ਜ਼ਿਲ੍ਹਾ ਪੁਲਿਸ ਮੁਖੀ ਹਰਚਰਨ ਸਿੰਘ ਭੁੱਲਰ ਆਈ. ਪੀ. ਐਸ., ਨੇ ਪ੍ਰੈੱਸ ਕਾਨਫਰੰਸ ਦੌਰਾਨ ਦੱਸਿਆ ਗਿਆ ਕਿ ਜ਼ਿਲ੍ਹੇ ਅੰਦਰ ਸਮਾਜ ਵਿਰੋਧੀ ਅਨਸਰਾਂ ਅਤੇ ਗੈਰ ਕਾਨੂੰਨੀ ਗਤੀਵਿਧੀਆਂ ਵਿਰੁੱਧ ਚਲਾਈ ਗਈ ਮੁਹਿੰਮ ਦੌਰਾਨ ਜ਼ਿਲ੍ਹਾ ਐਸ.ਏ.ਐਸ ਨਗਰ ਪੁਲਿਸ ਵੱਲੋਂ 3 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਕੇ ਉਨ੍ਹਾਂ ਦੇ ਕਬਜ਼ੇ '‘ਚੋਂ ਚੋਰੀਸ਼ੁਦਾ 2 ਫਾਰਚੂਨਰ ਗੱਡੀਆਂ, ਇੱਕ ਸਲੈਰੀਓ ਕਾਰ, ਇੱਕ ਸਵਿਫਟ ਕਾਰ ਤੇ ਇੱਕ ਸੈਂਟਰੋ ਕਾਰ ਸਮੇਤ ਗੱਡੀਆਂ ਚੋਰੀ ਕਰਨ ਲਈ ਤੇ ਗੱਡੀਆਂ ਦੇ ਇੰਜਣ ਤੇ ਚਾਸੀ ਨੰਬਰ ਬਦਲਣ ਲਈ ਵਰਤਿਆ ਜਾਣ ਵਾਲਾ ਸਾਜੋ ਸਾਮਾਨ ਵੀ ਭਾਰੀ ਮਾਤਰਾ ਵਿੱਚ ਬਰਾਮਦ ਕੀਤਾ ਗਿਆ ਹੈ।ਸ਼੍ਰੀ ਭੁੱਲਰ ਨੇ ਇਸ ਸਬੰਧੀ ਵਿਸਥਾਰ ਪੂਰਵਕ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਨ੍ਹਾਂ ਵੱਲੋਂ ਦਿੱਤੇ ਗਏ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਸ਼੍ਰੀ ਵਰੁਣ ਸ਼ਰਮਾ ਕਪਤਾਨ ਪੁਲਿਸ, ਇੰਨਵੈਸਟੀਗੇਸ਼ਨ, ਸ੍ਰੀ ਗੁਰਦੇਵ ਸਿੰਘ ਧਾਲੀਵਾਲ ਉਪ ਕਪਤਾਨ ਪੁਲਿਸ, ਇੰਨਵੈਸਟੀਗੇਸ਼ਨ, ਜ਼ਿਲਾ ਐਸ.ਏ.ਐਸ ਨਗਰ ਦੀਆਂ ਹਦਾਇਤਾਂ 'ਤੇ ਇੰਸਪੈਕਟਰ ਰਘਬੀਰ ਸਿੰਘ ਇੰਚਰਾਜ ਸੀ.ਆਈ.ਏ. ਸਟਾਫ ਮੋਹਾਲੀ ਦੀ ਅਗਵਾਈ ਹੇਠ ਵੱਖ-ਵੱਖ ਪੁਲਿਸ ਪਾਰਟੀਆਂ ਸ਼ੱਕੀ ਪੁਰਸ਼ਾਂ ਦੀ ਤਲਾਸ਼ ਦੇ ਸਬੰਧ ਵਿੱਚ ਲਗਾਈਆਂ ਗਈਆਂ ਸਨ। ਮਿਤੀ 02.03.19 ਨੂੰ ਏ.ਐਸ.ਆਈ ਜੀਵਨ ਸਿੰਘ, ਏ.ਐਸ.ਆਈ ਦੀਪਕ ਸਿੰਘ, ਏ.ਐਸ.