ਜ਼ਿਲ੍ਹਾ ਯੋਜਨਾ ਕਮੇਟੀ ਮੋਹਾਲੀ ਦੇ ਚੇਅਰਮੈਨ ਵਿਜੇ ਸ਼ਰਮਾ ਟਿੰਕੂ ਨੇ ਅੱਜ ਇੱਥੇ ਸਥਾਨਕ ਦਫਤਰ ਵਿੱਚ ਹਫਤਾਵਾਰ ਰੱਖੀ ਮੀਟਿੰਗ ਦੌਰਾਨ ਪੰਚਾਇਤਾਂ ਅਤੇ ਹੋਰ ਆਮ ਲੋਕਾਂ ਨਾਲ ਵਿਚਾਰ ਵਟਾਂਦਰੇ ਦੌਰਾਨ ਜ਼ਿਲ੍ਹੇ ਦੇ ਵਿਕਾਸ ਕਾਰਜ਼ਾਂ ਸਬੰਧੀ ਗੱਲਬਾਤ ਕੀਤੀ ਅਤੇ ਪਿੰਡਾਂ ਵਿੱਚੋ ਵਿਕਾਸ ਕਾਰਜਾਂ ਸਬੰਧੀ ਮੀਟਿੰਗ ਦੌਰਾਨ ਪਹੁੰਚੇ ਗ੍ਰਾਮ ਪੰਚਾਇਤਾਂ ਦੇ ਨੁਮਾਇੰਦਿਆਂ ਨੇ ਮੰਗ ਪੱਤਰ ਚੇਅਰਮੈਨ ਨੂੰ ਸੌਂਪੇ । ਇਸ ਮੌਕੇ ਗ੍ਰਾਮ ਪੰਚਾਇਤ ਪਿੰਡ ਫਤਿਹਪੁਰ ਟੱਪਰੀਆ ਦੇ ਸਰਪੰਚ ਨੇ ਸਰਕਾਰੀ ਸਕੂਲ ਦੇ ਰਸਤੇ, ਗਰਾਉਂਡ ਦੀ ਚਾਰ ਦੀ ਦੀਵਾਰੀ,ਸਕੂਲ ਦੀ ਇਮਾਰਤ ਦੀ ਰਿਪੇਅਰ ਲਈ,ਪਿੰਡ ਦੀ ਸਮਸ਼ਾਨਘਾਟ ਦੇ ਰਸਤੇ ਅਤੇ ਮੰਦਰ ਦਾ ਰਸਤਾ ਅਤੇ ਛੱਪੜ ਦੀ ਚਾਰਦੀਵਾਰੀ,ਪਿੰਡ ਦੀਆਂ ਗਲੀਆਂ - ਨਾਲੀਆਂ ਆਦਿ ਲਈ ਫੰਡ ਮੁਹੱਈਆ ਕਰਵਾਉਣ ਦੀ ਮੰਗ ਕੀਤੀ ਇਸੇ ਤਰ੍ਹਾਂ ਹੋਰਨਾ ਪਤਵੰਤਿਆ ਨੇ ਆਪੋ ਆਪਣੀਆ ਮੰਗਾ ਚੇਅਰਮੈਨ ਨੂੰ ਦੱਸੀਆਂ ਅਤੇ ਚੇਅਰਮੈਨ ਸ਼੍ਰੀ ਵਿਜੇ ਸ਼ਰਮਾ ਨੇ ਉਪਰੋਕਤ ਮੰਗਾਂ ਨੂੰ ਪਹਿਲ ਦੇ ਅਧਾਰ ਤੇ ਹੱਲ ਕਰਨ ਦਾ ਭਰੋਸਾ ਦਿਵਾਇਆ ਇਸ ਮੌਕੇ ਹੋਰਨਾ ਤੋ ਇਲਾਵਾ ਪ੍ਰੇਮ ਕੁਮਾਰ ਡਿਪਟੀ ਈ ਐਸ ਏ,ਪੁਸ਼ਪਿੰਦਰ ਸ਼ਰਮਾ ਡਾਇਰੈਕਟਰ,ਸੁਖਦੀਪ ਸਿੰਘ, ਸਤਨਾਮ ਸਿੰਘ ਕੋਚ, ਬਲਵਿੰਦਰ ਸਿੰਘ ਮਾਨ, ਪੰਡਿਤ ਪਰਮਜੀਤ,ਜਗਤਾਰ ਸਿੰਘ ਸਰਪੰਚ ਫਤਿਹਪੁਰ ਟੱਪਰੀਆ, ਅਸ਼ੋਕ ਸ਼ਰਮਾ, ਸਵਰਨ ਸਿੰਘ,ਪਰਮਜੀਤ ਬਲੌਗੀ, ਅਤੇ ਕੁਲਦੀਪ ਸਿੰਘ ਓਇੰਦ ਪੀ ਏ ਟੂ ਚੇਅਰਮੈਨ ਆਦਿ ਹਾਜ਼ਰ ਸਨ।