ਆੱਸਟ੍ਰੇਲੀਆ ਦੀ ਕਰਟਿਨ ਯੂਨਿਵਰਸਿਟੀ ਦੇ 6 ਮੈਂਬਰੀ ਪ੍ਰਤਿਨਿਧੀਮੰਡਲ ਨੇ ਲਵਲੀ ਪ੍ਰੋਫੈਸ਼ਨਲ ਯੂਨਿਵਰਸਿਟੀ (ਐਲਪੀਯੂ) ਦਾ ਦੌਰਾ ਕੀਤਾ ਜਿੱਥੇ ਆੱਸਟ੍ਰੇਲੀਆਈ ਪ੍ਰਤਿਨਿਧੀਆਂ ਨੇ ਐਲਪੀਯੂ ਦੀ ਇੰਟਰਨੈਸ਼ਨਲ ਲੀਡਰਸ਼ਿਪ ਨਾਲ ਮੁਲਾਕਾਤ ਅਤੇ ਸੀਨੀਅਰ ਫੈਕਲਟੀ ਮੈਂਬਰਾਂ ਨਾਲ ਵਿਸਤ੍ਰਿਤ ਵਿਚਾਰ-ਵਟਾਂਦਰਾ ਕੀਤਾ। ਪ੍ਰਤਿਨਿਧੀਮੰਡਲ 'ਚ ਡੀਨ ਇੰਟਰਨੈਸ਼ਨਲ ਸਾਊਥ ਏਸ਼ੀਆ ਪ੍ਰੋ ਅਭਿਜੀਤ ਮੁਖਰਜੀ; ਡੀਨ ਇੰਟਰਨੈਸ਼ਨਲ (ਫੈਕਲਟੀ ਆੱਫ ਸਾਈਂਸ ਐਂਡ ਇੰਜੀਨਿਅਰਿੰਗ) ਪ੍ਰੋ ਬਰੈਟ ਕਿਰਕ; ਸਕੂਲ ਆੱਫ ਸਿਵਿਲ ਐਂਡ ਮੈਕੇਨਿਕਲ ਇੰਜੀਨਿਅਰਿੰਗ ਦੇ ਹੈਡ ਪ੍ਰੋ ਐਂਥਨੀ (ਟੋਨੀ) ਡੇਨਿਸ ਲੂਸੀ; ਹੈਡ ਡਬਲਿਊ ਏ ਐਸ ਐਮ (ਮਾਈਂਸ, ਅਨਰਜੀ ਐਂਡ ਕੈਮਿਕਲ ਇੰਜੀਨਿਅਰਿੰਗ) ਪ੍ਰੋ ਵਿਸ਼ਨੂੰ ਪਾਰਿਖ; ਐਕਟਿੰਗ ਟੀ ਐਂਡ ਐਲ ਡਾਇਰੈਕਟਰ (ਆੱਫਿਸ ਆੱਫ ਦ ਪੀਵੀਸੀ, ਸਾਈੰਸ ਐਂਡ ਇੰਜੀਨਿਅਰਿੰਗ) ਡਾੱ ਕਰਿਸਟੋਫਰ ਰਾੱਸਨ; ਅਤੇ, ਰੀਜ਼ਨਲ ਮੈਨੇਜਰ (ਇੰਡੀਆ, ਸ਼੍ਰੀਲੰਕਾ ਐਂਡ ਪਾਕਿਸਤਾਨ) ਸ਼ੇਰਿਲ ਇਸ਼ਤਾ ਦਾਸ ਸ਼ਾਮਿਲ ਰਹੇ। ਦੁਨੀਆਂ ਭਰ 'ਚ ਟਾੱਪ ਯੂਨਿਵਰਸਿਟੀਆਂ ਵਿੱਚੋਂ ਇੱਕ ਕਰਟਿਨ ਯੂਨਿਵਰਸਿਟੀ ਇੱਕ ਇਨੋਵੇਟਿਵ ਗਲੋਬਲ ਯੂਨਿਵਰਸਿਟੀ ਹੈ ਜੋ ਕਿ ਆਪਣੇ ਉੱਚ ਪ੍ਰਭਾਵਸ਼ਾਲੀ ਰਿਸਰਚ ਕੰਮ, ਸਸ਼ਕਤ ਇੰਡਸਟਰੀ ਪਾਰਟਨਰਸ਼ਿਪਸ ਅਤੇ ਵਿਦਿਆਰਥੀਆਂ ਦੇ ਵਿਕਾਸ ਪ੍ਰਤੀ ਵਚਨਬੱਧਤਾ ਲਈ ਜਾਣੀ ਜਾਂਦੀ ਹੈ।