਰ ਦੇ ਸਮਰਥਨ ਵਿਚ ਸੈਕਟਰ 52 ਅਤੇ ਵਾਰਡ ਨੰ. 16 ਤੋਂ ਪਾਰਟੀ ਉਮੀਦਵਾਰ ਊਸ਼ਾ ਦੇ ਸਮਰਥਨ ਵਿਚ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕੀਤਾ। ਰਤਨ ਲਾਲ ਕਟਾਰੀਆ ਨੇ ਕਿਹਾ ਕਿ ਚੋਣ ਪ੍ਰਚਾਰ ਜਿਵੇਂ ਜਿਵੇਂ ਸਮਾਪਤ ਹੋਣ ਵੱਲ੍ਹ ਵੱਧ ਰਿਹਾ ਹੈ ਉਵੇ ਉਵੇ ਇਹ ਚੋਣ ਇਕ ਤਰਫਾ ਹੁੰਦੇ ਜਾ ਰਹੇ ਹਨ। ਚੰਡੀਗੜ੍ਹ ਵਾਸੀ ਫਿਰ ਤੋਂ ਭਾਜਪਾ ਨੂੰ ਸੱਤਾ ਸੌਂਪਣ ਦਾ ਮਨ ਬਣਾ ਚੁੱਕੇ ਹਨ। ਕਟਾਰੀਆ ਨੇ ਕਿਹਾ ਕਿ ਪੂਰੇ ਚੋਣ ਪ੍ਰਚਾਰ ਦੌਰਾਨ ਕਾਂਗਰਸ ਜਿਥੇ ਆਪਣੇ ਘਸਮਾਣ ਵਿਚ ਰੁੱਝੀ ਹੋਈ ਹੈ, ਉਥੇ ਹੀ ਆਮ ਆਦਮੀ ਪਾਰਟੀ ਦਾ ਝਾੜੂ ਵੀ ਬਿਖਰ ਚੁੱਕਾ ਹੈ। ਨਿਗਮ ਵਿਚ ਫਿਰ ਤੋਂ ਕਮਲ ਖਿਲੇਗਾ ਅਤੇ ਡਬਲ ਇੰਜਣ ਦੀ ਸਰਕਾਰ ਇਥੇ ਦੇ ਵਿਕਾਸ ਨੂੰ ਤੇਜ਼ੀ ਨਾਲ ਅੱਧੇ ਵਧਾਏਗੀ। ਇਸ ਮੌਕੇ ਪਾਰਟੀ ਆਗੂ ਰਾਕੇਸ਼ ਅਗਰਵਾਲ, ਅਰਵਿੰਦ ਸਿੰਘ, ਲਲਿਤ ਚੌਹਾਨ, ਵਰਿੰਦਰ ਟਮਟਾ ਸਮੇਤ ਕਈ ਹੋਰ ਮੌਜੂਦ ਸਨ।