ਵੁਸ਼ੂ ਐਸੋਸੀਏਸ਼ਨ ਆਫ਼ ਇੰਡੀਆ ਵੱਲੋਂ ਚੰਡੀਗੜ੍ਹ ਯੂਨੀਵਰਸਿਟੀ ਘੜੂੰਆਂ ਵਿਖੇ ਕਰਵਾਈ ਜਾ ਰਹੀ ਪੰਜ ਰੋਜ਼ਾ 29ਵੀਂ ਸੀਨੀਅਰ ਨੈਸ਼ਨਲ ਵੁਸ਼ੂ ਚੈਂਪੀਅਨਸ਼ਿਪ ਦੇ ਚੌਥੇ ਦਿਨ ਸ਼ਾਂਸ਼ੂ ਅਤੇ ਤਾਲੂ ਈਵੰਟਾਂ ਅਧੀਨ ਖਿਡਾਰੀਆਂ ਦੇ ਜ਼ਬਰਦਸਤ ਮੁਕਾਬਲੇ ਵੇਖਣ ਨੂੰ ਮਿਲੇ। ਸ਼ਾਂਸ਼ੂ ਤਹਿਤ ਸੈਮੀਫਾਈਨਲ 'ਚ ਪ੍ਰਵੇਸ਼ ਲਈ ਲੜਕਿਆਂ ਦੇ ਕੁੱਲ 11 ਅਤੇ ਲੜਕੀਆਂ ਦੇ 8 ਭਾਰ ਵਰਗਾਂ ਅਧੀਨ ਕੁਆਰਟਰ ਫਾਈਨਲ ਮੁਕਾਬਲੇ ਕਰਵਾਏ ਗਏ। ਸ਼ਾਂਸ਼ੂ ਦੇ ਕੁਆਰਟਰ ਫਾਈਨਲ ਮੁਕਾਬਲਿਆਂ 'ਚ ਐਸ.ਐਸ.ਸੀ.ਬੀ ਦੇ ਲੜਕਿਆਂ ਦੀ ਟੀਮ ਨੇ ਮੋਹਰੀ ਰਹਿੰਦਿਆਂ 48, 52, 56, 60, 65, 70, 80, 85 ਅਤੇ 90 ਕਿਲੋ ਭਾਰ ਵਰਗਾਂ ਅਧੀਨ ਸ਼ਲਾਘਾਯੋਗ ਪ੍ਰਦਰਸ਼ਨ ਕਰਦਿਆਂ ਸੈਮੀਫਾਈਨਲ ਮੁਕਾਬਲਿਆਂ 'ਚ ਆਪਣੀ ਜਗ੍ਹਾ ਪੱਕੀ ਕੀਤੀ। ਲੜਕੀਆਂ ਦੀਆਂ ਟੀਮਾਂ ਵਿਚੋਂ ਯੂਪੀ ਨੇ ਵਿਰੋਧੀ ਟੀਮਾਂ ਨੂੰ ਸਖ਼ਤ ਟੱਕਰ ਦਿੰਦਿਆਂ 45, 52, 56, 65 ਅਤੇ 75 ਕਿਲੋਗ੍ਰਾਮ ਭਾਰ ਵਰਗਾਂ ਅਧੀਨ ਜਦਕਿ ਹਰਿਆਣਾ ਦੀਆਂ ਲੜਕੀਆਂ ਨੇ 48, 60, 65 ਅਤੇ 75 ਕਿਲੋਗ੍ਰਾਮ ਵਰਗਾਂ ਤਹਿਤ ਸੈਮੀਫਾਈਨਲ 'ਚ ਪਹੁੰਚ ਬਣਾਈ ਯਕੀਨੀ। ਚੌਥੇ ਦਿਨ ਤੱਕ ਤਾਲੂ ਈਵੰਟ ਤਹਿਤ ਹੋਏ ਵੱਖ-ਵੱਖ ਮੁਕਾਬਲਿਆਂ 'ਚ ਬਿਹਤਰੀਨ ਖੇਡ ਪ੍ਰਤਿਭਾ ਵਿਖਾਉਂਦਿਆਂ ਮੱਧ ਪ੍ਰਦੇਸ਼ ਦੇ ਪੁਰਸ਼ ਅਤੇ ਮਹਿਲਾ ਟੀਮਾਂ ਨੇ ਕੁੱਲ 16 ਮੈਡਲ ਹਾਸਲ ਕਰਦਿਆਂ ਜਿੱਤ ਬਰਕਰਾਰ ਰੱਖੀ ਹੈ, ਜਿਸ 'ਚ 6 ਗੋਲਡ, 5 ਸਿਲਵਰ ਅਤੇ 5 ਬ੍ਰਾਂਜ਼ ਮੈਡਲ ਸ਼ਾਮਲ ਹਨ।