ਐਲਪੀਯੂ 'ਚ ਵੱਖਰੇ ਇੰਜੀਨਿਅਰਿੰਗ, ਸਾਈੰਸ, ਟੈਕਨੋਲਾੱਜੀ ਸਕੂਲਾਂ ਅਤੇ ਰਿਸਰਚ ਤੇ ਡਿਵੈਲਪਮੈਂਟ ਵਿੰਗ ਦੇ ਪ੍ਰਮੁੱਖਾਂ ਨਾਲ ਵਿਸ਼ੇਸ਼ ਸੈਸ਼ਨ ਦੌਰਾਨ ਪ੍ਰਤਿਨਿਧੀਆਂ ਨੇ ਨਵੀਨਤਮ ਪ੍ਰਯੋਗਸ਼ਾਲਾਵਾਂ, ਜੁਆਈੰਟ ਰਿਸਰਚ, ਜੁਆਈੰਟ ਪ੍ਰੋਗਰਾਮਸ ਦੀ ਸਥਾਪਨਾ ਅਤੇ ਦੋਵੇਂ ਯੂਨਿਵਰਸਿਟੀਆਂ ਦੇ ਵਿਦਿਆਰਥੀਆਂ ਲਈ ਸਾਂਝੇ ਮੌਕੇ ਲੱਭਣ ਪ੍ਰਤੀ ਡੂੰਘਾ ਵਿਚਾਰ-ਵਟਾਂਦਰਾ ਕੀਤਾ। ਮਹਾਨ ਰਿਸਰਚਰ ਅਤੇ ਸਿੱਖਿਆਵਿੱਦ ਪ੍ਰੋ ਮੁਖਰਜੀ ਨੇ ਸਥਾਈ ਇੰਜੀਨਿਅਰਿੰਗ ਪ੍ਰਥਾਵਾਂ 'ਤੇ ਆਪਣੇ ਰਿਸਰਚ ਕੰਮਾਂ ਨੂੰ ਸਾਂਝਾ ਕੀਤਾ।
ਪ੍ਰੋ ਟੋਨੀ ਲੂਸੀ ਨੇ ਆਪਣੇ ਮੁੱਖ ਰਿਸਰਚ ਖੇਤਰ 'ਫਲਯੁਡ ਸਟ੍ਰਕੱਚਰ ਇੰਟਰੈਕਸ਼ਨ ਅਤੇ ਇਸਦੀ ਐਪਲੀਕੇਸ਼ੰਸ' ਦੇ ਬਾਰੇ ਵਿਚਾਰ ਸਾਂਝੇ ਕੀਤੇ। ਪ੍ਰੋ ਕਿਰਕ ਨੇ ਕਰਟਿਨ ਯੂਨਿਵਰਸਿਟੀ ਦੇ ਹਾਇਰ ਡਿਗਰੀ ਸਟੁਡੈਂਟਸ ਦੇ ਵਿਕਾਸ ਪ੍ਰਤੀ ਵਿਜ਼ਨ, ਇੰਟਰਨੈਸ਼ਨਲ ਆੱਥਰਜ਼ ਨਾਲ ਜੁਆਈੰਟ ਪਬਿਲਕੇਸ਼ੰਸ ਅਤੇ ਵਿਦਵਾਨਾਂ ਵਿੱਚਕਾਰ ਸਸ਼ਕਤ ਵਿਚਾਰ-ਵਟਾਂਦਰੇ ਦੇ ਤੌਰ-ਤਰੀਕਿਆਂ 'ਤੇ ਵਿਚਾਰ ਸਾਂਝੇ ਕੀਤੇ। ਡਾੱ ਰਾੱਸਨ ਨੇ ਕਲਾਸਰੂਮ ਦੇ ਅੰਦਰ, ਆੱਨਲਾਈਨ, ਅਸੈਸਮੈਂਟ ਅਤੇ ਫੀਡਬੈਕ ਦੇ ਦੌਰਾਨ ਵੀ ਨਵੀਨਤਮ ਟੀਚਿੰਗ ਪ੍ਰੈਕਟਿਸਿਜ਼ 'ਤੇ ਜ਼ੋਰ ਦਿੱਤਾ। ਇਸ ਮੌਕੇ 'ਤੇ ਐਲਪੀਯੂ ਦੇ ਵਾਈਸ ਚਾਂਸਲਰ ਪ੍ਰੋ ਡਾੱ ਰਮੇਸ਼ ਕੰਵਰ, ਰਿਸਰਚ ਐਂਡ ਡਿਵੈਲਪਮੈਂਟ ਵਿੰਗ ਦੀ ਡੀਨ ਡਾੱ ਗੀਤਾ ਅਤੇ ਐਲਪੀਯੂ ਦੇ ਹੋਰ ਵਿਗਿਆਨਿਕ ਅਤੇ ਸਿੱਖਿਆਵਿੱਦ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਰਹੇ।