ਮੈਡੀਕਲ ਸਿੱਖਿਆ ਅਤੇ ਖੋਜ ਮੰਤਰੀ ਪੰਜਾਬ ਸ੍ਰੀ ਓ.ਪੀ. ਸੋਨੀ ਨੇ ਅੱਜ ਏਕਈ ਹਸਪਤਾਲ ਵਿਚ ਜੁਆਇੰਟ ਤਬਦੀਲੀ, ਖੇਡਾਂ ਦੀਆਂ ਸੱਟਾਂ ਅਤੇ ਫ੍ਰੈਕਚਰ ਦੇ ਇਲਾਜ ਲਈ ਸਮਰਪਿਤ ਇਕ 'ਐਡਵਾਂਸਡ ਆਰਥੋਪੈਡਿਕ ਸੰਸਥਾ' (ਏ.ਓ.ਆਈ.) ਦਾ ਉਦਘਾਟਨ ਕੀਤਾ।ਇਸ ਮੌਕੇ ਕੈਬਨਿਟ ਮੰਤਰੀ ਓ.ਪੀ. ਸੋਨੀ ਵੱਲੋਂ ਇੱਕ ਸੁਨੇਹਾ ਦਰਸਾਉਂਦਾ “May this Dussehra be the Harbinger of Peace and brings respite from the ongoing Covid-19 pandemic' ਵਿਸ਼ੇਸ਼ ਪੋਸਟਰ ਵੀ ਲਾਂਚ ਕੀਤਾ ਗਿਆ ਜੋ ਕਿ ਐਡਵੋਕੇਟ ਹਰਪ੍ਰੀਤ ਸੰਧੂ, ਮੀਤ ਪ੍ਰਧਾਨ ਸੇਵਾ ਸੰਕਲਪ ਸੁਸਾਇਟੀ ਵੱਲੋਂ ਤਿਆਰ ਕੀਤਾ ਗਿਆ ਹੈ। ਏਕਈ ਹਸਪਤਾਲ ਵਿਖੇ ਉਦਘਾਟਨ ਸਮਾਰੋਹ ਦੌਰਾਨ ਲੁਧਿਆਣਾ ਦੇ ਪ੍ਰਮੁੱਖ ਡਾਕਟਰ, ਮੈਡੀਕਲ ਪ੍ਰੈਕਟੀਸ਼ਨਰ ਅਤੇ ਹੋਰ ਸਤਿਕਾਰਯੋਗ ਸ਼ਖਸ਼ੀਅਤਾਂ ਵੀ ਹਾਜ਼ਰ ਸਨ।ਲੁਧਿਆਣਾ ਦੇ ਏਕਈ ਹਸਪਤਾਲ ਵਿਖੇ ਸੂਬੇ ਦੇ ਆਧੁਨਿਕ ਨੈਵੀਗੇਸ਼ਨ/ਰੋਬੋਟਿਕ ਜੁਆਇੰਟ ਰੀਪਲੇਸਮੈਂਟ ਸਿਸਟਮ ਅਤੇ ਐਡਵਾਂਸਡ ਆਰਥੋਪੈਡਿਕ ਇੰਸਟੀਚਿਊਟ ਉਦਘਾਟਨ ਕਰਦਿਆਂ ਕੈਬਨਿਟ ਮੰਤਰੀ ਨੇ ਮਸ਼ਹੂਰ ਯੂਰੋਲੋਜਿਸਟ, ਟ੍ਰਾਂਸਪਲਾਂਟ ਸਰਜਨ ਅਤੇ ਚੇਅਰਮੈਨ ਏਕਈ ਹਸਪਤਾਲ ਡਾ: ਬਲਦੇਵ ਸਿੰਘ ਔਲਖ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ ਸਿਹਤ ਸੰਭਾਲ ਦੀ ਬਿਹਤਰੀ ਅਤੇ ਡਾਕਟਰਾਂ ਦੀ ਸਿਖਲਾਈ ਲਈ ਡਾਕਟਰੀ ਉਪਕਰਣਾਂ ਨੂੰ ਅਪਗ੍ਰੇਡ ਕਰਨ ਲਈ ਉਨ੍ਹਾਂ ਦੀ ਨਿਵੇਕਲੀ ਪਹਿਲਕਦਮੀ ਹੈ।ਡਾ: ਬਲਦੇਵ ਸਿੰਘ ਨੇ ਕੈਬਨਿਟ ਮੰਤਰੀ ਸ੍ਰੀ ਸੋਨੀ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਏਕਈ ਹਸਪਤਾਲ, ਜੋ ਕਿ ਗੁਰਦੇ, ਪੱਥਰੀ, ਪ੍ਰੋਸਟੇਟ, ਟ੍ਰਾਂਸਪਲਾਂਟ ਸਰਜਰੀ ਦੇ ਆਧੁਨਿਕ ਇਲਾਜ ਲਈ ਜਾਣਿਆ ਜਾਂਦਾ ਹੈ, ਹੁਣ ਇਕ ਛੱਤ ਹੇਠ ਪੂਰੀ ਆਰਥੋਪੀਡਿਕ ਦੇਖਭਾਲ ਵੀ ਮੁਹੱਈਆ ਕਰਵਾਏਗਾ।
