ਪੰਜਾਬ ਸਰਕਾਰ ਡੇਅਰੀ ਸੈਕਟਰ ਤੇ ਸਹਾਇਕ ਧੰਦਿਆਂ ਨੂੰ ਉਤਸ਼ਾਹਿਤ ਕਰਨ ਲਈ ਦਿਨ ਰਾਤ ਇੱਕ ਕਰਕੇ ਕੰਮ ਕਰ ਰਹੀ ਹੈ। ਜਿਸ ਦੇ ਵੱਡੇ ਪੱਧਰ ਤੇ ਸਾਰਥਕ ਸਿੱਟੇ ਨਿਕਲੇ ਹਨ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਪੰਜਾਬ ਸਰਕਾਰ ਦੇ ਪੇਂਡੂ ਵਿਕਾਸ ਤੇ ਪੰਚਾਇਤ ,ਪਸ਼ੂ ਪਾਲਣ,ਮੱਛੀ ਪਾਲਣ ਅਤੇ ਡੇਅਰੀ ਵਿਕਾਸ ,ਉਚੇਰੀ ਸਿਖਿਆ ਮੰਤਰੀ ਰਾਜਿੰਦਰ ਸਿੰਘ ਬਾਜਵਾ ਨੇ ਕਰਦਿਆਂ ਦੱਸਿਆ ਕਿ ਇਨਾਂ ਉਪਰਾਲਿਆਂ ਦੀ ਲੜੀ ਤਹਿਤ ਬਸੀ ਪਠਾਣਾਂ ਦੇ ਉੱਦਮੀ ਨੌਜਵਾਨ ਸ: ਜਤਿੰਦਰਪਾਲ ਸਿੰਘ ਕਾਹਲੌ ਜੋ ਕਿ ਬਖਸ਼ੀਸ਼ ਇੰਡਸਟਰੀਜ਼ ਬਸੀ ਪਠਾਣਾਂ ਦੇ ਮਾਲਕ ਹਨ ,ਵੱਲੋ ਹਰੇ ਚਾਰੇ ਜਿਵੇ ਮੱਕੀ,ਚਰੀ,ਬਾਜਰਾ,ਜਵੀ ਆਦਿ ਦਾ ਸਾਈਲੇਜ ਬਣਾਉਣ ਲਈ ਸਾਈਲੇਰ ਬੇਲਰ ਤੇ ਰੈਪਰ ਮਸ਼ੀਨ ਤਿਆਰ ਕੀਤੀ ਗਈ ਹੈ।ਕੈਬਨਿਟ ਮੰਤਰੀ ਨੇ ਦੱਸਿਆ ਕਿ ਇਹ ਮਸ਼ੀਨ ਪਸੂਆਂ ਲਈ ਅਚਾਰ ਦੀਆਂ ਗੰਢਾਂ ਤਿਆਰ ਕਰਦੀ ਹੈ।ਇਸ ਮਸ਼ੀਨ ਦੀ ਕੀਮਤ 15.68 ਲੱਖ ਰੁਪਏ ਸਮੇਤ ਟੈਕਸ ਜਿਸ ਤੇ ਪੰਜਾਬ ਸਰਕਾਰ ਦੇ ਪੰਜਾਬ ਡੇਅਰੀ ਵਿਕਾਸ ਬੋਰਡ ਵੱਲੋ 40ਫੀਸਦੀ ਜਾਂ ਵੱਧ ਤੋ ਵੱਧ 5 ਲੱਖ 60 ਹਜਾਰ ਰੁਪਏ ਸਬਸਿਡੀ ਇਸ ਮਸ਼ੀਨ ਤੇ ਦਿੱਤੀ ਜਾ ਰਹੀ ਹੈ।ਪਿਛਲੇ ਦਿਨੀ ਮੰਤਰੀ ਸ: ਰਾਜਿੰਦਰ ਸਿੰਘ ਬਾਜਵਾ ਵੱਲੋ ਇਸ ਯੂਨਿਟ ਦਾ ਦੋੋਰਾ ਕੀਤਾ ਗਿਆ ਅਤ਼ੇ ਇਸ ਦੇ ਮਾਲਕ ਜਤਿੰਦਰਪਾਲ ਸਿੰਘ ਕਾਹਲੋ ਦੇ ਇਸ ਉਦਮ ਦੀ ਸ਼ਲਾਘਾ ਕੀਤੀ ਗਈ ਇਸ ਮੋਕੇ ਉਹਨਾ ਵੱਲੋ ਡੇਅਰੀ ਫਾਰਮਿੰਗ ਸਬੰਧੀ ਤਿਆਰ ਕੀਤੀ ਹੋਰ ਮਸ਼ੀਨਰੀ ਦਾ ਵੀ ਜਾਇਜਾ ਲਿਆ ਗਿਆ ।
