ਗਣਤੰਤਤਰ ਦਿਵਸ ਦੇ ਮੌਕੇ 'ਤੇ ਗਿਲਕੋ ਗਰੁੱਪ ਵੱਲੋਂ ਪੰਜਾਬ ਨੂੰ ਡਰੱਗ ਫ੍ਰੀ ਬਣਾਉਣ ਲਈ ਮੋਹਾਲੀ ਦੇ ਸੈਕਟਰ 126 ਸਥਿੱਤ ਗਿਲਕੋ ਪਾਰਕ ਹਿਲਸ ਪੰਜਾਬ ਵਿੰਟਰ ਹਾਫ ਮੈਰਾਥਨ ਮੁਕਾਬਲੇ ਦਾ ਆਯੋਜਨ ਕੀਤਾ ਗਿਆ। ਇਸ ਮੈਰਾਥਨ 'ਚ ਸੈਂਕੜੇ ਪ੍ਰਤੀਯੋਗੀਆਂ ਨੇ ਭਾਗ ਲਿਆ। ਪ੍ਰਤੀਯੋਗੀ ਪੂਰੇ ਜੋਸ਼ ਅਤੇ ਜਨੂੰਨ ਦੇ ਨਾਲ ਭਰਪੂਰ ਸਨ ਅਤੇ ਸਾਰਿਆਂ ਦੀਆਂ ਅੱਖਾਂ 'ਚ ਜਿੱਤ ਦਾ ਟੀਚਾ ਦਿਖਾਈ ਦੇ ਰਿਹਾ ਸੀ। ਮੈਰਾਥਨ ਸ਼ੁਰੂ ਹੋਣ ਤੋਂ ਪਹਿਲਾਂ ਪ੍ਰਤੀਯੋਗੀਆਂ ਨੇ ਗਿਲਕੋ ਪਾਰਕ ਹਿਲਸ 'ਚ ਵਾਰਮ ਅਪ ਕੀਤਾ। ਮੁਕਾਬਲੇ 'ਚ ਹਾਫ ਮੈਰਾਥਨ, 10 ਕਿਲੋਮੀਟਰ ਅਤੇ 5 ਕਿਲੋਮੀਟਰ ਦਾ ਆਯੋਜਨ ਸੀ।ਸਵੇਰੇ 6 ਵਜੇ ਗਿਲਕੋ ਪਾਰਕ ਹਿਲਸ ਤੋਂ ਹਾਫ ਮੈਰਾਥਨ ਨੂੰ ਹਰੀ ਝੰਡੀ ਦਿਖਾਈ ਗਈ। ਇਸ ਤੋਂ ਬਾਅਦ ਦੌੜਾਕਾਂ ਨੇ ਨਿਰਧਾਰਿਤ ਰਸਤਿਆਂ 'ਤੇ ਦੌੜਨਾਂ ਸ਼ੁਰੂ ਕੀਤਾ। ਉਨ੍ਹਾਂ ਰਸਤਿਆਂ 'ਤੇ ਥਾਂ ਥਾਂ ਵਾਲੰਟੀਅਰਸ ਅਤੇ ਦੌੜਾਕਾਂ ਦੇ ਸਪੋਰਟਰ ਮੌਜ਼ੂਦ ਰਹੇ ਅਤੇ ਉਨ੍ਹਾਂ ਨੂੰ ਪਾਣੀ ਅਤੇ ਜੂਸ ਦੇ ਕੇ ਉਨ੍ਹਾਂ ਦਾ ਹੌਂਸਲਾ ਵਧਾਇਆ। ਹਾਫ ਮੈਰਾਥਨ ਨੂੰ 01 ਘੰਟੇ 27 ਮਿੰਟ 'ਚ ਪੂਰਾ ਕਰਕੇ ਸੁਖੇਵ ਸਿੰਘ ਜੇਤੂ ਰਹੇ ਉੱਥੇ ਹੀ 02 ਘੰਟਾਂ 10 ਮਿੰਟ 'ਚ ਦੌੜ ਪੂਰੀ ਕਰਕੇ ਮਹਿਲਾ ਵਰਗ ਦੀ ਜੇਤੂ ਨੀਲਮ ਆਰੀਅਨ ਰਹੀ। 