ਨਗਰ ਨਿਗਮ ਮੇਅਰ ਬਲਕਾਰ ਸਿੰਘ ਸੰਧੂ ਅਤੇ ਕਮਿਸ਼ਨਰ ਨਗਰ ਨਿਗਮ ਸ੍ਰੀ ਪ੍ਰਦੀਪ ਕੁਮਾਰ ਸੱਭਰਵਾਲ ਵੱਲੋਂ 'Clean Ludhiana – Green Ludhiana' ਮੁਹਿੰਮ ਦੀ ਸ਼ੁਰਆਤ ਕੀਤੀ ਗਈ। ਇਸ ਮੁਹਿੰਮ ਦਾ ਆਗਾਜ਼ ਸ਼ਨੀਵਾਰ ਬੱਸ ਅੱਡਾ ਲੁਧਿਅਣਾ ਤੋਂ ਕੀਤਾ ਗਿਆ।ਮੇਅਰ ਸ੍ਰੀ ਸੰਧੂ ਨੇ ਅੱਜ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਇਸ ਇਸ ਮੁਹਿੰਮ ਦਾ ਮੁੱਖ ਉਦੇਸ਼ ਸਵੱਛ ਸਰਵੇਖਣ-2021 ਲਈ ਦਰਜ਼ਾਬੰਦੀ ਵਿਚ ਸੁਧਾਰ ਲਿਆਉਣਾ ਅਤੇ ਸ਼ਹਿਰ ਨੂੰ ਸੁੰਦਰ ਬਣਾਉਣਾ ਹੈ। ਇਸ ਮੌਕੇ ਉਨ੍ਹਾਂ ਨਾਲ ਨਗਰ ਨਿਗਮ ਕੌਸਲਰ ਸ੍ਰੀਮਤ ਮਮਤਾ ਆਸੂ, ਜੁਆਇੰਟ ਕਮਿਸ਼ਨਰ ਸ੍ਰੀ ਕੁਲਪੀ੍ਰਤ ਸਿੰਘ ਤੇ ਸਟਾਫ ਮੈਬਰ ਹਾਜ਼ਰ ਸਨ।ਸ੍ਰੀ ਬਲਕਾਰ ਸੰਧੂ ਨੇ ਅੱਗੇ ਕਿਹਾ ਕਿ ਜੇ ਇੰਦੌਰ ਭਾਰਤ ਦੇ ਸਭ ਤੋਂ ਸਾਫ ਸ਼ਹਿਰ ਦਾ ਦਰਜ਼ਾ ਪ੍ਰਾਪਤ ਕਰ ਸਕਦਾ ਹੈ ਤਾਂ ਲੁਧਿਆਣਾ ਕਿਉਂ ਨਹੀਂ? ਉਨ੍ਹਾਂ ਕਿਹਾ ਕਿ ਉਹ ਕੌਸਲਰ ਸਹਿਬਾਨ ਦੀ ਇੱਕ ਟੀਮ ਸਮੀਖਿਆ ਕਰਨ ਲਈ ਇੰਦੋਰ ਭੇਜਣਗੇ ਅਤੇ ਘੋਖ ਕਰਨਗੇ ਕਿ ਸਾਡੇ ਵੱਲੋਂ ਕਿੱਥੇ ਘਾਟ ਰਹੀ ਹੈ।ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਮੇਅਰ ਨੇ ਜਗਰਾਉਂ ਪੁਲ ਨੂੰ ਲੋਕਾਂ ਲਈ ਖੋਲ੍ਹਣ ਦਾ ਐਲਾਨ ਵੀ ਕੀਤਾ। ਉਨ੍ਹਾਂ ਕਿਹਾ ਪੁਲ ਦੀ ਉਸਾਰੀ ਮੁਕੰਮਲ ਹੋ ਚੁੱਕੀ ਹੈ ਅਤੇ ਜਨਤਾ ਵਲੋਂ ਲੰਬੀ ਉਡੀਕ ਕਾਰਨ ਅਸੀਂ ਬਿਨਾਂ ਕਿਸੇ ਉਦਘਾਟਨ ਦੇ ਜਨਤਾ ਲਈ ਪੁੱਲ ਖੋਲ੍ਹਣ ਦਾ ਫੈਸਲਾ ਕੀਤਾ ਹੈ।