ਪੰਜਾਬ ਛੇਤੀ ਹੀ ਆਈ.ਟੀ. ਧੁਰੇ ਵਜੋਂ ਉਭਰੇਗਾ ਅਤੇ ਪੰਜਾਬ ਸਰਕਾਰ ਆਈ.ਟੀ. ਅਤੇ ਇਲੈਕਟ੍ਰਾਨਿਕ ਹਾਰਡਵੇਅਰ ਵਿੱਚ ਨਿਵੇਸ਼ ਨੂੰ ਹੁਲਾਰਾ ਦੇਣ ਲਈ ਨਿਵੇਸ਼ਕਾਂ ਲਈ ਮਿਤਰਤਾਪੂਰਣ, ਪ੍ਰਭਾਵਸ਼ਾਲੀ, ਆਈ.ਟੀ. ਲੋੜਾਂ ਦੇ ਅਨੁਰੂਪ ਮਾਹੌਲ ਸਿਰਜਣ ਲਈ ਯਤਨਸ਼ੀਲ ਹੈ ਤਾਂ ਜੋ ਆਉਣ ਵਾਲੇ ਸਮੇਂ ਵਿੱਚ ਪੰਜਾਬ ਨੂੰ ਆਈ.ਟੀ. ਧੁਰੇ ਵਜੋਂ ਉਭਾਰਿਆ ਜਾ ਸਕੇ।ਉਹ ਅੱਜ ਇੱਥੇ ਅਗਾਂਹਵਧੂ (ਪ੍ਰੋਗਰੈਸਿਵ) ਪੰਜਾਬ- ਨਿਵੇਸ਼ ਸੰਮੇਲਨ 2013 ਦੇ ਸੂਚਨਾ ਤਕਨਾਲੋਜੀ (ਆਈ.ਟੀ.) ਸੈਸ਼ਨ ਦੌਰਾਨ ਭਾਗ ਲੈਣ ਵਾਲੇ ਉਦਯੋਗਪਤੀਆਂ ਦੇ ਸੁਆਲਾਂ ਦਾ ਉੱਤਰ ਦੇ ਰਹੇ ਸਨ। ਉਨ੍ਹਾਂ ਦੱਸਿਆ ਕਿ ਮੋਹਾਲੀ ਅਤੇ ਅਮ੍ਰਿਤਸਰ ਨੂੰ ਪ੍ਰਮੁੱਖ ਆਈ.ਟੀ. ਕੇਂਦਰਾਂ ਵਜੋਂ ਵਿਕਸਿਤ ਕੀਤਾ ਜਾ ਰਿਹਾ ਹੈ। ਮੋਹਾਲੀ ਵਿੱਚ ਆਈ.ਟੀ. ਖੇਤਰ ਵਿੱਚ ਨਿਵੇਸ਼ ਨੂੰ ਹੁਲਾਰਾ ਦੇਣ ਲਈ ਕੀਤੇ ਜਾ ਰਹੇ ਯਤਨਾਂ ਬਾਰੇ ਦੱਸਦਿਆਂ ਉਨ੍ਹਾਂ ਕਿਹਾ, ' ਆਈ.ਟੀ. ਸਿਟੀ ਵਿੱਚ 1700 ਏਕੜ ਜ਼ਮੀਨ ਮੌਜੂਦ ਹੈ, 40 ਏਕੜ ਜ਼ਮੀਨ ਇਲੈਕਟ੍ਰਾਨਿਕ ਹਾਰਡਵੇਅਰ ਲਈ ਰੱਖੀ ਗਈ ਹੈ, ਇਲੈਕਟ੍ਰਾਨਿਕਸ ਟਾਊਨਸ਼ਿੱਪ 289 ਏਕੜ ਵਿੱਚ ਵਿਕਸਿਤ ਕੀਤੀ ਗਈ ਹੈ ਅਤੇ 'ਸੈਂਟਰ ਫ਼ਾਰ ਡਿਵੈਲਪਮੈਂਟ ਆਫ਼ ਐਡਵਾਂਸਡ ਕੰਪਿਊਟਿੰਗ' ਲਈ ਪੂਰੀਆਂ ਸਹੂਲਤਾਂ ਮੌਜੂਦ ਹਨ।' ਇਸੇ ਤਰ੍ਹਾਂ 'ਕੁਆਰਕ ਸਿਟੀ' ਅਤੇ 'ਇੰਕੂਬੇਸ਼ਨ ਸੈਂਟਰ' ਮੋਹਾਲੀ ਵਿਖੇ ਵਿਖੇ ਤਿਆਰ ਬਰ ਤਿਆਰ ਢਾਂਚਾ ਮੌਜੂਦ ਹੈ।
