ਪੰਜਾਬ ਸਰਕਾਰ ਨੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਿਚ ਜਦੋਂ ਸੂਬੇ ਦੇ ਵਿਚ ਨਸੇ ਨੂੰ ਜੜ੍ਹ ਤੋਂ ਖਤਮ ਕਰਨ ਦਾ ਐਲਾਨ ਕੀਤਾ ਤਾਂ ਉਸ ਸਮੇਂ ਆਮ ਲੋਕਾਂ ਦੀ ਇਹ ਧਾਰਨਾ ਸੀ ਕਿ ਨਸ਼ੇ ਵਰਗੀ ਬੁਰਾਈ ਜੋ ਆਪਣੀ ਜੜ੍ਹਾਂ ਹੇਠਲੇ ਪੱਧਰ ਤੱਕ ਫੈਲਾ ਚੁਕੀ ਹੈ ਉਸਦਾ ਸਫਾਇਆ ਅਸਾਨੀ ਨਾਲ ਹੋਣਾ ਬੇਹੱਦ ਅੋਖਾ ਹੈ ਅਜਿਹੇ ਵਿਚ ਜਦੋਂ ਮੁੱਖ ਮੰਤਰੀ ਨੇ ਡੈਪੋ ਪ੍ਰੋਗਰਾਮ ਦੇ ਰਾਹੀ ਇਸ ਮੁਹਿੰਮ ਨੂੰ ਸੁਰੂ ਕੀਤਾ ਤਾਂ ਅਜਿਹੇ ਸਾਰਥਕ ਨਤੀਜੇ ਸਾਹਮਣੇ ਆਏ ਕਿ ਦਿਨ ਪ੍ਰਤੀ ਦਿਨ ਹਨੇਰਾ ਦੂਰ ਹੋ ਗਿਆ ਅਤੇ ਰੋਸ਼ਨੀ ਦੀ ਨਵੀਂ ਕਿਰਨ ਨੇ ਪੰਜਾਬ ਵਿਚ ਖੁਸ਼ਹਾਲੀ ਅਤੇ ਮੁਸਕਾਨ ਮੁੱੜ ਲੈ ਆਉਦੀ। ਮਿਸ਼ਨ ਤੰਦਰੁਸਤ ਪੰਜਾਬ ਵੀ ਇਸ ਦਿਸ਼ਾ ਵਿਚ ਚਾਨਣ ਮੁਨਾਰਾ ਬਣਿਆ ਅਤੇ ਬਡੀ ਪ੍ਰੋਗਰਾਮ ਰਾਹੀਂ ਵੀ ਨੋਜਵਾਨਾਂ ਨੂੰ ਨਵੀਂ ਪਰੇਣਾ ਮਿਲੀ ਇਸਦੇ ਨਾਲ ਹੀ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸੂਬੇ ਦੇ ਵਿਚ ਘਰ ਘਰ ਰੋਜਗਾਰ ਮੁਹਿੰਮ ਦੇ ਤੈਹਤ ਰੋਜਗਾਰ ਮੇਲੇ ਲਗਾ ਕੇ ਨੌਜਵਾਨਾਂ ਲਈ ਰੋਜਗਾਰ ਦੇ ਸਾਧਨ ਮੁਹੱਈਆਂ ਕਰਵਾਏ ਜਿਸਦੇ ਨਤੀਜੇ ਵਜੋਂ ਪੰਜਾਬ ਤਰੱਕੀ ਅਤੇ ਖੁਸ਼ਹਾਲੀ ਦੇ ਮਾਰਗ ਤੇ ਮੁੜ ਪਰਤਨ ਲੱਗਾ। ਨੋਜਵਾਨਾ ਵਿਚ ਨਸੇ ਵਰਗੀ ਬੁਰਾਈ ਨੂੰ ਖਤਮ ਕਰਨ ਲਈ ਇਕ ਮੁਹਿੰਮ ਸੁਰੂ ਹੋ ਗਈ ਅਤੇ ਨਸੇ ਵਿਚ ਲੱਗੇ ਨੋਜਵਾਨਾਂ ਨੂੰ ਸਿਹਤ ਵਿਭਾਗ ਤੋਂ ਇਲਾਵਾ ਸਮਾਜਿਕ ਤੋਰ ਤੇ ਵੀ ਨਵੀਂ ਪ੍ਰਰੇਣਾ ਮਿਲਣ ਲੱਗੀ। ਜਿਸ ਸਦਕਾ ਅੱਜ ਪੰਜਾਬ ਨਸੇ ਦੀ ਗਿਰਫਤ ਵਿਚੋਂ ਨਿਕਲ ਰਿਹਾ ਹੈ। ਨਸ਼ਿਆ ਦੇ ਸੋਦਾਗਰ ਜੇਲਾ ਵਿਚ ਡੱਕੇ ਜਾ ਰਹੇ ਹਨ ਅਤੇ ਨਸ਼ਿਆ ਦੀ ਸਪਲਾਈ ਲਾਈਨ ਟੂੱਟ ਰਹੀ ਹੈ। ਜਿਲ੍ਹਾ ਰੂਪਨਗਰ ਦੇ ਬਲਾਕ ਨੂਰਪੁਰ ਬੇਦੀ ਵਿਚ ਚੱਲ ਰਹੇ ਓਟ ਸੈਂਟਰ 'ਚ ਮੌਜੂਦ ਇੰਚਾਰਜ ਡਾ. ਅਮਨਦੀਪ ਸਿੰਘ ਦਾ ਕਹਿਣਾ ਹੈ ਕਿ ਓਟ ਸੈਂਟਰ ਨਸ਼ੇ ਦੇ ਪੀੜਤਾਂ ਲਈ ਬਹੁਤ ਹੀ ਪਵਿੱਤਰ ਸਥਾਨ ਵਜੋਂ ਉਭਰੇ ਹਨ। ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਮੁਫ਼ਤ ਟੈਸਟ ਤੇ ਮੁਫ਼ਤ ਦਵਾਈ ਮਿਲਣਾ ਨਸ਼ਾ ਪੀੜਤਾਂ ਲਈ ਸਭ ਤੋਂ ਵੱਡੀ ਸੁਵਿਧਾ ਬਣ ਗਈ ਹੈ ਜਿਸਦੇ ਦੇ ਮੱਦੇਨਜ਼ਰ ਹੁਣ ਤੱਕ 170 ਨਸ਼ਾ ਪੀੜਿਤ ਇਸ ਸੈਂਟਰ ਵਿਚ ਰਜਿਸਟ੍ਰਡ ਹੋ ਚੁੱਕੇ ਹਨ।
ਇਸ ਮੌਕੇ ਉਨ੍ਹਾਂ ਕੋਲ ਪਹਿਲੇ ਦਿਨ ਦਵਾਈ ਲੈਣ ਆਏ 26 ਸਾਲਾਂ ਦੇ ਡਰਾਇਵਰੀ ਦੇ ਕਿੱਤੇ ਵਾਲੇ ਨੌਜੁਆਨ ਨੂੰ ਜਦੋਂ ਓਟ ਸੈਂਟਰ ਆਉਣ ਬਾਰੇ ਪੁੱਛਿਆ ਗਿਆ ਤਾਂ ਉਸ ਦਾ ਕਹਿਣਾ ਸੀ ਕਿ ਡਰਾਇਵਰੀ ਕਰਦੇ ਹੋਏ 'ਡੋਡਿਆਂ' ਦਾ ਸ਼ੌਂਕ ਪੈ ਗਿਆ ਜੋ ਹੁਣ ਬਿਮਾਰੀ ਬਣ ਗਿਆ ਹੈ।