ਪੀ.ਸੀ.ਐਸ ਅਫਸਰ ਐਸ਼ੋਸ਼ੀਏਸ਼ਨ ਗੁਰਦਾਸਪੁਰ ਵਲੋਂ ਆਪਣੀ ਹੱਕੀ ਮੰਗਾਂ ਮਨਵਾਉਣ ਲਈ ਅੱਜ ਜਿਲੇ ਦੇ ਸਾਰੇ ਪੀ.ਸੀ.ਐਸ ਅਧਿਕਾਰੀਆਂ ਵਲੋਂ ਕਲਮ ਛੋੜ ਹੜਤਾਲ ਕੀਤੀ ਗਈ ਤੇ ਮੰਗ ਕੀਤੀ ਕਿ ਸਰਕਾਰ ਉਨਾਂ ਦੀ ਮੰਗਾਂ ਨੂੰ ਤੁਰੰਤ ਪੂਰਾ ਕਰੇ। ਪੀ.ਸੀ ਐਸ ਐਸੋਸ਼ੀਏਸ਼ਨ ਗੁਰਦਾਸਪੁਰ ਵਿਚ ਸ਼ਾਮਿਲ ਜਿਲੇ ਦੇ ਵਧੀਕ ਡਿਪਟੀ ਕਮਿਸ਼ਨਰ (ਜ) ਤੇਜਿੰਦਰਪਾਲ ਸਿੰਘ ਸੰਧੂ, ਐਸ.ਡੀ.ਐਮ ਗੁਰਦਾਸਪੁਰ ਡਾ. ਦੀਪਕ ਭਾਟੀਆ, ਐਸ.ਡੀ.ਐਮ ਦੀਨਾਨਗਰ ਕਮ-ਸਹਾਇਕ ਕਮਿਸ਼ਨਰ (ਜ) ਰਮਨ ਕੋਛੜ, ਐਸ.ਡੀ.ਐਮ ਬਟਾਲਾ ਬਲਬੀਰਰਾਜ ਸਿੰਘ ਤੇ ਮੈਡਮ ਅਮਨਦੀਪ ਕੋਰ ਸਹਾਇਕ ਕਮਿਸ਼ਨਰ (ਸ਼ਿਕਾਇਤਾਂ) ਗੁਰਦਾਸਪੁਰ ਵਲੋਂ ਮੰਗਾਂ ਮਨਵਾਉਣ ਲਈ ਕਲਮ ਛੋੜ ਹੜਤਾਲ ਕੀਤੀ ਗਈ।ਪੀ.ਸੀ.ਐਸ.ਅਫਸਰ ਐਸੋਸ਼ੀਏਸ਼ਨ ਵਲੋਂ ਅਧਿਕਾਰਤ ਜਿਲਾ ਕੁਆਰਡੀਨੇਟਰ ਡਾ. ਦੀਪਕ ਭਾਟੀਆ ਐਸ.ਡੀ.ਐਮ ਗੁਰਦਾਸਪੁਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਅੱਜ ਪੂਰੇ ਸੂਬੇ ਅੰਦਰ ਪੀ.ਸੀ.ਐਸ ਐਸ਼ੋਸੀਏਸ਼ਨ ਵਲੋਂ ਮੰਗਾਂ ਦੇ ਹੱਕ ਵਿਚ ਕਲਮ ਛੋੜ ਹੜਤਾਲ ਕੀਤੀ ਗਈ ਜਿਸ ਤਹਿਤ ਗੁਰਦਾਸਪੁਰ ਅੰਦਰ ਸਾਰੇ ਪੀ.ਸੀ.ਐਸ ਅਫਸਰਾਂ ਨੇ ਇਸ ਵਿਚ ਹਿੱਸਾ ਲਿਆ। ਉਨਾਂ ਦੱਸਿਆ ਕਿ ਐਸੋਸੀਏਸ਼ਨ ਵਲੋਂ ਸਾਂਝੇ ਤੋਰ ਤੇ ਮੰਗ ਕੀਤੀ ਗਈ ਕਿ ਨਵ ਨਿਯੁਕਤ ਪੀ.ਸੀ.ਐਸ ਅਫਸਰਾਂ ਨੂੰ ਪਹਿਲੇ ਦੋ ਸਾਲ ਉੱਕਾ ਪੁੱਕਾ ਬੇਸਿਕ ਪੇਅ 15600 ਰੁਪਏ ਤਨਖਾਹ ਦਿੱਤੀ ਜਾਂਦੀ ਹੈ ਜੋ ਕਿ ਬਹੁਤ ਹੀ ਨਿਗੂਣੀ ਹੈ। ਉਨਾਂ ਅੱਗੇ ਦੱਸਿਆ ਕਿ ਪੀ.ਸੀ.ਐਸ.ਅਧਿਕਾਰੀ ਫੀਲਡ ਵਿਚ ਕੰਮ ਕਰਦੇ ਹਨ। ਚੋਣਾਂ, ਕੁਦਰਤੀ ਆਫਤਾ ਹੜਾਂ ਆਦਿ ਅਤੇ ਰੁਟੀਨ ਦੀ ਡਿਊਟੀ ਬਾਖੂਬੀ ਨਿਭਾਉਦੇ ਹਨ।
