ਭਾਰਤੀ ਜਨਤਾ ਪਾਰਟੀ ਵੱਲੋਂ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਜੀ ਦੇ ਜਨਮਦਿਵਸ ਨੂੰ ਸਮਰਪਿਤ ਦੇਸ਼ ਭਰ ਵਿਚ 14 ਤੋਂ 20 ਸਤੰਬਰ ਤੱਕ ਆਯੋਜਿਤ ਹੋਣ ਵਾਲੇ 'ਸੇਵਾ ਸਪਤਾਹ' ਅਭਿਆਨ ਦੀ ਤਿਆਰੀਆਂ ਦੇ ਸਬੰਧ ਵਿਚ ਸੇਵਾ ਸਪਤਾਹ ਅਭਿਆਨ ਦੇ ਕੌਮੀ ਕਨਵੀਨਰ ਅਤੇ ਭਾਰਤੀ ਜਨਤਾ ਪਾਰਟੀ ਦੇ ਕੌਮੀ ਮੀਤ ਪ੍ਰਧਾਨ ਅਵਿਨਾਸ਼ ਰਾਏ ਖੰਨਾ ਵੱਲੋਂ ਅੱਜ ਚੰਡੀਗੜ੍ਹ ਸਥਿੱਤ ਪੰਜਾਬ ਭਾਜਪਾ ਦਫ਼ਤਰ ਵਿਚ ਇਕ ਖੇਤਰੀ ਮੀਟਿੰਗ ਬੁਲਾਈ ਗਈ, ਜਿਸ ਵਿਚ ਉਤਰ ਭਾਰਤ ਦੇ ਚਾਰ ਸੂਬੀਆਂ ਪੰਜਾਬ, ਹਰਿਆਣਾ, ਜੰਮੂ-ਕਸ਼ਮੀਰ ਅਤੇ ਚੰਡੀਗੜ੍ਹ ਤੋਂ ਸੇਵਾ ਸਪਤਾਹ ਅਭਿਆਨ ਦੇ ਪ੍ਰਮੁੱਖ ਅਤੇ ਸਹਿ-ਪ੍ਰਮੁੱਖਾਂ ਨੇ ਹਿੱਸਾ ਲਿਆ।
ਇਸ ਮੌਕੇ ਖੰਨਾ ਨੇ ਮੀਟਿੰਗ ਵਿਚ ਮੌਜੂਦ ਆਹੁਦੇਦਾਰਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੇ ਜਨਮਦਿਵਸ'ਤੇ ਆਯੋਜਿਤ ਹੋਣ ਵਾਲੇ ਸੇਵਾ ਸਪਤਾਹ ਅਭਿਆਨ ਵਿਚ ਦੇਸ਼ ਭਰ ਵਿਚ ਮੌਜੂਦ ਗਰੀਬ, ਜਰੂਰਤਮੰਦ, ਅਪਾਹਿਜਾਂ ਦੀ ਮਦਦ ਕਰ ਕੇ ਉਨ੍ਹਾਂ ਦੇ ਚਿਰਹੇ 'ਤੇ ਦਿਖਣ ਵਾਲੀ ਖੁਸ਼ੀ ਰਾਹੀਂ ਇਸ ਨੂੰ ਇਕ ਯਾਦਗਾਰ ਸਮਾਂ ਬਣਾਇਆ ਜਾ ਸਕਦਾ ਹੈ।ਖੰਨਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮੋਦੀ ਜੀ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ 14 ਤੋਂ 20 ਸਤੰਬਰ ਤੱਕ ਆਯੋਜਿਤ 'ਸੇਵਾ ਸਪਤਾਹ' ਅਭਿਆਨ ਦੌਰਾਨ ਅਸੀਂ ਵਿਸ਼ਾਲ ਖੂਨਦਾਨ ਕੈਂਪ, ਹੇਲਥ ਚੈਕਅਪ ਕੈਂਪ, ਅੱਖਾਂ ਦੀ ਜਾਂਚ ਅਤੇ ਆਪ੍ਰੇਸ਼ਨ ਕੈਂਪ ਲਗਾ ਸਕਦੇ ਹਾਂ। ਇਸ ਤੋਂ ਇਲਾਵਾ ਉਨ੍ਹਾਂ ਦੱਸਿਆ ਕਿ ਹਸਪਤਾਲਾਂ, ਯਤੀਮਖਾਨੇ ਅਤੇ ਸੰਸਥਾਨਾਂ ਵਿਚ ਜਾ ਕੇ ਮਰੀਜ਼ਾਂ ਅਤੇ ਜਰੂਰਤਮੰਦਾਂ ਨੂੰ ਫੱਲ ਆਦਿ ਵੰਡੇ ਜਾਣ। ਖੰਨਾ ਨੇ ਦੱਸਿਆ ਕਿ ਸੇਵਾ ਸਪਤਾਹ ਅਭਿਆਨ ਦੇ ਆਹੁਦੇਦਾਰ ਆਪਣੇ ਇਲਾਕੇ ਅਧੀਨ ਆਉਂਦੇ ਉਚ ਸੰਸਥਾਨਾਂ ਅਤੇ ਵੱਡੇ ਦਾਨੀਆਂ ਨਾਲ ਸੰਪਰਕ ਕਰ ਕੇ ਉਨ੍ਹਾਂ ਨੂੰ ਘੱਟ ਤੋਂ ਘੱਟ 100 ਅਪਾਹਿਜਾਂ ਅਤੇ ਗਰੀਬ ਜਰੂਰਤਮੰਦਾਂ ਦੀ ਸਿੱਖਿਆ ਅਤੇ ਉਨ੍ਹਾਂ ਦੇ ਪਾਲਣ-ਪੋਸ਼ਣ ਦੀ ਜਿੰਮੇਦਾਰੀ ਚੁੱਕਣ ਦੇ ਲਈ ਪ੍ਰੇਰਿਤ ਕਰਨ।ਖੰਨਾ ਨੇ ਦੱਸਿਆ ਕਿ ਸੇਵਾ ਅਭਿਆਨ ਦੇ ਤਹਿਤ ਮਾਣਯੋਗ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਜੀ ਦੇ ਜੀਵਨ ਅਤੇ ਉਪਲਬਧੀਆਂ 'ਤੇ ਅਧਾਰਿਤ ਪੁਸਤਕਾਂ ਅਤੇ ਸੀਡੀਜ਼ ਕੇਂਦਰੀ ਟੀਮ ਵੱਲੋਂ ਮੁਹਇਆ ਕਰਵਾਈਆਂ ਜਾਣਗੀਆਂ। ਇਨ੍ਹਾਂ ਪੁਸਤਕਾਂ ਨੂੰ ਮੰਡਲ ਪੱਧਰ 'ਤੇ ਲੋਕਾਂ ਵਿਚ ਵੰਡੀਆ ਜਾ ਸਕਦਾ ਹੈ ਅਤੇ ਨਾਲ ਹੀ ਮੰਡਲ ਪੱਧਰ 'ਤੇ ਪ੍ਰਦਰਸ਼ਨੀਆਂ ਆਯੋਜਿਤ ਕਰਕੇ ਖੁਸ਼ੀ ਜਾਹਿਰ ਕੀਤੀ ਜਾ ਸਕਦੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਸੇਵਾ ਸਪਤਾਹ ਦੌਰਾਨ ਦੇਸ਼ ਭਰ ਵਿਚ ਪਲਾਸਟਿਕ ਵਸਤੂਆਂ ਦੀ ਵਰਤੋਂ ਖਤਮ ਕਰਨ ਅਤੇ ਜਲ ਬਚਾਓ ਨੂੰ ਪ੍ਰੋਤਸਾਹਿਤ ਕਰਨ ਦਾ ਅਭਿਆਨ ਵੀ ਚਲਾਇਆ ਜਾ ਸਕਦਾ ਹੈ।