ਆਈ ਗੁਰਪ੍ਰਤਾਪ ਸਿੰਘ ਦੀ ਪੁਲਿਸ ਪਾਰਟੀ ਨੇ ਸਵਾਸਤਿਕ ਵਿਹਾਰ ਜ਼ੀਰਕਪੁਰ ਨੇੜੇ ਇੱਕ ਸਵਿਫਟ ਕਾਰ ਵਿੱਚੋਂ ਅੰਕਿਤ ਵਾਸੀ ਪਿੰਡ ਆਲੇਵਾ ਥਾਣਾ ਆਲੇਵਾ ਜ਼ਿਲਾ ਜੀਂਦ (ਹਰਿਆਣਾ), ਹਰਪ੍ਰੀਤ ਸਿੰਘ ਉਰਫ ਹੈਪੀ ਵਾਸੀ ਪਿੰਡ ਵਡਾਲਾ ਥਾਣਾ ਖਿਲਚੀਆਂ ਜ਼ਿਲ੍ਹਾ ਅੰਮ੍ਰਿਤਸਰ ਅਤੇ ਸਰੋਜ ਉਰਫ ਸੋਨੀਆ ਪਤਨੀ ਹਰਪ੍ਰੀਤ ਸਿੰਘ ਉਰਫ ਸਮਾਟੀ ਵਾਸੀ ਜੱਟਾ ਵਾਲਾ ਚੋਤਰਾ ਪਟਿਆਲਾ ਹਾਲ ਵਾਸੀ ਸਵਾਸਤਿਕ ਵਿਹਾਰ ਜ਼ੀਰਕਪੁਰ ਨੂੰ ਕਾਬੂ ਕੀਤਾ, ਜਿਨ੍ਹਾਂ ਕੋਲੋਂ ਇੱਕ ਜਾਅਲੀ ਨੰਬਰ ਰਜਿਸਟਰੇਸਨ ਨੰਬਰ 8R-03X-9991 ਵਾਲੀ ਸਵਿਫਟ ਕਾਰ ਬਰਾਮਦ ਹੋਈ, ਜੋ ਇਸ ਕਾਰ, ਨੂੰ ਕਾਰਾਂ ਚੋਰੀ ਕਰਨ ਸਮੇਂ ਅਤੇ ਰੈਕੀ ਕਰਨ ਲਈ ਵਰਤਦੇ ਸਨ। ਇਨ੍ਹਾਂ ਪਾਸੋਂ ਡੂੰਘਾਈ ਨਾਲ ਪੁੱਛਗਿੱਛ ਕਰਨ 'ਤੇ ਦੋ ਚੋਰੀਸ਼ੁਦਾ ਫੋਰਚੂਨਰ ਗੱਡੀਆਂ, ਜੋ ਇਨ੍ਹਾਂ ਨੇ ਸੈਕਟਰ 69 ਮੋਹਾਲੀ ਅਤੇ ਸੈਕਟਰ 79 ਮੋਹਾਲੀ ਵਿੱਚੋਂ 18/19 ਫਰਵਰੀ ਅਤੇ 19/20 ਫਰਵਰੀ 2019 ਦੀਆਂ ਦਰਮਿਆਨੀ ਰਾਤਾਂ ਨੂੰ ਚੋਰੀ ਕੀਤੀਆਂ ਸਨ, ਇਨ੍ਹਾਂ ਉਕਤ ਚੋਰੀਸ਼ੁਦਾ ਗੱਡੀਆਂ 'ਤੇ ਜਾਅਲੀ ਨੰਬਰ ਲਗਾਏ ਹੋਏ ਸਨ।
ਇਸ ਸਬੰਧ ਵਿੱਚ ਥਾਣਾ ਫੇਜ-8 ਅਤੇ ਥਾਣਾ ਸੋਹਾਣਾ ਵਿੱਚ ਪਹਿਲਾਂ ਹੀ ਚੋਰੀ ਦੇ ਮੁਕੱਦਮੇ ਦਰਜ ਹਨ। ਇੱਕ ਚੋਰੀ ਸ਼ੁਦਾ ਸੁਜ਼ੂਕੀ ਸਲੇਰੀਓ ਕਾਰ, ਜੋ ਸਾਊੁਥ ਰੋਹਿਨੀ (ਦਿੱਲੀ) ਤੋਂ ਚੋਰੀ ਕੀਤੀ ਗਈ ਸੀ, ਜਿਸ ਸਬੰਧੀ ਸੰਬੰਧਤ ਥਾਣਾ ਵਿੱਚ ਮੁੱਕਦਮਾ ਦਰਜ ਹੈ। ਦੋਸ਼ੀਆਂ ਤੋਂ ਪੁਲਿਸ ਰਿਮਾਂਡ ਦੌਰਾਨ ਪੁੱਛਗਿੱਛ ਕਰਨ 'ਤੇ ਇੱਕ ਸੈਂਟਰੋ ਕਾਰ ਅਤੇ ਡਰਿੱਲ ਮਸ਼ੀਨ ਅਤੇ ਹੋਰ ਯੰਤਰ, ਜਿਨ੍ਹਾਂ ਨਾਲ ਗੱਡੀਆਂ ਚੋਰੀ ਕਰਦੇ ਸਨ, ਵੀ ਬਰਾਮਦ ਹੋਏ, ਜਿਨ੍ਹਾਂ ਵਿੱਚ ਵੱਖ-ਵੱਖ ਗੱਡੀਆਂ ਦੇ 5.3.M (5ngine 3ontrol Module) ਸਟੇਰਿੰਗ ਲਾਕ ਅਤੇ ਮੀਟਰ ਅਤੇ ਹੋਰ ਸਾਜੋ ਸਮਾਨ ਆਦਿ ਬਰਾਮਦ ਹੋਇਆ ਹੈ।ਸ਼੍ਰੀ ਭੁੱਲਰ ਨੇ ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਦੋਸ਼ੀਆਂ ਤੋਂ ਪੁੱਛਗਿੱਛ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ ਇਹ ਗੈਂਗ ਟੋਟਲ ਡੈਮੇਜ ਗੱਡੀਆਂ ਨੂੰ ਖਰੀਦ ਕੇ ਚੋਰੀ ਕੀਤੀਆਂ ਗੱਡੀਆਂ ਦੇ ਇੰਜਣ ਅਤੇ ਚਾਸੀ ਨੰਬਰ ਟੈਂਪਰਿੰਗ ਕਰਕੇ ਲਗਾ ਦਿੰਦੇ ਸਨ ਅਤੇ ਅੱਗੇ ਵੇਚ ਦਿੰਦੇ ਸਨ ਅਤੇ ਟੋਟਲ ਡੈਮੇਜ ਗੱਡੀਆਂ ਦੇ 5.3.M ਅਤੇ ਚਾਬੀਆਂ ਚੋਰੀ ਕਰਨ ਸਮੇਂ ਵਰਤਦੇ ਸਨ ਅਤੇ ਇਨ੍ਹਾਂ ਪਾਸ ਕਾਰਾਂ ਦੇ ਲਾਕ (Lock) ਤੋੜਨ ਸਬੰਧੀ ਵੀ ਯੰਤਰ ਬਰਾਮਦ ਹੋਏ ਹਨ। ਜੋ ਦੋਸ਼ੀ ਅੰਕਿਤ 'ਤੇ ਪਹਿਲਾਂ ਵੀ ਚੋਰੀ ਦੇ ਮੁਕੱਦਮੇ ਦਰਜ ਹਨਨ। ਇਸ ਤੋਂ ਇਲਾਵਾ ਇਸ ਕੇਸ ਵਿੱਚ ਕੁਝ ਹੋਰ ਦੋਸ਼ੀਆਂ ਦੀ ਭਾਲ ਲਈ ਵੱਖ-ਵੱਖ ਥਾਵਾਂ 'ਤੇ ਰੇਡ ਕੀਤੇ ਜਾ ਰਹੇ ਹਨ, ਜਿਨ੍ਹਾਂ ਦੀ ਗ੍ਰਿਫਤਾਰੀ 'ਤੇ ਹੋਰ ਵੀ ਗੱਡੀਆਂ ਅਤੇ ਨਾਜਾਇਜ਼ ਅਸਲਾ ਬਰਾਮਦ ਹੋਣ ਦੀ ਸੰਭਾਵਨਾ ਹੈ,ਜਿਨ੍ਹਾਂ ਦੇ ਖਿਲਾਫ ਚੋਰੀ ਦੇ ਕਈ ਦਰਜਨ ਮੁਕੱਦਮੇ ਪਹਿਲਾਂ ਵੀ ਦਰਜ ਹਨ। ਦੋਸ਼ੀਆਂ ਨੂੰ ਮੁਕੱਦਮਾ ਨੰਬਰ 61 ਮਿਤੀ 28.02.19 ਅ/ਧ 379,411,465,467,468,471,473,489,120ਬੀ ਆਈ.ਪੀ.