ਪ੍ਰਤਿਨਿਧੀਮੰਡਲ ਦਾ ਸਵਾਗਤ ਕਰਦਿਆਂ ਐਲਪੀਯੂ ਦੇ ਡਿਵੀਜ਼ਨ ਆੱਫ ਇੰਟਰਨੈਸ਼ਨਲ ਅਫੇਯਰਜ਼ ਦੇ ਡਾਇਰੈਕਟਰ ਸ਼੍ਰੀ ਅਮਨ ਮਿੱਤਲ ਨੇ ਸੂਚਿਤ ਕੀਤਾ-'ਕਰਟਿਨ ਯੂਨਿਵਰਸਿਟੀ ਅਤੇ ਐਲਪੀਯੂ ਕਾਫੀ ਲੰਬੇ ਸਮੇਂ ਤੋਂ ਪਹਿਲਾਂ ਤੋਂ ਹੀ ਵੱਖਰੇ ਖੇਤਰਾਂ 'ਚ ਇਕੱਠੇ ਕੰਮ ਕਰ ਰਹੇ ਹਨ। ਦੋਵੇਂ ਯੂਨਿਵਰਸਿਟੀਆਂ ਵਿੱਚਕਾਰ ਤੈਅ ਕਰੈਡਿਟ ਟਰਾਂਸਫਰ ਪ੍ਰੋਗ੍ਰਾਮ ਦੇ ਤਹਿਤ ਐਲਪੀਯੂ ਦੇ ਵਿਦਿਆਰਥੀ ਆਪਣੀ ਪੜ੍ਹਾਈ ਦੇ ਆਖ਼ਰੀ ਦੋ ਸਾਲ ਆੱਸਟ੍ਰੇਲੀਆ 'ਚ ਕਰਟਿਨ ਯੂਨਿਵਰਸਿਟੀ 'ਚ ਪੜ੍ਹਨ ਤੋਂ ਬਾਅਦ ਆਪਣੀ ਫਾਈਨਲ ਡਿਗਰੀ ਕਰਟਿਨ ਯੂਨਿਵਰਸਿਟੀ ਤੋਂ ਹੀ ਪ੍ਰਾਪਤ ਕਰ ਸਕਦੇ ਹਨ। ਜਿਕਰਯੋਗ ਹੈ ਕਿ ਐਲਪੀਯੂ ਦੇ ਵਿਦਿਆਰਥੀਆਂ ਵਿੱਚੋਂ ਇੱਕ ਈਸੀਈ ਸਟਰੀਮ ਦੀ ਇੱਕ ਵਿਦਿਆਰਥਣ ਕੋਮਲਪ੍ਰੀਤ ਜਲਦੀ ਹੀ ਕਰੈਡਿਟ ਟਰਾਂਸਫਰ ਪ੍ਰੋਗ੍ਰਾਮ ਦੇ ਤਹਿਤ ਕਰਟਿਨ ਯੂਨਿਵਰਸਿਟੀ ਜੁਆਈੰਨ ਕਰਨ ਜਾ ਰਹੀ ਹੈ। ਇਸੇ ਤਰ੍ਹਾਂ ਭਾਰਤੀ ਸੇਨਾ 'ਚ ਸੇਵਾ ਨਿਭਾ ਰਹੇ ਇਕ ਕਰਨਲ ਸ਼੍ਰੀ ਪੀ ਪੀ ਸਿੰਘ, ਜੋ ਐਲਪੀਯੂ 'ਚ ਸਟੱਡੀ ਲੀਵ 'ਤੇ ਰੈਗੁਲਰ ਐਮਬੀਏ ਪ੍ਰੋਗ੍ਰਾਮ ਕਰ ਰਹੇ ਹਨ, ਵੀ ਕਰਟਿਨ ਯੂਨਿਵਰਸਿਟੀ ਤੋਂ ਹੀ ਆਪਣਾ ਆਖ਼ਰੀ ਸਿਮੈਸਟਰ ਪੂਰਾ ਕਰਨਗੇ।