ਪੰਜਾਬੀ ਇੰਡਸਟਰੀ ਵਿਚ ਕਲਾਕਾਰ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਕਦੇ ਖੁਲ ਕੇ ਨਹੀਂ ਬੋਲਦੇ ਭਾਵੇਂ ਇਹ ਉਨ੍ਹਾਂ ਦੀ ਡੇਟਿੰਗ ਜਾਂ ਵਿਆਹੁਤਾ ਜ਼ਿੰਦਗੀ ਬਾਰੇ ਹੋਵੇ। ਹਾਲਾਂਕਿ, ਬਦਲਦੇ ਸਮੇਂ ਦੇ ਨਾਲ, ਕਲਾਕਾਰ ਦਰਸ਼ਕਾਂ ਨਾਲ ਪਾੜੇ ਨੂੰ ਦੂਰ ਕਰਨ ਦੀ ਪੂਰੀ ਕੋਸ਼ਿਸ਼ ਕਰ ਰਹੇ ਹਨ। ਨਿੰਜਾ ਤੋਂ ਲੈ ਕੇ ਬੀ ਪ੍ਰਾਕ, ਜੱਸੀ ਗਿੱਲ, ਕਲਾਕਾਰ ਨਵੇਂ ਟਰੇਂਡ ਸਥਾਪਤ ਕਰ ਰਹੇ ਹਨ। ਇਸ ਲਿਸਟ ਵਿਚ ਜੋ ਨਵਾਂ ਨਾਮ ਸ਼ਾਮਲ ਕੀਤਾ ਗਿਆ ਹੈ ਉਹ ਹੈ ਪੰਜਾਬੀ ਗੀਤਾਂ ਦੀ ਮਸ਼ੀਨ, ਕਰਨ ਔਜਲਾ ਦਾ ਜਿੰਨਾ ਨੇ ਹਾਲ ਹੀ ਚ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਕੋਈ ਟਿੱਪਣੀ ਕੀਤੀ ਹੈ। ਜ਼ੀ ਪੰਜਾਬੀ ਦੇ ਚੈਟ ਸ਼ੋਅ ਦਿਲ ਦੀਆਂ ਗੱਲਾਂ ਵਿਦ ਸੋਨਮ ਬਾਜਵਾ, ਜਿੱਥੇ ਕਰਨ ਔਜਲਾ ਇਸ ਹਫ਼ਤੇ ਮਹਿਮਾਨ ਵਜੋਂ ਸ਼ਾਮਲ ਹੋਏ, ਉਹਨਾਂ ਨੇ ਆਪਣੀ ਨਿੱਜੀ ਜ਼ਿੰਦਗੀ, ਉਸਦੇ ਸੋਸ਼ਲ ਮੀਡੀਆ ਪਸੰਦ, ਉਸਦੇ ਸੰਘਰਸ਼ਾਂ ਬਾਰੇ ਦੱਸਿਆ। ਸ਼ੋਅ ਦੇ ਇੱਕ ਦੌਰ ਵਿੱਚ, ਜਦੋਂ ਸੋਨਮ ਬਾਜਵਾ ਨੇ ਕਰਨ ਔਜਲਾ ਨੂੰ ਆਪਣੇ ਰਿਸ਼ਤੇ ਦੀ ਸਥਿਤੀ ਬਾਰੇ ਪੁੱਛਿਆ, ਲੋਕਾਂ ਦੇ ਵਿਸ਼ਵਾਸਾਂ ਦੇ ਉਲਟ, ਕਰਨ ਔਜਲਾ ਨੇ ਦੱਸਿਆ ਕਿ ਅਜੇ ਉਸਦਾ ਵਿਆਹ ਨਹੀਂ ਹੋਇਆ ਹੈ।ਉਸਨੇ ਅੱਗੇ ਦੱਸਿਆ ਕਿ ਉਹ ਬਹੁਤ ਹੀ ਜਲਦ ਵਿਆਹ ਕਰਾਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਉਸਨੇ ਇਹ ਵੀ ਦੱਸਿਆ ਕਿ ਉਹ ਸੋਨਮ ਬਾਜਵਾ ਅਤੇ ਮੈਂਡੀ ਤੱਖਰ ਦੇ ਸੋਸ਼ਲ ਮੀਡੀਆ ਪ੍ਰੋਫਾਈਲਾਂ ਨੂੰ ਦੇਖਣਾ ਪਸੰਦ ਕਰਦਾ ਹੈ।ਇਨ੍ਹਾਂ ਤੋਂ ਅਲਾਵਾ, ਦਰਸ਼ਕ ਕਰਨ ਔਜਲਾ ਨੂੰ ਆਪਣੇ ਮਾਤਾ ਪਿਤਾ ਦੇ ਦੇਹਾਂਤ ਅਤੇ ਉਸ ਤੋਂ ਬਾਅਦ ਉਨ੍ਹਾਂ ਦੀ ਜ਼ਿੰਦਗੀ ਕਿਵੇਂ ਉਲਟ ਗਈ ਅਤੇ ਉਸ ਸਥਿਤੀ' ਤੇ ਪਹੁੰਚਣ ਲਈ ਉਸ ਦੇ ਸੰਘਰਸ਼ ਬਾਰੇ ਗੱਲ ਕਰਦੇ ਵੀ ਦੇਖਣਗੇ।ਇਹ ਪਹਿਲਾ ਮੌਕਾ ਹੈ ਜਦੋਂ ਕਰਨ ਔਜਲਾ ਕਿਸੇ ਵੀ ਚੈਟ ਸ਼ੋਅ 'ਤੇ ਨਜ਼ਰ ਆਏ ਹਨ। ਕਰਨ ਔਜਲਾ ਦੇ ਨਾਲ ਇਸ ਹਫਤੇ ਨਿਮਰਤ ਖਹਿਰਾ ਵੀ ਸ਼ੋਅ ਵਿੱਚ ਦਿਖਾਈ ਦੇਣਗੇ।ਸ਼ੋਅ ਜ਼ੀ ਪੰਜਾਬੀ 'ਤੇ ਹਰ ਸ਼ਨੀਵਾਰ-ਐਤਵਾਰ ਸ਼ਾਮ 8:30 ਵਜੇ ਤੋਂ 9:30 ਵਜੇ ਤੱਕ ਪ੍ਰਸਾਰਿਤ ਕੀਤਾ ਜਾ ਰਿਹਾ ਹੈ।