ਜ਼ਿਲ੍ਹਾ ਰੁਪਨਗਰ ਵਿੱਚ ਵੱਖ-ਵਖ ਬੈਂਕਾਂ ਵੱਲੋਂ ਵੱਖ-ਵੱਖ ਸਕੀਮਾਂ ਤਹਿਤ ਕੀਤੇ ਜਾ ਰਹੇ ਕਾਰਜਾਂ ਦੀ ਪ੍ਰਗਤੀ ਦਾ ਜਾਇਜਾ ਲੈਣ ਵਾਸਤੇ ਜ਼ਿਲ੍ਹੇ ਦੇ ਲੀਡ ਬੈਂਕ ਯੂਕੋ ਬੈਂਕ ਵੱਲੋਂ ਮਿੰਨੀ ਸਕੱਤਰੇਤ ਦੇ ਕਮੇਟੀ ਰੂਮ ਵਿਖੇ ਆਯੋਜਿਤ 163ਵੀਂ ਜ਼ਿਲ੍ਹਾ ਪੱਧਰੀ ਜਾਇਜਾ ਕਮੇਟੀ ਅਤੇ ਜ਼ਿਲ੍ਹਾ ਸਲਾਹਕਾਰ ਕਮੇਟੀ ਦੀ ਮੀਟਿੰਗ ਡਾਕਟਰ ਸੁਮੀਤ ਜਾਰੰਗਲ ਡਿਪਟੀ ਕਮਿਸ਼ਨਰ ਰੂਪਨਗਰ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਦੌਰਾਨ ਵੱਖ-ਵੱਖ ਸਕੀਮਾਂ ਜਿੰਨ੍ਹਾਂ ਵਿੱਚ ਡੇਅਰੀ ਵਿਕਾਸ, ਬਾਗਬਾਨੀ,ਪਸ਼ੂ ਪਾਲਣ, ਅਨੁਸੂਚਿਤ ਜਾਤੀਆਂ/ਕਬੀਲਿਆਂ ਬਾਰੇ, ਭੋਂ ਵਿਕਾਸ, ਵਿੱਤ ਨਿਗਮ, ਜ਼ਿਲ੍ਹਾ ਦਿਹਾਤੀ ਵਿਕਾਸ ਏਜੰਸੀ ਤਹਿਤ ਐਸ.ਜੀ.ਐਸ.ਵਾਈ. ਸਕੀਮ, ਖਾਦੀ ਪੇਂਡੂ ਉਦਯੋਗ ਬੋਰਡ ਆਦਿ ਸਬੰਧੀ ਕੀਤੇ ਕੰਮਾਂ ਬਾਰੇ ਵਿਚਾਰ-ਵਟਾਂਦਰਾ ਕਰਦਿਆਂ ਪ੍ਰਾਪਤ ਕੀਤੇ ਟੀਚਿਆਂ ਬਾਰੇ ਜਾਣਕਾਰੀ ਲਈ ਗਈ। ਮੀਟਿੰਗ ਦੌਰਾਨ ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਦੇਸ਼ ਦੀ ਪ੍ਰਗਤੀ ਵਿਚ ਬੈਂਕਾਂ ਦਾ ਅਹਿਮ ਰੋਲ ਹੈ ਇਸ ਲਈ ਮਿੱਥੇ ਟੀਚੇ ਪ੍ਰਾਪਤ ਕਰਨ ਲਈ ਗੰਭੀਰਤਾ ਨਾਲ ਉਪਰਾਲੇ ਕੀਤੇ ਜਾਣ ਉਨ੍ਹਾਂ ਇਹ ਵੀ ਹਦਾਇਤ ਕੀਤੀ ਕਰਜਿਆਂ ਦੇ ਕੇਸ ਪੈਂਡਿੰਗ ਨਾ ਰੱਖੇ ਜਾਣ ਅਤੇ ਜਦੋਂ ਵੀ ਉਨ੍ਹਾ ਪਾਸ, ਕਿਸੇ ਵੀ ਲਾਭਪਾਤਰੀ ਦਾ ਕਰਜਾ ਪ੍ਰਾਪਤ ਕਰਨ ਲਈ ,ਕਿਸੇ ਸਰਕਾਰੀ ਏਜੰਸੀ ਰਾਹੀ ਸਪੋਂਸਰ ਕੀਤਾ ਕੇਸ ਪ੍ਰਾਪਤ ਹੁੰਦਾ ਹੈ ਤਾਂ ਉਸ ਕੇਸ ਤੇ ਤੁਰੰਤ ਕਾਰਵਾਈ ਕਰਦੇ ਹੋਏ ਉਸ ਕੇਸ ਦਾ ਇੱਕ ਮਹੀਨੇ 'ਚ ਨਿਪਟਾਰਾ ਕੀਤਾ ਜਾਵੇ।ਉਨਾਂ ਪ੍ਰੇਰਣਾ ਕੀਤੀ ਕਿ ਲੋੜਵੰਦ ਲੋਕਾਂ ਨੂੰ ਅਸਾਨੀ ਨਾਲ ਕਰਜੇ ਮੁਹਈਆ ਕਰਵਾਏ ਜਾਣ ਤਾਂ ਜੋ ਉਨਾਂ ਦਾ ਜੀਵਨ ਪੱਧਰ ਉਚਾ ਹੋ ਸਕੇ।
ਉਨਾਂ ਰੋਪੜ ਸੈਂਟਰਲ ਕੋਆਪਰੇਟਿਵ ਬੈਂਕ ਦੀਆਂ ਪੇਂਡੂ ਬਰਾਂਚਾਂ ਵਿਚ ਸੀ.ਸੀ.ਟੀ.ਵੀ ਕੈਮਰੇ ਲਗਾਉਣ ਦੀ ਪ੍ਰੇਰਣਾ ਵੀ ਕੀਤੀ ।ਉਨ੍ਹਾਂ ਇਹ ਵੀ ਹਦਾਇਤ ਕੀਤੀ ਕਿ ਭਵਿਖ ਵਿਚ ਕਿਸੇ ਵੀ ਬੈਂਕ ਦੀ ਪ੍ਰਾਪਤੀ 50 ਫੀਸਦੀ ਤੋਂ ਘਟ ਨਾ ਹੋਵੇ। ਮੀਟਿੰਗ ਦੌਰਾਨ ਸ਼੍ਰੀ ਸ਼ੁਸ਼ੀਲ ਕੁਮਾਰ ਸ਼ਰਮਾ ਚੀਫ ਜ਼ਿਲ੍ਹਾ ਮੈਨੇਜਰ ਲੀਡ ਬੈਂਕ ਨੇ ਦਸਿਆ ਕਿ 30 ਜੂਨ 2018 ਤੱਕ ਖੇਤੀ ਬਾੜੀ ਸੇਕਟਰ ਲਈ 56839.61ਲੱਖ ਰੁਪਏ ਦੇ ਕਰਜੇ,ਦਰਮਿਆਨੇ ਅਤੇ ਛੋਟੇ ਸੈਕਟਰ ਲਈ 21070.567 ਲੱਖ ਅਤੇ ਹੋਰ ਤਰਜੀਹੀ ਧਦਿੰਆਂ ਲਈ 7442.53 ਲੱਖ ਰੁਪਏ ਦੇ ਕਰਜੇ ਦਿੰਦੇ ਹੋਏ 70 ਫੀ ਸਦੀ ਪ੍ਰਾਪਤੀ ਕੀਤੀ ਗਈ ਹੈ।ਉਨ੍ਹਾਂ ਇਹ ਵੀ ਦਸਿਆ ਕਿ ਬੀਤੇ ਵਿਤੀ ਸਾਲ ਦੌਰਾਨ ਵੱਖ ਵੱਖ ਬੈਂਕਾਂ ਵਿਚ 826092 ਲੱਖ ਰੁਪਏ ਜਮ੍ਹਾਂ ਹੋਏ ਜਦਕਿ 340438 ਲੱਖ ਰੁਪਏ ਦੇ ਕਰਜੇ ਮੁਹਈਆ ਕਰਵਾਏ ਗਏ। ