ਕੇਵਲ ਪ੍ਰਵਾਨਤ ਖੱਡਾਂ ਤੋਂ ਹੀ ਕੱਚਾ ਮਾਲ ਲਿਆ ਜਾਵੇ ਅਤੇ ਸਮੇਂ ਸਿਰ ਆਪਣੀਆਂ ਰਿਟਰਨਾ ਸਮੇਂ ਸਿਰ ਜਮ੍ਹਾਂ ਕਰਵਾਈਆਂ ਜਾਣ। ਇਹ ਹਦਾਇਤ ਹਰਜੋਤ ਕੌਰ ਐਸ.ਡੀ.ਐਮ.ਰੂਪਨਗਰ ਨੇ ਰੂਪਨਗਰ ਸਬ ਡਵੀਜ਼ਨ ਵਿਚ ਬਿੰਦਰਖ ਨੇੜੇ ਲਗੇ 04 ਸਟੋਨ ਕਰੱਸ਼ਰਾਂ ਦੀ ਚੈਕਿੰਗ ਦੌਰਾਨ ਕਰੱਸ਼ਰ ਮਾਲਕਾਂ ਨੂੰ ਕੀਤੀ।ਚੈਕਿੰਗ ਉਪਰੰਤ ਉਨਾਂ ਦਸਿਆ ਕਿ ਇਸ ਮੌਕੇ ਸਟੋਨ ਕਰੈਸ਼ਰ ਮਾਲਕਾਂ ਵਲੋਂ ਸਟੋਨ ਕਰੈਸ਼ਰ ਤੇ ਪਏ ਕਚੇ ਮਾਲ ਸਬੰਧੀ ਬਿਲ/ਸੋਰਸ ਨਹੀਂ ਵਿਖਾ ਸਕੇ ਜਿਸ ਕਰਕੇ ਸਟੋਨ ਕਰੈਸ਼ਰ ਮਾਲਕਾਂ ਨੂੰ ਇਸ ਸਬੰਧੀ ਰਿਕਾਰਡ 21 ਨਵੰਬਰ ਦਿਨ ਬੁਧਵਾਰ ਤੱਕ ਪੇਸ਼ ਕਰਨ ਹਿਤ ਕਹਿ ਦਿਤਾ ਗਿਆ ਹੈ ਅਜਿਹਾ ਨਾ ਕਰਨ ਦੀ ਸੂਰਤ ਵਿਚ ਕਰੈਸ਼ਰ ਸੀਲ ਕਰ ਦਿਤੇ ਜਾਣਗੇ।ਉਨਾ ਇਹ ਵੀ ਕਿਹਾ ਕਿ ਭਵਿੱਖ ਵਿਚ ਵੀ ਡਿਪਟੀ ਕਮਿਸ਼ਨਰ ਰੂਪਨਗਰ ਡਾਕਟਰ ਸੁਮੀਤ ਜਾਰੰਗਲ ਦੇ ਦਿਸ਼ਾ ਨਿਰਦੇਸ਼ ਅਨੁਸਾਰ ਅਜਿਹੀਆਂ ਚੈਕਿੰਗਾਂ ਜਾਰੀ ਰਹਿਣਗੀਆਂ ਅਤੇ ਇੰਨਾ ਚੈਕਿੰਗਾਂ ਦੌਰਾਨ ਜੇਕਰ ਕਿਸੇ ਕਰੈਸ਼ਰ ਦੇ ਕਾਗਜ ਪੱਤਰਾਂ ਵਿਚ ਤਰੁਟੀਆਂ ਪਾਈਆਂ ਗਈਆਂ ਤਾਂ ਉਹ ਕਰੈਸ਼ਰ ਸੀਲ ਕਰ ਦਿਤਾ ਜਾਵੇਗਾ।ਇਸ ਚੈਕਿੰਗ ਦੌਰਾਨ ਐਸ.ਡੀ.ੳ. ਸਿੰਚਾਈ ਸ਼੍ਰੀ ਮਹੇਸ਼ ਕੁਮਾਰ ਧੀਰ ਤੇ ਐਸ.ਡੀ.ੳ. ਨੰਗਲ ਹਾਜਰ ਸਨ।