ਅਮ੍ਰਿਤਸਰ ਵਿਖੇ ਆਈ.ਟੀ. ਧੁਰਾ ਵਿਕਸਿਤ ਕਰਨ ਬਾਰੇ ਦੱਸਦਿਆਂ ਉਨ੍ਹਾਂ ਕਿਹਾ ਕਿ ਇਸ ਮੰਤਵ ਲਈ ਜ਼ਮੀਨ ਅਕਵਾਇਰ ਕਰ ਲਈ ਗਈ ਹੈ ਅਤੇ ਜਲਦੀ ਹੀ ਪ੍ਰਾਜੈਕਟ ਸ਼ੁਰੂ ਹੋ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਇਸ ਤੋਂ ਬਾਅਦ ਲੁਧਿਆਣਾ ਅਤੇ ਜਲੰਧਰ ਨੂੰ ਆਈ.ਟੀ. ਧੁਰੇ ਵਜੋਂ ਵਿਕਸਿਤ ਕਰਨ ਲਈ ਤਿਆਰੀਆਂ ਸ਼ੁਰੂ ਕੀਤੀਆਂ ਜਾ ਚੁੱਕੀਆਂ ਹਨ। ਉਨ੍ਹਾਂ ਕਿਹਾ ਕਿ ਚਾਹੇ ਆਈ.ਟੀ. ਪਾਲਿਸੀ ਬਣ ਚੁੱਕੀ ਹੈ ਪਰ ਫ਼ਿਰ ਵੀ ਇਸ ਨਿਵੇਸ਼ਕਾਂ ਵੱਲੋਂ ਦਿੱਤੇ ਸੁਝਾਵਾਂ ਮੁਤਾਬਕ ਸਰਕਾਰ ਇਸ ਵਿੱਚ ਤਬਦੀਲੀਆਂ ਕਰਨ ਲਈ ਤਿਆਰ ਹੈ।ਪ੍ਰਮੁੱਖ ਸਕੱਤਰ ਆਈ.ਟੀ. ਸ੍ਰੀ ਏ.ਆਰ. ਤਲਵਾੜ ਨੇ ਪੰਜਾਬ ਦੀ ਆਈ.ਟੀ. ਪਾਲਿਸੀ ਵਿੱਚ ਦਿੱਤੇ ਜਾਣ ਵਾਲੇ 'ਇਨਸੈਂਟਿਵ ਪੈਕੇਜਾਂ' ਬਾਰੇ ਦੱਸਦਿਆਂ ਕਿਹਾ ਕਿ 80 ਫ਼ੀਸਦੀ 'ਫ਼ਿਕਸਡ ਪੂੰਜੀ ਨਿਵੇਸ਼' 'ਤੇ 10 ਸਾਲਾਂ ਤੱਕ ਵੈਟ ਤੇ ਸੀ.ਐਸ.ਟੀ. ਵਿੱਚ 80 ਫ਼ੀਸਦੀ ਛੋਟ (ਰਿਟੈਨਸ਼ਨ) ਤੋਂ ਇਲਾਵਾ ਬਿਜਲੀ ਡਿਊਟੀ, ਅਤੇ ਪ੍ਰਾਪਰਟੀ ਟੈਕਸ 'ਤੇ 100 ਫ਼ੀਸਦੀ ਛੋਟ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਜ਼ਮੀਨ ਦੀ ਖਰੀਦ ਅਤੇ ਪਟੇਨਾਮੇ 'ਤੇ ਸਟੈਂਪ ਡਿਊਟੀ ਵੀ ਨਹੀਂ ਲੱਗੇਗੀ ਅਤੇ ਪ੍ਰਦੂਸ਼ਣ ਰੋਕਥਾਮ ਬੋਰਡ ਤੋਂ ਮਿਲਣ ਵਾਲੇ 'ਕੋਈ ਇਤਰਾਜ਼ ਨਹੀਂ' ਰਟੀਫ਼ਿਕੇਟ ਅਤੇ ਕਿਰਤ ਕਾਨੂੰਨਾਂ ਤਹਿਤ ਹੋਣ ਵਾਲੇ ਨਿਰੀਖਣ ਤੋਂ ਵੀ ਛੋਟ ਹੋਵੇਗੀ। ਇਸ ਤੋਂ ਇਲਾਵਾ ਭਾਰਤ ਸਰਕਾਰ ਦੀ ਆਈ.