ਇਨਾਂ ਡਿਊਟੀਆਂ ਨੂੰ ਨਿਭਾਉਦਿਆਂ ਪੀ.ਸੀ.ਐਸ ਅਫਸਰਾਂ ਨਾਲ ਕਈ ਵਾਰ ਦੁਰਵਿਵਹਾਰ ਕੀਤਾ ਗਿਆ ਸੀ। ਜਿਵੇ ਕਿ ਮੋਗਾ ਵਿਖੇ, ਨਿਹਾਲ ਸਿੰਘ ਵਾਲਾ ਵਿਖੇ, ਕਾਰਪੋਰੇਸ਼ਨ ਲੁਧਿਆਣਾ ਵਿਖੇ ਅਤੇ ਹੁਣ ਕੁਝ ਦਿਨ ਪਹਿਲਾਂ ਐਸ.ਡੀ.ਐਮ ਜ਼ੀਰਾ ਨਾਲ ਲੋਕਾਂ ਵਲੋਂ ਦੁਰਵਿਵਹਾਰ ਕੀਤਾ ਗਿਆ, ਇਥੋ ਤਕ ਕਿ ਉਨਾਂ ਦੀ ਸਰਕਾਰੀ ਗੱਡੀ ਸਮੇਤ ਅਧਿਕਾਰੀ ਦਰਿਆ ਵਿਚ ਸੁੱਟਣ ਦੀ ਕੋਸ਼ਿਸ ਕੀਤੀ ਗਈ, ਜਿਸ ਨਾਲ ਪੀ.ਸੀ.ਐਸ ਅਫਸਰਾਂ ਦੇ ਅਹੁਦੇ ਨੂੰ ਠੇਸ ਪਹੁੰਚੀ ਹੈ। ਇਨਾਂ ਘਟਨਾਵਾਂ ਸਬਧੀ ਪੁਲਿਸ ਵਲੋਂ ਤੁਰੰਤ ਐਫ.ਆਈ.ਆਰ ਦਰਜ ਨਹੀ ਕੀਤੀ ਜਾਂਦੀ । ਐਸੋਸੀਏਸ਼ਨ ਨੂੰ ਮੁੱਖ ਸਕੱਤਰ ਪੰਜਾਬ ਸਰਕਾਰ ਨੂੰ ਮਿਲਕੇ ਅਤੇ ਉਨਾਂ ਦੇ ਕਹਿਣ ਤੇ ਬਾਅਦ ਪੁਲਿਸ ਵਲੋਂ ਐਫ.ਆਈ.ਆਰ ਦਰਜ ਕੀਤੀ ਜਾਂਦੀ ਹੈ ਅਤੇ ਐਫ.ਆਈ.ਆਰ ਦਰਜ ਕਰਨ ਉਪਰੰਤ ਦੋਸੀਆਂ ਦੀ ਗ੍ਰਿਫਤਾਰੀ ਨਹੀ ਕੀਤੀ ਜਾਂਦੀ।ਉਨਾਂ ਅੱਗੇ ਕਿਹਾ ਕਿ ਪੀ.ਐਸ.ਅਫਸਰਾਂ ਕੋਲੋ ਮੁੱਢਲੇ ਢਾਂਚੇ ਦੀ ਵੱਡੀ ਕਮੀ ਹੈ। ਵੱਖ-ਵੱਖ ਤਰਾਂ ਦੇ ਸਰਵੈ ਕਰਵਾਉਣ ਲਈ ਸਟਾਫ ਪੂਰਾ ਨਹੀਂ ਹੈ। ਗੱਡੀਆਂ ਨਹੀਂ ਹਨ ਅਤੇ ਰਿਹਾਇਸ਼ ਦੀ ਵੀ ਘਾਟ ਹੈ। ਇਥੋ ਤਕ ਕਿ ਪੰਜਾਬ ਵਿਚ ਇਕ-ਦੋ ਵਧੀਕ ਡਿਪਟੀ ਕਮਿਸਨਰਾਂ ਕੋਲੋ ਸਰਕਾਰੀ ਗੱਡੀਆਂ ਹਨ ਬਾਕੀਆਂ ਅਧਿਕਾਰੀਆਂ ਕੋਲ ਉਹ ਵੀ ਨਹੀਂ ਹਨ। ਉਨਾਂ ਕਿਹਾ ਕਿ ਹਰੇਕ ਪੀ.ਸੀ.ਐਸ ਅਧਿਕਾਰੀ ਨੂੰ ਦੋ-ਦੋ ਪੀ.ਐਸ.ਓ ਦਿੱਤੇ ਜਾਣ।ਉਨਾਂ ਦੁਖੀ ਮਨ ਨਾਲ ਦੱਸਿਆ ਕਿ ਪੀ.ਸੀ.ਐਸ ਅਫਸਰ ਐਸ਼ੋਸੀਏਸ਼ਨ ਆਪਣੀਆਂ ਜਾਇਜ਼ ਮੰਗਾ ਲੈ ਕੇ ਮੁੱਖ ਮੰਤਰੀ ਪੰਜਾਬ ਨੂੰ ਵੀ ਇਕ ਸਾਲ ਪਹਿਲਾਂ ਮਿਲੇ ਸਨ ਉਨਾਂ ਵਲੋਂ ਹਾਂਪੱਖੀ ਹੁੰਗਾਰਾ ਭਰਿਆ ਗਿਆ ਪਰ ਉਸਨੂੰ ਲਾਗੂ ਕਰਨ ਅਮਲੀ ਜਾਮਾ ਅਜੇ ਤਕ ਨਹੀ ਪਹਿਨਾਇਆ ਗਿਆ। ਉਨਾਂ ਅੱਗੇ ਕਿਹਾ ਕਿ ਜਿਹੜੇ ਪੀ.ਸੀ.ਐਸ ਅਧਿਕਾਰੀਆਂ ਵਲੋਂ ਆਪਣੀ 12 ਸਾਲ ਦੀ ਨੋਕਰੀ ਪੂਰੀ ਕਰ ਲਈ ਗਈ ਹੈ ਉਨਾਂ ਨੂੰ ਸੁਪਰ ਸਕੇਲ ਵੀ ਦਿੱਤਾ ਜਾਣਾ ਚਾਹੀਦਾ ਹੈ।