ਸੀਨੀਅਰ ਪੁਲਿਸ ਕਪਤਾਨ ਰੂਪਨਗਰ ਵੱਲੋ ਜੁਰਮ ਦੀ ਰੋਕਥਾਮ ਅਤੇ ਚੋਰੀਆਂ ਅਤੇ ਠੱਗੀਆਂ ਦੀਆਂ ਵਾਰਦਾਤਾਂ ਨੂੰ ਰੋਕਣ ਲਈ ਰੂਪਨਗਰ ਪੁਲਿਸ ਨੂੰ ਦਿੱਤੇ ਸਖਤ ਦਿਸ਼ਾਂ ਨਿਰਦੇਸ਼ਾਂ ਤੇ ਕਾਰਵਾਈ ਕਰਦੇ ਹੋਏ ਥਾਣਾ ਸਦਰ ਰੂਪਨਗਰ ਵੱਲੋ ਚੋਰੀ ਅਤੇ ਠੱਗੀਆਂ ਦੀਆਂ ਕਈ ਵਾਰਦਾਤਾਂ ਨੂੰ ਅੰਜਾਮ ਦੇਣ ਵਾਲੀ ਇੱਕ ਅੋਰਤ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਸ ਸਬੰਧੀ ਸ੍ਰੀ ਗੁਰਵਿੰਦਰ ਸਿੰਘ ਪੀ.ਪੀ.ਐਸ ਉਪ-ਕਪਤਾਨ ਪੁਲਿਸ (ਆਰ) ਵੱਲੋ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦੇ ਹੋਏ ਨੇ ਦੱਸਿਆ ਕਿ ਥਾਣਾ ਸਦਰ ਰੂਪਨਗਰ ਦੇ ਮੁੱਖ ਅਫਸਰ ਐਸ.ਆਈ. ਸਿਮਰਨਜੀਤ ਸਿੰਘ ਦੇ ਨਿਰਦੇਸ਼ਾਂ ਪਰ ਐਸ.ਆਈ. ਬਲਵੀਰ ਸਿੰਘ ਇੰਚਾਰਜ ਪੁਲਿਸ ਚੌਕੀ ਘਨੋਲੀ ਅਤੇ ਏ.ਐਸ.ਆਈ ਕਮਲ ਕਿਸ਼ੋਰ ਸਮੇਤ ਪੁਲਿਸ ਪਾਰਟੀ ਵੱਲੋ ਇਹਨਾਂ ਚੋਰੀ ਅਤੇ ਠੱਗੀਆਂ ਦੀਆਂ ਵਾਰਦਤਾਂ ਨੂੰ ਅੰਜਾਮ ਦੇਣ ਵਾਲੀ ਇਕ ਔਰਤ ਵਾਸੀ ਪਿੰਡ ਦਬਖੇੜਾ ੳਪਰਲਾ ਥਾਣਾ ਨੰਗਲ (ਉਮਰ 22 ਸਾਲ ) ਜਿਲ੍ਹਾ ਰੂਪਨਗਰ ਨੂੰ ਖੁਫੀਆ ਇਤਲਾਹ ਮਿਲਣ ਤੇ ਕਾਬੂ ਕਰਕੇ ਪੁੱਛ ਗਿੱਛ ਕੀਤੀ ਗਈ। ਜਿਸ ਨੇ ਪੁੱਛ ਗਿੱਛ ਦੋਰਾਨ ਦੱਸਿਆ ਕਿ ਉਹ ਫੇਸਬੁੱਕ ਮੈਸੇਂਜਰ ਤੇ ਲੜਕਿਆਂ ਨੂੰ ਆਪਣਾ ਦੋਸਤ ਬਣਾ ਕੇ ਉਹਨਾਂ ਨੂੰ ਸਰਕਾਰੀ ਨੌਕਰੀ ਦਿਵਾਉਣ ਦਾ ਅਤੇ ਵਿਦੇਸ਼ ਵਿੱਚ ਸੈਟਲ ਕਰਾਉਣ ਦਾ ਝਾਂਸਾ ਦੇ ਕੇ ਉਹਨਾਂ ਤੋ ਪੈਸੇ ਹੜਪਦੀ ਸੀ। ਜੋ ਮਨਜੀਤ ਸਿੰਘ ਪੁੱਤਰ ਸੁਖਦੇਵ ਸਿੰਘ ਵਾਸੀ ਪਿੰਡ ਲੋਧੀਮਾਜਰਾ ਥਾਣਾ ਸਦਰ ਰੂਪਨਗਰ ਨੂੰ ਚਪੜਾਸੀ ਦੀ ਨੌਕਰੀ ਦਿਵਾਉਣ ਲਈ ਉਸ ਨਾਲ 50,000/-ਰੁਪਏ ਦੀ ਠੱਗੀ ਮਾਰੀ ਸੀ ਅਤੇ ਉਸ ਦੇ ਘਰ ਤੋ ਉਸਦਾ ਏ.ਟੀ.ਐਮ. ਕਾਰਡ, ਅਧਾਰ ਕਾਰਡ ਤੇ 5000/-ਰੁਪਏ ਚੋਰੀ ਕੀਤੇ ਸਨ। ਜਿਸ ਤੇ ਇਸ ਔਰਤ ਦੇ ਖਿਲਾਫ ਮੁਕੱਦਮਾ ਨੰਬਰ 15 ਮਿਤੀ 01.02.2019 ਅ/ਧ 420,380 ਆਈ.ਪੀ.ਸੀ. ਥਾਣਾ ਸਦਰ ਰੂਪਨਗਰ ਵਿੱਚ ਦਰਜ ਰਜਿਸਟਰ ਕੀਤਾ ਗਿਆ। ਜਿਸਨੂੰ ਗ੍ਰਿਫਤਾਰ ਕਰਕੇ ਉਸ ਪਾਸੋ ਚੋਰੀ ਕੀਤਾ ਏ.ਟੀ.ਐਮ. ਕਾਰਡ, ਡਾਕੂਮੈਟ ਅਤੇ 3000/-ਰੁਪਏ ਕੈਸ਼ ਬਰਾਮਦ ਕੀਤੇ ਗਏ। ਇਸ ਤੋ ਇਲਾਵਾ ਉਕਤ ਅੋਰਤ ਨੇ ਚੰਡੀਗੜ੍ਹ ਪੁਲਿਸ ਦੀ ਇਕ ਸ਼ੀ ਮਿੰਨੀ ਭਾਰਦਵਾਜ ਦੇ ਘਰ ਵਿੱਚ ਬਤੋਰ ਨੌਕਰਾਣੀ ਕੰਮ ਕਰਦੇ ਹੋਏ ਸਾਲ 2018 ਵਿੱਚ ਦੋ ਕੰਗਣ, ਇਕ ਚੈਨੀ ਸੋਨਾ ਅਤੇ ਇਕ ਡਾਇਮੰਡ ਦਾ ਹਾਰ ਚੋਰੀ ਕੀਤਾ ਸੀ। ਜਿਸ ਕਰਕੇ ਇਸ ਅੋਰਤ ਦੇ ਖਿਲਾਫ ਮੁਕਦਮਾ ਨੰ: 122/2018 ਅ/ਧ 381,411 ੀਫਛ ਥਾਣਾ ਸੈਕਟਰ 36 ਚੰਡੀਗੜ੍ਹ ਦਰਜ ਹੈ। ਇਸ ਅੋਰਤ ਤੋ ਹੋਰ ਪੁੱਛ ਗਿੱਛ ਜਾਰੀ ਹੈ ਜਿਸ ਤੋ ਹੋਰ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।