ਸੀਜੀਸੀ ਲਾਂਡਰਾ ਵਿਖੇ ਤੇਲ ਦੀ ਬਚਤ ਕਰਨ ਸਬੰਧੀ ਤਕਨੀਕਾਂ ਦੀ ਜਾਣਕਾਰੀ ਮੁਹੱਈਆ ਕਰਵਾਉਣ ਲਈ ਇੱਕ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ । ਇਸ ਸੈਮੀਨਾਰ ਵਿੱਚ ਕਾਲਜ ਦੇ ਲਗਭਗ 30 ਡਰਾਇਵਰਾਂ ਨੇ ਹਿੱਸਾ ਲਿਆ। ਇਸ ਮੌਕੇ ਆਰਸੀਈਡੀ ਰਿਜਨਲ ਸੈਂਟਰ ਫ਼ਾਰ ਇੰਟਰਪ੍ਰੀਨਿਊਰਲ ਡਿਵਲੈਪਮੈਂਟ ਦੇ ਮਾਹਰਾਂ ਵਲੋਂ ਹਾਜ਼ਰ ਇਕੱਠ ਨੂੰ ਇਕ ਵੀਡੀਓ ਪ੍ਰੈਜ਼ਨਟੇਸ਼ਨ ਰਾਹੀ ਤੇਜ ਸਪੀਡ ਨਾ ਰੱਖਣ ਅਤੇ ਤੇਲ ਦੀ ਬਚਤ ਕਰਨ ਸਬੰਧੀ ਹੋਰ ਤਕਨੀਕਾਂ ਬਾਰੇ ਜਾਣਕਾਰੀ ਦਿੱਤੀ। ਅਡੱਲਟਰੇਸ਼ਨ ਫ਼ਿਊਲ ਜੋ ਕਿ ਗਰੀਨ ਹਾਊਸ ਪ੍ਰਭਾਵ ਦਾ ਮੁੱਖ ਕਾਰਨ ਹੈ ਬਾਰੇ ਵੀ ਵਿਚਾਰ ਚਰਚਾ ਕੀਤੀ ਗਈ। ਇਸ ਤੋਂ ਇਲਾਵਾ ਸੀਜੀਸੀ ਲਾਂਡਰਾ ਦੇ ਮਕੈਨਿਕ ਇੰਜੀਨਿਅਰਿੰਗ ਦੇ ਵਿਦਿਆਰਥੀਆਂ ਨੇ ਆਪਣੇ ਵਲੋਂ ਤਿਆਰ ਕੀਤੇ ਗਏ ਫ਼ਿਊਲ ਅਡੱਲਟਰੇਸ਼ਨ ਡਿਟੈਕਟਿਵ ਸਿਸਟਮ ਬਾਰੇ ਡਰਾਇਵਰਾਂ ਨੂੰ ਜਾਣੂ ਕਰਵਾਇਆ। ਸੀਜੀਸੀ ਦੇ ਵਿਦਿਆਰਥੀਆਂ ਨੂੰ ਭਾਰਤ ਸਰਕਾਰ ਅਤੇ ਸਾਇੰਸ ਅਤੇ ਟੈਕਨਾਲਾਜੀ ਵਿਭਾਗ ਵਲੋਂ ਨਿਵੇਕਲੀ ਕਾਂਢ ਕੱਢਣ ਸੰੰੰਬੰਧੀ ਇੱਕ ਲੱਖ ਰੁਪਏ ਦੀ ਗ੍ਰਾਂਟ ਵੀ ਭੇਂਟ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ ਉਹਨਾਂ ਨੂੰ ਕੈਂਪਸ ਅਤੇ ਆਈਈਡੀਸੀ ਵਲੋਂ ਇਨਕਿਊਬੇਸ਼ਨ ਸੈਂਟਰ ਵੀ ਪ੍ਰਦਾਨ ਕੀਤਾ ਗਿਆ ਹੈ ਜਿਥੇ ਵਿਦਿਆਰਥੀ ਇਸ ਸਮੇਂ ਇੱਕ ਸੈਂਸਰ ਬੇਸਡ ਮਕੈਨੀਕਲ ਹਾਰਡਵੇਅਰ ਤਿਆਰ ਕਰਨ ਲਈ ਪ੍ਰੋਟੋਟਾਈਪ 'ਤੇ ਕੰਮ ਕਰ ਰਹੇ ਹਨ। ਜੋ ਕਿ ਪੈਟਰੋਲ ਅਤੇ ਡੀਜ਼ਲ ਦੀ ਗੁਣਵੱਤਾ ਟੈਸਟ ਕਰਨ ਵਿਚ ਸਹਾਇਕ ਹੋਵੇਗਾ। ਇਸ ਨਵੇਕਲੀ ਕਾਂਢ ਦੇ ਮੁੱਖ ਵਿਦਿਆਰਥੀ ਨਮਨ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਸਾਡੇ ਵਲੋਂ ਤਿਆਰ ਕੀਤੀ ਇਹ ਡਿਵਾਈਸ ਤੇਲ ਦੀ ਘਣਤਾ ਅਤੇ ਤਾਪਮਾਨ ਨੂੰ ਮਾਪਣ ਦਾ ਕੰਮ ਕਰੇਗੀ। ਇਸ ਸਬੰਧੀ ਉਪਭੋਗਤਾ ਦੇ ਮੋਬਾਇਲ ਫ਼ੋਨ 'ਤੇ ਸਿੱਧੇ ਤੌਰ 'ਤੇ ਇੱਕ ਸੰਦੇਸ਼ ਆਵੇਗਾ। ਇਹ ਡਿਵਾਈਸ ਇੰਟਰਨੈਟ ਅਤੇ ਬਲੂਅਟੁੱਥ 'ਤੇ ਆਧਾਰਿਤ ਹੋਵੇਗੀ।