ਇਸੇ ਤਰ੍ਹਾਂ ਮੁਕਾਬਲਿਆਂ 'ਚ ਸ਼ਾਨਦਾਰ ਵਾਪਸੀ ਕਰਦਿਆਂ ਸਰਵਿਸਿਜ਼ ਸਪੋਰਟਸ ਕੰਟਰੋਲ ਬੋਰਡ (ਐਸ.ਐਸ.ਸੀ.ਬੀ) ਦੇ ਪੁਰਸ਼ ਅਤੇ ਮਹਿਲਾ ਵਰਗਾਂ ਨੇ ਕੁੱਲ 9 ਮੈਡਲ ਆਪਣੇ ਨਾਮ ਕੀਤੇ, ਜਿਸ 'ਚ 4 ਗੋਲਡ, 4 ਸਿਲਵਰ ਅਤੇ ਇੱਕ ਬ੍ਰਾਂਜ਼ ਮੈਡਲ ਸ਼ਾਮਲ ਹੈ।ਸ਼੍ਰੀ ਸੋਹਿਲ ਨੇ ਦੱਸਿਆ ਕਿ ਸ਼ਾਂਸ਼ੂ ਈਵੰਟ ਅਧੀਨ ਖੇਡੇ ਗਏ ਕੁਆਰਟਰ ਫਾਈਨਲ ਮੁਕਾਬਲਿਆਂ ਦੌਰਾਨ 45 ਕਿਲੋਗ੍ਰਾਮ ਭਾਰ ਵਰਗ ਅਧੀਨ ਐਸ.ਐਸ.ਬੀ ਦੀ ਮੁਸਕਾਨ ਨੇ ਪੰਜਾਬ-ਏ ਟੀਮ ਦੀ ਮੁਸਕਾਨ ਨੂੰ 2-1 ਨਾਲ, ਯੂ.ਪੀ ਦੀ ਹੁਮਾ ਖ਼ਾਨ ਨੇ ਮਹਾਂਰਾਸ਼ਟਰ ਦੀ ਵੈਸ਼ਨਵੀ ਨੂੰ 1-0 ਅਤੇ ਰਾਜਸਥਾਨ ਦੀ ਦੀਵਿਆ ਯਾਦਵ ਨੇ ਪੰਜਾਬ-ਬੀ ਦੀ ਕਮਲਜੀਤ ਕੌਰ ਨੂੰ 2-0 ਨਾਲ ਮਾਤ ਦਿੰਦਿਆਂ ਸੈਮੀਫਾਈਨਲ ਮੈਚਾਂ ਲਈ ਲੀਡ ਬਣਾਈ। ਇਸੇ ਤਰ੍ਹਾਂ 48 ਕਿਲੋਗ੍ਰਾਮ ਵਰਗ ਅਧੀਨ ਮਹਾਂਰਾਸ਼ਟਰ ਦੀ ਨਮਰਤਾ ਬੱਤਰਾ ਨੇ ਪੰਜਾਬ-ਏ ਟੀਮ ਦੀ ਰਿਤੂ ਸਵਾਮੀ ਨੂੰ 1-0 ਨਾਲ ਮਾਤ ਦਿੱਤੀ ਜਦਕਿ ਆਲ ਇੰਡੀਆ ਪੁਲਿਸ ਦੀ ਲੈਸ਼ਰਮਾ ਦੇਵੀ ਨੇ 1-0 ਦੇ ਸਕੋਰ ਨਾਲ ਵੈਸਟ ਬੰਗਾਲ ਦੀ ਸੋਹਾਨੀ ਨੂੰ ਹਰਾਇਆ। 52 ਕਿਲੋਗ੍ਰਾਮ ਅਧੀਨ ਆਈ.ਟੀ.ਬੀ.ਪੀ ਦੀ ਸ਼ੁਭਾ ਦੇਵੀ ਨੇ 1-0 ਨਾਲ ਹਿਮਾਚਲ ਦੀ ਪੂਨਮ ਨੂੰ ਮਾਤ ਦਿੱਤੀ ਜਦਕਿ ਯੂਪੀ ਦੀ ਮਨੀਸ਼ਾ ਭੱਟੀ ਨੇ ਅਸਾਮ ਦੀ ਕਵੀਲਾਨੀ ਬ੍ਰਹਮਾ ਨੂੰ 2-0 ਨਾਲ ਹਰਾ ਕੇ ਸੈਮੀਫਾਈਨਲ 'ਚ ਜਗ੍ਹਾ ਬਣਾਈ।
56 ਕਿਲੋਗ੍ਰਾਮ ਵਰਗ ਅਧੀਨ ਯੂਪੀ ਦੀ ਬੁਲਬੁਲ ਚੌਧਰੀ ਨੇ ਕੇਰਲਾ ਦੀ ਸ਼੍ਰੀਜਿਠਾ ਐਮ ਨੂੰ 2-0 ਨਾਲ ਅਤੇ ਅਸਾਮ ਦੀ ਭਾਇਗਾ ਰਾਣੀ ਨੇ ਮੱਧ ਪ੍ਰਦੇਸ਼ ਦੀ ਸੂਰਾਬੀ ਨਾਮਦੇਵ ਨੂੰ 2-1 ਨਾਲ ਮਾਤ ਦਿੱਤੀ।ਲੜਕਿਆਂ ਦੇ ਸ਼ਾਂਸ਼ੂ ਈਵੰਟ ਤਹਿਤ ਖੇਡੇ ਗਏ ਕੁਆਟਰ ਫਾਈਨਲ ਮੁਕਾਬਲਿਆਂ 'ਚ 48 ਕਿਲੋਗ੍ਰਾਮ ਵਰਗ ਅਧੀਨ ਐਸ.ਐਸ.ਸੀ.ਬੀ ਦੇ ਪ੍ਰਵੀਨ ਨੇ ਏਅਰ ਫੋਰਸ ਦੇ ਕੁਸ਼ਾਲ ਕੁਮਾਰ ਨੂੰ 2-1 ਨਾਲ, ਹਰਿਆਣਾ ਦੇ ਗੌਰਵ ਨੇ ਦਿੱਲੀ ਦੇ ਹਰਸ਼ ਸ਼ੌਕੀਨ ਨੂੰ 2-0 ਅਤੇ ਜੰਮੂ ਕਸ਼ਮੀਰ ਦੇ ਹਕੀਕ ਅਹਿਮਦ ਨੇ ਪੰਜਾਬ-ਏ ਦੇ ਗੁਰਸੇਵਕ ਸਿੰਘ ਨੂੰ 2-0 ਨਾਲ ਮਾਤ ਦਿੰਦਿਆਂ ਸੈਮੀਫਾਈਨਲ 'ਚ ਜਗ੍ਹਾ ਬਣਾਈ।52 ਕਿਲੋਗ੍ਰਾਮ ਭਾਰ ਵਰਗ ਅਧੀਨ ਐਸ.ਐਸ.ਸੀ.ਬੀ ਦੇ ਐਮ. ਸੁਨੀਲ ਸਿੰਘ ਪੰਜਾਬ ਦੇ ਪ੍ਰਤੀਕ ਕੁਮਾਰ ਨੂੰ 2-1 ਨਾਲ, ਹਰਿਆਣਾ ਦੇ ਸਾਗਰ ਨੇ ਕੇਰਲਾ ਦੇ ਵਿਧੂ ਨੂੰ 1-0 ਨਾਲ ਅਤੇ ਜੰਮੂ ਕਸ਼ਮੀਰ ਦੇ ਗੌਤਮ ਸ਼ਰਮਾ ਨੇ ਵੁਸ਼ੂ ਐਸੋਸੀਏਸ਼ਨ ਆਫ਼ ਇੰਡੀਆ ਦੇ ਜ਼ੌਸਨ ਸਿੰਘ ਨੂੰ 2-1 ਨਾਲ ਮਾਤ ਦਿੱਤੀ।ਇਸੇ ਤਰ੍ਹਾਂ 60 ਕਿਲੋਗ੍ਰਾਮ ਵਰਗ ਅਧੀਨ ਐਸ.ਐਸ.ਸੀ.ਬੀ ਦੇ ਅਰੁਣ ਨਾਗਰ ਨੇ ਝਾਰਖੰਡ ਦੇ ਸੂਰਜ ਕੁਮਾਰ ਨੂੰ 2-0 ਨਾਲ, ਐਸ.ਐਸ.ਬੀ ਦੇ ਰਵੀ ਪੰਚਾਲ ਨੇ ਚੰਡੀਗੜ੍ਹ ਦੇ ਵਿਕਾਸ ਨੂੰ 2-0 ਨਾਲ ਚਿੱਤ ਕੀਤਾ।ਵੁਸ਼ੂ ਦੇ ਤਾਲੂ ਈਵੰਟ ਅਧੀਨ ਹੋਏ ਮੁਕਾਬਲਿਆਂ ਸਬੰਧੀ ਜਾਣਕਾਰੀ ਦਿੰਦਿਆਂ ਵੁਸ਼ੂ ਐਸੋਸੀਏਸ਼ਨ ਆਫ਼ ਇੰਡੀਆ ਦੇ ਸੀ.ਈ.ਓ ਸ਼੍ਰੀ ਸੋਹਿਲ ਅਹਿਮਦ ਨੇ ਦੱਸਿਆ ਕਿ ਤਾਲੂ ਈਵੰਟ ਤਹਿਤ ਲੜਕਿਆਂ ਦੇ 'ਕੁੰਗ ਫ਼ੂ ਸਿੰਗਲ ਵੈਪਨ' ਮੁਕਾਬਲਿਆਂ ਦੌਰਾਨ ਐਸ.ਐਸ.ਬੀ ਦੀ ਟੀਮ ਤੋਂ ਐਚ ਕੰਗਲੇਨਗਾਂਬਾ ਨੇ 8.75 ਸਕੋਰ ਹਾਸਲ ਕਰਦਿਆਂ ਸੋਨ ਤਮਗ਼ਾ ਹਾਸਲ ਕੀਤਾ ਜਦਕਿ ਮੱਧ ਪ੍ਰਦੇਸ਼ ਟੀਮ ਦੇ ਹਰਸ਼ਿਤ ਨਮਦਿਓ ਨੇ 7.7 ਅੰਕਾਂ ਨਾਲ ਚਾਂਦੀ ਅਤੇ ਮਨੀਪੁਰ ਦੇ ਐਚ. ਓਮੇਗਾ ਨੇ 7.45 ਅੰਕਾਂ ਨਾਲ ਕਾਂਸੀ ਦਾ ਤਮਗ਼ਾ ਆਪਣੇ ਨਾਮ ਕੀਤਾ। ਇਸੇ ਤਰ੍ਹਾਂ ਲੜਕੀਆਂ ਵਿਚੋਂ ਮੱਧ ਪ੍ਰਦੇਸ਼ ਦੀ ਪੂਰਨੀਮਾ ਰਜ਼ਾਕ ਨੇ 6.95 ਅੰਕਾਂ ਨਾਲ ਸੋਨ ਤਮਗ਼ਾ ਹਾਸਲ ਕੀਤਾ ਜਦਕਿ ਕਰਨਾਟਕਾ ਦੀ ਪ੍ਰਗਤੀ ਨੇ 6.9 ਅੰਕਾਂ ਨਾਲ ਚਾਂਦੀ ਅਤੇ ਮੱਧ ਪ੍ਰਦੇਸ਼ ਦੀ ਅੰਜਲੀ ਪ੍ਰੀਹਰ ਨੇ 6.8 ਅੰਕਾਂ ਨਾਲ ਕਾਂਸੀ ਦਾ ਤਮਗ਼ਾ ਝਟਕਿਆ।ਸ਼੍ਰੀ ਸੋਹਿਲ ਨੇ ਦੱਸਿਆ ਕਿ ਕੂੰਗ ਫੂ: ਤਾਜ਼ਿਕਵਾਨ' ਈਵੰਟ ਮੁਕਾਬਲਿਆਂ ਅਧੀਨ ਲੜਕਿਆਂ ਵਿਚੋਂ ਐਸ.ਐਸ.ਸੀ.ਬੀ ਦੇ ਐਮ ਗਿਆਨਦਾਸ਼ ਸਿੰਘ ਨੇ 9.4 ਅੰਕਾਂ ਨਾਲ ਸ਼ਾਨਦਾਰ ਖੇਡ ਪ੍ਰਦਰਸ਼ਨ ਵਿਖਾਉਂਦਿਆਂ ਜਿੱਥੇ ਗੋਲਡ ਮੈਡਲ ਆਪਣੇ ਨਾਮ ਕੀਤਾ ਉਥੇ ਹੀ ਐਸ.ਐਸ.ਸੀ.