ਬਟਾਲਾ ਪੁਲਿਸ ਨੇ ਰਿਟਾਇਡ ਐੱਸ.ਡੀ.ਓ. ਦੇ ਕਤਲ ਦਾ ਮਾਮਲਾ ਸੁਲਝਾ ਲਿਆ ਹੈ ਅਤੇ 2 ਕਾਤਲਾਂ ਨੂੰ ਗਿ੍ਰਫਤਾਰ ਕਰਨ ਵਿੱਚ ਕਾਮਯਾਬੀ ਹਾਸਲ ਕੀਤੀ ਹੈ। ਇਸ ਸਬੰਧੀ ਐੱਸ.ਐੱਸ.ਪੀ. ਬਟਾਲਾ ਸ. ਓਪਿੰਦਰਜੀਤ ਸਿੰਘ ਘੁੰਮਣ ਨੇ ਅੱਜ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਦੱਸਿਆ ਹੈ ਕਿ ਬੀਤੇ ਦਿਨੀ 5 ਮਾਰਚ ਨੂੰ ਸ਼ਾਸ਼ਤਰੀ ਨਗਰ ਵਿਖੇ ਰਣਧੀਰ ਸਿੰਘ ਰਿਟਾਇਡ ਐੱਸ.ਡੀ.ਓ. ਪੁੱਤਰ ਦਲੀਪ ਸਿੰਘ ਵਾਸੀ ਸ਼ਾਪ ਕੰਪਲੈਕਸ ਸ਼ਾਸਤਰੀ ਨਗਰ ਬਟਾਲਾ ਨੂੰ ਕਿਸੇ ਅਣਪਛਾਤੇ ਵਿਅਕਤੀ ਵਲੋਂ ਦਿਨ-ਦਿਹਾੜੇ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ, ਜਿਸ ਤੋਂ ਬਾਅਦ ਮਿ੍ਰਤਕ ਦੀ ਪਤਨੀ ਵਲੋਂ ਸ਼ੱਕ ਜ਼ਾਹਰ ਕਰਦੇ ਹੋਏ ਜਸਬੀਰ ਸਿੰਘ ਪੁੱਤਰ ਸਰਬਜੀਤ ਸਿੰਘ ਅਤੇ ਤਰਨਦੀਪ ਸਿੰਘ ਪੁੱਤਰ ਜਸਬੀਰ ਸਿੰਘ ਵਾਸੀ ਸਿਨੇਮਾ ਰੋਡ ਬਟਾਲਾ ਦੇ ਖਿਲਾਫ਼ ਕਤਲ ਸਮੇਤ ਵੱਖ-ਵੱਖ ਧਰਾਵਾਂ ਹੇਠ ਦਾਣਾ ਸਿਟੀ ਅੰਦਰ ਮਾਮਲਾ ਦਰਜ ਕੀਤਾ ਸੀ।ਐੱਸ.ਐੱਸ.ਪੀ. ਬਟਾਲਾ ਨੇ ਦੱਸਿਆ ਕਿ ਮੁਕੱਦਮੇ ਦੀ ਡੂੰਘਾਈ ਨਾਲ ਤਫ਼ਤੀਸ਼ ਕਰਕੇ ਘਟਨਾ ਨੂੰ ਅੰਜ਼ਾਮ ਦੇਣ ਵਾਲੇ ਵਿਅਕਤੀਆਂ ਨੂੰ ਟਰੇਸ ਕਰਨ ਲਈ ਐੱਸ.ਪੀ. ਇਨਵੈਸਟੀਗੇਸ਼ਨ ਦੀ ਨਿਗਰਾਨੀ ਹੇਠ ਡੀ.ਐੱਸ.ਪੀ. ਫਤਿਹਗੜ ਚੂੜੀਆਂ, ਡੀ.ਐੱਸ.ਪੀ. ਬਟਾਲਾ ਸਿਟੀ ਅਤੇ ਐੱਸ.ਐੱਚ.