ਮਿਤੀ 12 ਅਕਤੂਬਰ ਨੂੰ ਸ:ਥ ਰਾਜਵੀਰ ਸਿੰਘ ਸਮੇਤ ਪੁਲਿਸ ਪਾਰਟੀ ਨੇ ਘਨੱਈਆ ਚੌਂਕ 'ਤੇ ਨਾਕਾ ਬੰਦੀ ਕੀਤੀ ਹੋਈ ਸੀ ਕਿ ਮੁੱਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਮਿਤੀ 9 ਸਤੰਬਰ ਨੂੰ 3 ਅਣਪਛਾਤੇ ਵਿਅਕਤੀਆਂ ਨੇ ਪਿਸਤੌਲ ਦੀ ਨੌਕ 'ਤੇ ਸੰਘਰੀਆ ਮੰਡੀ (ਰਾਜਸਥਾਨ) ਤੋਂ ਇਨੋਵਾ ਗੱਡੀ ਨੰਬਰ ਆਰ.ਜੇ.14 ਯੂ.ਐਚ. 0279 ਨੂੰ ਖੋਹਿਆ ਸੀ। ਜਿਸ ਸਬੰਧੀ ਥਾਣਾ ਸੰਘਰੀਆ ਵਿਖੇ ਮੁਕੱਦਮਾ ਨੰਬਰ 458/18 ਅ/ਧ 392,34 ਹਿੰ:ਦੰ 25/27 ਅਸਲਾ ਐਕਟ ਤਹਿਤ ਮੁਕੱਦਮਾ ਦਰਜ ਰਜਿਸਟਰ ਹੋਇਆ ਸੀ। ਜੋ ਇਸ ਗੱਡੀ ਨੂੰ ਖੋਹ ਕਰਨ ਵਾਲਿਆਂ ਵਿੱਚੋਂ ਇੱਕ ਵਿਅਕਤੀ ਜਸਵੰਤ ਸਿੰਘ ਉਰਫ਼ ਕਾਕਾ ਪੁੱਤਰ ਗੁਰਮੇਲ ਸਿੰਘ ਵਾਸੀ ਰੋੜੀ ਕਪੂਰਾ ਥਾਣਾ ਜੈਤੋ ਵਲੋਂ ਸਮੇਤ ਵਾਰਦਾਤ ਸਮੇਂ ਵਰਤਿਆ ਅਸਲਾ ਅਤੇ ਉਕਤ ਗੱਡੀ ਪਰ ਜਾਅਲੀ ਨੰਬਰ ਪਲੇਟ ਪੀ.ਬੀ.03 ਐਲ 7872 ਲਗਾ ਕੇ ਗੱਡੀ ਵੇਚਣ ਲਈ ਸ਼ਹਿਰ ਬਠਿੰਡਾ ਵੱਲ ਨੂੰ ਆ ਰਿਹਾ ਹੈ। ਮੁੱਖਬਰੀ ਦੇ ਅਧਾਰ 'ਤੇ ਸ:ਥ ਰਾਜਵੀਰ ਸਿੰਘ ਨੇ ਘਨੱਈਆ ਚੌਂਕ ਬਠਿੰਡਾ ਵਿਖੇ ਨਾਕਾ ਬੰਦੀ ਕਰਕੇ ਦੋਸ਼ੀ ਨੂੰ ਕਾਬੂ ਕਰਕੇ ਉਸ ਪਾਸੋਂ ਇਨੋਵਾ ਗੱਡੀ ਅਤੇ ਵਾਰਦਾਤ ਸਮੇਂ ਵਰਤਿਆ ਹੋਇਆ ਅਸਲਾ 12 ਬੋਰ ਦੇਸੀ ਪਿਸਤੌਲ ਸਮੇਤ 03 ਜਿੰਦਾ ਕਾਰਤੂਸ ਬਰਾਮਦ ਕੀਤੇ। ਜਿਸ ਤੇ ਮੁਕੱਦਮਾ ਨੰਬਰ 98 ਮਿਤੀ 12 ਅਕਤੂਬਰ 2018 ਅ/ਧ 473,411 ਹਿੰ:ਦੰ 25,27 ਅਸਲਾ ਐਕਟ ਥਾਣਾ ਥਰਮਲ ਬਠਿੰਡਾ ਮੁਕੱਦਮਾ ਦਰਜ ਕੀਤਾ। ਦੌਰਾਨੇ ਪੁੱਛਗਿੱਛ ਦੋਸ਼ੀ ਨੇ ਆਪਣੇ ਦੋਵਾਂ ਸਾਥੀਆਂ ਦਾ ਨਾਮ ਪ੍ਰਿੰਸ ਅਰੋੜਾ ੳਰਫ਼ ਬਿੱਲਾ ਵਾਸੀ ਕੋਟਕਪੂਰਾ ਅਤੇ ਅਵਤਾਰ ਸਿੰਘ ਵਾਸੀ ਸਿਰਸਾ ਦੱਸਿਆ। ਉਕਤਾਨ ਦੋਸ਼ੀਆਂ ਪਾਸੋਂ ਹੋਰ ਵੀ ਖੁਲਾਸੇ ਹੋਣ ਦੀ ਉਮੀਦ ਹੈ ਤਫਤੀਸ਼ ਜਾਰੀ ਹੈ।