ਬੀ ਦੇ ਕਿਰਨਜੀਤ ਸ਼ਰਮਾ ਨੇ 9.2 ਅੰਕਾਂ ਨਾਲ ਚਾਂਦੀ ਅਤੇ ਅਸਾਮ ਦੇ ਸਨਮਾ ਬ੍ਰਹਮਾ ਨੇ 8.35 ਅੰਕਾਂ ਨਾਲ ਕਾਂਸੀ ਦਾ ਤਮਗ਼ਾ ਪ੍ਰਾਪਤ ਕੀਤਾ। ਇਸੇ ਤਰ੍ਹਾਂ ਲੜਕੀਆਂ ਦੀ ਟੀਮਾਂ ਵਿਚੋਂ ਮਨੀਪੁਰ ਦੀ ਸਨਾਤੌਂਬੀ ਸ਼ਾਨੂ 9.3 ਅੰਕਾਂ ਨਾਲ ਸੋਨ ਤਮਗ਼ਾ ਹਾਸਲ ਕਰਕੇ ਮੋਹਰੀ ਰਹੀ ਜਦਕਿ ਅਨੂਰਾਂਚਲ ਪ੍ਰਦੇਸ਼ ਦੀ ਮੀਪੂੰਗ ਲਾਂਗੂ ਨੇ 7.8 ਸਕੋਰਾਂ ਨਾਲ ਚਾਂਦੀ ਅਤੇ ਮਹਾਂਰਾਸ਼ਟਰ ਦੀ ਸ਼ਾਰਾਵਨੀ ਕਾਤਕੇ ਨੇ 7.7 ਸਕੋਰਾਂ ਨਾਲ ਕਾਂਸੀ ਦਾ ਤਮਗ਼ਾ ਆਪਣੇ ਨਾਮ ਕੀਤਾ।ਤਾਲੂ: ਨਨਕੁਆਨ ਮੁਕਾਬਲਿਆਂ ਅਧੀਨ ਲੜਕਿਆਂ ਵਿਚੋਂ ਐਸ.ਐਸ.ਸੀ.ਬੀ ਦੇ ਸਾਜਨ ਲਾਮਾ ਨੇ ਬਿਹਤਰੀਨ ਖੇਡ ਪ੍ਰਦਰਸ਼ਨ ਕਰਦਿਆਂ 9.2 ਸਕੋਰ ਪ੍ਰਾਪਤ ਕਰਦਿਆਂ ਸੋਨ ਤਮਗ਼ਾ ਝਟਕਿਆ ਜਦਕਿ ਪੰਜਾਬ ਦੇ ਸ਼ੇਰ ਬਹਾਦਰ ਨੇ 9.1 ਅੰਕਾਂ ਨਾਲ ਚਾਂਦੀ ਅਤੇ ਐਸ.ਐਸ.ਸੀ.ਬੀ ਦੇ ਕੌਸਮ ਨੇ 9 ਸਕੋਰਾਂ ਨਾਲ ਕਾਂਸੀ ਦੇ ਤਮਗ਼ੇ 'ਤੇ ਕਬਜ਼ਾ ਕੀਤਾ।ਲੜਕੀਆਂ ਦੀ ਸ਼੍ਰੇਣੀ ਵਿਚੋਂ ਮਨੀਪੁਰ ਦੀ ਅਰੀਤਾ ਨੇ ਆਪਣੀ ਪ੍ਰਤੀਭਾ ਦੇ ਜ਼ੌਹਰ ਵਿਖਾਉਂਦਿਆਂ 7.6 ਅੰਕਾਂ ਨਾਲ ਸੋਨ ਤਮਗ਼ਾ ਆਪਣੇ ਨਾਮ ਕੀਤਾ ਉਥੇ ਹੀ 7.5 ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਰਹਿੰਦਿਆਂ ਝਾਰਖੰਡ ਦੀ ਗੀਤਾ ਨੇ ਚਾਂਦੀ ਅਤੇ ਰਾਜਸਥਾਨ ਦੀ ਪ੍ਰਾਚੀ ਨੇ 7.4 ਅੰਕਾਂ ਨਾਲ ਕਾਂਸੀ ਦਾ ਤਮਗ਼ਾ ਹਾਸਲ ਕੀਤਾ।