ਉਨਾਂ ਵੱਲੋ ਕਿਹਾ ਗਿਆ ਕਿ ਇਸ ਇੰਡਸਟਰੀਅਲ ਯੂਨਿਟ ਵੱਲੋ ਬਣਾਈਆਂ ਮਸ਼ੀਨਾਂ ਪੰਜਾਬ ਵਿੱਚ ਡੇਅਰੀ ਫਾਰਮਿੰਗ ਦੇ ਕਿੱਤੇ ਨੂੰ ਨਵੀਆਂ ਉਚਾਈਆਂ ਉੱਤੇ ਲੈ ਕੇ ਜਾਣਗੀਆਂ ਅਤੇ ਡੇਅਰੀ ਫਾਰਮਿੰਗ ਅਪਣਾ ਕੇ ਪੰਜਾਬ ਦਾ ਕਿਸਾਨ ਖੁਸ਼ਹਾਲ ਹੋਵੇਗਾ, ਉਹਨਾ ਕਿਸਾਨਾ ਨੂੰ ਸੱਦਾ ਦਿੱਤਾ ਕਿ ਉਹ ਕਣਕ ਝੌਨੇ ਦੇ ਫਸਲੀ ਚੱਕਰ ਵਿੱਚੋ ਬਾਹਰ ਨਿਕਲਣ ਲਈ ਡੇਅਰੀ ਫਾਰਮਿੰਗ ਸਹਾਇਕ ਧੰਦੇ ਵਜੋੋ ਅਪਨਾਉਣ ।ਉਨਾ ਆਖਿਆ ਕਿ ਡੇਅਰੀ ਧੰਦੇ ਨੂੰ ਅਪਣਾ ਕੇ ਕਿਸਾਨ ਆਪਣੀ ਆਰਥਿਕਤਾ ਵਿੱਚ ਹੋਰ ਸੁਧਾਰ ਲਿਆ ਸਕਦੇ ਹਨ ।ਇਸ ਮੌਕੇ ਉਹਨਾ ਨੇ ਬਖਸ਼ੀਸ਼ ਇੰਡਸਟਰੀਜ ਵੱਲੋ ਤਿਆਰ ਸਾਈਲੇਜ ਬੇਲਰ ਖਰੀਦਣ ਵਾਲਿਆ ਨੂੰ ਸਬਸਿਡੀ ਦੇ ਸ਼ੈਕਸ਼ਨ ਪੱਤਰ ਦਿੱਤੇ ਗਏ ।ਇਸ ਮੋੋਕੇ ਹਲਕਾ ਵਿਧਾਇਕ ਸ਼੍ਰੀ ਗੁਰਪ੍ਰੀਤ ਸਿੰਘ ਜੀ.ਪੀ ਡੇਅਰੀ ਵਿਕਾਸ ਵਿਭਾਗ ਪੰਜਾਬ ਦੇ ਡਾਇਰੈਕਟਰ ਸ਼੍ਰੀ ਕਰਨੈਲ ਸਿੰਘ ,ਵਧੀਕ ਡਿਪਟੀ ਕਮਿਸ਼ਨਰ(ਵਿਕਾਸ)ਨਵਲ ਕਿਸ਼ਨ,ਡੀ.ਐਸ.ਪੀ ਸੁਖਜਿੰਦਰ ਸਿੰਘ ਚੌਹਾਨ,ਐਕਸ਼ੀਅਨ ਪੰਚਾਇਤੀ ਰਾਜ ਸ਼੍ਰੀ ਜਸਬੀਰ ਸਿੰਘ ,ਡਿਪਟੀ ਡਾਇਰੈਕਟਰ ਡੇਅਰੀ ਸ਼੍ਰੀ ਤਜਿੰਦਰ ਪਾਲ ਸਿੰਘ ਪੱਟੀ ,ਡਿਪਟੀ ਡਾਇਰੈਕਟਰ ਪਸ਼ੂ ਪਾਲਣ ਡਾ: ਮਨਜੀਤ ਕੁਮਾਰ ,ਚੇਅਰਮੈਨ ਮਾਰਕੀਟ ਕਮੇਟੀ ਸਤਵੀਰ ਸਿੰਘ ,ਨਗਰ ਕੌਸਲ ਬਸੀ ਪਠਾਣਾਂ ਦੇ ਪ੍ਰਧਾਨ ਰਵਿੰਦਰ ਕੁਮਾਰ ਰਿੰਕੂ ,ਪ੍ਰਦੇਸ਼ ਸਕੱਤਰ ਓਮ ਪ੍ਰਕਾਸ਼ ਤਾਂਗੜੀ ,ਕੌਸਲਰ ਅਨਿਲ ਲੂੰਬਾਂ,ਹਰਭਜਨ ਸਿੰਘ ਨਾਮਧਾਰੀ ਆਦਿ ਮੋਜੂਦ ਸਨ ।