ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ ਦੋ ਰੋਜ਼ਾ ਗੁਰਮਤਿ ਸਮਾਗਮ ਸ਼੍ਰੋ: ਗੁ: ਪ੍ਰ: ਕਮੇਟੀ ਦੇ ਸਹਿਯੋਗ ਅਤੇ ਕਾਰ ਸੇਵਾ ਕਿਲਾ ਅਨੰਦਗੜ੍ਹ ਸਾਹਿਬ ਦੇ ਭਰਪੂਰ ਸਹਿਯੋਗ ਨਾਲ ਗੁ: ਸੀਸ ਗੰਜ ਸਾਹਿਬ ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਸੰਪੂਰਨ ਹੋਇਆ। ਸਮਾਗਮ ਵਿੱਚ ਸ਼ਾਮਲ ਹਜ਼ਾਰਾਂ ਸੰਗਤਾਂ ਦੇ ਇੱਕਠ ਨੂੰ ਸ਼ੰਬੋਧਨ ਕਰਦੇ ਹੋਏ ਸਿੱਘ ਸਾਹਿਬ ਗਿ: ਰਘਬੀਰ ਸਿੰਘ ਜਥੇ: ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ ਨੇ ਕਿਹਾ ਕਿ ਜਿਸ ਤਰ੍ਹਾਂ ਕਾਰ ਸੇਵਾ ਕਿਲਾ ਅਨੰਦਗੜ੍ਹ ਸਾਹਿਬ ਵਰਗੀਆਂ ਸੰਪਰਦਾਵਾਂ ਨੇ ਕੌਮੀ ਪੱਧਰ ਤੇ ਗੁਰਦੁਆਰਿਆਂ ਦੀਆਂ ਇਮਾਰਤਾਂ ਉਸਾਰਕੇ ਲੱਖਾਂ ਸਿੱਖ ਸੰਗਤਾਂ ਨੂੰ ਗੁਰੂ ਨਾਲ ਜੋੜਿਆ। ਇਸੇ ਤਰ੍ਹਾਂ ਸਿੱਖ ਮਿਸ਼ਨਰੀ ਕਾਲਜ ਲੁਧਿਆਣਾ ਵਲੋਂ ਪਿਛਲੇ 50 ਸਾਲਾਂ ਤੋਂ 'ਧਰਮ ਪ੍ਰਚਾਰ' ਲਈ ਵਿਸ਼ੇਸ਼ ਯੋਗਦਾਨ ਪਾਇਆ ਜਾ ਰਿਹਾ ਹੈ। ਇਸ ਕਾਲਜ ਦੀਆਂ ਪ੍ਰਾਪਤੀਆਂ ਕੌਮ ਲਈ ਫੱਖਰ ਕਰਨ ਅਤੇ ਸਾਲਾਘਾਯੋਗ ਹਨ।ਇਸ ਸਮਾਗਮ ਨੂੰ ਸੰਬੋਧਨ ਕਰਨ ਲਈ ਸਿੱਖ ਪੰਥ ਦੇ ਮਹਾਨ ਵਿਦਵਾਨ ਤੇ ਪ੍ਰੋਫੈਸਰ ਸਾਹਿਬਾਨ ਜਿਹਨਾਂ ਵਿੱਚ ਸਿੰਘ ਸਾਹਿਬ ਗਿ: ਰਘਬੀਰ ਸਿੰਘ, ਗਿ: ਫੂਲਾ ਸਿੰਘ ਹੈੱਡ ਗ੍ਰੰਥੀ, ਸ: ਹਰਭਜਨ ਸਿੰਘ ਚੇਅਰਮੈਨ ਲੁਧਿਆਣਾ, ਬੀਬੀ ਹਰਜਿੰਦਰ ਕੌਰ ਚੰਡੀਗੜ੍ਹ ਤੇ ਪ੍ਰਿੰ: ਸੁਰਿੰਦਰ ਸਿੰਘ (ਮੈਂਬਰ ਸ਼੍ਰੋ:ਗੋ: ਪ੍ਰ: ਕਮੇਟੀ) ਸ: ਗੁਰਸ਼ਰਨ ਸਿੰਘ ਚੰਡੀਗੜ੍ਹ, ਸ: ਅਵਤਾਰ ਸਿੰਘ ਬੀੜ ਸਾਹਿਬ ਅੰਮ੍ਰਿਤਸਰ, ਪ੍ਰੋ: ਮਨਿੰਦਰਪਾਲ ਸਿੰਘ ਚੌਂਤਾ ਕਾਲਜ ਰੋਪੜ, ਸ: ਨਛੱਤਰ ਸਿੰਘ ਹੁਸ਼ਿਆਰਪੁਰ, ਭਾ: ਚਰਨਜੀਤ ਸਿੰਘ (ਵਾ: ਪ੍ਰਿੰ:), ਸ: ਪਵਨਦੀਪ ਸਿੰਘ ਤੇ ਸ: ਜਤਿੰਦਰ ਸਿੰਘ ਜੰਮੂ, ਸ: ਗੁਰਮੀਤ ਸਿੰਘ ਬਰੇਲੀ, ਪ੍ਰੌ: ਸਤਵਿੰਦਰ ਸਿੰਘ ਕੁਰਕਸ਼ੇਤਰ, ਵਿਦਵਾਨਾਂ ਤੋਂ ਇਲਾਵਾ ਭਾ: ਹਰਜਿੰਦਰ ਸਿੰਘ ਹੁਸ਼ਿਆਰਪੁਰ, ਭਾ: ਜਸਪੀਤ ਸਿੰਘ ਸ੍ਰੀ ਅਨੰਦਪੁਰ ਸਾਹਿਬ, ਕੀਰਤਨੀ ਜਥਿਆਂ ਤੋਂ ਇਲਾਵਾ ਰੋਪੜ ਜ਼ੋਨ, ਨਵਾਂ ਸ਼ਹਿਰ, ਹੁਸ਼ਿਆਰਪੁਰ, ਜਲੰਧਰ, ਲੁਧਿਆਣਾ, ਅੰਮ੍ਰਿਤਸਰ, ਜਗਰਾਵਾਂ, ਮੋਗਾ, ਮਾਨਸਾ, ਪਟਿਆਲਾ, ਸੰਗਰੂਰ, ਫਿਰੋਜ਼ਪੁਰ, ਬਠਿੰਡਾ, ਚੰਡੀਗੜ੍ਹ, ਦਿੱਲੀ, ਬਰੇਲੀ, ਕੁਰਕਸ਼ੇਤਰ, ਪਾਣੀਪਤ ਆਦਿ ਤੋਂ ਆਏ ਹੋਏ ਵਿਦਵਾਨ ਕਵੀਆਂ ਨੇ ਕਵਿਤਾਵਾਂ ਅਤੇ ਵਾਰਤਾਲਾਪ ਰਾਹੀਂ ਸਿੱਖ ਇਤਿਹਾਸ, ਰਹਿਤ ਮਰਯਾਦਾ, ਗੁਰਬਾਣੀ ਸਿਧਾਂਤ ਤੋਂ ਜਾਣੂ ਕਰਵਾਇਆ। ਇਸ ਸਮਾਗਮ ਵਿੱਚ ਜਿੱਥੇ ਦੇਸ਼ ਦੇ ਵੱਖ-ਵੱਖ ਹਿਸਿਆਂ ਤੋਂ ਡੇਢ ਹਜ਼ਾਰ ਮਿਸ਼ਨਰੀ ਇਕੱਤਰ ਹੋਏ ਉੱਥੇ ਇਲਾਕੇ ਦੀਆਂ ਹਜ਼ਾਰਾਂ ਸੰਗਤਾਂ ਬਾਬਾ ਹਰਭਜਨ ਸਿੰਘ ਜੀ ਮੁੱਖੀ ਕਾਰ ਸੇਵਾ ਕਿਲਾ ਅਨੰਦਗੜ੍ਹ ਸਾਹਿਬ ਅਤੇ ਸ਼੍ਰੋ: ਗੁ: ਪ੍ਰੰ: ਕਮੇਟੀ ਵਲੋਂ ਭੇਜੀਆਂ ਬੱਸਾਂ ਰਾਹੀਂ ਸੰਗਤਾਂ ਉਤਸ਼ਾਹ ਨਾਲ ਸ਼ਾਮਲ ਹੋਈਆਂ।