ਮੇਅਰ ਸ਼੍ਰੀ ਸੰਧੂ ਵੱਲੋਂ ਅੱਗੇ ਦੱਸਿਆ ਕਿ ਨਗਰ ਨਿਗਮ ਲੁਧਿਆਣਾ ਦੇ ਨਵੇਂ ਹਾਊਸ ਦਾ ਗਠਨ 2018 ਵਿੱਚ ਹੋਇਆ ਸੀ, ਉਹਨਾਂ ਵੱਲੋਂ ਬਤੌਰ ਮੇਅਰ ਸੇਵਾ ਨਿਭਾਈ ਜਾ ਰਹੀ ਤੇ ਨਿਗਮ ਮੁਲਾਜ਼ਮਾਂ ਨੂੰ ਸ਼ਹਿਰ ਨੂੰ ਸਾਫ ਸੁਥਰਾਂ ਅਤੇ ਸਵੱਛ ਬਨਾਉਣ ਲਈ ਹਰ ਸੰਭਵ ਸਹਿਯੋਗ ਨਿਰੰਤਰ ਜਾਰੀ ਹੈ।ਉਨ੍ਹਾਂ ਅੱਗੇ ਕਿਹਾ ਕਿ 'Clean Ludhiana - Green Ludhiana ਮੁਹਿੰਮ ਤਹਿਤ ਸ਼ਹਿਰ ਦੀਆਂ ਮੁੱਖ ਸੜਕਾਂ ਦੀ ਪਹਿਚਾਣ ਕੀਤੀ ਗਈ ਹੈ ਅਤੇ ਇਹਨਾਂ ਸੜਕਾਂ ਦੀ ਸਫਾਈ ਨੂੰ ਤਰਜੀਹ ਦਿੰਦੇ ਹੋਏ ਇਹਨਾਂ ਸੜਕਾਂ ਤੇ ਰੋਜਾਨਾ ਨਗਰ ਨਿਗਮ ਦੀਆਂ ਵੱਖ-2 ਸ਼ਾਖਾਵਾਂ ਵੱਲੋਂ ਲਗਾਤਾਰ ਕਾਰਵਾਈ ਕੀਤੀ ਜਾ ਰਹੀ ਹੈ।
ਇਨ੍ਹਾਂ ਸੜਕਾਂ ਵਿੱਚ ਭਾਰਤ ਨਗਰ ਚੌਕ ਤੋਂ ਚੀਮਾ ਚੌਕ ਤੱਕ, ਚਤਰ ਸਿੰਘ ਪਾਰਕ ਅਤੇ ਦੀਪਕ ਹਸਪਤਾਲ ਰੋਡ, ਦੁੱਗਰੀ ਰੋਡ, ਪੱਖੋਵਾਲ ਰੋਡ (ਭਾਈਵਾਲਾ ਚੌਕ ਤੋਂ ਨਗਰ ਨਿਗਮ ਦੀ ਹਦੂਦ ਤੱਕ), ਗਿੱਲ ਰੋਡ (ਵਿਸ਼ਕਰਮਾ ਚੌਕ ਤੋਂ ਨਗਰ ਨਿਗਮ ਦੀ ਹਦੂਦ ਤੱਕ), ਇਸ਼ਮੀਤ ਰੋਡ, ਹੈਬੋਵਾਲ ਰੋਡ, ਕਾਕਾ ਮੈਰਿਜ਼ ਪੈਲੇਸ ਰੋਡ, ਲੋਧੀ ਕਲੱਬ ਰੋਡ, ਈ.ਐਸ.ਆਈ ਹਸਪਤਾਲ ਰੋਡ, ਦੱਖਣੀ ਬਾਈਪਾਸ, ਪੁਰਾਣੀ ਜੀ.ਟੀ ਰੋਡ (ਘੰਟਾਂ ਘਰ ਰੋਡ), ਕਾਕੋਵਾਲ ਰੋਡ, ਸ਼ਿਵਪੁਰੀ ਰੋਡ, ਹੰਬੜਾ ਰੋਡ, ਤਾਜਪੁਰ ਰੋਡ, ਟਿੱਬਾ ਰੋਡ, ਚੋੜਾ ਬਜ਼ਾਰ, ਸ਼ਿੰਗਾਰ ਸਿਨੇਮਾ ਰੋਡ, ਸੀ.ਐਮ.ਸੀ ਰੋਡ, ਗਊਸਸ਼ਾਲਾ ਰੋਡ, ਸਰਕੂਲਰ ਰੋਡ, ਕਸ਼ਮੀਰ ਨਗਰ ਰੋਡ, ਪੁਰਾਣੀ ਜੇਲ ਰੋਡ ਸ਼ਾਮਲ ਹਨ।ਉਨ੍ਹਾਂ ਅੱਗੇ ਦੱਸਿਆ ਕਿ ਇਨ੍ਹਾਂ ਸਾਰੀਆਂ ਸੜਕਾਂ ਤੇ ਨਗਰ ਨਿਗਮ ਦੀਆਂ ਵੱਖ-2 ਬਰਾਂਚਾ ਜਿਵੇ ਕਿ ਬੀ.ਐਡ.ਆਰ ਬਰਾਂਚ, ਓ.ਐਡ.ਐਮ ਬਰਾਂਚ, ਬਾਗਬਾਨੀ ਸਾਖਾ ਅਤੇ ਸਿਹਤ ਸਾਖਾ ਵੱਲੋਂ ਪੂਰੀ ਤਨਦੇਹੀ ਅਤੇ ਮਿਹਨਤ ਨਾਲ ਕੰਮ ਕੀਤਾ ਜਾ ਰਿਹਾ ਹੈ। ਬੀ.