ਖੇਡ ਵਿਭਾਗ ਵੱਲੋਂ ਸਥਾਨਕ ਆਈ ਟੀ ਆਈ ਗਰਾਊਂਡ ਵਿਖੇ ਮਿਸ਼ਨ ਤੰਦਰੁਸਤ ਪੰਜਾਬ ਨੂੰ ਸਮਰਪਿਤ ਖੇਡ ਮੁਕਾਬਲੇ ਕਲ੍ਹ ਸਮਾਪਤ ਹੋ ਗਏ। ਇਸ ਦੌਰਾਨ ਜ਼ਿਲ੍ਹਾ ਖੇਡ ਅਫ਼ਸਰ ਹਰਬੰਸ ਸਿੰਘ ਵੱਲੋਂ ਜੇਤੂਆਂ ਨੂੰ ਸ਼ੁੱਭ ਕਾਮਨਾਵਾਂ ਦੇ ਨਾਲ-ਨਾਲ ਇਨਾਮਾਂ ਦੀ ਵੰਡ ਕਰਦਿਆਂ ਉਨ੍ਹਾਂ ਦੇ ਬੇਹਤਰ ਭਵਿੱਖ ਦੀ ਕਾਮਨਾ ਕੀਤੀ ਗਈ। ਉਨ੍ਹਾਂ ਦੱਸਿਆ ਕਿ ਇਨਾਮਾਂ ਦੀ ਵੰਡ ਸਥਾਨਕ ਐਸ.ਐਚ.ਓ. ਸ਼ਾਹਬਾਜ਼ ਸਿੰਘ ਤੇ ਗਰਾਊਂਡ ’ਚ ਮੌਜੂਦ ਕੋਚਾਂ ਵੱਲੋਂ ਸਾਂਝੇ ਤੌਰ ’ਤੇ ਕੀਤੀ ਗਈ। ਜੇਤੂਆਂ ਦਾ ਵੇਰਵਾ ਦਿੰਦਿਆਂ ਉਨ੍ਹਾਂ ਦੱਸਿਆ ਕਿ ਅਥਲੈਟਿਕਸ (ਲੜਕੇ) 400 ਮੀਟਰ ਵਿੱਚ ਪ੍ਰਭਜੀਤ ਸਿੰਘ ਕਰੀਹਾ ਦਾ ਪਹਿਲਾ ਸਥਾਨ, ਰਮਨਜੀਤ ਸੱਲ੍ਹਣ ਬੰਗਾ ਦਾ ਦੂਜਾ ਸਥਾਨ ਅਤੇ ਜੀਵੀਆਸ ਬੰਗਾ ਦਾ ਤੀਜਾ ਸਥਾਨ ਰਿਹਾ। ਲੜਕੀਆਂ ਵਿੱਚ ਸਲਮਾ ਚੌਹਾਨ ਬਘੌਰਾਂ ਨੇ ਪਹਿਲਾ ਸਥਾਨ, ਪ੍ਰੀਤੀ ਚੌਹਾਨ ਨਵਾਸ਼ਹਿਰ ਨੇ ਦੂਜਾ ਸਥਾਨ ਅਤੇ ਜਸਪ੍ਰੀਤ ਕੌਰ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਹੈਂਡਬਾਲ ਲੜਕੇ ਅਤੇ ਲੜਕੀਆਂ ਵਿੱਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਚੌਨਗਰਾ ਨੇ ਪਹਿਲਾ ਸਥਾਨ, ਆਰ ਕੇ ਆਰੀਆ ਕਾਲਜ ਨਵਾਂਸ਼ਹਿਰ ਨੇ ਦੂਜਾ ਅਤੇ ਭਰੋ ਮਜਾਰਾ ਦੀਆ ਟੀਮਾਂ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਕਬੱਡੀ ਲੜਕਿਆਂ ਵਿੱਚ ਚੱਕ ਰਾਮੂ ਨੇ ਪਹਿਲਾ, ਕਟਵਾਰਾ ਨੇ ਦੂਜਾ ਅਤੇ ਚਾਂਦਪੁਰ ਰੁੜਕੀ ਅਤੇ ਪੋਜੇਵਾਲ ਨੇ ਤੀਜਾ ਸਥਾਨ ਹਾਸਲ ਕੀਤਾ।
ਕਬੱਡੀ ਲੜਕੀਆਂ ਵਿੱਚ ਭਾਈ ਸੰਗਤ ਸਿੰਘ ਕਾਲਜ ਨੇ ਪਹਿਲਾ, ਮਾਈ ਭਾਗੋ ਅਕੈਡਮੀ ਨੇ ਦੂਜਾ ਅਤੇ ਬਾਬਾ ਗੋਲਾ ਸੀਨੀਅਰ ਸੈਕੰਡਰੀ ਸਕੂਲ ਬੰਗਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਵਾਲੀਬਾਲ ਲੜਕੀਆਂ ਵਿੱਚ ਸਰਕਾਰੀ ਸੀਨੀਅਰ ਸਕੈਡਰੀ ਸਕੂਲ ਪਨਿਆਲੀ ਕਲਾਂ ਨੇ ਪਹਿਲਾ, ਕਿਰਪਾਲ ਸਾਗਰ ਅਕੈਡਮੀ ਨੇ ਦੂਜਾ ਅਤੇ ਗਰਚਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਵਾਲੀਬਾਲ ਲੜਕਿਆਂ ਵਿੱਚ ਸਰਕਾਰੀ ਸੀਨੀਅਰ ਸਸੈਕੰਡਰੀ ਸਕੂਲ ਭੱਦੀ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਫੁੱਟਬਾਲ ਲੜਕਿਆਂ ਵਿੱਚ ਖੋਥੜਾਂ ਨੇ ਪਹਿਲਾ, ਨੰਗਲ ਜੱਟਾਂ ਨੇ ਦੂਜਾ ਅਤੇ ਭਾਈ ਸੰਗਤ ਸਿੰਘ ਖਾਲਸਾ ਕਾਲਜ ਬੰਗਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਇਸ ਮੌਕੇ ’ਤੇ ਸਰਬਜੀਤ ਸਿੰਘ ਹੈਂਡਬਾਲ ਸੈਕਟਰੀ ਅਤੇ ਰਣਧੀਰ ਸਿੰਘ ਭੁੱਲਰ, ਸ: ਗੁਰਪ੍ਰੀਤ ਸਿੰਘ ਪਿੰਡ ਨੰਗਲ ਜੱਟਾ, ਲੈਂਬਰ ਸਿੰਘ ਪੀਟੀਆਈ ਚੌਨਗਰਾਂ, ਸਰਬਜੀਤ ਸਿੰਘ ਹੈਂਡਬਾਲ ਕੋਚ ਫਿਲੌਰ, ਮਲਕੀਤ ਸਿੰਘ ਐਥਲੈਟਿਕਸ ਕੋਚ, ਕੁਲਵਿੰਦਰ ਸਿੰਘ ਹੈਂਡਬਾਲ ਕੋਚ, ਕਸ਼ਮੀਰ ਸਿੰਘ ਫੁੱਟਬਾਲ ਕੋਚ, ਸ੍ਰੀਮਤੀ ਗੁਰਜੀਤ ਕੌਰ ਅਤੇ ਸ੍ਰੀਮਤੀ ਜਸਕਰਨ ਕੌਰ ਕਬੱਡੀ ਕੋਚ, ਦਫਤਰੀ ਸਟਾਫ ਅਤੇ ਸਕੂਲਾਂ ਦੇ ਡੀ ਪੀ ਅਤੇ ਪੀ ਟੀ ਵੀ ਮੌਜੂਦ ਸਨ।