ਦੇਸ਼ ਦੀ ਸਭ ਤੋ ਵੱਡੀ ਖਾਦ ਉਤਪਾਦਕ ਸੰਸਥਾ ਇਫ਼ਕੋ ਨੇ ਦੇਸ਼ ਤੇ ਆਈ ਹਰ ਮੁਸ਼ਕਿਲ ਘੜੀ ਤੇ ਕੁਦਰਤੀ ਆਫਤਾਂ ਸਮੇ ਮੋਹਰਲੀ ਕਤਾਰ ਵਿੱਚ ਖੜੇ ਹੋ ਕੇ ਸਰਕਾਰ ਅਤੇ ਪ੍ਰਸ਼ਾਸਨ ਦਾ ਸਹਿਯੋਗ ਕਰਦਿਆ ਕਿਸਾਨਾਂ ਅਤੇ ਆਮ ਲੋਕਾਂ ਦੀ ਸਹਾਇਤਾ ਕੀਤੀ ਹੈ। ਇਹਨਾ ਸ਼ਬਦਾਂ ਦਾ ਪ੍ਰਗਟਾਵਾ ਸ: ਬਲਵਿੰਦਰ ਸਿੰਘ ਨਕੱਈ, ਆਲ ਇੰਡੀਆ ਚੇਅਰਮੈਨ ਇਫ਼ਕੋ ਸੰਸਥਾ ਨੇ ਡਿਪਟੀ ਕਮਿਸ਼ਨਰ ਬਠਿੰਡਾ ਸ਼੍ਰੀ ਬੀ ਸ਼੍ਰੀਨਿਵਾਸਨ ਨਾਲ ਡੀਸੀ ਦਫਤਰ ਬਠਿੰਡਾ ਵਿਖੇ ਮੁਲਾਕਾਤ ਦੋਰਾਨ ਕੀਤਾ। ਇਸ ਮੋਕੇ ਸ: ਨਕੱਈ ਵੱਲੋ ਇਫ਼ਕੋ ਦੀ ਤਰਫੋ ਮਾਸਕ ਅਤੇ ਸੈਨੇਟਾਇਜਰ ਦੀਆ 1000 ਸੁਰੱਖਿਆਂ ਕਿੱਟਾਂ ਲੋੜਵੰਦਾਂ ਅਤੇ ਸਿਹਤ ਕਾਮਿਆਂ ਵਿੱਚ ਵੰਡ ਲਈ ਭੇਂਟ ਕੀਤੀਆ ਗਈਆ।ਸ: ਨਕੱਈ ਨੇ ਦੱਸਿਆ ਕਿ ਇਫ਼ਕੋ ਵੱਲੋ ਸੰਸਥਾ ਦੇ ਮੈਨੇਜਿੰਗ ਡਾਇਰੈਕਟਰ ਡਾ ਯੂਐਸ ਅਵਸਥੀ ਦੀ ਰਹਿਨੁਮਾਈ ਹੇਠ ਦੇਸ਼ ਭਰ ਵਿੱਚ ਵੱਖ ਵੱਖ ਲੋਕ ਭਲਾਈ ਦੇ ਕਾਰਜ ਸ਼ੁਰੂ ਕੀਤੇ ਗਏ ਹਨ ਤਾ ਜੋ ਕਰੋਨਾ ਮਹਾਮਾਰੀ ਦੇ ਚੱਲਦਿਆ ਸਰਕਾਰ ਵੱਲੋ ਕੀਤੀ ਗਈ ਤਾਲਾਬੰਦੀ ਦੋਰਾਨ ਲੋੜਵੰਦ ਵਿਅਕਤੀਆਂ ਤੱਕ ਸਹਾਇਤਾ ਪਹੁੰਚਾਈ ਜਾ ਸਕੇ।ਜਿਸਦੇ ਤਹਿਤ ਇਫ਼ਕੋ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਵੱਲੋ ਰਾਸ਼ਨ ਅਤੇ ਹੋਰ ਲੋੜੀਦੀਆਂ ਵਸਤਾਂ ਦੀ ਵੰਡ ਦੇ ਨਾਲ ਨਾਲ ਦੇਸ਼ ਭਰ ਵਿੱਚ ਸਥਿਤ ਇਫ਼ਕੋ ਕਿਸਾਨ ਸੇਵਾ ਕੇਦਰਾਂ ਅਤੇ ਸੁਸਾਇਟੀਆਂ ਰਾਹੀ ਕਿਸਾਨਾਂ ਨੂੰ ਕਰੋਨਾ ਮਹਾਮਾਰੀ ਸੰਬੰਧੀ ਸੁਚੇਤ ਕੀਤਾ ਜਾ ਰਿਹਾ ਹੈ।