ਇਸ ਮੌਕੇ ਤੇ ਪੰਥਕ ਸੇਵਾਵਾਂ ਨਿਭਾਉਣ ਬਦਲੇ ਸ: ਹਰਿਸਿਮਰਨ ਸਿੰਘ, ਪ੍ਰਿੰ: ਧਰਮ ਸਿੰਘ, ਸ: ਦਵਿੰਦਰ ਸਿੰਘ ਚੀਫ, ਡਾ: ਪਲਵਿੰਦਰਜੀਤ ਸਿੰਘ ਕੰਗ, ਪ੍ਰਿੰ: ਹਰਭਜਨ ਸਿੰਘ, ਸ: ਲਖਵਿੰਦਰ ਸਿੰਘ ਐਡੀਸ਼ਨਲ ਮੈਨੇਜਰ, ਪ੍ਰਿੰ: ਸੁਰਜੀਤ ਕੌਰ, ਭਾ: ਕਸ਼ਮੀਰ ਸਿੰਘ, ਸ: ਸਰਵਣ ਸਿੰਘ, ਜਥੇ: ਬਲਜਿੰਦਰ ਸਿੰਘ ਲੰਗਰ ਇਚਾਰਜ, ਸ: ਭੁਪਿੰਦਰ ਸਿੰਘ ਇੰਚ: ਸੇਵਾਦਾਰ ਨੂੰ ਵਿਸ਼ੇਸ਼ ਤੋਰ ਤੇ ਸਨਮਾਨਿਤ ਕੀਤਾ ਗਿਆ। ਨਹਿਰ ਵਿੱਚ ਰੁੜਦੀ ਜਾ ਰਹੀ ਇੱਕ ਔਰਤ ਨੂੰ ਆਪਣੀ ਦਸਤਾਰ ਨਾਲ ਬਚਾਉਣ ਵਾਲੇ ਭਾ: ਨੰਦ ਲਾਲ ਪਬਲਿਕ ਸਕੂਲ ਦੇ ਸੰਗੀਤ ਆਧਿਆਪਕ ਭਾ: ਅਮਨਦੀਪ ਸਿੰਘ ਜੀ ਨੂੰ ਵਿਸ਼ੇਸ਼ ਤੋਰ ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ ਦੇ ਮੈਨੇਜਰ ਤੇ ਸਮੁੱਚਾ ਸਟਾਫ, ਸਾਰੇ ਰਾਜਨਤਿਕ ਆਗੂ, ਗੁਰਮਤਿ ਸੰਗੀਤ ਅਕੈਡਮੀ, ਰਾਗੀ ਢਾਡੀ ਵਿਦਿਆਲਾ, ਇਸਤਰੀ ਸਤਸੰਗ ਸਭਾ, ਸਟੱਡੀ ਸਰਕਲ, ਬਾਬਾ ਰਵਿਦਾਸ ਜੀ ਸੇਵਾ ਸੁਸਾਇਟੀ ਮੋਠਾਪੁਰ, ਸ੍ਰੀ ਸੁਖਮਨੀ ਸਾਹਿਬ ਸੇਵਾ ਸੁਸਾਇਟੀ, ਇਸਤਰੀ ਅਕਾਲੀ ਦਲ, ਕੰਗ ਹਸਪਤਾਲ ਅਤੇ ਸਿੱਖ ਮਿਸ਼ਨਰੀ ਕਾਲਜ ਦੀ ਪ੍ਰਬੰਧਕ ਕਮੇਟੀ, ਵਿਦਿਆਰਥੀ ਤੇ ਸਮੁੱਚੇ ਸਟਾਫ ਸਮੇਤ ਹਜ਼ਾਰਾਂ ਸੰਗਤਾਂ ਦੀਵਾਨ ਵਿੱਚ ਹਾਜ਼ਰ ਸਨ।