ਟੀ. ਪਾਲਿਸੀ ਦੀ ਤਰਜ਼ 'ਤੇ ਇਲੈਕਟ੍ਰਾਨਿਕਸ ਹਾਰਡਵੇਅਰ ਨਿਰਮਾਣ ਯੂਨਿਟਾਂ ਨੂੰ ਬਜ਼ਾਰ ਤੱਕ ਪਹੁੰਚ ਕਰਨ ਵਿੱਚ ਪਹਿਲ ਦਿੱਤੇ ਜਾਣ ਤੋਂ ਇਲਾਵਾ ਇਲੈਕਟ੍ਰਾਨਿਕ ਸਿਸਟਮ ਡਿਜ਼ਾਇਨ ਨਿਰਮਾਣ ਕਲਸਟਰ ਵਿੱਚ 'ਸੈਮੀ ਕੰਡਕਟਰ' ਯੂਨਿਟਾਂ ਵਾਸਤੇ ਵਿਸ਼ੇਸ਼ ਇੰਨਸੈਂਟਿਵ ਪੈਕੇਜ ਵੀ ਮਿਲੇਗਾ।ਸੈਸ਼ਨ ਵਿੱਚ ਸ਼ਾਮਿਲ ਪੈਨਲ ਮੈਂਬਰਾਂ ਵਿੱਚ ਟੈਕਨੂਕਲਰ ਦੇ ਬੀਰੇਨ ਘੋਸ਼, ਸੈਗੀਚਰ ਗਰੁੱਪ ਆਫ਼ ਕੰਪਨੀਜ਼ ਦੇ ਚੇਅਰਮੈਨ ਬੀ.ਵੀ. ਨਾਇਡੂ, ਸਾਫ਼ਟ ਵੇਅਰ ਟੈਕਨਾਲੋਜੀ ਪਾਰਕ ਦੇ ਡਾਇਰੈਕਟਰ ਜਨਰਲ ਓਂਕਾਰ ਰਾਏ, ਇੰਡੀਅਨ ਸੈਲੂਲਰ ਐਸੋਸੀਏਸ਼ਨ ਦੇ ਕੌਮੀ ਪ੍ਰਧਾਨ ਪੰਕਜ ਮੋਹਿੰਦਰੂ, ਕਾਰਪੋਰੇਟ ਅਫ਼ੇਅਰਜ਼ ਦੇ ਐਮ.ਡੀ. ਸੰਜੀਵ ਗੁਪਤਾ, ਪੀ.ਐਮ.ਸੀ. ਸੀਅਰਾ ਦੇ ਐਮ.ਡੀ. ਸੰਜੀਵ ਕੇਸਕਰ ਅਤੇ ਵਿਸ਼ਾਲ ਧਰ ਬਾਨੀ ਅਤੇ ਪ੍ਰਧਾਨ ਆਈਯੋਗੀ ਨੇ ਆਈ.ਟੀ. ਖੇਤਰ ਦੀ ਲੋੜਾਂ, ਚਣੌਤੀਆਂ, ਉਭਰਦੇ ਰੁਝਾਨ, ਭਵਿੱਖੀ ਸੰਭਾਵਨਵਾਂ ਬਾਰੇ ਆਪਣੇ ਵਿਚਾਰ ਰੱਖੇ। ਇਸ ਮੌਕੇ ਪੰਜਾਬ ਸਰਕਾਰ ਵੱਲੋਂ ਦਿੱਤੇ ਜਾਣ ਵਾਲੇ ਵਿਸ਼ੇਸ਼ ਇੰਨਸੈਂਟਿਵ ਪੈਕੇਜਾਂ ਨੂੰ ਵਿਸ਼ਵਪੱਧਰ ਦੀਆਂ ਆਈ.ਟੀ. ਕੰਪਨੀਆਂ ਅੱਗੇ ਵੀ ਪੇਸ਼ ਕਰਨ ਦਾ ਸੁਝਾਅ ਦਿੱਤਾ ਗਿਆ।