ਸਾਬਕਾ ਕੇਂਦਰੀ ਮੰਤਰੀ ਬਲਵੰਤ ਸਿੰਘ ਰਾਮੂਵਾਲੀਆ ਵੱਲੋਂ ਹਰ ਰੋਜ ਲੋਕਾਂ ਦੇ ਮਸਲੇ ਹੱਲ ਕਰਨ ਹਿਤ ਅੱਜ ਵੀ ਵੱਡੀ ਗਿਣਤੀ ਵਿੱਚ ਲੋਕ ਮਿਲਣ ਲਈ ਆਏ।ਅੱਜ ਮਿਲਣ ਆਏ ਲੋਕਾਂ ਵਿੱਚ ਅਮਰੀਕ ਸਿੰਘ ਸਾਬਕਾ ਐਮ ਸੀ ਸੈਕਟਰ ਗਿਆਰਾਂ, ਸੁਖਦੇਵ ਸਿੰਘ ਪਟਵਾਰੀ ਸਾਬਕਾ ਐਮ ਸੀ ਮਟੌਰ, ਗੁਰਮੀਤ ਸਿੰਘ ਸਰਪੰਚ ਸ਼ਾਮਪੁਰ, ਬਲਜੀਤ ਸਿੰਘ ਕੁੰਭੜਾ, ਜੱਸਾ ਚੇਅਰਮੈਨ, ਰਮਣੀਕ ਸਿੰਘ ਤੋਂ ਇਲਾਵਾ ਜੋਧਾ ਸਿੰਘ ਮਾਨ, ਸੁਖਵਿੰਦਰ ਸਿੰਘ ਬਰਾੜ ਨੇ ਵੱਖ ਵੱਖ ਮਸਲੇ ਸ: ਰਾਮੂਵਾਲੀਆ ਦੇ ਧਿਆਨ ਵਿੱਚ ਲਿਆਂਦੇ। ਅੱਜ ਮਿਲਣ ਵਾਲਿਆਂ ਵਿੱਚ ਦੋ ਦਾਜ਼ ਦੇ ਕੇਸ, ਦੋ ਕੁੱਟ ਮਾਰ ਕਰਕੇ ਕੁੜੀਆਂ ਨੂੰ ਘਰੋਂ ਕੱਢਣਾ, ਕੁੱਝ ਜਮੀਨਾਂ ਦੇ ਝਗੜੇ। ਬਾਹਰਲੇ ਪ੍ਰਵਾਸੀ ਪੰਜਾਬੀਆਂ ਦੇ ਮਸਲੇ ਆਏ ਜਿਨ੍ਹਾਂ ਬਾਰੇ ਵੱਖ ਵੱਖ ਵਿਭਾਗਾਂ ਦੇ ਮੁਖੀਆਂ ਨੂੰ ਲਿਖ ਕੇ ਭੇਜਿਆ । ਔਰਤਾਂ ਨਾਲ ਸੰਬੰਧਤ ਮਸਲਿਆਂ ਤੇ ਬੀਬੀ ਅਮਨਦੀਪ ਕੌਰ ਰਾਮੂਵਾਲੀਆ ਨੇ ਵੀ ਗੱਲਬਾਤ ਕੀਤੀ ਤੇ ਸਾਰੇ ਮਸਲੇ ਸ: ਰਾਮੂਵਾਲੀਆ ਦੇ ਧਿਆਨ ਵਿੱਚ ਲਿਆਂਦੇ । ਇਨ੍ਹਾਂ ਕੇਸਾਂ ਵਿੱਚ ਕੁੱਝ ਕੇਸ ਬਦਲੀਆਂ ਤੇ ਨਿਯੁਕਤੀਆਂ ਦੇ ਵੀ ਸਨ ਜਿਨ੍ਹਾਂ ਬਾਰੇ ਉਨ੍ਹਾਂ ਸੰਬੰਧਤ ਵਿਭਾਗਾਂ ਦੇ ਅਧਿਕਾਰੀਆਂ ਨੂੰ ਫੋਨ ਕਰਕੇ ਕੰਮ ਫੋਰੀ ਨਿਪਟਾਉਣ ਲਈ ਕਿਹਾ।ਸ: ਰਾਮੂਵਾਲੀਆ ਨੇ ਕਿਹਾ ਕਿ ਉਹ ਸ: ਪ੍ਰਕਾਸ਼ ਸਿੰਘ ਬਾਦਲ ਤੇ ਸੁਖਬੀਰ ਸਿੰਘ ਬਾਦਲ ਦੇ ਦਰਸਾਏ ਰਾਹ '' ਸੰਗਤ ਦਰਸ਼ਨ'' ਤੇ ਦ੍ਰਿੜਤਾ ਨਾਲ ਪਹਿਰਾ ਦੇਣਗੇ ਤੇ ਹਰ ਰੋਜ਼ ਆਏ ਲੋਕਾਂ ਦੇ ਮਸਲੇ ਨਿਪਟਾਉਂਦੇ ਰਹਿਣਗੇ। ਉਨ੍ਹਾਂ ਕਿਹਾਕਿ ਮੋਹਾਲੀ ਹਲਕੇ ਦੇ ਲੋਕਾਂ ਦੇ ਕੰਮ ਪਹਿਲ ਦੇ ਆਧਾਰ ਤੇ ਕਰਵਾਉਣਾ ਉਹ ਆਪਣਾ ਫਰਜ ਸਮਝਦੇ ਹਨ। ਸ: ਰਾਮੂਵਾਲੀਆ ਲੋਕਾਂ ਨੂੰ ਵਿਕਾਸ ਦਾ ਮੁੱਲ ਪਾਉਣ ਦੀ ਵੀ ਨਸੀਅਤ ਕਰਦੇ ਹਨ ਤੇ ਅਗਲੇ 5 ਸਾਲਾਂ ਵਿੱਚ ਪਿਛਲੇ 5 ਸਾਲਾਂ ਨਾਲੋਂ ਦੁੱਗਣਾ ਵਿਕਾਸ ਕਰਾਉਣ ਦੀ ਗੱਲ ਕਰਦੇ ਹਨ। ਅੱਜ ਵੀ ਉਨ੍ਹਾਂ ਗਮਾਡਾ ਦੇ ਮੁੱਖ ਪ੍ਰਸਾਸ਼ਕ ਸ੍ਰੀ ਸਰਬਜੀਤ ਸਿੰਘ ਆਈ ਏ ਐਸ ਨਾਲ ਕਈ ਪ੍ਰੋਜੈਕਟ ਸ਼ੁਰੂ ਕਰਨ ਲਈ ਗੱਲਬਾਤ ਕੀਤੀ।