ਇਸ ਬਾਰੇ ਜਦੋਂ ਉਹ ਗੰਭੀਰ ਹੋਇਆ ਤਾਂ ਉਸਨੇ ਨਸ਼ਾ ਛੱਡਣ ਬਾਰੇ ਪ੍ਰਣ ਕੀਤਾ ਤਾਂ ਅਜਿਹੇ ਸਮੇਂ ਵਿਚ ਕਿਸੇ ਨੇ ਓਟ ਸੈਂਟਰ ਜਾਣ ਲਈ ਆਖਿਆ। ਉਸ ਨੇ ਕਿਹਾ ਕਿ ਮੈਂ ਅੱਜ ਰਜਿਸਟ੍ਰੇਸ਼ਨ ਕਰਵਾ ਲਈ ਹੈ ਅਤੇ ਵਿਭਾਗ ਦੇ ਮਾਹਰਾਂ ਵਲੋਂ ਕੀਤੀ ਜਾ ਰਹੀ ਕੋਸਲਿੰਗ ਅਤੇ ਨਸ਼ਾ ਛੱਡਣ ਦੀ ਪੂਰੀ ਪ੍ਰਕੀਰੀਆਂ ਨੂੰ ਅਪਣਾਉਣ ਨਾਲ ਮੈਂ ਇਹ ਨਸ਼ਾ ਜਰੂਰ ਛੱਡ ਦੇਣਾ ਹੈ । ਉੱਥੇ ਹੀ ਆਏ ਇੱਕ 20 ਸਾਲਾਂ ਦੇ ਨੌਜੁਆਨ ਦਾ ਕਹਿਣਾ ਸੀ ਕਿ ਸ਼ੌਂਕ-ਸ਼ੌਂਕ 'ਚ ਕਾਗਜ਼ 'ਤੇ ਰੱਖ ਕੇ ਸੁੰਘੇ ਮਾਦਕ ਪਦਾਰਥ ਨੇ ਉਸ ਨੂੰ ਆਰਥਿਕ ਪੱਖੋਂ ਕੱਖੋਂ ਹੌਲਾ ਕਰ ਦਿੱਤਾ ਹੈ। ਇਸ ਲਈ ਆਪਣਾ ਪੱਕਾ ਮਨ ਬਣਾ ਕੇ ਨਸ਼ਾ ਛੱਡਣ ਲਈ ਅੱਜ ਓਟ ਸੈਂਟਰ ਆਇਆ ਹਾਂ। ਡਾ. ਅਮਨਦੀਪ ਸਿੰਘ ਅਨੁਸਾਰ ਉਹ ਓਟ ਸੈਂਟਰ 'ਤੇ ਡਿਊਟੀ ਕਰਦੇ ਹਨ। ਜਿਸ ਤਰ੍ਹਾਂ ਨੌਜੁਆਨਾਂ 'ਚ ਨਸ਼ੇ ਤੋਂ ਦੂਰ ਹੋਣ ਦੀ ਉਤਸੁਕਤਾ ਨੂੰ ਦੇਖ ਰਹੇ ਹਨ, ਉਸ ਤੋਂ ਇਹ ਜਾਪਦਾ ਹੈ ਕਿ ਨਸ਼ੇ ਦੀ ਦੁਨੀਆਂ ਤੋਂ ਮੁੱਖ ਧਾਰਾ 'ਚ ਆਉਣ ਲਈ ਨੌਜੁਆਨਾਂ 'ਚ ਵਿਸ਼ਵਾਸ਼ ਬਣ ਰਿਹਾ ਹੈ। ਨੋਜਵਾਨਾਂ ਲਈ ਜਾਗਰੂਕਤਾ ਤੇ ਇਲਾਜ ਦੇ ਸਾਧਨ ਉਨ੍ਹਾਂ ਲਈ ਬਹੁਤ ਸਹਾਈ ਸਿੱਧ ਹੋ ਰਹੇ ਹਨ।ਜਿਕਰਯੌਗ ਹੈ ਕਿ ਜਿਸਤਰ੍ਰਾਂ ਨਸ਼ੇ ਦੇ ਦਲ ਦਲ ਵਿਚੋਂ ਨਿਕਲ ਕੇ ਨੋਜਵਾਨ ਓਟ ਸੈਂਟਰਾਂ ਵਿਚ ਆ ਰਹੇ ਹਨ ਉਸ ਤੋਂ ਇਹ ਸਿੱਧ ਹੋ ਰਿਹਾ ਹੈ ਕਿ ਪੰਜਾਬ ਸਰਕਾਰ ਦੇ ਨਸੇ ਤੇ ਕਾਬੂ ਪਾਉਣ ਦੇ ਯਤਨਾਂ ਨੂੰ ਭਰਭੂਰ ਸਮਰਥਨ ਮਿਲ ਰਿਹਾ ਹੈ।