ਓ. ਥਾਣਾ ਸਿਟੀ ਦੀ ਇੱਕ ਵਿਸ਼ੇਸ਼ ਜਾਂਚ ਟੀਮ ਦਾ ਗਠਨ ਕੀਤਾ ਗਿਆ ਸੀ। ਉਨਾਂ ਦੱਸਿਆ ਕਿ ਇਸ ਜਾਂਚ ਟੀਮ ਨੂੰ ਮਾਮਲੇ ਦੀ ਤਫ਼ਤੀਸ਼ ਦੌਰਾਨ ਉਸ ਸਮੇਂ ਵੱਡੀ ਸਫਲਤਾ ਹਾਸਲ ਹੋਈ ਜਦੋਂ ਮੁਕੱਦਮੇ ਦੇ ਅਸਲ ਦੋਸ਼ੀਆਂ ਹਰਮਨਦੀਪ ਸਿੰਘ ਜਸਬੀਰ ਸਿੰਘ ਵਾਸੀ ਸ਼ਾਪ ਨੰਬਰ 101, ਬੈਕ ਸਾਈਡ ਗਰੈਂਡਵੇ ਹੋਟਲ ਸ਼ਾਸਤਰੀ ਨਗਰ ਬਟਾਲਾ ਜੋ ਕਿ ਮਿ੍ਰਤਕ ਦਾ ਸਕਾ ਭਤੀਜਾ ਹੈ ਅਤੇ ਸੁਖਜੀਤ ਸਿੰਘ ਪੁੱਤਰ ਸੁਖਦੇਵ ਸਿੰਘ ਵਾਸੀ ਅਲਕੜੇ ਜੋ ਕਿ ਹਰਮਨਦੀਪ ਸਿੰਘ ਦਾ ਡਾਰਇਵਰ ਹੈ ਨੂੰ ਅਸਲ ਦੋਸ਼ੀਆਂ ਵਜੋਂ ਟਰੇਸ ਕਰਕੇ ਬੀਤੇ ਮੰਗਲਵਾਰ ਨੂੰ ਗਿ੍ਰਫਤਾਰ ਕਰ ਲਿਆ ਗਿਆ। ਉਕਤ ਦੋਸ਼ੀਆਂ ਨੇ ਪੁੱਛ-ਗਿੱਛ ਦੌਰਾਨ ਆਪਣਾ ਜੁਲਮ ਕਬੂਲਦੇ ਹੋਏ ਦੱਸਿਆ ਕਿ ਮਿ੍ਰਤਕ ਰਣਧੀਰ ਸਿੰਘ ਰਿਟਾ: ਐੱਸ.ਡੀ.ਓ. ਜੋ ਕਿ ਹਰਮਨਦੀਪ ਸਿੰਘ ਦਾ ਸਕਾ ਚਾਚਾ ਹੈ ਅਤੇ ਉਨਾਂ ਨੇ ਬੀ.ਐੱਮ.ਐੱਸ. ਇੰਟਰਪ੍ਰਾਈਜਰ ਦੇ ਨਾਮ ’ਤੇ ਕੰਪਨੀ ਖੋਲੀ ਹੋਈ ਸੀ, ਜਿਸ ਵਿੱਚ ਪੈਸੇ ਉਹ ਪੈਸੇ ਦਾ ਕਾਰੋਬਾਰ ਕਰਦੇ ਸਨ ਅਤੇ ਪੈਸੇ ਦੇ ਲਾਲਚ ਵਿੱਚ ਆ ਕੇ ਆਪਣੇ ਚਾਚੇ ਦਾ ਹਿੱਸਾ ਹੜੱਪਣ ਲਈ ਹਰਮਨਦੀਪ ਸਿੰਘ ਨੇ ਆਪਣੇ ਡਰਾਇਵਰ ਨਾਲ ਮਿਲੀ ਭੁਗਤ ਕਰਕੇ ਵਾਰਦਾਤ ਨੂੰ ਅੰਜ਼ਾਮ ਦਿੱਤਾ।ਐੱਸ.ਐੱਸ.ਪੀ. ਬਟਾਲਾ ਸ. ਓਪਿੰਦਰਜੀਤ ਸਿੰਘ ਘੁੰਮਣ ਨੇ ਦੱਸਿਆ ਕਿ ਮਾਮਲੇ ਦੀ ਤਫ਼ਤੀਸ਼ ਦੌਰਾਨ ਇਹ ਗੱਲ ਵੀ ਸਾਹਮਣੇ ਆਈ ਕਿ ਹਰਮਨਦੀਪ ਸਿੰਘ ਨੇ ਆਪਣੇ ਡਰਾਵਿਰ ਨੂੰ ਕਨੇਡਾ ਭੇਜਣ ਦਾ ਲਾਲਚ ਦੇ ਕੇ ਆਪਣੇ ਚਾਚੇ ਦਾ ਕਤਲ ਕਰਾਇਆ ਸੀ। ਦੋਸ਼ੀਆਂ ਪਾਸੋਂ ਵਾਰਦਾਤ ਲਈ ਵਰਤੀ ਗਈ ਦੇਸ਼ੀ ਪਿਸਤੌਲ 315 ਸਮੇਤ ਦੋ ਜ਼ਿੰਦਾ ਰੌਂਦ, 1 ਖੋਲ ਅਤੇ ਇੱਕ ਮੋਟਰਸਾਈਕਲ ਡਿਸਕਵਰ ਬ੍ਰਾਮਦ ਕੀਤਾ ਗਿਆ ਹੈ। ਉਨਾਂ ਕਿਹਾ ਕਿ ਦੋਸ਼ੀਆਂ ਪਾਸੋਂ ਹਰੋ ਵੀ ਪੁੱਛਗਿੱਛ ਜਾਰੀ ਹੈ ਅਤੇ ਹੋਰ ਵੀ ਖੁਲਾਸੇ ਹੋਣ ਦੀ ਉਮੀਦ ਹੈ।