ਹਲਕਾ ਅਜਨਾਲਾ ਨਾਲ ਸਬੰਧਿਤ ਈਸਾਈ ਆਗੂਆਂ ਨੇ ਸ਼੍ਰੋਮਣੀ ਅਕਾਲੀ ਦਲ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨਾਲ ਚੱਟਾਨ ਵਾਂਗ ਖੜੇ ਹੋਣ ਦਾ ਐਲਾਨ ਕਰਦਿਆਂ ਅਕਾਲੀ ਦਲ ਤੋਂ ਬਾਹਰ ਕੀਤੇ ਗਏ ਡਾਕਟਰ ਰਤਨ ਸਿੰਘ ਅਜਨਾਲਾ ਅਤੇ ਅਮਰਪਾਲ ਸਿੰਘ ਬੋਨੀ ਅਜਨਾਲਾ ਨੂੰ ਕੂੜ ਪ੍ਰਚਾਰ ਕਰਨ ਦੀ ਥਾਂ ਆਪਣੀ ਪੀੜੀ ਹੇਠ ਸੋਟਾ ਫੇਰਨ ਲਈ ਕਿਹਾ ਹੈ।ਕਿਸ਼ਚਿਅਨ ਆਗੂ ਅਤੇ ਅਕਾਲੀ ਦਲ ਦਿਹਾਤੀ ਦੇ ਸੀਨੀਅਰ ਮੀਤ ਪ੍ਰਧਾਨ ਪਾਦਰੀ ਰਤਨ ਲਾਲ ਦ੍ਰਾਵਿੜ, ਯੂਥ ਆਗੂ ਬਬਲੂ ਮਸੀਹ ਥੋਬਾ ਜਨਰਲ ਸਕਤਰ ਦਿਹਾਤੀ, ਸਰਪੰਚ ਸੁਰਜੀਤ ਮਸੀਹ ਮੈਬਰ ਵਰਕਿੰਗ ਕਮੇਟੀ ਤੇ ਸਕਤਰ ਐਕਸ ਸਰਵਿਸਮੈਨ ਵਿੰਗ, ਪੈਰਿਸ਼ ਪ੍ਰਧਾਨ, ਵਿਲੀਅਮ ਮਸੀਹ ਜਟਾ ਰਮਦਾਸ, ਨੇ ਅਵਲੋਂ ਕੀਤੇ ਜਾ ਰਹੇ ਕੂੜ ਪ੍ਰਚਾਰ ਦਾ ਸਖਤ ਨੋਟਿਸ ਲੈਦੇ ਹੋਏ ਅਜਨਾਲਾ ਪਿਓ ਪੁਤ ਨੂੰ ਆੜੇ ਹੱਥੀ ਲਿਆ ਅਤੇ ਕਿਹਾ ਕਿ ਪਾਰਟੀ ਨੇ ਅਜਨਾਲਾ ਪਰਿਵਾਰ ਨੂੰ ਬਹੁਤ ਮਾਣ ਦਿੱਤਾ ਪਰ ਅਫਸੋਸ ਕਿ ਪੰਥ ਵਿਰੋਧੀ ਤਾਕਤਾਂ ਦੇ ਢਹਿ ਚੜ੍ਹ ਕੇ ਅਜਨਾਲਾ ਪਰਿਵਾਰ ਨੇ ਪਾਰਟੀ ਦੀ ਪਿੱਠ ਚ ਛੁਰਾਮਾਰਿਆ ਹੈ। ਉਹਨਾਂ ਸ: ਸੁਖਬੀਰ ਸਿੰਘ ਬਾਦਲ ਦੀ ਤਾਰੀਫ ਕਰਦਿਆਂ ਕਿਹਾ ਕਿ ਉਹਨਾਂ ਨੇ ਸਰਕਾਰ ਦੌਰਾਨ ਗਰੀਬਾਂ ਅਤੇ ਈਸਾਈ ਭਾਈਚਾਰੇ ਦੀ ਸੁਣਵਾਈ ਕੀਤੀ ਅਤੇ ਆਟਾ ਦਾਲ, ਸ਼ਗਨ ਸਕੀਮਾਂ, ਫਰੀ ਬਿਜਲੀ ਆਦਿ ਅਨੇਕਾਂ ਹੋਰ ਲੋਕ ਭਲਾਈ ਸਕੀਮਾਂ ਦਿਤੀਆਂ ਜੋ ਕਿਸੇ ਹੋਰ ਦੇ ਹਿਸੇ ਨਹੀਂ ਆਈਆਂ। ਈਸਾਈ ਆਗੂਆਂ ਕਿਹਾ ਕਿ ਅਜਨਾਲ ਹਲਕੇ 'ਚ ਅਕਾਲੀ ਦਲ ਹਾਈ ਕਮਾਨ ਦੀ ਹਰ ਹੁਕਮ ਦੀ ਪਾਲਣਾ ਹੋਵੇਗੀ। ਊਨ੍ਹਾਂ ਕਿਹਾ ਕਿ ਪਾਰਟੀ ਵਲੋਂ 4 ਵਾਰ ਵਿਧਾਇਕ, 2 ਵਾਰ ਮੰਤਰੀ ਅਤੇ 2 ਵਾਰ ਲੋਕ ਸਭਾ ਮੈਂਬਰ ਬਣਾਏ ਗਏ ਡਾਕਟਰ ਅਜਨਾਲਾ ਅਤੇ ਊਨ੍ਹਾਂ ਦੇ ਫਰਜੰਦ ਅਮਰਪਾਲ ਸਿੰਘ ਬੋਨੀ ਅਜਨਾਲਾ ਜਿਨਾਂ ਨੂੰ 2 ਵਾਰ ਵਿਧਾਇਕ ਅਤੇ ਮੁੱਖ ਪਾਰਲੀਮਾਨੀ ਸਕੱਤਰ ਬਨਾਗਿਆ ਵਲੋਂ ਪਾਰਟੀ ਨਾਲ ਵਿਸਾਹਘਾਤ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਅਜਨਾਲਾ ਪਰਿਵਾਰ ਦਾ ਅੱਜ ਜੋ ਵੀ ਰੁਤਬਾ ਹੈ ਉਹ ਸਰਦਾਰ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਸੁਖਬੀਰ ਸਿੰਘ ਬਾਦਲ ਦੀ ਹੀ ਦੇਣ ਹੈ।
ਆਗੂਆਂ ਨੇ ਅਜਨਾਲਾ ਪਿਓ ਪੁੱਤ ਵਲੋਂ 3 ਸਾਲ ਬਾਦ ਬੇਅਦਬੀਆਾਂ ਦਾ ਮਾਮਲਾ ਚੁੱਕਣ 'ਤੇ ਸਵਾਲ ਉਠਾਉਂਦਿਆਂ ਕਿਹਾ ਕਿ 2015 ਚ ਵਾਪਰੀਆਂ ਉਕਤ ਦੁਖਦਾਈ ਘਟਨਾਵਾਂ ਨਾਲ ਸਮੁੱਚੇ ਸਿੱਖ ਜਗਤ ਦੇ ਹਿਰਦੇ ਵਲੂੰਧਰੇ ਗਏ ਸਨ ਅਤੇ ਉਸ ਵੇਲੇ ਦੀ ਅਕਾਲੀ ਭਾਜਪਾ ਸਰਕਾਰ ਵਲੋਂ ਇਸ ਦੀ ਨਿਰਪੱਖ ਜਾਂਚ ਆਰੰਭ ਕਰਵਾਈ ਸੀ ਉਕਤ ਮੰਦਭਾਗੀਆਂ ਘਟਨਾਵਾਂ ਸਮੇ ਇਹ ਲੋਕ ਰਾਜਭਾਗ ਦਾ ਅੰਨਦ ਮਾਣਦੇ ਰਹੇ ਅਤੇ ਹੁਣ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ 'ਤੇ ਰਾਜਨੀਤੀ ਕਰ ਰਹੇ ਹਨ। ਇਨ੍ਹਾਂ ਹੀ ਨਹੀ ਬੋਨੀ ਅਜਨਾਲਾ ਨੇ 2017 ਦੌਰਾਨ ਸੁਖਬੀਰ ਸਿੰਘ ਬਾਦਲ ਦੀ ਅਗਵਾਈ ਹੇਠ ਚੋਣ ਲੜੀ । ਅਕਾਲੀ ਆਗੂਆਂ ਨੇ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ ਡੱਟਵੀ ਹਮਾਇਤ ਦਾ ਐਲਾਨ ਕਰਦਿਆਂ ਕਿਹਾ ਕਿ ਹਲਕਾ ਅਜਨਾਲਾ ਦੇ ਅਕਾਲੀ ਵਰਕਰ ਪਾਰਟੀ ਪ੍ਰਧਾਨ ਦੇ ਹਰ ਆਦੇਸ਼ ਦੀ ਇਨ੍ਹ ਬਿਨ ਪਾਲਣਾ ਕਰਨਗੇ ਅਤੇ ਪਾਰਟੀ ਦੀ ਚੜਦੀ ਕਲਾ ਲਈ ਪੂਰੀ ਤਨਦੇਹੀ ਨਾਲ ਦਿਨ ਰਾਤ ਇਕ ਕਰਕੇ ਕੰਮ ਕਰਨਗੇ। ਇਸ ਮੌਕੇ ਪੰਚ ਅਰਨੋਲਡ ਮਸੀਹ ਅਵਾਨ, ਅੰਗਰੇਜ ਮਸੀਹ ਕੁਰਾਲੀਆਂ, ਪ੍ਰਗਟ ਮਸੀਹ ਕੋਟਲੀ ਜਮੀਤ ਸਿੰਘ, ਵਿਲਸਨ ਮਸੀਹ ਸੂਫੀਆਂ, ਹੈਪੀ ਮਸੀਹ ਕੋਟਲੀ ਸ਼ਾਹ ਹਬੀਬ, ਸੰਨੀ ਮਸੀਹ ਚੌਹਾਨ ਪਛੀਆ, ਪਾਸਟਰ ਤਰਸੇਮ ਮਸੀਹ ਅਵਾਨ, ਕੇਰੂ ਮਸੀਹ ਮਲਕਪੁਰ, ਪ੍ਰਗਟ ਕੋਟਲੀ, ਲਵਜੀਤ ਮਸੀਹ, ਪੰਚ ਬਖਸ਼ੀਸ਼ ਮਸੀਹ ਥੋਬਾ, ਸਰਕਲ ਪ੍ਰਧਾਨ ਗੁਲਬਾਗ ਸਿੰਘ ਬਿਲਾ ਅਜਨਾਲਾ, ਸਵਿੰਦਰ ਸਿੰਘ ਸਹਿਸਰਾ ਸਰਕਲ ਪ੍ਰਧਾਨ ਝੰਡੇਰ, ਸਰਪੰਚ ਬ੍ਰਹਮ ਸਿੰਘ ਝੰਡੇਰ, ਸਰਪੰਚ ਸਤਿਆਜੀਤ ਸਿੰਘ ਕੰਦੋਵਾਲੀ, ਗੁਰਵਿੰਦਰ ਸਿੰਘ ਲਸ਼ਕਰੀ ਨੰਗਲ, ਉਮਰਜੀਤ ਸਿੰਘ ਘੁਕੇਵਾਲੀ, ਸਰਪੰਚ ਧੰਨਬੀਰ ਸਿੰਘ ਸਰਕਾਰੀਆ, ਦਵਿੰਦਰ ਸਿੰਘ ਧੁਪਸਰੀ, ਹਰਪਾਲ ਸਿੰਘ ਲਸ਼ਕਰੀ ਨੰਗਲ, ਲਾਡਾ ਪਠਾਨ ਨੰਗਲ ਸਮੇਤ ਮਸੀਹ ਭਾਈਚਾਰੇ ਦੇ ਅਨੇਕਾਂ ਆਗੂ ਤੇ ਵਰਕਰ ਮੌਜੂਦ ਸਨ।