ਉਨ੍ਹਾਂ ਕਿਹਾ ਕਿ ਇਹ ਹਸਪਤਾਲ ਨਾ ਸਿਰਫ ਪੰਜਾਬ ਦੇ ਮਰੀਜਾਂ, ਬਲਕਿ ਗੁਆਂਢੀ ਰਾਜਾਂ ਜਿਵੇਂ ਕਿ ਹਿਮਾਚਲ ਪ੍ਰਦੇਸ਼, ਜੰਮੂ-ਕਸ਼ਮੀਰ, ਰਾਜਸਥਾਨ ਅਤੇ ਹਰਿਆਣਾ ਲਈ ਵੀ ਇਕ ਉੱਤਮ ਸਿਹਤ ਸੇਵਾਵਾਂ ਪ੍ਰਦਾਨ ਕਰ ਰਿਹਾ ਹੈ।ਡਾ: ਹਰਪ੍ਰੀਤ ਸਿੰਘ ਗਿੱਲ, ਡਾਇਰੈਕਟਰ ਏ.ਓ.ਆਈ ਨੇ ਕਿਹਾ ਕਿ ਇਹ ਸੰਸਥਾ ਇਸ ਅਰਥ ਵਿਚ ਵਿਲੱਖਣ ਹੋਵੇਗੀ ਕਿ ਕੰਪਿਊਟਰ/ਨੈਵੀਗੇਸ਼ਨ/ਰੋਬੋਟਿਕਸ ਦੀ ਦੁਨੀਆ ਦੀ ਸਭ ਤੋਂ ਵਧੀਆ ਅਤੇ ਨਵੀਨਤਮ ਤਕਨੀਕ ਗੋਡੇ, ਕਮਰ ਅਤੇ ਮੋਢੇ ਬਦਲਣ, ਖੇਡਾਂ ਦੀਆਂ ਸੱਟਾਂ ਅਤੇ ਇਕ ਤਜਰਬੇਕਾਰ ਡਾਕਟਰਾਂ ਦੀ ਟੀਮ ਦੁਆਰਾ ਫ੍ਰੈਕਚਰ ਦੇ ਇਲਾਜ ਲਈ ਵਰਤੀ ਜਾਵੇੇਗੀ। ਉਨ੍ਹਾਂ ਕਿਹਾ ਕਿ ਅਸੀਂ ਆਮ ਤੌਰ 'ਤੇ ਅਜਿਹੀ ਤਕਨੀਕ ਪੱਛਮੀ ਦੇਸ਼ਾਂ ਵਿੱਚ ਵੇਖਦੇ ਹਾਂ, ਪਰ ਹੁਣ ਅਜਿਹੀ ਮਹਾਰਤ ਅਤੇ ਤਕਨੀਕ ਪੰਜਾਬ ਵਿੱਚ ਲੈ ਕੇ ਆਏ ਹਾਂ।ਕੈਬਨਿਟ ਮੰਤਰੀ ਨੇ ਰੋਬੋਟਿਕ/ਕੰਪਿਊਟਰ ਨੈਵੀਗੇਸ਼ਨ ਨਾਲ ਗੋਡੇ ਅਤੇ ਕਮਰ ਬਦਲਣ ਪ੍ਰਣਾਲੀਆਂ ਦਾ ਪ੍ਰਦਰਸ਼ਨ ਵੀ ਵੇਖਿਆ। ਉਨ੍ਹਾਂ ਕਿਹਾ ਕਿ ਉਹ ਖੁਸ਼ ਹਨ ਕਿ ਆਰਥੋਪੀਡਿਕ ਟੀਮ ਦੀ ਮੁਹਾਰਤ ਨਾਲ ਪੰਜਾਬ, ਹਿਮਾਚਲ ਅਤੇ ਹਰਿਆਣਾ ਦੇ ਲੋਕ ਲਾਭ ਉਠਾਉਣਗੇ।ਸ੍ਰੀ ਓ.ਪੀ. ਸੋਨੀ ਨੇ ਗੱਲਬਾਤ ਦੌਰਾਨ ਕਿਹਾ ਕਿ ਉਹ ਜਾਣਦੇ ਹਨ ਕਿ ਏਕਈ ਹਸਪਤਾਲ ਡਾ ਔਲਖ ਦੀ ਅਗਵਾਈ ਵਿੱਚ ਯੂਰੋਲੋਜੀ ਅਤੇ ਟ੍ਰਾਂਸਪਲਾਂਟ ਸਰਜਰੀ ਲਈ ਸਭ ਤੋਂ ਉੱਤਮ ਰਿਹਾ ਹੈ ਅਤੇ ਡਾ. ਐਚ.ਐਸ. ਗਿੱਲ, ਜੋ ਕਿ ਇੱਕ ਮਸ਼ਹੂਰ ਆਰਥੋਪੀਡਕ ਹੈ ਦੀ ਅਗਵਾਈ ਹੇਠ ਵਧੀਆ ਆਰਥੋਪੈਡਿਕ ਇੰਸਟੀਚਿਊਟ ਬਣਾਉਣ ਲਈ ਪੂਰੀ ਟੀਮ ਨੂੰ ਵਧਾਈ ਦਿੱਤੀ।ਇਸ ਮੌਕੇ ਬਾਬਾ ਰਾਮ ਸਿੰਘ ਜੀ, ਬਾਬਾ ਧੰਨਾ ਸਿੰਘ ਜੀ, ਡਾ ਮਨਮੋਹਨ ਸਿੰਘ, ਡਾ ਐਸ.ਡੀ. ਅਬਰੋਲ, ਡਾ ਰੋਹਿਤ ਸਿੰਗਲਾ ਅਤੇ ਡਾ ਸੁਨੀਲ ਕਤਿਆਲ ਸਮੇਤ ਹੋਰ ਪ੍ਰਮੁੱਖ ਸ਼ਖਸੀਅਤਾਂ ਵੀ ਹਾਜ਼ਰ ਸਨ।