ਸਤਿੰਦਰ ਸਿੰਘ, ਸੀਨੀਅਰ ਪੁਲਿਸ ਕਪਤਾਨ ਕਪੂਰਥਲਾ ਜੀ ਦੀਆ ਹਦਾਇਤਾ ਅਨੁਸਾਰ ਸੰਦੀਪ ਸਿੰਘ ਮੰਡ ,ਡੀ.ਐਸ.ਪੀ ਟ੍ਰੈਫਿਕ, ਕਪੂਰਥਲਾ ਵੱਲੋ ਦੀਵਾਲੀ ਦੇ ਤਿਉਹਾਰ ਅਤੇ ਹੋਰ ਤਿਉਹਾਰਾ ਨੂੰ ਧਿਆਨ ਵਿੱਚ ਰੱਖ ਦੇ ਹੋਏ ਟ੍ਰੈਫਿਕ ਇੰਚਾਰਜ ਐਸ.ਆਈ ਗਿਆਨ ਸਿੰਘ ਅਤੇ ਇੰਚਾਰਜ ਪੀ.ਸੀ.ਆਰ. ਐਸ.ਆਈ. ਭੁਪਿੰਦਰ ਸਿੰਘ ਨੂੰ ਨਾਲ ਲੈ ਕੇ ਸ਼ਹਿਰ ਵਿੱਚ ਟ੍ਰੈਫਿਕ ਵਿਵਸਥਾ ਠੀਕ ਚਲਾਉਣ ਲਈ ਵਪਾਰੀ ਮੰਡਲ ਦੇ ਪ੍ਰਧਾਨ ਅਤੇ ਦੁਕਾਨਦਾਰਾ ਨਾਲ ਮੀਟਿੰਗ ਕਰਕੇ ਅਤੇ ਉਹਨਾ ਨੂੰ ਨਾਲ ਲੈ ਕੇ ਜਿਹਨਾ ਦੁਕਾਨਦਾਰਾ ਵੱਲੋ ਆਪਣੀ ਹਦੂਦ ਤੋ ਬਾਹਰ ਸਮਾਨ ਰੱਖ ਕੇ ਬਾਜਾਰ ਨੂੰ ਤੰਗ ਕੀਤਾ ਹੋਇਆ ਸੀ, ਨੂੰ ਹਟਾ ਕੇ ਬਾਜਾਰ ਨੂੰ ਖੁੱਲਾ ਕਰਾ ਕੇ ਟ੍ਰੈਫਿਕ ਸਮੱਸਿਆ ਨੂੰ ਹੱਲ ਕੀਤਾ ਗਿਆ ਅਤੇ ਅੱਗੇ ਤੋ ਵੀ ਸਾਰੇ ਦੁਕਾਨਦਾਰਾ ਨੂੰ ਹਦਾਇਤ ਕੀਤੀ ਗਈ ਕਿ ਕੋਈ ਵੀ ਦੁਕਾਨਦਾਰ ਆਪਣੀ ਹਦੂਦ ਤੋ ਬਾਹਰ ਸਮਾਨ ਰੱਖ ਕੇ ਟ੍ਰੈਫਿਕ ਦੀ ਕੋਈ ਸਮੱਸਿਆ ਨਾ ਪੈਦਾ ਕਰਨ।ਜਿਸ ਕੰਮ ਦੀ ਵਪਾਰ ਮੰਡਲ ਅਤੇ ਹੋਰ ਸਾਰੇ ਦੁਕਾਨਦਾਰਾ ਵੱਲੋ ਕਾਫੀ ਪ੍ਰਸ਼ੰਸਾ ਕੀਤੀ ਗਈ ਅਤੇ ਵਿਸ਼ਵਾਸ ਦਿਵਾਇਆ ਕਿ ਅੱਗੇ ਤੋ ਅਜਿਹਾ ਨਹੀ ਕਰਨਗੇ।ਸ਼ਹਿਰ ਵਿੱਚ ਘੁੰਮ ਰਹੀਆ ਰੇਹੜੀਆ ਨੂੰ ਸ਼ਹਿਰ ਵਿੱਚ ਫਿਰਨ ਤੋ ਰੋਕਿਆ ਗਿਆ ਅਤੇ ਉਹਨਾ ਨੂੰ ਮਾਣਯੋਗ ਡਿਪਟੀ ਕਮਿਸ਼ਨਰ ਸਾਹਿਬ ਕਪੂਰਥਲਾ ਜੀ ਵੱਲੋ ਨਿਸ਼ਚਿਤ ਕੀਤੀ ਜਗ੍ਹਾ ਪਰ ਲਗਾਉਣ ਦੀ ਹਦਾਇਤ ਕੀਤੀ ਗਈ ਅਤੇ ਬਾਜਾਰ ਵਿੱਚ ਪੀਲੀ ਲਾਈਨ ਨਾ ਲੱਗੀ ਹੋਣ ਕਰਕੇ ਆ ਰਹੀ ਮੁਸ਼ਕਿਲ ਨੂੰ ਹੱਲ ਕਰਨ ਲਈ ਕਾਰਜ ਸਾਧਕ ਅਫਸਰ ਨਾਲ ਗੱਲ ਬਾਤ ਕੀਤੀ ਗਈ ਤਾਂ ਜੋ ਪੈਦਲ ਚੱਲਣ ਵਾਲੇ ਲੋਕਾ ਨੂੰ ਕੋਈ ਸਮਸਿਆ ਨਾ ਆ ਸਕੇ।ਮੌਕਾ ਪਰ ਦੁਕਾਨਾ ਵਿੱਚ ਆਏ ਲੋਕਾ ਵੱਲੋ ਵੀ ਪੁਲਿਸ ਵੱਲੋ ਕੀਤੇ ਗਏ ਕੰਮ ਦੀ ਪ੍ਰਸ਼ੰਸਾ ਕੀਤੀ ਗਈ।