ਸੀਨੀਅਰ ਪੁਲਿਸ ਕਪਤਾਨ ਜਿਲਾ ਲੁਧਿਆਣਾ ਦਿਹਾਤੀ ਸ੍ਰੀ ਚਰਨਜੀਤ ਸਿੰਘ ਸੋਹਲ ਵੱਲੋ ਨਸ਼ਾ ਸਮਗੱਲਰਾ, ਗੈਗਸਟਰਾ, ਮਾੜੇ ਅਨਸਰਾ ਦੇ ਖਿਲਾਫ ਚਲਾਈ ਮੁਹਿੰਮ ਨੂੰ ਉਸ ਵਕਤ ਭਾਰੀ ਸਫਲਤਾ ਮਿਲੀ ਜਦੋ ਸ. ਬਲਵਿੰਦਰ ਸਿੰਘ ਪੁਲਿਸ ਕਪਤਾਨ (ਡੀ) ਜਗਰਾਉ, ਸ੍ਰੀ ਜਤਿੰਦਰਜੀਤ ਸਿੰਘ, ਡੀ.ਐਸ.ਪੀ. ਐਸ.ਡੀ. (ਜਗਰਾਉਂ), ਦੇ ਦਿਸ਼ਾ ਨਿਰਦੇਸ਼ਾ ਹੇਠ ਇੰਸਪੈਕਟਰ ਸਿਮਰਜੀਤ ਸਿੰਘ ਮੁੱਖ ਅਫਸਰ ਥਾਣਾ ਸਿਟੀ ਜਗਰਾਉ ਦੀ ਅਗਵਾਈ ਵਿੱਚ ਏ.ਐਸ.ਆਈ. ਹਰਪ੍ਰੀਤ ਸਿੰਘ ਥਾਣਾ ਸਿਟੀ ਜਗਰਾਉ ਨੇ ਸਮੇਤ ਪੁਲਿਸ ਪਾਰਟੀ ਗੁਰਮਨਜੋਤ ਸਿੰਘ ਉਰਫ ਤੁੜ ਪੁੱਤਰ ਮੋਹਣ ਸਿੰਘ, ਗੁਰਤੇਜ ਸਿੰਘ ਉਰਫ ਰਮਨਾ ਪੁੱਤਰ ਜਗਰਾਜ ਸਿੰਘ ਵਾਸੀਆਨ ਚਕਰ ਜਿਲ੍ਹਾ ਲੁਧਿਆਣਾ, ਪਰਵਿੰਦਰ ਸਿੰਘ ਉਰਫ ਬਿੰਦਰ ਪੁੱਤਰ ਕੁਲਦੀਪ ਸਿੰਘ ਵਾਸੀ ਲੱਖਾ ਜਿਲ੍ਹਾ ਲੁਧਿਆਣਾ ਨੂੰ ਇੱਕ .32 ਬੋਰ ਪਿਸਟਲ ਸਮੇਤ 01 ਮੈਗਜੀਨ, 05 ਜਿੰਦਾ ਕਾਰਤੂਸ 32 ਬੋਰ, ਇੱਕ ਪਿਸਤੌਲ ਦੇਸੀ ਕੱਟਾ 315 ਬੋਰ ਸਮੇਤ 02 ਜਿੰਦਾ ਕਾਰਤੂਸ 315 ਬੋਰ, ਕਾਰ ਅਲਟੋ ਨੰਬਰ HR-16C-1900 ਰੰਗ ਚਿੱਟਾ ਸਮੇਤ ਗ੍ਰਿਫਤਾਰ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।ਜਿਕਰਯੋਗ ਹੈ ਕਿ ਏ.ਐਸ.ਆਈ. ਹਰਪ੍ਰੀਤ ਸਿੰਘ ਦੀ ਪੁਲਿਸ ਪਾਰਟੀ ਨੂੰ ਝਾਸ਼ੀ ਰਾਣੀ ਚੋਕ ਕੋਲ ਮੁਖਬਰੀ ਹੋਈ ਸੀ ਕਿ ਗੁਰਮਨਜੋਤ ਸਿੰਘ ਉਰਫ ਤੁੜ ਪੁੱਤਰ ਮੋਹਣ ਸਿੰਘ, ਗੁਰਤੇਜ ਸਿੰਘ ਉਰਫ ਰਮਨਾ ਪੁੱਤਰ ਜਗਰਾਜ ਸਿੰਘ ਵਾਸੀਆਨ ਚਕਰ ਜਿਲ੍ਹਾ ਲੁਧਿਆਣਾ, ਪਰਵਿੰਦਰ ਸਿੰਘ ਉਰਫ ਬਿੰਦਰੀ ਪੁੱਤਰ ਕੁਲਦੀਪ ਸਿੰਘ ਵਾਸੀ ਲੱਖਾ ਜਿਲ੍ਹਾ ਲੁਧਿਆਣਾ ਨਜਾਇਜ ਅਸਲੇ ਨਾਲ ਲੈਸ ਹੋਕੇ ਹੁਲੜਬਾਜੀ ਕਰਨ ਦੇ ਇਰਾਦੇ ਨਾਲ ਸਿਟੀ ਜਗਰਾਉ ਦੇ ਏਰੀਏ ਵਿੱਚ ਆਪਣੀ ਅਲਟੋ ਕਾਰ ਵਿੱਚ ਘੁੰਮ ਰਹੇ ਹਨ। ਜੇਕਰ ਤਹਿਸੀਲ ਚੋਕ ਜਗਰਾਉ ਨਿਗਰਾਨੀ ਰੱਖੀ ਜਾਵੇ ਤਾ ਉਕਤਾਨ ਭਾਰੀ ਮਾਤਰਾ ਵਿੱਚ ਅਸਲੇ ਸਮੇਤ ਕਾਬੂ ਆ ਸਕਦੇ ਹਨ।ਗੁਰਮਨਜੋਤ ਸਿੰਘ ਉਰਫ ਤੁੜ, ਗੁਰਤੇਜ ਸਿੰਘ ਉਰਫ ਰਮਨਾ, ਪਰਵਿੰਦਰ ਸਿੰਘ ਉਰਫ ਬਿੰਦਰੀ, ਗੈਗਸਟਰ ਗੁਰਪ੍ਰੀਤ ਸਿੰਘ ਉਰਫ ਲਹਿਬਰ ਦੇ ਗਰੁੱਪ ਮੈਬਰ ਹਨ, ਇਹਨਾ ਤਿੰਨਾ ਨੋਜਵਾਨਾ ਦੇ ਖਿਲਾਫ ਪਹਿਲਾ ਵੀ ਕਤਲ, ਲੜਾਈ ਝਗੜੇ, ਗਿਰੋਹਬੰਦੀ ਦੇ ਮੁੱਕਦਮੇ ਦਰਜ ਹਨ।