ਪਿਛਲੇ ਦਿਨੀ ਗਾਜੀਆਬਾਦ ਵਿਖੇ ਹੋਏ 39 ਵੇ ਨੈਸ਼ਨਲ ਯੂਟਿੰਗ ਬਾਲ ਟੂਰਨਾਮੈਂਟ ਵਿੱਚ ਪੰਜਾਬ ਦੀ ਅੰਡਰ-17 ਲੜਕੇ ਟੀਮ ਨੇ ਰਾਸ਼ਟਰੀ ਪੱਧਰ ਤੇ ਦੂਜਾ ਸਥਾਨ ਹਾਸਿਲ ਕਰਦਿਆ ਸਿਲਵਰ ਮੈਡਲ ਤੇ ਵਿਸ਼ੇਸ਼ ਸਨਮਾਨ ਚਿੰਨ੍ਹ ਹਾਸਲ ਕੀਤਾ। ਇਸ ਜਿੱਤ ਉਪਰੰਤ ਲੜਕਿਆ ਦੀ ਟੀਮ ਨੂੰ ਸੂਟਿੰਗ ਬਾਲ ਐਸੋਸੀਏਸ਼ਨ ਦੇ ਚੀਫ ਪੈਟਰਲ ਡਿਪਟੀ ਕਮਿਸ਼ਨਰ ਫਾਜ਼ਿਲਕਾ ਸ. ਅਰਵਿੰਦ ਪਾਲ ਸਿੰਘ ਸੰਧੂ ਨੇ ਆਪਣੇ ਸਰਕਾਰੀ ਗ੍ਰਹਿ ਵਿਖੇ ਸਨਮਾਨਿਤ ਕੀਤਾ।ਜ਼ਿਕਰਯੌਗ ਹੈ ਕਿ 12,13 ਤੇ 14 ਫਰਵਰੀ ਨੂੰ ਗਾਜੀਆਬਾਦ ਵਿਖੇ ਇਹ ਰਾਸ਼ਟਰੀ ਪੱਧਰ ਦਾ ਟੂਰਨਾਮੈਂਟ ਕਰਵਾਇਆ ਗਿਆ ਸੀ। ਜਿਸ ਵਿੱਚ ਦੇਸ਼ ਦੇ 28 ਸੂਬਿਆ ਤੋਂ ਟੀਮਾ ਨੇ ਭਾਗ ਲਿਆ ਸੀ। ਇਸ ਮੌਕੇ ਹੋਏ ਸਖਤ ਮੁਕਾਬਿਲਆ `ਚ ਵੱਖ-ਵੱਖ ਟੀਮਾਂ ਨੂੰ ਹਰਾਉਂਦਿਆ ਪੰਜਾਬ ਦੀ ਟੀਮ ਨੇ ਸੈਮੀਫਾਈਨਲ `ਚ ਪ੍ਰਵੇਸ਼ ਕੀਤਾ ਜਿਥੇ ਉਸਦਾ ਮੁਕਾਬਲ ਹਰਿਆਣਾ ਦੀ ਟੀਮ ਨਾਲ ਹੋਇਆ। ਇਸ ਮੁਕਾਬਲੇ `ਚ ਪੰਜਾਬ ਨੇ ਹਰਿਆਣਾ ਟੀਮ ਨੂੰ ਚਿੱਤ ਕਰਦਿਆ ਫਾਈਨਲ `ਚ ਪ੍ਰਵੇਸ਼ ਕੀਤਾ। ਫਾਈਨਲ ਵਿੱਚ ਮੁਕਾਬਲਾ ਪੰਜਾਬ ਤੇ ਰਾਜਸਥਾਨ ਦਰਮਿਆਨ ਖੇਡਿਆ ਗਿਆ। ਇਸ ਬੇਹੱਦ ਰੋਚਕ ਤੇ ਸਖਤ ਮੁਕਾਬਲੇ `ਚ ਰਾਜਸਥਾਨ ਦੀ ਟੀਮ ਮੋਹਰੀ ਰਹੀ ਜਦਕਿ ਪੰਜਾਬ ਦੀ ਟੀਮ ਨੇ ਦੂਜੇ ਨੰਬਰ ਤੇ ਰਹਿੰਦਿਆ ਸਿਲਵਰ ਮੈਡਲ ਪ੍ਰਾਪਤ ਕੀਤਾ।ਜਨਰਲ ਸੈਕਟਰੀ ਸੂਟਿੰਗ ਬਾਲ ਐਸੋਸੀਏਸ਼ਨ ਪੰਜਾਬ ਸ਼੍ਰੀ ਸੁਰਜੀਤ ਸਿੰਘ ਨੇ ਦੱਸਿਆ ਕਿ ਨੈਸ਼ਨਲ ਜੂਨੀਅਰ ਸ਼ੁਟਿੰਗ ਬਾਲ ਟੀਮ ਦਾ ਮੈਚ ਬਿਹਾਰ ਦੇ ਬੁੱਧਗਿਯਾ ਵਿੱਚ ਹੋਇਆ ਸੀ। ਜਿਥੇ ਨੈਸ਼ਨਲ ਜੂਨੀਅਰ ਸ਼ੂਟਿੰਗ ਬਾਲ ਟੀਮ ਨੇ ਤੀਜਾ ਸਥਾਨ ਹਾਸਿਲ ਕੀਤਾ।ਇਸ ਮੌਕੇ ਪੰਜਾਬ ਪ੍ਰਧਾਨ ਸੂਟਿੰਗ ਬਾਲ ਐਸੋਸੀਏਸ਼ਨ ਸ. ਰਸਬੀਰ ਸਿੰਘ, ਜੁਆਇਟ ਸੈਕਟਰੀ ਸ. ਸ਼ਾਮਜੀਤ ਸਿੰਘ ਸੰਧੂ,ਕੈਸ਼ੀਅਰ ਸ਼੍ਰੀ ਦੀਪ ਭਾਗਸਰ, ਸਰਪੰਚ ਪਿੰਡ ਭੰਗਾਲਾ ਸ.ਲਾਭ ਸਿੰਘ ਅਤੇ ਸ. ਗੱਜਣ ਸਿੰਘ ਭੰਗਾਲਾ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ।