ਪੰਜਾਬ ਸਰਕਾਰ ਵੱਲੋਂ ਸਿੱਖਿਆ ਸੁਧਾਰਾਂ ਲਈ ਕੀਤੇ ਜਾ ਰਹੇ ਉਪਰਾਲੇ ਵਿੱਚ ਹੁਣ ਸਮਾਜ ਸੇਵੀ ਸੰਗਠਨ, ਪਤਵੰਤੇ ਨਾਗਰਿਕ ਅਤੇ ਐਨ.ਆਰ.ਆਈ. ਵੀ ਆਪਣਾ ਭਰਪੂਰ ਹੁੰਗਾਰਾ ਦੇ ਰਹੇ ਹਨ। ਇਸਦੀ ਮਿਸਾਲ ਚਨੌਲੀ ਬਸੀ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਵਿੱਚ ਮਿਲ ਰਹੀ ਹੈ। ਰੂਪਨਗਰ ਜਿਲ੍ਹੇ ਨੂੰ ਸਿੱਖਿਆ ਸੁਧਾਰਾਂ ਵਿੱਚ ਕੀਤੇ ਉਪਰਾਲੇ ਲਈ ਬੀਤੇ ਦਿਨ ਇੰਡੀਆ ਟੁਡੇ ਵੱਲੋਂ ਵੀ ਸਨਮਾਨਿਆ ਗਿਆ ਹੈ। ਇਥੇ ਜਿਕਰਯੋਗ ਹੈ ਕਿ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਚਨੌਲੀ ਬਸੀ ਵਿਖੇ ਵੱਖ ਵੱਖ ਪਿੰਡਾਂ ਦੇ ਦਾਨੀ ਸੱਜਣਾ ਦੇ ਸਹਿਯੋਗ ਨਾਲ ਅੱਜ ਚਾਰ ਕਮਰਿਆਂ ਤੇ ਬਰਾਂਡੇ ਦਾ ਨੀਂਹ ਪੱਥਰ ਰੱਖਿਆ ਗਿਆ। ਇਸ ਸਮੇਂ ਗ੍ਰੰਥੀ ਜਸਵੀਰ ਸਿੰਘ ਵਲੋਂ ਅਰਦਾਸ ਕਰਨ ਉਪਰੰਤ ਕਰਨਲ ਮਹਿੰਦਰ ਸਿੰਘ ਬਸੀ ਉਨ੍ਹਾਂ ਦੀ ਪਤਨੀ ਅਮਰਜੀਤ ਕੌਰ, ਪ੍ਰਿੰਸੀਪਲ ਮਿਸ ਸ਼ਰਨਜੀਤ ਕੌਰ, ਸੇਵਾਮੁਕਤ ਮੁੱਖ ਅਧਿਆਪਕ ਵਲੀ ਸਿੰਘ, ਭੁਪਿੰਦਰ ਸਿੰਘ ਸਰਪੰਚ ਚਨੌਲੀ ਭਟੋਲੀ, ਡਾ.ਕਮਲਜੀਤ ਸਿੰਘ ਸਾਬਕਾ ਸਰਪੰਚ ਚਨੌਲੀ ਭਟੋਲੀ, ਬਾਦਲ ਸਿੰਘ ਬਸੀ, ਗੁਰਚਰਨ ਸਿੰਘ ਧੰਨਾ, ਅਮਰਜੀਤ ਕੌਰ ਹੈਡ ਟੀਚਰ ਪ੍ਰਾਇਮਰੀ ਸਕੂਲ ਚਨੌਲੀ ਬਸੀ ਆਦਿ ਸਮੇਤ ਸਮੂਹ ਸਕੂਲ ਸਟਾਫ ਵਲੋਂ ਮਿਲਕੇ ਨੀਂਹ ਪੱਥਰ ਰੱਖਿਆ ਗਿਆ। ਇਸ ਤੋਂ ਬਾਅਦ ਸਕੂਲ ਦੇ ਵਿਦਿਆਰਥੀਆਂ ਨੂੰ ਲੱਡੂਆਂ ਦਾ ਪ੍ਰਸ਼ਾਦ ਵੰਡਿਆਂ ਗਿਆ।ਇਸ ਮੋਕੇ ਪ੍ਰਿੰਸੀਪਲ ਮਿਸ ਸ਼ਰਨਜੀਤ ਕੌਰ ਨੇ ਦੱਸਿਆ ਕਿ ਚਨੌਲੀ ਬਸੀ ਸਕੂਲ ਸਾਲ 2016 ਵਿੱਚ ਹਾਈ ਤੋਂ ਸੀਨੀਅਰ ਸੈਕੰਡਰੀ ਅੱਪ ਗ੍ਰੇਡ ਹੋਇਆ ਸੀ। ਜਿਸ ਤੋਂ ਬਾਅਦ ਇਸ ਸਕੂਲ ਵਿੱਚ 11ਵੀਂ ਅਤੇ 12ਵੀਂ ਜਮਾਤ ਦੀ ਪੜ੍ਹਾਈ ਸ਼ੁਰੂ ਹੋ ਗਈ ਸੀ। ਇਸ ਸਮੇਂ ਦੋਵੇ ਜਮਾਤਾ ਦੇ ਵਿਦਿਆਰਥੀਆਂ ਦੀ ਗਿਣਤੀ 125 ਦੇ ਕਰੀਬ ਹੈ। ਵਿਦਿਆਰਥੀਆਂ ਦੇ ਬੈਠਣ ਦੀ ਸਮੱਸਿਆ ਬਾਰੇ ਪਿੰਡ ਚਨੌਲੀ, ਬਸੀ, ਸੇਖਪੁਰ, ਸ਼ਾਹਪੁਰ, ਖੇੜੀ, ਲਾਲਪੁਰ ਆਦਿ ਦੇ ਸਰਪੰਚਾਂ, ਪੰਚਾਂ ਅਤੇ ਮੋਹਤਵਰਾਂ ਦੀ ਸਕੂਲ ਵਿੱਚ ਮੀਟਿੰਗ ਬੁਲਾਕੇ ਉਨ੍ਹਾਂ ਨੂੰ ਇਸ ਬਾਰੇ ਜਾਣੂ ਕਰਵਾਇਆ ਗਿਆ। ਜਿਸ ਵਿੱਚ ਇਲਾਕਾ ਨਿਵਾਸੀਆਂ ਨੇ ਨਵੀਂ ਇਮਾਰਤ ਬਣਾਉਣ ਲਈ ਆਪਣਾ ਪੂਰਾ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ ਅਤੇ ਉਨ੍ਹਾਂ ਵਲੋਂ ਇਸ ਕੰਮ ਨੂੰ ਨੇਪਰੇ ਚਾੜਨ ਲਈ ਸੱਤ ਮੈਂਬਰੀ ਕਮੇਟੀ ਬਣਾਈ ਜਿਸ ਦਾ ਚੇਅਰਮੈਂਨ ਰਿਟ: ਕਰਨਲ ਮਹਿੰਦਰ ਸਿੰਘ ਬਸੀ ਨੂੰ ਬਣਾਇਆਂ ਗਿਆ। ਕਮਰਿਆਂ ਦੀ ਉਸਾਰੀ ਲਈ ਰਿਟ: ਕਰਨਲ ਮਹਿੰਦਰ ਸਿੰਘ ਬਸੀ ਅਤੇ ਉਨ੍ਹਾਂ ਦੀ ਪਤਨੀ ਵਲੌਂ ਇਕ ਲੱਖ ਰੁਪਏ, ਸੇਵਾਮੁਕਤ ਮੁੱਖ ਅਧਿਆਪਕ ਵਲੀ ਸਿੰਘ ਸ਼ਾਹਪੁਰ ਬੇਲਾ ਅਤੇ ਉਨ੍ਹਾਂ ਦੀ ਪਤਨੀ ਹੈਡ ਟੀਚਰ ਅਮਰਜੀਤ ਕੌਰ ਵਲੋਂ 50 ਹਜਾਰ ਰੁਪਏ, ਸਕੂਲ ਸਟਾਫ ਵਲੋਂ ਇੱਕ ਲੱਖ ਰੁਪਏ, ਪੰਡਤ ਦੇਵਕੀ ਨੰਦਨ ਚਨੌਲੀ ਵਲੋਂ 5100/-ਰੁ: ਦੀ ਨਗਦ ਰਾਸ਼ੀ ਭੇਟ ਕੀਤੀ ਗਈ ਜਦਕਿ ਡਾ. ਕਮਲਜੀਤ ਸਿੰਘ ਸਾਬਕਾ ਸਰਪੰਚ ਦੇ ਯਤਨਾ ਸਦਕਾ ਸ.ਅਜਮੇਰ ਸਿੰਘ ਭਾਅ ਯੂ.ਕੇ ਵਲੋਂ 75 ਹਜਾਰ ਰੁਪਏ, ਨੰਬਰਦਾਰ ਗੁਰਚੇਤ ਸਿੰਘ ਬਸੀ ਵਲੋਂ 11 ਹਜਾਰ ਰੁਪਏ ਦੇਣ ਦਾ ਐਲਾਨ ਕੀਤਾ ਗਿਆ।ਇਨ੍ਹਾਂ ਤੋਂ ਇਲਾਵਾ ਬਾਬਾ ਅਜੈਬ ਸਿੰਘ ਗੁ: ਕੁਚਾਲ ਸਾਹਿਬ ਵਲੋਂ 50 ਬੋਰੀਆਂ ਸੀਮਿੰਟ ਅਤੇ ਰੇਤਾ, ਬਜਰੀ ਅਤੇ ਗਟਕੇ ਦੀ ਸੇਵਾ ਵਿੱਚ ਸ.ਬਾਦਲ ਸਿੰਘ ਬਸੀ, ਸਰਪੰਚ ਭੁਪਿੰਦਰ ਸਿੰਘ ਚਨੌਲੀ ਅਤੇ ਸਾਬਕਾ ਸਰਪੰਚ ਡਾ. ਕਮਲਜੀਤ ਸਿੰਘ ਵਲੋਂ ਯੋਗਦਾਨ ਪਾਇਆ ਗਿਆ। ਇਸ ਮੋਕੇ ਹਾਜ਼ਰ ਪਿੰਡਾਂ ਦੇ ਹੋਰ ਮੋਹਤਵਰਾਂ ਨੇ ਵੀ ਨਗਦ ਰਾਸ਼ੀ ਭੇਟ ਕੀਤੀ। ਇਸ ਇਮਾਰਤ ਦੀ ਉਸਾਰੀ ਤੇ ਕਰੀਬ 35 ਲੱਖ ਰੁਪਏ ਦਾ ਖਰਚਾ ਆਵੇਗਾ।ਸਕੂਲ ਪ੍ਰਿੰਸੀਪਲ ਮਿਸ ਸ਼ਰਨਜੀਤ ਕੌਰ ਅਤੇ ਸੱਤ ਮੈਂਬਰੀ ਕਮੇਟੀ ਵਲੋਂ ਇਲਾਕੇ ਦੇ ਸਮਾਜ ਸੇਵੀ, ਐਨ.ਆਰ.ਆਈ ਨੂੰ ਅਪੀਲ ਕੀਤੀ ਕਿ ਉਹ ਇਸ ਨੇਕ ਕਾਰਜ ਲਈ ਆਪਣਾ ਵੱਧ ਤੋਂ ਵੱਧ ਸਹਿਯੋਗ ਦੇਣ। ਇਸ ਮੋਕੇ ਪਿੰਡਾਂ ਦੇ ਮੋਹਤਵਰਾਂ ਤੋਂ ਇਲਾਵਾ ਸਮੂਹ ਸਕੂਲ ਸਟਾਫ ਹਾਜ਼ਰ ਸੀ।