ਪੰਜਾਬ ਸਕੂਲ ਜ਼ਿਲ੍ਹਾ ਪੱਧਰੀ ਵਾਲੀਵਾਲ ਅੰਡਰ 19 ਲੜਕੇ - ਲੜਕੀਆਂ ਦੇ ਮੁਕਾਬਲੇ ਅੱਜ ਖੇਤਰ ਦੇ ਨਾਮਵਰ ਵਿੱਦਿਅਕ ਅਦਾਰੇ ਮਧੂਬਨ ਵਾਟਿਕਾ ਪਬਲਿਕ ਸਕੂਲ ਦੇ ਖੇਡ ਮੈਦਾਨ ਦੇ ਵਿੱਚ ਸ਼ਾਨੋ ਸ਼ੌਕਤ ਨਾਲ ਸ਼ੁਰੂਆਤ ਕਰਵਾਈ ਗਈ। ਇਨ੍ਹਾਂ ਉਕਤ ਖੇਡ ਮੁਕਾਬਲਿਆਂ ਦੀ ਅੱਜ ਆਰੰਭਤਾ ਮੌਕੇ ਸ੍ਰੀ ਅਲਟ੍ਰਾ ਸੀਮਿੰਟ ਹੋਲਡਰ ਰੂਪਨਗਰ ਦੇ ਮਾਲਿਕ ਸ੍ਰੀ ਅਮਨ ਕੁਮਾਰ ਚੱਡਾ ਅਤੇ ਜ਼ੋਨਲ ਪ੍ਰਧਾਨ ਵਰਿੰਦਰ ਸ਼ਰਮਾ ਵੱਲੋਂ ਸਾਝੇ ਤੋਰ ਤੇ ਫੀਤਾ ਕੱਟ ਕੇ ਕੀਤੀ ਗਈ । ਇਸ ਮੌਕੇ ਖਿਡਾਰੀਆਂ ਨੂੰ ਸੰਬੋਧਨ ਕਰਦੇ ਹੋਏ ਸ੍ਰੀ ਅਮਨ ਕੁਮਾਰ ਚੱਡਾ ਨੇ ਕਿਹਾ ਕਿ ਵਿਦਿਆਰਥੀਆਂ ਨੇ ਪੜ੍ਹਾਈ ਦੇ ਨਾਲ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕਰਨ ਦੇ ਮਕਸਦ ਨਾਲ ਉੱਕਤ ਇਹ ਟੂਰਨਾਮੈਂਟ ਕਰਵਾਏ ਜਾ ਰਹੇ ਹਨ ਅਤੇ ਵਿਦਿਆਰਥੀ ਇਨ੍ਹਾਂ ਮੁਕਾਬਲਿਆਂ ਵਿੱਚ ਦਿਲਚਸਪੀ ਨਾਲ ਭਾਗ ਲੈ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਵਿਦਿਆਰਥੀਆਂ ਨੂੰ ਖੇਡਾਂ ਨਾਲ ਜੋੜਣ ਲਈ ਪੰਜਾਬ ਸਕੂਲ ਸਿਖਿਆ ਬੋਰਡ ਵਲੋ ਸਰਕਾਰ ਵੱਲੋਂ ਖੇਡਾਂ ਵਿੱਚ ਕੌਮੀ ਤੇ ਕੌਮਾਂਤਰੀ ਪੱਧਰ ‘ਤੇ ਮੈਡਲ ਹਾਸਲ ਕਰਨ ਵਾਲੇ ਖਿਡਾਰੀਆਂ ਨੂੰ ਮਹੀਨਵਾਰ ਵਿਸ਼ੇਸ਼ ਭੱਤੇ ਦੇਣ ਦਾ ਐਲਾਨ ਕੀਤਾ ਜਾ ਚੁੱਕਾ ਹੈ। ਇਨਾ ਖੇਡਾਂ ਨਾਲ ਜਿੱਥੇ ਵਿਦਿਆਰਥੀਆਂ ਵਿੱਚ ਆਪਸੀ ਮਿਲਵਰਤਨ ਅਤੇ ਭਾਈਚਾਰਕ ਸਾਂਝ ਕਾਇਮ ਰਹਿੰਦੀ ਹੈ, ਉੱਥੇ ਉਨ੍ਹਾਂ ਨੂੰ ਸਰੀਰਕ ਤੇ ਮਾਨਸਿਕ ਤੰਦਰੁਸਤੀ ਵੀ ਮਿਲਦੀ ਹੈ। ਇਨ੍ਹਾਂ ਦੇ ਨਾਲ ਹੀ ਖਿਡਾਰੀਆਂ ਨੂੰ ਅਸ਼ੀਰਵਾਦ ਦੇਣ ਦੇ ਲਈ ਏਈਓ ਸਤਨਾਮ ਸਿੰਘ,ਓਮਵੀਰ ਸਿੰਘ ਰਾਣਾ.ਲੋਕੇਸ ਮੋਹਨ,ਆਦਿ ਵਲੋ ਵੀ ਖਿਡਾਰੀਆ ਨਾਲ ਜਿਥੇ ਵਿਸ਼ੇਸ਼ ਮੁਲਾਕਾਤ ਕੀਤਾ ਗਈ ਉਥੇ ਹੀ ਖਿਡਾਰੀਆ ਨੂੰ ਆਸੀਰਵਾਦ ਵੀ ਦਿਤਾ ਗਿਆ । ਇਨ੍ਹਾਂ ਉਕਤ ਪਹਿਲੇ ਦਿਨ ਹੋਏ ਲੜਕਿਆਂ ਦੇ ਮੁਕਾਬਲਿਆਂ ਚ ਤਖਤਗੜ੍ਹ ਨੇ ਨੂਰਪੁਰ ਬੇਦੀ ਨੂੰ ,ਸ੍ਰੀ ਅਨੰਦਪੁਰ ਸਾਹਿਬ ਨੇ ਭਲਾਣ ਨੂੰ ,ਸ੍ਰੀ ਆਨੰਦਪੁਰ ਸਾਹਿਬ ਨੇ ਮੀਆਂਪੁਰ ਨੂੰ ,ਚਮਕੌਰ ਸਾਹਿਬ ਨੇ ਰੂਪਨਗਰ ਨੂੰ ਅਤੇ ਇਸੇ ਤਰ੍ਹਾਂ ਲੜਕੀਆਂ ਦੇ ਮੁਕਾਬਲਿਆਂ ਚ ਸ੍ਰੀ ਆਨੰਦਪੁਰ ਸਾਹਿਬ ਨੇ ਤਖ਼ਤਗੜ੍ਹ ਨੂੰ ,ਨੂਰਪੁਰ ਬੇਦੀ ਨੇ ਰੂਪਨਗਰ ਨੂੰ ,ਭਲਾਨ ਨੇ ਨੰਗਲ ਨੂੰ ਹਰਾ ਕੇ ਅਗਲੇ ਪੜਾਅ ਚ ਪ੍ਰਵੇਸ਼ ਕੀਤਾ । ਇਸ ਮੌਕੇ ਉਨ੍ਹਾਂ ਦੇ ਨਾਲ ਜ਼ੋਨਲ ਪ੍ਰਧਾਨ ਵਰਿੰਦਰ ਸ਼ਰਮਾ ,ਜ਼ੋਨਲ ਸਕੱਤਰ ਗੁਰਵਿੰਦਰ ਸਸਕੌਰ ਏਈਓ ਸਤਨਾਮ ਸਿੰਘ ,ਰਾਜੀਵ ਕੁਮਾਰ,ਦੀਪਕ ਰਾਣਾ, ਅਜੇ ਕੁਮਾਰ,ਹਰਪ੍ਰੀਤ ਸਿੰਘ,ਲੋਕੇਸ ਮੋਹਨ.ਰਣਜੀਤ ਸਿੰਘ ਸਕੂਲ ਪਿ੍ੰਸੀਪਲ ਜੋਬੀ ਟੀ ਅਬਰਾਹਮ ,ਮੈਡਮ ਦੀਪਿਕਾ ਪੁਰੀ ,ਮੈਡਮ ਅਨੂ ਕੌਸ਼ਲ ,ਮੈਡਮ ਸੁਰੇਖਾ ਰਾਣਾ ,ਬਿਮਲ ਸੈਣੀ ,ਅਵਿਨਾਸ ਕੁਮਾਰ ,ਧਰਮਵੀਰ ਹੈਪੀ, ਮੈਡਮ ਮਨਜੀਤ ਕੌਰ ,ਮੈਡਮ ਅਮਨ ਸਾਦਲ ਅਦਿ ਵਿਸ਼ੇਸ਼ ਤੋਰ ਮੋਜੂਦ ਸਨ।