ਭਾਰਤ ਦੀ ਟੈਕਸਟਾਈਲ ਮਿਨਿਸਟਰ ਸਮਰਿਤੀ ਈਰਾਨੀ ਅੱਜ ਲਵਲੀ ਪ੍ਰੋਫੈਸ਼ਨਲ ਯੂਨਿਵਰਸਿਟੀ ਪਹੁੰਚੀ ਜਿੱਥੇ ਉਨ੍ਹਾਂ ਨੇ ਯੂਨਿਵਰਸਿਟੀ ਦੇ ਸ਼ਾਂਤੀ ਦੇਵੀ ਮਿੱਤਲ ਆੱਡੀਟੋਰੀਯਮ 'ਚ ਆਈਐਸਸੀ ਦੀ 8ਵੀਂ ਵੂਮੈਨ ਸਾਈੰਸ ਕਾਂਗਰੇਸ ਦਾ ਸ਼ੁਭਾਰੰਭ ਕੀਤਾ। ਇਹ ਮੌਕਾ ਸੀ ਐਲਪੀਯੂ ਕੈਂਪਸ 'ਚ ਪਿਛਲੇ ਦਿਨਾਂ ਤੋਂ ਚੱਲ ਰਹੀ 106ਵੀਂ ਇੰਡੀਅਨ ਸਾਈੰਸ ਕਾਂਗਰੇਸ ਦੇ ਤੀਸਰੇ ਦਿਨ ਦਾ। ਮਹਿਲਾ ਵਿਗਿਆਨਿਕਾਂ, ਸਿੱਖਿਆਵਿਦਾਂ, ਪ੍ਰਤਿਨਿਧੀਆਂ ਅਤੇ ਵਿਦਿਆਰਥੀਆਂ ਨੂੰ ਸੰਬੋਧਿਤ ਕਰਦਿਆਂ ਮੰਤਰੀ ਈਰਾਨੀ ਨੇ ਕਿਹਾ-''ਮੈਂ ਇਸ ਵਿਸ਼ਾਲਤਮ ਕਾੱਨਕਲੇਵ 'ਚ ਇੱਕ ਮੰਤਰੀ ਨਹੀਂ ਸਗੋਂ ਇੱਕ ਮਹਿਲਾ ਦੇ ਤੌਰ 'ਤੇ ਸ਼ਾਮਿਲ ਹੋਈ ਹਾਂ। ਭਾਰਤ ਅਤੇ ਵਿਸ਼ਵ ਦੀਆਂ ਕਈ ਪ੍ਰਸਿੱਧ ਮਹਿਲਾ ਵਿਗਿਆਨਿਕਾਂ ਦੀ ਤਰ੍ਹਾਂ ਜਿਆਦਾਂ ਤੋਂ ਜਿਆਦਾ ਮਹਿਲਾਵਾਂ ਨੂੰ ਨਵੇਂ ਰਸਤਿਆਂ ਦੀ ਖੋਜ ਕਰਨੀ ਚਾਹੀਦੀ ਹੈ ਜਿਸ ਨਾਲ ਉਹ ਸਾਈੰਸ, ਇੰਜੀਨਿਅਰਿੰਗ ਅਤੇ ਰਚਨਾਵਾਂ ਦੀ ਦੁਨੀਆਂ 'ਚ ਦਾਖਿਲ ਹੋ ਸਕਣ। ਉਨ੍ਹਾਂ ਨੇ ਸਾਰੀਆਂ ਮਹਿਲਾਵਾਂ ਨੂੰ ਕਿਹਾ ਕਿ ਉਹ ਆਪਣੇ ਆਪ ਨੂੰ ਮਜ਼ਬੂਤ ਬਣਾਉਣ ਅਤੇ ਲਿੰਗ ਭੇਦ ਮਿਟਾਉਣ ਲਈ ਅੱਗੇ ਆਉਣ।''