ਲੋਕ ਸਭਾ ਹਲਕਾ ਸ਼੍ਰੀ ਆਨੰਦਪੁਰ ਸਾਹਿਬ ਤੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਅਤੇ ਸਾਬਕਾ ਕੇਂਦਰੀ ਮੰਤਰੀ ਮਨੀਸ਼ ਤਿਵਾੜੀ ਨੇ ਚੋਣ ਪ੍ਰਚਾਰ ਨੂੰ ਹੋਰ ਤੇਜ ਕਰਨ ਲਈ ਹਲਕੇ ਦੇ ਵਰਕਰਾਂ ਨੂੰ ਘਰ ਘਰ ਤੱਕ ਮੋਦੀ ਅਤੇ ਚੰਦੂਮਾਜਰਾ ਦੀ ਘਟੀਆ ਕਾਰਗੁਜਾਰੀ ਦਾ ਲੇਖਾ ਜੋਖਾ ਕਰਨ ਦੀ ਅਪੀਲ ਕੀਤੀ। ਹਲਕਾ ਰੂਪਨਗਰ ਦੇ ਨੂਰਪੁਰ ਬੇਦੀ ਦੇ ਪਿੰਡ ਅਭਿਆਣਾ, ਬੈਸਾਂ, ਕਰਤਾਰਪੁਰ, ਝੱਜ ਚੌਂਕ, ਬੜਵਾ, ਕਨੋਲਾ, ਮਾਜਰੀ ਜੱਟਾਂ, ਸ਼ਾਮਪੁਰਾ ਵਿਖੇ ਵਰਕਰ ਮੀਟਿੰਗਾਂ ਨੂੰ ਸੰਬੋਧਨ ਕਰਦਿਆ ਸ੍ਰੀ ਤਿਵਾੜੀ ਨੇ ਕਿਹਾ ਕਿ, ਕੇਂਦਰ ਵਿਚ ਬੀਜੇਪੀ ਸਰਾਕਰ ਬਣਨ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਦਾ ਵਿਕਾਸ ਘੱਟ ਅਤੇ ਵਿਦੇਸ਼ਾਂ ਦੀ ਸ਼ੈਰ ਜਿਆਦਾ ਕੀਤੀ ਹੈ।ਸ੍ਰੀ ਤਿਵਾੜੀ ਅੱਜ ਰੂਪਨਗਰ ਵਿਖੇ ਜ਼ਿਲਾ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਬਰਿੰਦਰ ਸਿੰਘ ਢਿੱਲੋਂ ਦੀ ਅਗਵਾਈ ਹੇਠ ਵਰਕਰ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ, ਦੇਸ਼ ਵਾਸੀਆਂ ਨੂੰ ਅੱਛੇ ਦਿਨ ਆਉਣ ਦਾ ਸੁਪਨਾ ਦਿਖਾ ਕੇ ਲੋਕਾਂ ਨੂੰ ਗੁੰਮਰਾਹ ਕਰਕੇ ਸੱਤਾ ਵਿਚ ਆਉਣ ਮਗਰੋ ਮੋਦੀ ਸ਼ਾਇਦ ਇਹ ਭੁੱਲ ਗਏ ਕਿ, ਲੋਕਾਂ ਨੂੰ ਇਕ ਵਾਰ ਗੁੰਮਰਾਹ ਕੀਤਾ ਜਾ ਸਕਦਾ ਹੈ, ਵਾਰ ਵਾਰ ਨਹੀਂ। ਤਿਵਾੜੀ ਨੇ ਕਿਹਾ ਕਿ ਆਨੰਦਪੁਰ ਸਾਹਿਬ ਹਲਕੇ ਦੇ ਸਾਂਸਦ ਬਣਨ ਤੋਂ ਬਾਅਦ ਇਕ ਵੀ ਕੋਈ ਪ੍ਰੋਜੈਕਟ ਨਾ ਲਿਆਉਣ ਅਤੇ ਨਾ ਹੀ ਹਲਕੇ ਦਾ ਵਿਕਾਸ ਕਰਾਉਣ ਦੇ ਬਾਵਜੂਦ ਪਤਾ ਨਹੀਂ ਚੰਦੂਮਾਜਰਾ ਸਾਹਿਬ ਕਿਸ ਮੂੰਹ ਨਾਲ ਵੋਟਾਂ ਮੰਗ ਰਹੇ ਹਨ। ਉਨਾਂ ਨੇ ਕਿਹਾ ਕਿ ਪੰਜਾਬ ਦੇ ਲੋਕ ਜਾਗਰੂਕ ਹੋ ਗਏ ਹਨ, ਤੇ ਹੁਣ ਉਹ ਇਨਾਂ ਦੀ ਗੁੰਮਰਾਹ ਕਰਨ ਵਾਲੀਆਂ ਨੀਤੀਆਂ ਵਿਚ ਨਹੀਂ ਆਉਣਗੇ। ਉਹ ਸਿਰਫ਼ ਤੇ ਸਿਰਫ਼ 19 ਦੇ ਦਿਨ ਦਾ ਇੰਤਜਾਰ ਕਰ ਰਹੇ ਹਨ, ਕਿ ਇਸ ਗੁੰਮਰਾਹ ਕਰਨ ਵਾਲੀ ਅਕਾਲੀ ਭਾਜਪਾ ਨੂੰ ਚਲਦਾ ਕਰਕੇ ਪੰਜਾਬ ਦੀਆਂ 13 ਦੀਆਂ 13 ਸੀਟਾਂ ਕਾਂਗਰਸ ਦੀ ਝੋਲੀ ਵਿਚ ਪਾਉਣ ਲਈ ਤਿਆਰ ਹਨ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਬਰਿੰਦਰ ਸਿੰਘ ਢਿੱਲੋਂ ਨੇ ਕਿਹਾ ਕਿ ਲੋਕਾਂ 'ਚ ਹੁਣ ਆਕਲੀ ਦਲ ਦੀਆਂ ਲੋਕਮਾਰੂ ਨੀਤੀਆਂ ਤੋਂ ਵਿਸ਼ਵਾਸ ਖਤਮ ਹੋ ਗਿਆ ਹੈ, ਤਾਂ ਹੀ ਹੁਣ ਹਲਕੇ ਦੇ ਲੋਕ ਉਨਾਂ ਦੇ ਉਮੀਦਵਾਰ ਨੂੰ ਗੋ ਬੈਕ ਦੇ ਨਾਰੇ ਲਾਕੇ ਅਕਾਲੀਆਂ ਦੀਆਂ ਅੱਖਾਂ ਖੋਲਣ ਤੇ ਕਾਂਗਰਸ ਪਾਰਟੀ ਦੀ ਸਰਕਾਰ ਬਣਾਉਣ ਲਈ 19 ਮਈ ਦਾ ਇੰਤਜ਼ਾਰ ਕਰ ਰਹੇ ਹਨ। ਇਸ ਮੌਕੇ ਜਿਲਾ ਪ੍ਰਧਾਨ ਬਰਿੰਦਰ ਸਿੰਘ ਢਿੱਲੋਂ, ਸੁਖਵਿੰਦਰ ਸਿੰਘ ਵਿਸਕੀ, ਵਿਜੈ ਟਿੰਕੂ, ਸਤਵਿੰਦਰ ਸਿੰਘ ਚੈੜੀਆਂ, ਸਾਬਕਾ ਜਿਲ•ਾ ਪ੍ਰਧਾਨ ਕਾਂਗਰਸ ਅਮਰਜੀਤ ਸਿੰਘ ਸੈਣੀ, ਦਰਸ਼ਨ ਸਿੰਘ, ਚੌਧਰੀ ਨੰਦਲਾਲ, ਰਾਧੇ ਕ੍ਰਿਸ਼ਨ ਹੈਪੀ ਸਰਪੰਚ, ਧੀਰਜ ਕੁਮਾਰ ਸਰਪੰਚ, ਮੋਹਨ ਸਿੰਘ ਬਲਾਕ ਸੰਮਤੀ ਮੈਂਬਰ, ਚੌਧਰੀ ਸੁਰੇਸ਼ ਚੰਦ, ਪ੍ਰੇਮ ਚੰਦ ਨਵਾਂਸ਼ਹਿਰ, ਕਾਂਗਰਸ ਦੇ ਪ੍ਰਧਨ ਮੋਹਣ ਸਿੰਘ ਸਰਥਰੀ ਸਰਪੰਚ, ਅਮਰਜੀਤ ਸਿੰਘ ਸੈਣੀ, ਤੀਰਥ ਨਾਥ ਬੰਸਲ, ਵਿਜੈ ਕੁਮਾਰ ਸਰਪੰਚ, ਮਹਿੰਦਰ ਕੁਮਾਰ ਸਾਬਕਾ ਸਰਪੰਚ ਆਦਿ ਹਾਜ਼ਰ ਸਨ।