ਸ਼ਿਰੋਮਣੀ ਅਕਾਲੀ ਦਲ ਹੱਲਕਾ ਖਰੜ ਮੁੱਖ ਸੇਵਾਦਾਰ ਰਾਣਾ ਰਣਜੀਤ ਸਿੰਘ ਗਿੱਲ ਨੇ ਕਿਹਾ ਕਿ ਅੱਜ ਦੁਨੀਆਂ ਅੰਦਰ ਜੋ ਵਖਰੇਵੇਂ ਦਾ ਮਾਹੌਲ ਸਾਡੇ ਸਾਹਮਣੇ ਹੈ। ਉਸਦੇ ਨਤੀਜੇ ਵਜੋਂ ਸਮੇਂ-ਸਮੇਂ ਉਤੇ ਮਨੁੱਖਤਾ ਨੂੰ ਕਿਸੇ ਨਾ ਕਿਸੇ ਰੂਪ ਵਿੱਚ ਭਿਆਨਕ ਕਿਸਮ ਦੀ ਤ੍ਰਾਸਦੀ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸਦੇ ਪਿੱਛੇ ਜੋ ਸਭ ਤੋਂ ਵੱਡਾ ਕਾਰਨ ਹੈ। ਉਹ ਇਹੋ ਹੈ ਕਿ ਸਾਡੇ ਸਮਾਜ ਉਤੇ ਅੱਜ ਜਾਤ-ਪਾਤ, ਫਿਰਕਾਪ੍ਰਸਤੀ ਬਹੁਤ ਜਿਆਦਾ ਹਾਵੀ ਹੋ ਚੁੱਕੀ ਹੈ ਜਿਸਦਾ ਸਾਨੂੰ ਬਹੁਤ ਜਿਆਦਾ ਨੁਕਸਾਨ ਝੱਲਣਾ ਪੈ ਰਿਹਾ ਹੈ। ਪਰ ਇਸ ਲਾਹਨਤ ਤੋਂ ਛੁਟਕਾਰਾ ਪਾਉਣ ਦੇ ਲਈ ਅੱਜ ਸਾਨੂੰ ਲੋੜ ਹੈ ਆਪਣੇ ਗੁਰੂਆਂ, ਪੀਰਾਂ- ਪੈਗੰਬਰਾਂ ਦੇ ਦਰਸ਼ਾਏ ਪ੍ਰੇਮ, ਸ਼ਾਂਤੀ ਅਤੇ ਅਹਿੰਸਾ ਮਾਰਗ ਉਤੇ ਚੱਲਣ ਦੀ, ਉਹ ਅੱਜ ਪਿੰਡ ਝੰਜੇੜੀ ਵਿਖੇ ਸ਼੍ਰੀ ਗੁਰੂ ਰਵਿਦਾਸ ਜੀ ਦੀ ਜੈਅੰਤੀ ਦੇ ਆਗਮਨ ਦੀ ਖੁਸ਼ੀ ਵਿੱਚ ਬਾਬਾ ਬਹਿਲ ਸਿੰਘ ਦੀ ਅਗਵਾਈ ਹੇਠ ਸੰਗਤਾਂ ਵਲੋਂ ਸਜਾਏ ਗਏ ਵਿਸ਼ਾਲ ਨਗਰ ਕੀਰਤਨ ਮੌਕੇ ਆਪਣੇ ਵਲੋਂ ਹਾਜਿਰੀ ਲਗਵਾਉਣ ਲਈ ਪੁੱਜੇ ਸਨ। ਉਨ੍ਹਾਂ ਹਾਜਰ ਸੰਗਤਾਂ ਨੂੰ ਇਸ ਮੌਕੇ ਆਪਣੇ ਵਲੋਂ ਵਧਾਈ ਦਿੰਦੇ ਹੋਏ ਗੁਰੂ ਜੀ ਵਲੋਂ ਦਿੱਤੇ ਸੰਦੇਸ਼ ਦੀ ਪਾਲਣਾ ਕਰਨ ਲਈ ਪ੍ਰੇਰਿਤ ਕੀਤਾ। ਇਹ ਨਗਰ ਕੀਰਤਨ ਝੰਜੇੜੀ ਤੋਂ ਅਰੰਭ ਹੋਕੇ ਪਿੰਡ ਮਜਾਤੜੀ, ਮਜਾਤ, ਚੂੰਨੀ, ਬਹਿਲਾਂ, ਬਡਾਲੀ, ਹਿੰਦੂਪੂਰ ਆਦਿ ਤੋਂ ਹੋਕੇ ਵਾਪਸ ਇਸੇ ਥਾਂ ਆਕੇ ਸਮਾਪਤ ਹੋਇਆ, ਜਿਸਦਾ ਹਰ ਥਾਂ ਪੁੱਜਣ 'ਤੇ ਸੰਗਤਾਂ ਵਲੋਂ ਨਿੱਘਾ ਸੁਆਗਤ ਕੀਤਾ ਗਿਆ। ਉਨ੍ਹਾਂ ਤੋਂ ਇਲਾਵਾ ਇਸ ਮੌਕੇ ਰਾਣਾ ਸੰਦੀਪ ਚੌਧਰੀ, ਗੁਰਮੀਤ ਸਿੰਘ, ਦਿਆਲ ਸਿੰਘ ਫੌਜੀ, ਕ੍ਰਿਸ਼ਨ ਸਿੰਘ, ਰਵਿੰਦਰ ਸਿੰਘ, ਧਰਮਿੰਦਰ ਸਿੰਘ, ਰਵਿੰਦਰ ਸਿੰਘ, ਜਸਵਿੰਦਰ ਸਿੰਘ, ਦੇਵੀ ਦਿਆਲ ਸਿੰਘ ਸਮੇਤ ਜਗਜੀਤ ਸਿੰਘ ਗਿੱਲ ਆਦਿ ਹਾਜਰ ਸਨ ।