ਸੀ, 25-54-59 ਆਰਮਜ਼ ਐਕਟ ਥਾਣਾ ਜ਼ੀਰਕਪੁਰ ਦੇ ਕੇਸ ਵਿੱਚ ਗ੍ਰਿਫਤਾਰ ਕੀਤਾ ਗਿਆ। ਦੋਸ਼ਣ ਸਰੋਜ ਉਰਫ ਸੋਨੀਆ ਆਪਣੇ ਪਤੀ ਹਰਪ੍ਰੀਤ ਸਿੰਘ ਉਰਫ ਸਮਾਟੀ ਦੇ ਨਾਲ ਸਵਾਸਤਿਕ ਵਿਹਾਰ ਕਿਰਾਏ 'ਤੇ ਰਹਿੰਦੀ ਸੀ, ਜਿੱਥੋਂ ਆਪਣਾ ਗੈਂਗ ਆਪਰੇਟ ਕਰ ਰਹੇ ਸਨ। ਕਾਰ ਵਿੱਚ ਸਰੋਜ ਉਰਫ ਸੋਨੀਆ ਛੋਟੀ ਬੱਚੀ ਉਮਰ ਕਰੀਬ 3 ਸਾਲ ਨੂੰ ਨਾਲ ਰੱਖਦੀ ਸੀ ਤਾਂ ਜੋ ਇਨ੍ਹਾਂ ਦੀਆਂ ਗਤੀਵਿਧੀਆਂ 'ਤੇ ਕੋਈ ਸ਼ੱਕ ਨਾ ਹੋਵੇ,ਜਿਸ ਨੂੰ ਜੁਡੀਸ਼ੀਅਲ ਕਸਟਡੀ ਸੈਂਟਰਲ ਜੇਲ ਪਟਿਆਲਾ ਭੇਜ ਦਿੱਤਾ ਗਿਆ ਹੈ। ਬਾਕੀ ਦੋਸ਼ੀਆਂ ਕੋਲੋਂ ਹੋਰ ਪੁਛਗਿੱਛ ਜਾਰੀ ਹੈ। ਇਸੇ ਤਰ੍ਹਾਂ ਏ.ਐਸ.ਆਈ ਅਵਤਾਰ ਸਿੰਘ ਸੀ.ਆਈ.ਏ ਸਟਾਫ ਮੋਹਾਲੀ ਦੀ ਪੁਲਿਸ ਪਾਰਟੀ ਨੇ ਸੰਜੇ ਗੁਪਤਾ ਪੁੱਤਰ ਦਿਆ ਰਾਮ ਗੁਪਤਾ ਵਾਸੀ ਦਰਸ਼ਨ ਪੁਰਵਾ,ਕਾਨਪੁਰ (ਯੂ.ਪੀ) ਹਾਲ ਵਾਸੀ ਐਚ.ਆਈ.ਜੀ 905 ਫੇਜ-2 ਮੋਹਾਲੀ ਪਾਸੋ ਉਸ ਦੇ ਕਬਜ਼ੇ ਵਿੱਚੋਂ 32 ਬੋਰ ਪਿਸਟਲ ਸਮੇਤ 2 ਜਿੰਦਾ ਰੋਂਦ ਵੀ ਬਰਾਮਦ ਕੀਤੇ ਹਨ। ਇਹ ਨਾਜਾਇਜ਼ ਅਸਲਾ ਦੋਸ਼ੀ ਨੇ 60,000 ਰੁਪਏ ਵਿੱਚ ਆਗਰਾ ਤੋਂ ਖਰੀਦ ਕੀਤਾ ਸੀ। ਇਹ ਦੋਸ਼ੀ ਪਹਿਲਾਂ ਲਾਟਰੀ ਦਾ ਕੰਮ ਕਰਦਾ ਸੀ ਅਤੇ ਹੁਣ ਆਰਥਿਕ ਤੰਗੀ ਕਾਰਨ ਕਿਸੇ ਲੁੱਟ ਆਦਿ ਦੀ ਵਾਰਦਾਤ ਕਰਨ ਦੀ ਤਾਕ ਵਿੱਚ ਸੀ। ਇਸਦੇ ਖਿਲਾਫ ਮੁਕੱਦਮਾ ਨੰਬਰ 56 ਮਿਤੀ 02.03.19 ਅ/ਧ 25-54-59 ਆਰਮਜ਼ ਐਕਟ ਥਾਣਾ ਸਿਟੀ ਖਰੜ ਦਰਜ ਕੀਤਾ ਗਿਆ ਹੈ, ਜਿਸ ਪਾਸੋਂ ਇਸਦੇ ਸਾਥੀ ਦੋਸ਼ੀਆਂ ਬਾਰੇ ਅਤੇ ਹੋਰ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।