ਇਸ ਪ੍ਰਤੀ ਅਫਸੋਸ ਪ੍ਰਗਟ ਕਰਦਿਆਂ ਹੋਇਆ ਕਿ ਵਿਸ਼ਵ ਦੇ ਕੁੱਲ ਵਿਗਿਆਨਿਕਾਂ 'ਚ ਮਹਿਲਾ ਵਿਗਿਆਨਿਕਾਂ ਦੀ ਪ੍ਰਤਿਸ਼ਤ ਬਹੁਤ ਘੱਟ ਹੈ, ਮੰਤਰੀ ਈਰਾਨੀ ਨੇ ਦੱਸਿਆ ਕਿ ਇਸ ਪ੍ਰਕਾਰ ਮਹਿਲਾ ਵਿਗਿਆਨਿਕ ਵਿਸ਼ਾਲਤਮ ਘੱਟ ਗਿਣਤੀ ਦੀ ਸ਼੍ਰੋਣੀ 'ਚ ਆਉਂਦੀਆਂ ਹਨ। ਉਨ੍ਹਾਂ ਨੇ ਇਸਨੂੰ ਮਹਿਲਾਵਾਂ ਲਈ ਇੱਕ ਵਿਸ਼ਾਲ ਚੁਣੌਤੀ ਦੱਸਿਆ। ਉਨ੍ਹਾਂ ਨੇ ਆੱਡੀਟੋਰੀਯਮ 'ਚ ਮੌਜੂਦ ਸਾਰਿਆਂ ਨੂੰ ਕਿਹਾ ਕਿ ਉਹ ਲਿੰਗ ਭੇਦ ਨੂੰ ਸਮਾਪਤ ਕਰਨ ਅਤੇ ਲਿੰਗ ਸਮਾਨਤਾ ਦੀ ਸਥਾਪਨਾ ਕਰਨ। ਇੱਕ ਉਦਾਹਰਨ ਦੁਆਰਾ ਉਨ੍ਹਾਂ ਨੇ ਦੱਸਿਆ ਕਿ ਕਿਸੇ ਬੱਚੇ ਦੇ ਸ਼ੁਰੂਆਤੀ ਦਿਨਾਂ ਤੋਂ ਹੀ ਉਨ੍ਹਾਂ ਦੇ ਮਾਤਾ-ਪਿਤਾ ਇੱਕ ਲੜਕੀ ਨੂੰ ਗੁੱਡੀ ਨਾਲ ਖਿਡਾਉਂਦੇ ਹਨ ਅਤੇ ਇੱਕ ਪੁੱਤਰ ਨੂੰ ਕਾਰ ਵਰਗੇ ਯਾਂਤਰਿਕ ਉਪਕਰਣ ਨਾਲ। ਇਸ ਤਰ੍ਹਾਂ ਦੇ ਭੇਦਭਾਵ ਖਤਮ ਹੋਣੇ ਚਾਹੀਦੇ ਹਨ। ਇਸ ਮੌਕੇ 'ਤੇ ਉਨ੍ਹਾਂ ਨੇ ਡਿਜਿਟਲ ਇੰਡੀਆ, ਆੱਨ ਲਾਈਨ ਐਜੁਕੇਸ਼ਨ ਅਤੇ ਲੜਕੀਆਂ ਦੇ ਹਰ ਤਰ੍ਹਾਂ ਦੇ ਵਿਕਾਸ ਪ੍ਰਤੀ ਵੀ ਵਿਚਾਰ ਰੱਖੇ।
ਮੰਤਰੀ ਈਰਾਨੀ ਨੇ ਆਈਐਸਸੀ ਦੇ ਸਾਰੇ ਅਧਿਕਾਰੀਆਂ ਨੂੰ ਕਿਹਾ ਕਿ ਉਹ ਦੇਸ਼ ਦੇ ਸਾਰੇ ਸਕੂਲਾਂ, ਵਿਸ਼ੇਸ਼ ਤੌਰ 'ਤੇ ਮਿਡਲ ਅਤੇ ਹਾਈ ਸਕੂਲਾਂ, 'ਚ ਸਰਵੋਤਮ ਸਾਈੰਸ ਪੱਤਰਿਕਾਵਾਂ ਅਤੇ ਸਾਈੰਸ ਦੀਆਂ ਕਿਤਾਬਾਂ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਆਪਣੀ ਭਾਸ਼ਾ 'ਚ ਟਰਾਂਸਲੇਟ ਕਰਕੇ ਪਹੁੰਚਾਉਣ ਤਾਂ ਜੋ ਉਹ ਆਪਣੇ ਸਕੂਲੀ ਦਿਨਾਂ ਤੋਂ ਹੀ ਸਾਈੰਸ ਪ੍ਰਤੀ ਲਗਾਅ ਪੈਦਾ ਕਰ ਸਕਣ। ਉਨ੍ਹਾਂ ਨੇ ਐਲਪੀਯੂ ਦੇ ਚਾਂਸਲਰ ਸ਼੍ਰੀ ਅਸ਼ੋਕ ਮਿੱਤਲ ਅਤੇ ਐਲਪੀਯੂ ਦੀ ਪ੍ਰਬੰਧਨ ਸਮਿਤੀ ਨੂੰ ਕੈਂਪਸ 'ਚ ਵਾਈਬਰੇਂਸੀ ਸਥਾਪਿਤ ਕਰਨ ਲਈ ਵਧਾਈ ਵੀ ਦਿੱਤੀ। ਇਸ ਮੌਕੇ 'ਤੇ ਮੰਤਰੀ ਜੀ ਨੇ ਐਲਪੀਯੂ ਦੇ ਇੰਜੀਨਿਅਰਿੰਗ ਦੇ ਵਿਦਿਆਰਥੀਆਂ ਵੱਲੋਂ ਤਿਆਰ ਕੀਤੇ ਗਏ ਵਿਸ਼ਾਲ ਰੋਬੋਟਿਕ ਸਟਰੱਕਚਰ 'ਮੈਟਲਮੈਗਨਾ' ਨੂੰ ਐਲਪੀਯੂ ਦੇ ਮੁੱਖ ਗੇਟ 'ਤੇ ਵੀ ਲਾਂਚ ਕੀਤਾ। ਇਸ ਰੋਬੋਟ ਦਾ ਭਾਰ 30 ਟਨ ਹੈ, ਇਹ 30 ਫੁੱਟ ਉੱਚਾ ਹੈ, ਇਸ ਦੀਆਂ ਅੱਖਾਂ ਚਮਕਦੀਆਂ ਹਨ ਅਤੇ ਇਹ ਐਲਈਡੀ ਡਿਸਪਲੇ ਨਾਲ ਯੁਕਤ ਹੈ। ਇਸੇ ਮੌਕੇ 'ਤੇ ਵੂਮੈਨ ਸਾਈਂਸ ਕਾਂਗਰੇਸ ਨੂੰ ਸਮਰਪਿਤ ਸੋਵਿਨਿਯਰ ਦਾ ਉਦਘਾਟਨ ਵੀ ਕੀਤਾ ਗਿਆ।ਪ੍ਰੋਗ੍ਰਾਮ ਦੌਰਾਨ ਇੰਡੀਅਨ ਸਾਈੰਸ ਕਾਂਗਰੇਸ ਦੇ ਜਨਰਲ ਪ੍ਰੈਜ਼ੀਡੈਂਟ ਡਾੱ ਮਨੋਜ ਕੁਮਾਰ ਚੱਕਰਬਰਤੀ, ਐਲਪੀਯੂ ਦੇ ਚਾਂਸਲਰ ਸ਼੍ਰੀ ਅਸ਼ੋਕ ਮਿੱਤਲ, ਆਈਐਸਸੀ 2020 ਲਈ ਚੁਣੀ ਗਈ ਜਨਰਲ ਪ੍ਰੈਜ਼ੀਡੈਂਟ ਪ੍ਰੋ ਵਿਜੈ ਲਕਸ਼ਮੀ ਸਕਸੇਨਾ ਵੀ ਮੌਜੂਦ ਸਨ। ਜਿਕਰਯੋਗ ਹੈ ਕਿ ਦੋ ਦਿਨੀਂ ਆਈਐਸਸੀ ਦੀ 8ਵੀਂ ਵੂਮੈਨ ਸਾਈੰਸ ਕਾਂਗਰੇਸ ਦਾ ਸਮਾਪਨ ਸਮਾਰੋਹ 6 ਜਨਵਰੀ 2019 ਨੂੰ ਹੋਵੇਗਾ ਜਿਸਦੇ ਮੁੱਖ ਮਹਿਮਾਨ ਭਾਰਤ ਦੇ ਐਚਆਰਡੀ ਮਿਸਿਟਰ ਸ਼੍ਰੀ ਪ੍ਰਕਾਸ਼ ਜਾਵੜੇਕਰ ਹੋਣਗੇ।ਦੋ ਦਿਨੀਂ ਵੂਮੈਨ ਸਾਈੰਸ ਕਾਂਗਰੇਸ 'ਚ ਸਾਈੰਸ ਟੈਕਨੋਲਾੱਜੀ ਅਤੇ ਸਮਾਜ ਪ੍ਰਤੀ ਮਹਿਲਾਵਾਂ ਵੱਲੋਂ ਪਾਏ ਗਏ ਯੋਗਦਾਨ ਨੂੰ ਭਰਪੂਰ ਦਰਸ਼ਾਇਆ ਜਾ ਰਿਹਾ ਹੈ। ਇਸ ਵਿੱਚ ਸਰਕਾਰ, ਸਿੱਖਿਆ ਅਤੇ ਉਦਯੋਗ ਜਗਤ ਤੋਂ ਪ੍ਰਸਿੱਧ ਮਹਿਲਾਵਾਂ ਵਿਗਿਆਨਿਕ ਅਤੇ ਨੇਤਾ ਭਾਗ ਲੈ ਰਹੇ ਹਨ ਜੋ ਕਿ ਨੀਤੀ ਨਿਰਧਾਰਕ ਹੈ ਅਤੇ ਉਨ੍ਹਾਂ ਦੁਆਰਾ ਦੂਜੇ ਸੈਸ਼ਨ 'ਚ ਵਿਸ਼ੇਸ਼ ਗੱਲਬਾਤ ਕੀਤੀ ਜਾਏਗੀ। ਇਸ ਵਿੱਚ ਬਿਲਐਂਡ ਮੇਲਿੰਡਾ ਗੇਟੱਸ ਫਾਊੰਡੇਸ਼ਨ ਦੀ ਏਸ਼ੀਆ ਲਈ ਹੈਡ ਡਾੱ ਪੂਰਵੀ ਮੇਹਤਾ, ਇੰਫੋਸਿਸ ਦੀ ਸੀਐਸਆਰ ਦੀ ਹੈਡ ਸੁਜਾ ਵਾਰਿਅਰ, ਭਾਰਤੀ ਫਾਊੰਡੇਸ਼ਨ ਦੀ ਮਮਤਾ ਸੇਕਿਯਾ, ਅਡਾਨੀ ਫਾਊੰਡੇਸ਼ਨ ਦੀ ਡਾਇਰੈਕਟਰ ਸੁਸ਼ਮਾ ਓਜ਼ਾ, ਵੇਦਾਂਤਾ ਦੀ ਸੀਐਸਆਰ ਦੀ ਹੈਡ ਨੀਲਿਮਾ ਖੇਤਾਨ, ਸਟੇਟ ਯੂਨਿਵਰਸਿਟੀ ਆੱਫ ਨਿਊਯਾਰਕ ਦੀ ਡਾੱ ਸ਼ਕੁੰਤਲਾ ਦਾਸ ਅਤੇ ਕਈ ਹੋਰ ਭਾਗ ਲੈ ਰਹੇ ਹਨ।