Web Admin

5 Dariya News

ਫ਼ਤਹਿਗੜ੍ਹ ਸਾਹਿਬ , 23 Apr 2021

Last updated on: Apr 23, 2021, 00:00 IST

ਮਗਨਰੇਗਾ ਅਧੀਨ 19.00 ਲੱਖ ਦਿਨਾਂ ਦੇ ਟੀਚੇ ਤੋਂ ਵੱਧ 23.62 ਲੱਖ ਦਿਨਾਂ ਦਾ ਰੁਜ਼ਗਾਰ ਮੁਹੱਈਆ ਕਰਵਾ ਕੇ ਜ਼ਿਲ੍ਹਾ ਫ਼ਤਹਿਗੜ੍ਹ ਸਾਹਿਬ ਸੂਬੇ 'ਚੋਂ ਮੋਹਰੀ ਹੈ। ਇਹ ਜਾਣਕਾਰੀ ਡਿਪਟੀ ਕਮਿਸ਼ਨਰ ਸ਼੍ਰੀਮਤੀ ਅੰਮ੍ਰਿਤ ਕੌਰ ਗਿੱਲ ਨੇ ਬੱਚਤ ਭਵਨ ਵਿਖੇ ਮਗਨਰੇਗਾ ਸਬੰਧੀ ਵਧੀਆ ਕਾਰਗੁਜ਼ਾਰੀ ਵਾਲੇ ਮੁਲਾਜ਼ਮਾਂ ਦਾ ਸਨਮਾਨ ਕਰਨ ਮੌਕੇ ਸਾਂਝੀ ਕੀਤੀ। ਇਸ ਮੌੌਕੇ ਵਧੀਕ ਡਿਪਟੀ ਕਮਿਸ਼ਨਰ ਸ. ਹਰਦਿਆਲ ਸਿੰਘ ਚੱਠਾ ਵੀ ਉਨ੍ਹਾਂ ਦੇ ਨਾਲ ਸਨ।ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਮਗਨਰੇਗਾ ਅਧੀਨ ਰੁਜ਼ਗਾਰ ਹਾਸਲ ਕਰਨ ਵਾਲਿਆਂ ਵਿੱਚੋਂ 80 ਫੀਸਦ ਔਰਤਾਂ ਹਨ ਅਤੇ ਕੁੱਲ 8516 ਪਰਿਵਾਰਾਂ ਨੂੰ 100 ਦਿਨ ਦਾ ਰੁਜ਼ਗਾਰ ਦਿੱਤਾ ਗਿਆ ਹੈ। ਜ਼ਿਲ੍ਹਾ ਫ਼ਤਹਿਗੜ੍ਹ ਵਿੱਚ ਰਿਜੈਕਟਿਡ ਟਰਾਂਜ਼ੈਕਸ਼ਨਾਂ ਨੂੰ ਸਮੇਂ ਸਿਰ ਜਨਰੇਟ ਕੀਤਾ ਜਾਂਦਾ ਹੈ, ਜਿਸ ਸਦਕਾ ਮਗਨਰੇਗਾ ਕਾਮਿਆਂ ਸਬੰਧੀ ਸਮੇਂ ਸਿਰ ਅਦਾਇਗੀ ਯਕੀਨੀ ਬਣਾਈ ਜਾ ਸਕੀ ਹੈ ਤੇ ਬਕਾਇਆ ਰੀਜਨਰੇਸ਼ਨ ਸਿਫ਼ਰ ਹੈ। ਮਗਨਰੇਗਾ ਕਾਮਿਆਂ ਨੂੰ ਔਸਤਨ 73.43 ਦਿਨਾਂ ਦਾ ਰੁਜ਼ਗਾਰ ਮੁਹੱਈਆ ਕਰਵਾਇਆ ਗਿਆ ਹੈ, ਜਿਹੜੀ ਕਿ ਸੂਬੇ ਵਿੱਚੋਂ ਸਭ ਤੋਂ ਵੱਧ ਹੈ।ਜ਼ਿਲ੍ਹੇ ਦੇ ਸਾਰੇ ਪਿੰਡਾਂ ਵਿੱਚ ਮਗਨਰੇਗਾ ਲਾਗੂ ਕੀਤੀ ਗਈ ਹੈ, ਜਿਸ ਤਹਿਤ ਜਿੱਥੇ ਲੋਕਾਂ ਨੂੰ ਰੁਜ਼ਗਾਰ ਮਿਲਿਆ ਹੈ, ਉਥੇ ਵਿਕਾਸ ਦੇ ਕੰਮ ਜਾਰੀ ਹਨ। ਜ਼ਿਲ੍ਹੇ ਵਿੱਚ ਮਗਨਰੇਗਾ ਕਾਰਜਾਂ ਸਬੰਧੀ ਜੀਓ ਟੈਗਿੰਗ 100 ਫੀਸਦ ਹੈ ਤੇ ਕੰਮ ਦੇ ਪੂਰੇ ਹੋਣ ਦੀ ਔਸਤ 71 ਫੀਸਦ ਹੈ।ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਜ਼ਿਲ੍ਹੇ ਵਿੱਚ ਦਵਾਈਆਂ ਦੇ ਬੂਟਿਆਂ ਵਾਲੀਆਂ 05 ਨਰਸਰੀਆਂ ਸਥਾਪਤ ਕੀਤੀਆਂ ਗਈਆਂ ਹਨ, ਜਿਨ੍ਹਾਂ ਵਿੱਚ ਤੁਲਸੀ, ਅਜਵੈਣ, ਪੁਦੀਨਾ, ਅਸ਼ਵਗੰਧ ਆਦਿ ਬੂਟੇ ਸ਼ਾਮਲ ਹਨ।ਇਸ ਦੇ ਨਾਲ ਨਾਲ 317.15 ਲੱਖ ਦੀ ਲਾਗਤ ਨਾਲ 25 ਮਾਡਲ ਪੌਂਡ ਬਣਾਏ ਗਏ ਹਨ। 80.12 ਲੱਖ ਰੁਪਏ ਦੀ ਲਾਗਤ ਨਾਲ 22 ਰੇਨ ਵਾਟਰ ਹਾਰਵੈਸਟਿੰਗ ਸਿਸਟਮ ਲਾਉਣ ਦੇ ਨਾਲ ਨਾਲ 03.50 ਲੱਖ ਰੁਪਏ ਦੀ ਲਾਗਤ ਨਾਲ ਸੋਕ ਪਿਟਸ ਵੀ ਬਣਾਏ ਗਏ ਹਨ।ਨੌਜਵਾਨਾਂ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਤ ਕਰਨ ਦੇ ਮੱਦੇਨਜ਼ਰ ਕਰੀਬ 309 ਲੱਖ ਰੁਪਏ ਦੀ ਲਾਗਤ ਨਾਲ 25 ਮਾਡਲ ਖੇਡ ਮੈਦਾਨ ਤਿਆਰ ਕੀਤੇ ਗਏ ਹਨ ਤੇ ਕਰੀਬ 219 ਲੱਖ ਰੁਪਏ ਦੀ ਲਾਗਤ ਨਾਲ 15 ਓਪਨ ਜਿੰਮ ਲਾਏ ਗਏ ਹਨ। ਇਸ ਦੇ ਨਾਲ ਹੀ ਲੋਕਾਂ ਦੀ ਸਹੂਲਤ ਲਈ ਕਰੀਬ 103 ਲੱਖ ਰੁਪਏ ਦੀ ਲਾਗਤ ਨਾਲ 32 ਪਾਰਕ ਵੀ ਬਣਾਏ ਗਏ ਹਨ।ਸ਼੍ਰੀਮਤੀ ਅੰਮ੍ਰਿਤ ਕੌਰ ਗਿੱਲ ਨੇ ਕਿਹਾ ਕਿ ਉਪਰੋਕਤ ਪ੍ਰਾਪਤੀਆਂ ਪੇਂਡੂ ਵਿਕਾਸ ਵਿਭਾਗ ਤੇ ਮਗਨਰੇਗਾ ਮੁਲਾਜ਼ਮਾਂ ਦੀ ਮਿਹਨਤ ਸਦਕਾ ਹੀ ਹੋ ਸਕੀਆਂ ਹਨ। ਉਨ੍ਹਾਂ ਨੇ ਸਾਰੇ ਸਟਾਫ ਨੂੰ ਇਸੇ ਤਰ੍ਹਾਂ ਮਿਹਨਤ ਨਾਲ ਕੰਮ ਕਰਦੇ ਰਹਿਣ ਲਈ ਪ੍ਰੇਰਿਆ।ਇਸ ਮੌਕੇ ਜਿਨ੍ਹਾਂ ਦਾ ਸਨਮਾਨ ਕੀਤਾ ਗਿਆ, ਉਨ੍ਹਾਂ ਵਿੱਚ ਸੁਖਚੈਨ ਸਿੰਘ, ਗਰਾਮ ਰੁਜ਼ਗਾਰ ਸਹਾਇਕ, ਸਰਹਿੰਦ, ਗੁਰਬਿੰਦਰ ਸਿੰਘ, ਗਰਾਮ ਰੁਜ਼ਗਾਰ ਸਹਾਇਕ, ਖਮਾਣੋਂ, ਸੁਖਪ੍ਰੀਤ ਸਿੰਘ ਗਰਾਮ ਰੁਜ਼ਗਾਰ ਸਹਾਇਕ, ਸਰਹਿੰਦ, ਅਭੈ ਸਿੰਘ ਗਰਾਮ ਰੁਜ਼ਗਾਰ ਸਹਾਇਕ, ਸਰਹਿੰਦ, ਕਰਨਵੀਰ ਸਿੰਘ ਗਰਾਮ ਰੁਜ਼ਗਾਰ ਸਹਾਇਕ, ਸਰਹਿੰੰਦ, ਗੁਰਦੀਪ ਸਿੰਘ ਗਰਾਮ ਰੁਜ਼ਗਾਰ ਸਹਾਇਕ, ਅਮਲੋਹ, ਕੁਲਦੀਪ ਸਿੰਘ ਗਰਾਮ ਰੁਜ਼ਗਾਰ ਸਹਾਇਕ, ਖਮਾਣੋਂ, ਗੁਰਪ੍ਰੀਤ ਕੁਮਾਰ, ਤਕਨੀਕੀ ਸਹਾਇਕ, ਅਮਲੋਹ ਅਤੇ ਹਰਪ੍ਰੀਤ ਕੌਰ ਅਕਾਊਂਟੈਂਟ ਅਮਲੋਹ ਸ਼ਾਮਲ ਹਨ।