10 ਕਿਲੋਮੀਟਰ ਨੂੰ 45 ਮਿੰਟਾਂ 'ਚ ਪੂਰਾ ਕਰਕੇ ਰਮਿੰਦਰ ਭਾਟੀਆ ਅਤੇ 5 ਕਿਲੋਮੀਟਰ ਨੂੰ 22 ਮਿੰਟ 'ਚ ਪੂਰਾ ਕਰਕੇ ਪ੍ਰਵੀਣ ਸਿੰਘ ਜੇਤੂ ਰਹੇ ਉੱਥੇ ਹੀ 10 ਕਿਲਮੋਂਅਰ 01 ਘੰਟਾਂ 'ਚ ਪੂਰੀ ਕਰਕੇ ਸਵਾਤੀ ਮਿੱਤਲ ਅਤੇ 5 ਕਿਲੋਮੀਟਰ ਨੂੰ 2੯ ਮਿੰਟਾਂ 'ਚ ਪੂਰਾ ਕਰਕੇ ਰਾਖੀ ਸ਼ਰਮਾ ਜੇਤੂ ਰਹੇ।ਪੰਜਾਬ ਵਿੰਟਰ ਹਾਫ ਮੈਰਾਥਨ ਮੁਕਾਬਲੇ ਦੀ ਸਮਾਪਤੀ ਗਿਲਕੋ ਪਾਰਕ ਹਿਲਸ 'ਚ ਹੋਈ ਜਿੱਥੇ ਗਿਲਕੋ ਗਰੁੱਪ ਦੇ ਸੀਐਮਡੀ ਰਣਜੀਤ ਸਿੰਘ ਗਿੱਲ ਅਤੇ ਐਗਜੀਕਿਊਟਿਵ ਡਾਇਰੈਕਟਰ ਤੇਜਪ੍ਰੀਤ ਸਿੰਘ ਗਿੱਲ ਨੇ ਜੇਤੂਆਂ ਨੂੰ ਟ੍ਰਾਫੀ ਨਾਲ ਸਨਮਾਲਤ ਕੀਤਾ ਅਤੇ ਉਨ੍ਹਾਂ ਨੂੰ ਅਗਲੇ ਮੁਕਾਬਲੇ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।ਮੁਕਾਬਲੇ ਦੀ ਸਮਾਪਤੀ ਤੋਂ ਬਾਅਦ ਗਿਲਕੋ ਗਰੁੱਪ ਦੇ ਸੀਐਮਡੀ ਰਣਜੀਤ ਸਿੰਘ ਗਿੱਲ ਨੇ ਕਿਹਾ ਦੌੜਾਕਾਂ ਦੀ ਕੋਸ਼ਿਸ਼ ਸ਼ਲਾਘਾਯੋਗ ਸੀ। ਇਸ ਮੁਕਾਬਲੇ ਦਾ ਮਕਸਦ ਪੰਜਾਬ ਨੂੰ ਡਰੱਗ ਫ੍ਰੀ ਬਣਾਉਣਾ ਸੀ ਅਤੇ ਲੋਕਾਂ ਦੇ ਜੋਸ਼ ਨੂੰ ਦੇਖ ਕੇ ਸਾਨੂੰ ਖੁਸ਼ੀ ਹੈ ਕਿ ਅਸੀਂ ਆਪਣੀ ਕੋਸ਼ਿਸ਼ 'ਚ ਕਾਮਯਾਬ ਹੋ ਸਕੇ। ਅਜਿਹੇ ਮੁਕਾਬਲਿਆਂ ਨਾਲ ਸਰੀਰਕ ਅਤੇ ਮਾਨਸਿਕ ਮਜ਼ਬੂਤੀ ਮਿਲਦੀ ਹੈ ਅਤੇ ਹੋਰ ਲੋਕਾਂ ਨੂੰ ਵੀ ਪ੍ਰੇਰਣਾ ਮਿਲਦੀ ਹੈ ਕਿ ਅਜਿਹੇ ਮੁਕਾਬਲਿਆਂ 'ਚ ਭਾਗ ਲਿਆ ਜਾਵੇ। ਇਸ ਤਰ੍ਹਾਂ ਦੀਆਂ ਗਤੀਵਿਧੀਆਂ ਸਮਾਜ ਨੂੰ ਇਕੱਠਾ ਕਰਨ 'ਚ ਮਦਦ ਕਰਦੀਆਂ ਹਨ।