ਭਾਰਤੀ ਜਨਤਾ ਪਾਰਟੀ ਚੰਡੀਗੜ੍ਹ ਦੇ ਪ੍ਰਦੇਸ਼ ਪ੍ਰਧਾਨ ਸੰਜੈ ਟੰਡਨ ਨੇ ਕਿਹਾ ਹੈ ਕਿ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ 'ਤੇ ਭਾਜਪਾ ਦੇ ਕੌਮੀ ਪ੍ਰਧਾਨ ਅਮਿਤ ਸ਼ਾਹ ਦੀ ਜੋੜੀ ਨੇ ਭਾਜਪਾ ਨੂੰ ਦੇਸ਼ ਦਾ ਸਭਤੋਂ ਵੱਡਾ ਸੰਗਠਨ ਬਣਾਇਆ ਹੈ। ਜਿਸਦੇ ਚੱਲਦੇ ਅੱਜ ਹਰ ਰਾਜਨੀਤਿਕ ਦਲ ਦਾ ਨੇਤਾ ਭਾਜਪਾ ਦੇ ਨਾਲ ਜੁੜਨ ਲਈ ਤਿਆਰ ਹੈ।ਸੰਜੈ ਟੰਡਨ ਵੀਰਵਾਰ ਨੂੰ ਸੈਕਟਰ-33 ਸਥਿਤ ਪਾਰਟੀ ਦਫਤਰ ਕਮਲਮ 'ਚ ਨਗਰ ਨਿਗਮ ਚੋਣ ਲੜਨ ਵਾਲੇ ਅਮਿਤ ਸ਼ਰਮਾ 'ਤੇ ਉਨਾਂ ਦੇ ਦਰਜ਼ਨਾਂ ਸਾਥੀਆਂ ਨੂੰ ਭਾਜਪਾ 'ਚ ਸ਼ਾਮਿਲ ਕਰਵਾਉਣ ਦੇ ਬਾਅਦ ਵਰਕਰਾਂ ਨੂੰ ਸੰਬੋਧਿਤ ਕਰ ਰਹੇ ਸਨ। ਅਮਿਤ ਸ਼ਰਮਾ ਪਹਿਲਾਂ ਭਾਜਪਾ 'ਚ ਹੀ ਸਨ ਪਰੰਤੂ ਸਾਲ 2016 'ਚ ਹੋਏ ਨਿਗਮ ਚੋਣਾਂ ਦੇ ਦੌਰਾਨ ਉਨਾਂ ਨੇ ਵਾਰਡ ਨੰਬਰ-26 ਤੋਂ ਆਜ਼ਾਦ ਚੋਣ ਲੜੀ ਸੀ। ਅੱਜ ਫਿਰ ਤੋਂ ਅਮਿਤ ਸ਼ਰਮਾ ਨੇ ਭਾਜਪਾ 'ਤੇ ਆਪਣਾ ਵਿਸ਼ਵਾਸ਼ ਪ੍ਰਗਟ ਕੀਤਾ। ਜਿਨਾਂ ਦਾ ਸਵਾਗਤ ਕਰਦੇ ਹੋਏ ਟੰਡਨ ਨੇ ਕਿਹਾ ਕਿ ਇਹ ਅਮਿਤ ਸ਼ਰਮਾ ਦੀ ਘਰ ਵਾਪਸੀ ਹੈ।ਇਸ ਮੌਕੇ 'ਤੇ ਬੋਲਦੇ ਹੋਏ ਪਾਰਟੀ ਉਮੀਦਵਾਰ ਅਤੇ ਸਾਂਸਦ ਕਿਰਣ ਖੇਰ ਨੇ ਕਿਹਾ ਕਿ ਅਮਿਤ ਸ਼ਰਮਾ ਦੇ ਭਾਜਪਾ 'ਚ ਆਉਣ ਨਾਲ ਜਿੱਥੇ ਮਜ਼ਬੂਤੀ ਮਿਲੇਗੀ ਉਥੇ ਹੀ ਉਨਾਂ ਨੂੰ ਵਾਰਡ -26 ਅਤੇ ਆਸਪਾਸ ਦੇ ਖੇਤਰਾਂ 'ਚ ਇਸਦਾ ਲਾਭ ਮਿਲੇਗਾ। ਇਸ ਮੌਕੇ ਤੇ ਚੋਣ ਪ੍ਰਚਾਰ ਕਮੇਟੀ ਦੇ ਕੁਆਰਡੀਨੇਟਰ ਸਤਿੰਦਰ ਸਿੰਘ, ਜਿਲਾ ਪ੍ਰਧਾਨ ਅਤੇ ਕੌਂਸਲਰ ਸ਼ਕਤੀ ਦੇਵਸ਼ਾਲੀ, ਕੌਂਸਲਰ ਜਗਤਾਰ ਜੱਗਾ, ਅਨਿਲ ਦੁਬੇ, ਗੌਰਵ ਗੋਪਾਲ, ਹਰੀਸ਼ ਗਰਗ ਸਮੇਤ ਕਈ ਪਤਵੰਤੇ ਹਾਜਰ ਸਨ।