ਸਿਵਲ ਸਰਜਨ ਕਮ ਜ਼ਿਲ੍ਹਾ ਐਪਰੋਪ੍ਰੀਏਟ ਅਥਾਰਟੀ ਡਾ.ਨੈਨਾ ਸਲਾਥੀਆ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਜਿਲਾ੍ਹ ਪਰਿਵਾਰ ਭਲਾਈ ਅਫਸਰ ਡਾ.ਰਾਕੇਸ਼ ਸਰਪਾਲ ਦੀ ਅਗਵਾਈ ਹੇਠ ਪੀ.ਸੀ.ਪੀ.ਐਨ.ਡੀ.ਟੀ. ਗਠਿਤ ਟੀਮ ਵਲੋਂ ਜ਼ਿਲ੍ਹੇ ਦੇ ਛੇ ਅਲਟਰਾਸਾਉਂਡ ਸੈਂਟਰ ਦੀ ਅਚਨਚੇਨ ਚੈਕਿੰਗ ਕੀਤੀ ਗਈ। ਇਸ ਦੌਰਾਨ Sigma 4iagnostic 3entre, K4 5ye 8ospital, Kalayani 8ospital, 3ity Lifeline 8ospital, Raj 8ospital Pathankot ਅਤੇ Makkar Scan 3entre ਦੇ ਰਿਕਾਡਾਂ ਦੀ ਜਾਂਚ-ਪੜਤਾਲ ਕੀਤੀ ਗਈ। ਚੈਕਿੰਗ ਦੋਰਾਨ ਟੀਮ ਵਲੋਂ ਇਹਨਾਂ ਅਲਟਰਾ ਸਾਉੰਡ ਕੇਂਦਰਾਂ ਨੂੰ ਆਪਣਾ ਕੰਮ ਇਮਨਾਦਾਰੀ ਨਾਲ ਕਰਨ ਦੀਆਂ ਹਦਾਇਤਾਂ ਵੀ ਜਾਰੀ ਕੀਤੀਆਂ ਗਈਆ। ਇਸ ਮੌਕੇ ਡਾ.ਸਰਪਾਲ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਤੇ ਸਿਹਤ ਵਿਭਾਗ ਦੇ ਯਤਨਾਂ ਸਦਕਾ ਲਿੰਗ ਅਨੁਪਾਤ ਵਿੱਚ ਪਹਿਲਾਂ ਦੇ ਮੁਕਾਬਲੇ ਸੁਧਾਰ ਹੋਇਆ ਹੈ ਪਰ ਅਜੇ ਇਸ ਉਪਰ ਧਿਆਨ ਦੇਣ ਦੀ ਬਹੁਤ ਜ਼ਰੂਰਤ ਹੈ। ਉਨਾਂ ਹਦਾਇਤ ਕੀਤੀ ਕਿ ਪੀ.ਸੀ.ਪੀ.ਐਨ.ਡੀ.ਟੀ ਨਾਲ ਸਬੰਧਤ ਰਿਕਾਰਡ ਨੂੰ ਐਕਟ ਦੀਆਂ ਗਾਈਡਲਾਈਨਜ਼ ਅਨੁਸਾਰ ਹੀ ਮੈਨਟੈਨ ਕੀਤਾ ਜਾਵੇ। ਉਨਾਂ ਗਾਇਨੀਕੋਲੋਜਿਸਟਾਂ ਅਤੇ ਰੇਡੀਉਲੋਜਿਸਟਾਂ ਨੂੰ ਹਦਾਇਤ ਕੀਤੀ ਕਿ ਸਕੈਨਿੰਗ ਕਰਨ ਵੇਲੇ ਡਾਕਟਰਾਂ ਵਲੋਂ ਦਿੱਤੀ ਗਈ ਰੈਫਰਲ ਸਲਿਪ ਤੇ ਉਸ ਡਾਕਟਰ ਦੀ ਮੋਹਰ ਹੋਣੀ ਯਕੀਨੀ ਬਣਾਈ ਜਾਵੇ ਅਤੇ ਹਰ ਗਰਭਵਤੀ ਔਰਤ ਆਪਣੀ ਸਕੈਨ ਕਰਵਾਉਣ ਸਮੇਂ ਆਪਣਾ ਫੋਟੋ ਵਾਲਾ ਪਹਿਚਾਨ ਪੱਤਰ ਅਤੇ ਐਮ.ਸੀ.ਪੀ ਕਾਰਡ ਨੂੰ ਨਾਲ ਲੈਕੇ ਆਉਣ ਲਈ ਜ਼ਰੂਰ ਕਿਹਾ ਜਾਵੇ। ਉਨਾਂ ਸਖਤੀ ਨਾਲ ਕਿਹਾ ਕਿ ਪੀ.ਸੀ.ਪੀ.ਐਨ.ਡੀ.ਟੀ ਐਕਟ ਅਤੇ ਐਮ.ਟੀ.ਪੀ ਐਕਟ ਦੀ ਜਿਲ੍ਹੇ ਅੰਦਰ ਸਹੀ ਤਰੀਕੇ ਨਾਲ ਪਾਲਣਾ ਕੀਤੀ ਜਾਵੇ ਅਤੇ ਜੇਕਰ ਕਿਸੇ ਵੀ ਅਲਟਰਾਸਾਉਂਡ ਸੈਂਟਰ ਦੇ ਮਾਲਕ/ਡਾਕਰਟ ਵਲੋਂ ਇਨਾਂ ਦੀ ਕੋਈ ਵੀ ਉਲੰਘਣਾ ਕੀਤੀ ਜਾਂਦੀ ਹੈ ਤਾਂ ਉਸ ਵਿੱਰੁਧ ਐਕਟ ਅਧੀਨ ਬਣਦੀ ਸਖਤ ਕਾਰਵਾਈ ਕੀਤੀ ਜਾਵੇਗੀ। ਅਖੀਰ ਉਨਾਂ ਕਿਹਾ ਕਿ ਲੜਕੀਆਂ ਕਿਸੇ ਵੀ ਖੇਤਰ ਵਿੱਚ ਲੜਕਿਆਂ ਨਾਲੋ ਘੱਟ ਨਹੀ ਹਨ ਅਤੇ ਉਨਾਂ ਨੂੰ ਵੀ ਜਿਊਣ ਦੇ ਸਮਾਨ ਅਧਿਕਾਰ ਮਿਲਣੇ ਚਾਹੀਦੇ ਹਨ। ਸਿਹਤ ਵਿਭਾਗ ਜ਼ਿਲ੍ਹੇ ਵਿੱਚ ਲੜਕੀਆਂ ਦਾ ਲਿੰਗ ਅਨੁਪਾਤ ਉੱਚਾ ਲਿਆਉਣ ਲਈ ਵਚਨਬਧ ਹੈ ਅਤੇ ਭੱਵਿਖ ਵਿੱਚ ਵੀ ਅਜਿਹੀ ਚੈਕਿੰਗ ਜਾਰੀ ਰਹੇਗੀ।