ਸ਼੍ਰੋਮਣੀ ਅਕਾਲੀ ਦਲ ਦੇ ਸ੍ਰਪ੍ਰਸਤ ਤੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਤੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਵਲੋਂ ਅਕਾਲੀ ਦਲ ਦੀ ਕੌਰ ਕਮੇਟੀ ਦੇ ਮੈਂਬਰ, ਸਾਬਕਾ ਕੇਂਦਰੀ ਮੰਤਰੀ ਬਲਵੰਤ ਸਿੰਘ ਰਾਮੂਵਾਲੀਆ ਨੂੰ ਦਿੱਲੀ ਪ੍ਰਦੇਸ਼ ਤੇ ਹਲਕਾ ਮੋਹਾਲੀ ਦਾ ਇਨਚਾਰਜ ਲਾਉਣ ਤੇ ਅੱਜ ਸ: ਰਾਮੂਵਾਲੀਆ ਦੇ ਸੈਕਟਰ 69 ਸਥਿੱਤ ਦਫਤਰ ਵਿੱਚ ਖੁਸ਼ੀ ਨਾਲ ਲੱਡੂ ਵੰਡੇ ਗਏ।ਸ: ਰਾਮੂਵਾਲੀਆ ਬਾਰੇ ਜਿਉਂ ਹੀ ਕੱਲ ਟੀ ਵੀ ਚੈਨਲਾਂ ਤੇ ਸ਼ਾਮ ਦੇ ਅਖਬਾਰਾਂ ਰਾਹੀਂ ਲੋਕਾਂ ਵਿੱਚ ਖਬਰ ਪਹੁੰਚੀ ਤਾਂ ਭਾਰੀ ਗਿਣਤੀ ਵਿੱਚ ਲੋਕ ਦਫਤਰ ਵਿੱਚ ਆਉਣੇ ਸ਼ੁਰੂ ਹੋ ਗਏ। ਅੱਜ ਸ: ਰਾਮੂਵਾਲੀਆ ਤਾਂ ਸ਼ਹਿਰ ਵਿਚੋਂ ਬਾਹਰ ਸਨ ਪਰ ਉਨ੍ਹਾਂ ਨੂੰ ਦਿੱਲੀ ਤੇ ਮੋਹਾਲੀ ਦੇ ਇਨਚਾਰਜ ਲਾਉਣ ਨਾਲ ਜਿਥੇ ਚੋਣਾਂ ਉਨ੍ਹਾਂ ਨਾਲ ਡਟ ਕੇ ਖੜੇ ਵਰਕਰਾਂ ਵਿੱਚ ਖੁਸ਼ੀ ਦਾ ਮਹੋਲ ਸੀ ਪਰ ਅਕਾਲੀ ਦਲ ਵਿੱਚ ਰਹਿੰਦਿਆਂ ਵਿਰੋਧੀਆਂ ਨਾਲ ਸੀਟੀ ਮਿਲਾ ਕੇ ਚੱਲਣ ਵਾਲੇ ਅਕਾਲੀਆਂ ਦੇ ਮੂੰਹ ਤੇ ਛਿਕੱਰੀ ਛਾ ਗਈ। ਪਿਛਲੇ ਕਈ ਦਿਨਾਂ ਤੋਂ ਇਹ ਲੋਕ ਅਫਵਾਹਾਂ ਫੈਲਾ ਰਹੇ ਸਨ ਕਿ ਸ: ਰਾਮੂਵਾਲੀਆ ਨੂੰ ਦਿੱਲੀ ਭੇਜਿਆ ਜਾ ਰਿਹਾ ਹੈ ਤੇ ਮੋਹਾਲੀ ਦਾ ਹਲਕਾ ਇਨਚਾਰਜ ਕਿਸੇ ਹੋਰ ਨੂੰ ਲਗਾਇਆ ਜਾ ਰਿਹਾ ਹੈ। ਰਾਮੂਵਾਲੀਆ ਨੇ ਅੱਜ ਗੱਲਬਾਤ ਕਰਦਿਆਂ ਕਿਹਾ ਕਿ ਉਹ ਮੋਹਾਲੀ ਹਲਕੇ ਦੇ ਵਿਕਾਸ ਲਈ ਦਿਨ ਰਾਤ ਕੰਮ ਕਰਨਗੇ ਤੇ ਪਹਿਲਾਂ ਨਾਲੋਂ ਵੀ ਜਿਆਦਾ ਵਿਕਾਸ ਕਰਾਉਣਗੇ।ਰਾਮੂਵਾਲੀਆ ਦੇ ਦਫਤਰ ਵਿੱਚ ਲੱਡੂ ਵੰਡਣ ਵਾਲਿਆਂ ਵਿੱਚ ਸ: ਸੁਖਵਿੰਦਰ ਸਿੰਘ ਬਰਾੜ, ਸਿਆਸੀ ਸਕੱਤਰ ਸ: ਰਾਮੂਵਾਲੀਆ, ਅਸ਼ਵਨੀ ਕੁਮਾਰ ਰਿੰਕੂ, ਸ: ਗੁਰਮੀਤ ਸਿੰਘ ਸ਼ਾਮਪੁਰ, ਸੁਖਦੇਵ ਸਿੰਘ ਪਟਵਾਰੀ, ਮੀਤ ਪ੍ਰਧਾਨ ਸਹਿਕਾਰੀ ਬੈਂਕ ਮੋਹਾਲੀ, ਜੋਧਾ ਸਿੰਘ ਮਾਨ, ਸ: ਦੀਪ ਇੰਦਰ ਸਿੰਘ ਅਕਲੀਆ, ਬਲਜੀਤ ਸਿੰਘ ਕੁੰਭੜਾ, ਸੁਰਜੀਤ ਸਿੰਘ ਅਕਾਲੀ, ਮੰਨਾ ਸੰਧੂ ਯੂਥ ਆਗੂ, ਵਿੱਕੀ ਸੁਧਾਰੀਆ, ਨਵੀਨ ਨਵੀ, ਸੁਰਜੀਤ ਸਿੰਘ ਚੜਿੱਕ, ਬਲਵੰਤ ਸਿੰਘ ਲੋਹੀਆ, ਬਲਵਿੰਦਰ ਸਿੰਘ ਗੋਬਿੰਦਗੜ, ਰਮਣੀਕ ਸਿੰਘ, ਪ੍ਰੇਮ ਸਿੰਘ ਸ਼ਾਮਪੁਰ, ਸਰਬਜੀਤ ਸਿੰਘ, ਮਨਜੀਤ ਸਿੰਘ ਸਿੱਧੂ, ਪਵਨ ਸ਼ਰਮਾ, ਕਰਨੈਲ ਸਿੰਘ ਮੌਲੀ ਆਦਿ ਹਾਜਰ ਸਨ।