ਕਿਸਾਨਾਂ ਲਈ ਝੋਨੇ ਅਤੇ ਕਣਕ ਦੇ ਰਿਵਾਇਤੀ ਫਸਲੀ ਚੱਕਰ ਵਿਚੋਂ ਨਿਕਲਣ ਤੋਂ ਬਾਅਦ ਪੰਜਾਬ ਸਰਕਾਰ ਵਲੋ ਪਰਾਲੀ ਅਤੇ ਰਹਿੰਦ-ਖੂਹੰਦ ਨੂੰ ਅੱਗ ਨਾ ਲਗਾਉਣ ਦੀ ਪਰੇਨਾ ਦੇ ਕੇ ਕਿਸਾਨਾਂ ਦੇ ਜੀਵਨ ਪੱਧਰ ਵਿਚ ਸੁਧਾਰ ਲਿਆਉਣ ਅਤੇ ਵਾਤਾਵਰਣ ਨੂੰ ਬਚਾਉਣ ਦਾ ਉਪਰਾਲਾ ਕੀਤਾ ਗਿਆ ਹੈ ਜਿਸ ਵਿਚ ਇਸ ਇਲਾਕੇ ਕਿਸਾਨਾਂ ਜਿਮੀਦਾਰਾਂ ਨੇ ਸਰਕਾਰ ਦੇ ਕਿਸਾਨ ਭਲਾਈ ਵਿਭਾਗ ਅਤੇ ਬਾਗਬਾਨੀ ਵਿਭਾਗ ਵਲੋਂ ਲਗਾਏ ਜਾਗਰੂਕਤਾ ਕੈਂਪ ਵਿਚ ਜਾਣਕਾਰੀ ਹਾਸਲ ਕਰਕੇ ਭਰਭੂਰ ਫਾਇਦਾ ਚੁੱਕਿਆ ਹੈ ਇਸ ਸਭ ਦੇ ਬਾਵਜੂਦ ਕਿਸਾਨਾਂ ਦਾ ਜੀਵਨ ਪੱਧਰ ਉੱਚਾ ਚੁੱਕਣ ਅਤੇ ਚੋਖਾ ਮੁਨਾਫਾ ਕਮਾਉਣ ਲਈ ਕਿਸਾਨਾ ਨੂੰ ਪਰਝੇਰਿਤ ਕਰਨ ਦਾ ਸਰਕਾਰ ਦਾ ਉਪਰਾਲਾ ਹੁਣ ਫੱਲਣ-ਫੁੱਲਣ ਲੱਗਿਆ ਹੈ। ਵੱਡੀ ਗਿਣਤੀ ਵਿਚ ਕਿਸਾਨ ਸਹਾਇਕ ਧੰਦੇ ਅਪਣਾ ਕੇ ਚੋਖਾ ਮੁਨਾਫਾ ਕਮਾਉਣ ਦੀ ਰਾਹ ਤੁਰ ਪਏ ਹਨ। ਜਿਸ ਨਾਲ ਸੂਬੇ ਦੇ ਕਿਸਾਨਾਂ ਦੀ ਆਰਥਿਕਤਾ ਵਿਚ ਚੋਖਾ ਸੁਧਾਰ ਹੋਣ ਲੱਗ ਪਿਆ ਹੈ।ਨੂਰਪੁਰ ਬੇਦੀ ਇਲਾਕੇ ਦੇ ਪਿੰਡ ਭੈਣੀ ਅਗਾਹ ਵੱਧੂ ਕਿਸਾਨ ਕਰਨੈਲ ਸਿੰਘ ਜੋ ਕਿ ਭਾਰਤੀ ਫੋਜ ਵਿਚੋਂ ਸੇਵਾ ਮੁਕਤੀ ਉਪਰੰਤ ਆਪਣੇ ਪਿੰਡ ਆ ਕੇ ਮਸ਼ਰੂਮ ਦੀ ਖੇਤੀ ਕਰਨ ਲੱਗਿਆ ਹੈ ਦੇ ਇਸ ਉਪਰਾਲੇ ਨੇ ਹੋਰ ਕਿਸਾਨਾਂ ਲਈ ਵੀ ਪ੍ਰੇਰਨਾ ਰਾਹ ਖੋਲਿਆ ਹੈ। ਕਰਨੈਲ ਸਿੰਘ ਨੇ ਦੱਸਿਆ ਕਿ ਉਸਨੇ ਆਪਣੀ ਨੋਕਰੀ ਉਪਰੰਤ ਇਸ ਸਹਾਇਕ ਧੰਦੇ ਨੂੰ ਅਪਣਾਉਣ ਦਾ ਜਦੋ ਫੈਸਲਾ ਕੀਤਾ ਤਾਂ ਉਸਨੇ ਸਥਾਨਕ ਬਾਗਬਾਨੀ ਵਿਕਾਸ ਦਫਤਰ ਤੱਕ ਪਹੁੰਚ ਕੀਤੀ ਅਤੇ ਉਥੋ ਪ੍ਰੇਰਨਾ ਲੈ ਕੇ ਆਪਣਾ ਕੰਮ ਸੁਰੂ ਕੀਤਾ। ਕੰਮਪੋਸਟ ਖਾਦ ਬਣਾਉਣ ਅਤੇ ਬਟਨ ਮਸ਼ਰੂਮ ਅਗਾਉਣ ਲਈ ਉਸਨੇ ਸਥਾਈ ਅਤੇ ਅਸਥਾਈ ਢਾਂਚਿਆ ਦਾ ਨਿਰਮਾਣ ਕੀਤਾ ਅਤੇ ਖਾਦ ਅਤੇ ਮਸਰੂਮ ਦੀ ਉਪਜ ਲਈ ਬਾਗਬਾਨੀ ਦਫਤਰ ਦੀਆਂ ਹਦਾਇਤਾਂ ਦੀ ਪਾਲਣਾ ਕਰਦੇ ਹੋਏ ਆਪਣਾ ਕੰਮ ਸੁਰੂ ਕੀਤਾ ਅਤੇ ਉਹ ਹੁਣ ਇਸ ਤੋਂ ਭਰਭੂਰ ਮੁਨਾਫਾ ਹਾਸਲ ਕਰ ਰਿਹਾ ਹੈ। ਕਰਨੈਲ ਸਿੰਘ ਨੇ ਦੱਸਿਆ ਕਿ ਇਸ ਦੇ ਲਈ ਵਾਤਾਵਰਣ ਅਨਕੂਲ ਹੋਣਾ ਜਰੂਰੀ ਹੈ ਅਤੇ ਆਰਜੀ ਤੋਰ ਤੇ ਢੁਕਵਾਂ ਵਾਤਾਵਰਣ ਤੇ ਤਾਪਮਾਨ ਨੂੰ ਫਸਲ ਦੀ ਉਪਜ ਦੇ ਅਨਕੁਲ ਰੱਖਣ ਲਈ ਏਅਰ ਕਡਿਸ਼ਨ, ਛੱਪਰ, ਸਲੈਬਾ ਆਦਿ ਦੀ ਵੀ ਢੁਕਵੀ ਜਰੂਰਤ ਪੈਦੀ ਹੈ।
ਪ੍ਰੰਤੂ ਜਦੋ ਮੰਡੀਆ ਵਿਚ ਫਸਲ ਦੀ ਵਿਕਰੀ ਹੁੰਦੀ ਹੈ ਤਾਂ ਸਾਰੀ ਮਿਹਨਤ ਦਾ ਮੁੱਲ ਮਿਲ ਜਾਦਾ ਹੈ ਉਸਨੇ ਕਿਹਾ ਕਿ ਕਿਸਾਨ ਭਰਾ ਸਮੇਂ ਦੇ ਹਾਣੀ ਬਣਨ ਅਤੇ ਰਿਵਾਇਤੀ ਫਸਲੀ ਚੱਕਰ ਛੱਡ ਕੇ ਅਜਿਹੇ ਸਹਾਇਕ ਧੰਦੇ ਅਪਣਾਉਣ ਜਿਸ ਤੋ ਕਿਸਾਨਾਂ ਦੀ ਆਰਥਿਕ ਹਾਲਤ ਮਜਬੂਤ ਹੋਵੇ ਅਤੇ ਵਾਤਾਵਰਣ ਤੇ ਪੋਣ ਪਾਣੀ ਵੀ ਸੁੱਧ ਤੇ ਸਵੱਛ ਰਹਿ ਸਕੇ।ਬਾਗਬਾਨੀ ਵਿਕਾਸ ਅਫਸਰ ਯੁਵਰਾਜ ਭਾਰਦਵਾਜ ਨੇ ਦੱਸਿਆ ਕਿ ਮਸ਼ਰੂਮ ਵਿਚ ਵਿਟਾਮਿਨ ਡੀ, ਕੈਲਸੀਅਮ ਫਾਸਫੋਰਸ ਅਤੇ ਲੋਹਾ ਦੀ ਮਾਤਰਾ ਪਾਈ ਜਾਂਦੀ ਹੈ ਪੰਜਾਬ ਵਿਚ ਢਿਗਰੀ ਅਤੇ ਬਟਨ ਮਸ਼ਰੂਮ ਦੀਆਂ ਕਿਸਮਾਂ ਦੀ ਪੈਦਾਵਾਰ ਹੁੰਦੀ ਹੈ। ਇਹਨਾਂ ਦੀ ਮਾਰਕਿਟਿੰਗ ਵਿਚ ਵੀ ਕੋਈ ਅੋਕੜ ਪੇਸ਼ ਨਹੀਂ ਆਉਦੀ। ਇਸਦੀ ਚੋਖੀ ਪੈਦਾਵਾਰ ਨਾਲ ਕਿਸਾਨਾਂ ਨੂੰ ਭਾਰੀ ਮੁਨਾਫਾ ਹੁੰਦਾ ਹੈ। ਇਸ ਮਸ਼ਰੂਮ ਦੀ ਪੈਦਾਵਾਰ ਲਈ ਕੰਮਪੋਸ਼ਟ ਖਾਦ ਵਿਚ ਮਸ਼ਰੂਮ ਦਾ ਬੀਜ ਮਿਲਾ ਕੇ ਉਸ ਨੂੰ ਨਾਇਅਰ ਦੇ ਬਰਾਦੇ ਨਾਲ ਢੱਕ ਕੇ ਪੋਲੀ ਬੈਗ ਵਿਚ ਬੰਦ ਕਰ ਦਿੱਤਾ ਜਾਦਾ ਹੈ ਕੁਝ ਦਿਨਾਂ ਵਿਚ ਹੀ ਬੀਜ ਪੂੰਗਰ ਆਉਦਾ ਹੈ ਮਸ਼ਰੂਮ ਦੀ ਉਪਜ ਸੁਰੂ ਹੋ ਜਾਦੀ ਹੈ ਇਹ ਫਸਲੀ ਚੱਕਰ ਸਾਲ ਭਰ ਚੱਲਦਾ ਹੈ ਅਤੇ ਜੇਕਰ ਤਾਪਮਾਨ ਅਤੇ ਵਾਤਾਵਰਣ ਦੇ ਅਨੁਕੂਲ ਇਸ ਫਸਲ ਦੀ ਪੈਦਾਵਾਰ ਲੈਣੀ ਹੈ ਤਾਂ ਅਕਤੂਬਰ ਤੋਂ ਫਰਵਰੀ ਤੱਕ ਤਾਪਮਾਨ ਇਸਦੇ ਪੂਰੀ ਤਰ੍ਹਾਂ ਅਨੁਕੂਲ ਹੁੰਦਾ ਹੈ। ਉਹਨਾਂ ਦੱਸਿਆ ਕਿ ਬਹੁਤ ਸਾਰੇ ਕਿਸਾਨ ਕਰਨੈਲ ਸਿੰਘ ਦੀ ਤਰ੍ਹਾਂ ਇਹ ਧੰਦਾ ਅਪਣਾ ਰਹੇ ਹਨ ਜਿਹਨਾਂ ਨੂੰ ਵਿਭਾਗ ਵਲੋਂ ਪ੍ਰੇਰਨਾ ਦਿੱਤੀ ਜਾ ਰਹੀ ਹੈ। ਉਹਨਾਂ ਦੱਸਿਆ ਕਿ ਪੰਜਾਬ ਸਰਕਾਰ ਵਲੋਂ ਕਿਸਾਨਾਂ ਨੂੰ ਸਹਾਇਕ ਧੰਦੇ ਅਪਣਾਉਣ ਲਈ ਪ੍ਰੇਰਿਤ ਕਰਨ ਦਾ ਉਪਰਾਲਾ ਕੀਤਾ ਜਾ ਰਿਹਾ ਹੈ। ਬਹੁਤ ਸਾਰੇ ਸਹਾਇਕ ਧੰਦੇ ਅਜਿਹੇ ਹਨ ਜਿਹਨਾਂ ਨੂੰ ਅਪਣਾ ਕੇ ਕਿਸਾਨ ਥੋੜੇ ਜਿਹੇ ਸਥਾਨ ਤੇ ਭਾਰੀ ਮੁਨਾਫਾ ਹਾਸਲ ਕਰ ਸਕਦੇ ਹਨ ਪੰਜਾਬ ਸਰਕਾਰ ਵਲੋਂ ਮਸ਼ਰੂਮ ਦੇ ਉਤਪਾਦਨ ਕਰਨ ਵਾਲੇ ਕਿਸਾਨਾਂ ਲਈ 20 ਲੱਖ ਰੁਪਏ ਤੱਕ ਦੀ ਸਬਸਿਡੀ ਦੇਣ ਦੀ ਯੋਜਨਾਂ ਬਣਾਈ ਗਈ ਹੈ। ਉਹਨਾਂ ਕਿਹਾ ਕਿ ਜਿਹੜੇ ਕਿਸਾਨ ਸਹਾਇਕ ਧੰਦੇ ਅਪਣਾਉਣਾ ਚਾਹੁੰਦੇ ਹਨ ਉਹ ਬਾਗਬਾਨੀ ਦਫਤਰ ਨਾਲ ਸੰਪਰਕ ਕਰਕੇ ਪੰਜਾਬ ਸਰਕਾਰ ਦੀਆਂ ਯੋਜਨਾਵਾਂ ਬਾਰੇ ਜਾਣਕਾਰੀ ਹਾਸਲ ਕਰ ਸਕਦੇ ਹਨ। ਵਿਭਾਗ ਦੇ ਮਾਹਰ ਕਿਸਾਨਾਂ ਨੂੰ ਸਹੂਲਤਾਂ ਦੇਣ ਲਈ ਵਚਨਬੱਧ ਹਨ।