ਜ਼ਿਲ੍ਹਾ ਪੁਲੀਸ ਮੁਖੀ ਅਮਨੀਤ ਕੌਂਡਲ, ਆਈ.ਪੀ.ਐਸ, ਸੀਨੀਅਰ ਕਪਤਾਨ ਪੁਲਿਸ, ਨੇ ਦੱਸਿਆ ਕਿ ਮਾੜੇ ਅਨਸਰਾਂ ਤੇ ਨਸ਼ਿਆਂ ਵਿਰੁੱਧ ਵਿੱਢੀ ਗਈ ਮੁਹਿੰਮ ਨੂੰ ਉਸ ਵੇਲੇ ਭਾਰੀ ਸਫਲਤਾ ਮਿਲੀ, ਜਦੋਂ ਪੁਲੀਸ ਨੇ ਨਸ਼ਾ ਤਸਕਰੀ ਦੇ ਦੋਸ਼ ਹੇਠ ਤਿੰਨ ਮੁਲਜ਼ਮਾਂ ਨੂੰ 02 ਕੁਇੰਟਲ ਭੁੱਕੀ ਅਤੇ 150 ਗਰਾਮ ਅਫੀਮ ਸਮੇਤ ਕਾਬੂ ਕੀਤਾ।ਜ਼ਿਲ੍ਹਾ ਪੁਲੀਸ ਮੁਖੀ ਨੇ ਦੱਸਿਆ ਕਿ ਜਗਜੀਤ ਸਿੰਘ ਜੱਲਾ, ਪੁਲਿਸ ਕਪਤਾਨ (ਇੰਨ) ਅਤੇ ਮਨਜੀਤ ਸਿੰਘ, ਉਪ ਕਪਤਾਨ ਪੁਲਿਸ, ਸਬ-ਡਵੀਜ਼ਨ, ਫਤਹਿਗੜ੍ਹ ਸਾਹਿਬ ਦੀ ਨਿਗਰਾਨੀ ਹੇਠ ਮੁੱਖ ਅਫਸਰ, ਥਾਣਾ ਸਰਹਿੰਦ ਇੰਸਪੈਕਟਰ ਗੁਰਇਕਬਾਲ ਸਿੰਘ ਦੇ ਨਿਰਦੇਸ਼ਾਂ 'ਤੇ ਮਿਤੀ 10-09-2020 ਨੂੰ ਸ:ਥਾਣੇ: ਜਸਵੀਰ ਸਿੰਘ ਸਮੇਤ ਪੁਲਿਸ ਪਾਰਟੀ ਤਰਖਾਣ ਮਾਜਰਾ ਕੱਟ 'ਤੇ ਮੌਜੂਦ ਸੀ।ਜ਼ਿਲ੍ਹਾ ਪੁਲੀਸ ਮੁਖੀ ਨੇ ਦੱਸਿਆ ਕਿ ਪੁਲੀਸ ਨੂੰ ਪਤਾ ਲੱਗਿਆ ਕਿ ਮੁਲਜ਼ਮ ਭਾਰੀ ਮਾਤਰਾ ਵਿਚ ਨਸ਼ਾ ਲੈ ਕੇ ਸਰਹਿੰਦ ਵੱਲ ਨੂੰ ਆ ਰਹੇ ਹਨ।ਇਸ 'ਤੇ ਸ.ਥਾਣੇ: ਬਲਵਿੰਦਰ ਸਿੰਘ ਥਾਣਾ ਸਰਹਿੰਦ ਵੱਲੋਂ ਪਿੰਡ ਤਰਖਾਣ ਮਾਜਰਾ ਕੱਟ 'ਤੇ ਨਾਕਾਬੰਦੀ ਕਰ ਕੇ ਵਕਤ ਕਰੀਬ 06:00 ਵਜੇ ਸ਼ਾਮ ਟਰੱਕ ਨੰਬਰ PB-10-HE-7918 ਨੂੰ ਚੈਕਿੰਗ ਲਈ ਰੋਕਿਆ ਗਿਆ। ਮਨਜੀਤ ਸਿੰਘ, ਉਪ ਕਪਤਾਨ ਪੁਲਿਸ, ਸਰਕਲ, ਫਤਹਿਗੜ੍ਹ ਸਾਹਿਬ ਨੇ ਆਪਣੀ ਨਿਗਰਾਨੀ ਹੇਠ ਸ.ਥਾਣੇ: ਬਲਵਿੰਦਰ ਸਿੰਘ ਰਾਹੀਂ ਟਰੱਕ ਨੰਬਰ PB-10-HE-7918 ਦੀ ਤਲਾਸ਼ੀ ਕਰਵਾਈ।ਤਲਾਸ਼ੀ ਦੌਰਾਨ ਟਰੱਕ ਵਿੱਚੋਂ 02 ਕੁਇੰਟਲ ਭੂੱਕੀ ਚੂਰਾ ਪੋਸਤ ਅਤੇ 150 ਗ੍ਰਾਮ ਅਫੀਮ ਬਰਾਮਦ ਹੋਈ। ਇਸ ਸਬੰਧੀ ਮੁਲਜ਼ਮ ਜਸਵੀਰ ਸਿੰਘ, ਗੁਲਬਾਗ ਸਿੰਘ, ਰਵਿੰਦਰ ਸਿੰਘ ਨੂੰ ਮੌਕੇ 'ਤੇ ਹੀ ਗ੍ਰਿਫਤਾਰ ਕੀਤਾ ਗਿਆ ਅਤੇ ਇਕ ਹੋਰ ਮੁਲਜ਼ਮ ਲਖਵੀਰ ਸਿੰਘ ਜੋ ਰਸਤੇ ਵਿੱਚ ਹੀ ਟਰੱਕ ਵਿੱਚੋਂ ਉੱਤਰ ਗਿਆ ਸੀ, ਦੀ ਗ੍ਰਿਫਤਾਰੀ ਹਾਲੇ ਬਾਕੀ ਹੈ।ਲਖਵੀਰ ਸਿੰਘ ਉਰਫ ਲੱਖੀ, ਜਸਵੀਰ ਸਿੰਘ ਉਰਫ ਜੱਸਾ ਵਾਸੀਆਨ ਵਾਰਡ ਨੰਬਰ 05 ਤੱਕੀਆ ਮੁਹੱਲਾ ਅਮਲੋਹ, ਗੁਲਬਾਗ ਸਿੰਘ ਉਰਫ ਦੁੱਲਾ ਵਾਸੀ ਪਿੰਡ ਅਲਾਦਾਦਪੁਰ ਥਾਣਾ ਅਮਲੋਹ ਅਤੇ ਰਵਿੰਦਰ ਸਿੰਘ ਵਾਸੀ ਪਿੰਡ ਭੱਦਲਥੂਹਾ ਥਾਣਾ ਅਮਲੋਹ ਹਾਲ ਕਿਰਾਏਦਾਰ ਪਿੰਡ ਅਲਾਦਾਦਪੁਰ ਥਾਣਾ ਅਮਲੋਹ ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਖਿਲਾਫ ਮੁਕੱਦਮਾ ਨੰਬਰ 270 ਮਿਤੀ 10-09-2020 ਅ/ਧ 18,15,22/61/85 ਐਨ.ਡੀ.ਪੀ.ਐਸ ਐਕਟ ਥਾਣਾ ਸਰਹਿੰਦ ਵਿਖੇ ਦਰਜ ਰਜਿਸਟਰ ਕੀਤਾ ਗਿਆ ਹੈ।ਮੁਲਜ਼ਮ ਲਖਵੀਰ ਸਿੰਘ ਖਿਲਾਫ ਪਹਿਲਾਂ ਵੀ ਮੁ.ਨੰ. 114/2017 ਅ/ਧ 15 ਐਨ.ਡੀ.ਪੀ.ਐਸ ਐਕਟ ਥਾਣਾ ਅਮਲੋਹ ਅਤੇ ਮੁ.ਨੰ. 91/2019 ਅ/ਧ 15,18 ਐਨ.ਡੀ.ਪੀ.ਐਸ ਐਕਟ ਥਾਣਾ ਸਰਹਿੰਦ ਦਰਜ ਹਨ।ਇਸੇ ਤਰ੍ਹਾਂ ਜਸਵੀਰ ਸਿੰਘ ਖ਼ਿਲਾਫ਼ ਮੁ.ਨੰ. 110/2018 ਅ/ਧ 15,29 ਐਨ.ਡੀ.ਪੀ.ਐਸ ਐਕਟ ਥਾਣਾ ਘੱਗਾ ਜ਼ਿਲਾ ਪਟਿਆਲਾ ਵਿਖੇ ਦਰਜ ਹਨ।