ਲੋਕ ਸਭਾ ਹਲਕਾ ਸ੍ਰੀ ਅਨੰਦਪੁਰ ਸਾਹਿਬ ਤੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਤੇ ਸਾਬਕਾ ਕੇਂਦਰੀ ਮੰਤਰੀ ਸ੍ਰੀ ਮਨੀਸ਼ ਤਿਵਾੜੀ ਵੱਲੋਂ ਹਲਕਾ ਅਨੰਦਪੁਰ ਸਾਹਿਬ ਵੱਲੋਂ ਹਰ ਹਲਕੇ ਵਿਚ ਗਰੀਬ ਤੇ ਲੋੜਵੰਦ ਪਰਿਵਾਰਾਂ ਦੇ ਵਿਕਾਸ ਨੂੰ ਧਿਆਨ ਵਿਚ ਰੱਖਦੇ ਹੋਏ ਲੋਕ ਸਭਾ 2019 ਦੀਆਂ ਚੋਣਾ ਲਈ ਕਾਂਗਰਸ ਪਾਰਟੀ ਨੇ ਚੋਣ ਮੈਨੀਫੈਸਟੋ ਵਿਚ ਨਿਆ ਸਕੀਮ ਨੂੰ ਸ਼ਾਮਿਲ ਕੀਤਾ ਗਿਆ ਹੈ, ਇਸ ਤੋਂ ਮਨਰੇਗਾ ਸਕੀਮ ਤਹਿਤ 100 ਦਿਨ ਦੇ ਰੁਜ਼ਗਾਰ ਨੂੰ ਹੁਣ 150 ਦਿਨ ਰੁਜ਼ਗਾਰ ਨਿਸ਼ਚਿਤ ਕੀਤਾ ਗਿਆ ਹੈ।ਅੱਜ ਜਦੋਂ ਬਰਨਾਲਾ ਕਲਾ ਵਿਖੇ ਮੀਟਿੰਗ ਨੂੰ ਸੰਬੋਧਨ ਕਰਨ ਤੋਂ ਮਨੀਸ਼ ਤਿਵਾੜੀ ਨੇ ਪਿੰਡ ਦੀਆਂ ਔਰਤਾਂ ਨਾਲ ਗੱਲਬਾਤ ਕੀਤੀ ਤਾਂ ਉਹਨਾਂ ਨੇ ਕਾਂਗਰਸ ਪਾਰਟੀ ਦੇ ਇਸ ਐਲਾਨ ਤੇ ਖੁਸ਼ੀ ਜਾਹਰ ਕਰਦਿਆ ਹੋਏ ਉਹਨਾਂ ਦਾ ਧੰਨਵਾਦ ਕੀਤਾ। ਉਹਨਾਂ ਨੇ ਤਿਵਾੜੀ ਨੂੰ ਦੱਸਿਆ ਕਿ ਕਾਂਗਰਸ ਪਾਰਟੀ ਦੇ ਚੋਣ ਮੈਨੀਫੈਸਟੋ ਵਿਚ ਲੋੜਵੰਦ ਪਰਿਵਾਰ ਲਈ ਲਿਆਂਦੀਂ ਨਿਆ ਸਕੀਮ ਦੀ ਹਲਕੇ ਦੇ ਪਿੰਡ-ਪਿੰਡ ਵਿਚ ਇਹ ਚਰਚਾ ਆਮ ਹੋਣ ਲੱਗ ਪਈ ਹੈ ਕਿ ਹੁਣ ਕਾਂਗਰਸ ਪਾਰਟੀ ਦੀ ਸਰਕਾਰ ਬਣਨ ਨਾਲ ਉਹਨਾਂ ਦੇ ਖਾਤੇ ਵਿਚ 6 ਹਾਜ਼ਾਰ ਰੁਪਏ ਮਹੀਨਾ ਤੇ ਸਾਲ ਦਾ 72 ਹਾਜਾਰ ਰੁਪਏ ਆਉਣ ਨਾਲ ਉਹਨਾਂ ਦੇ ਘਰ ਦੀ ਆਰਥਿਕ ਸਥਿਤੀ ਵਿਚ ਸੁਧਾਰ ਆਵੇਗਾ। ਫਿਰ ਕਾਂਗਰਸ ਦੀ ਸਰਕਾਰ ਕਿਉਂ ਨਾ ਬਣਾਈ ਜਾਵੇ, ਨਰਿੰਦਰ ਮੋਦੀ ਤੇ ਪ੍ਰੋ. ਚੰਦੂਮਾਜਰਾ ਤਾਂ ਜੁਮਲੇ ਹੀ ਛੱਡਦੇ ਰਹਿੰਦੇ ਹਨ ਤੇ ਸਾਡੀ ਵੋਟਾਂ ਲੈ ਕੇ ਫਿਰ ਹਲਕੇ ਵਿਚ ਵੀ ਨਜ਼ਰ ਨਹੀਂ ਆਉਂਦੇ। ਇਹੋ ਜਿਹੇ ਉਮੀਦਵਾਰ ਤੇ ਪਾਰਟੀ ਲਈ ਸਾਡੀ ਕੋਈ ਵੋਟ ਨਹੀਂ।