ਐਡ.ਆਰ ਸਾਖਾ ਵੱਲੋਂ ਇਹਨਾਂ ਦੇ ਸੈਂਟਰਲ ਵਰਜ਼ ਸਾਫ ਕੀਤੇ ਜਾ ਰਹੇ ਹਨ ਅਤੇ ਸੜਕਾਂ ਤੇ ਸੀ.ਐਡ.ਡੀ ਵੇਸਟ ਨੂੰ ਚੁੱਕਿਆ ਜਾ ਰਿਹਾ। ਓ.ਐਡ.ਐਮ ਸਾਖਾ ਵੱਲੋਂ ਸਾਰੀਆਂ ਰੋਡ ਜਾਲੀਆਂ ਸਾਫ ਕੀਤੀਆਂ ਜਾ ਰਹੀਆਂ ਹਨ ਅਤੇ ਜਿੱਥੇ ਵੀ ਕਿਤੇ ਪਾਣੀ ਖੜਾ ਹੈ, ਉਸ ਦੀ ਨਿਕਾਸੀ ਦਾ ਵਿਸ਼ੇਸ਼ ਪ੍ਰਬੰਧ ਕੀਤਾ ਜਾ ਰਿਹਾ ਹੈ। ਬਾਗਬਾਨੀ ਸਾਖਾ ਵੱਲੋਂ ਸੈਂਟਰਲ ਵਰਜ਼ ਵਿੱਚ ਪੌਦਿਆਂ ਦੀ ਕਟਿੰਗ ਅਤੇ ਘਾਹ/ਬੂਟੀ ਕੱਟੀ ਜਾ ਰਹੀ ਹੈ ਅਤੇ ਸਾਈਡਾਂ ਤੇ ਰੋਡ ਬਰਮਾਂ ਸਾਫ ਕੀਤੀਆਂ ਜਾ ਰਹੀਆਂ ਹਨ ਹੈ। ਇਸ ਤੋਂ ਸੜਕਾਂ ਦੇ ਆਲੇ ਦੁਆਲੇ ਗਰੀਨ ਬੈਲਟਾਂ ਦੀ ਸਫਾਈ ਦਾ ਵੀ ਪ੍ਰਬੰਧ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਸੜਕਾਂ ਦੇ ਆਲੇ ਦੁਆਲੇ ਸੈਂਟਰਲ ਵਰਜ਼ਾਂ ਤੇ ਨਵੇਂ ਬੂਟੇ ਵੀ ਲਗਾਏ ਜਾ ਰਹੇ ਹਨ। ਸਿਹਤ ਸਾਖਾ ਵੱਲੋਂ ਕੂੜੇ ਨੂੰ ਡੋਰ ਟੂ ਡੋਰ ਚੁੱਕਣ ਦੇ ਉਪਰਾਲੇ ਕੀਤੇ ਜਾ ਰਹੇ ਹਨ ਅਤੇ ਕੂੜੇ ਨੂੰ ਅਲਗ-ਅਲਗ (ਗਿੱਲਾ ਅਤੇ ਸੁੱਕਾ) ਕਰਨ ਲਈ ਲੋਕਾਂ ਨੂੰ ਜਾਗਰੂਕ ਕੀਤਾ ਜਾ ਰਿਹਾ ਹੈ।ਉਨ੍ਹਾਂ ਅੱਗੇ ਕਿਹਾ ਕਿ ਨਗਰ ਨਿਗਮ ਵੱਲੋਂ ਕੌਂਸਲਰਾਂ ਅਤੇ ਵਸਨੀਕਾਂ ਲਈ ਆਪਣੇ ਆਲੇ-ਦੁਆਲੇ ਨੂੰ ਸਾਫ-ਸੁੱਥਰਾ ਰੱਖਣ ਸਬੰਧੀ ਪ੍ਰੇਰਿਤ ਕਰਨ ਲਈ ਮੁਕਾਬਲੇ ਵੀ ਕਰਵਾਏ ਜਾਣਗੇ।ਨਗਰ ਨਿਗਮ ਕੌਂਸਲਰ ਸ੍ਰੀਮਤੀ ਮਮਤਾ ਆਸ਼ੂ ਵੱਲੋਂ ਸ਼ਹਿਰ ਵਾਸੀਆਂ ਨੂੰ ਦੀ ਅਪੀਲ ਕਰਦਿਆਂ ਕਿਹਾ ਕਿ ਇਸ ਮੁਹਿੰਮ ਨੂੰ ਸਫਲ ਬਣਾਉਣ ਅਤੇ ਸਵੱਛ ਸਰਵੇਖਣ 2021 ਵਿੱਚ ਲੁਧਿਆਣਾ ਨੂੰ ਚੋਟੀ ਦੇ ਰੈਂਕ 'ਤੇ ਲਿਆਉਣ ਲਈ ਮੱਦਦ ਕਰਨ, ਜੋ ਕਿ ਉਨ੍ਹਾਂ ਦੇ ਸਹਿਯੋਗ ਤੋਂ ਬਿਨ੍ਹਾਂ ਸੰਭਵ ਨਹੀਂ ਹੈ।