ਇਫਕੋ ਵੱਲੋ ਕਿਸਾਨਾਂ ਦੀ ਜਾਗਰੂਕਤਾਂ ਲਈ ਕਈ ਪ੍ਰਕਾਰ ਦੇ ਪ੍ਰੋਗਰਾਮ ਵਿੱਢੇ ਗਏ ਹਨ, ਜਿਸਦੇ ਤਹਿਤ ਉਨ੍ਹਾ ਨੂੰ ਸਮਾਜਿਕ ਦੂਰੀ ਦੇ ਨਿਯਮਾਂ ਦੀ ਪਾਲਣਾ ਦੇ ਨਾਲ ਨਾਲ ਮੰਡੀਆਂ ਵਿੱਚ ਫਸਲ ਲਿਜਾਣ ਸਮੇ ਇਸ ਮਹਾਮਾਰੀ ਦੀ ਲਾਗ ਤੋ ਬਚਾਅ ਸੰਬੰਧੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।ਉਨ੍ਹਾ ਦੱਸਿਆ ਕਿ ਪਿਛਲੇ ਮਹੀਨੇ ਇਫਕੋ ਦੇ ਮੈਨੇਜਿੰਗ ਡਾਇਰੈਕਟਰ ਡਾ ਯੂਐਸ ਅਵਸਥੀ,ਵਾਇਸ ਚੇਅਰਮੈਨ ਦਲੀਪ ਸੰਘਾਣੀ ਅਤੇ ਬੋਰਡ ਮੈਬਰਾਂ ਵੱਲੋ ਕੀਤੀ ਗਈ ਮੀਟਿੰਗ ਦੋਰਾਨ ਕਰੋਨਾ ਮਹਮਾਰੀ ਦੇ ਟਾਕਰੇ ਲਈ ਬਣਾਏ ਗਏ ਸਰਕਾਰੀ ਰਾਹਤ ਫੰਡ ਵਿੱਚ ਇਫਕੋ ਦੀ ਤਰਫੋ ਸਹਾਇਤਾ ਰਾਸ਼ੀ ਦੇਣ ਦਾ ਮਤਾ ਪਾਰਿਤ ਕੀਤਾ ਗਿਆ ਸੀ। ਜਿਸਦੇ ਤਹਿਤ ਸੰਸਥਾ ਵੱਲੋ ਪ੍ਰਧਾਨ ਮੰਤਰੀ ਰਾਹਤ ਫੰਡ ਵਿੱਚ 25 ਕਰੋੜ ਰੁਪਏ ਅਤੇ ਮੁੱਖ ਮੰਤਰੀ ਰਾਹਤ ਫੰਡ ਪੰਜਾਬ ਵਿੱਚ ਇੱਕ ਕਰੋੜ ਰੁਪਏ ਦੀ ਰਾਸ਼ੀ ਦਾ ਯੋਗਦਾਨ ਦਿੱਤਾ ਗਿਆ ਹੈ।ਇਸ ਮੋਕੇ ਡਿਪਟੀ ਕਮਿਸ਼ਨਰ ਬਠਿੰਡਾ ਸ਼੍ਰੀ ਬੀ ਸ਼੍ਰੀਨਿਵਾਸਨ ਨੇ ਸ: ਬਲਵਿੰਦਰ ਸਿੰਘ ਨਕੱਈ ਵੱਲੋ ਲੋੜਵੰਦਾਂ ਲਈ ਭੇਟ ਕੀਤੀਆਂ ਗਈਆ ਸੁਰੱਖਿਆ ਕਿੱਟਾਂ ਲਈ ਉਨ੍ਹਾ ਦਾ ਧੰਨਵਾਦ ਕੀਤਾ ਅਤੇ ਇਸਦੇ ਨਾਲ ਹੀ ਇਫ਼ਕੋ ਵੱਲੋ ਕੀਤੇ ਜਾ ਰਹੇ ਲੋਕ ਭਲਾਈ ਦੇ ਕਾਰਜਾ ਦੀ ਸ਼ਲਾਘਾ ਕੀਤੀ। ਉਨ੍ਹਾ ਇਫਕੋ ਦੇ ਮੈਨੇਜਿੰਗ ਡਾਇਰੈਕਟਰ,ਬੋਰਡ ਮੈਬਰਾਂ,ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਦਾ ਵੀ ਵਿਸ਼ੇਸ਼ ਧੰਨਵਾਦ ਕੀਤਾ।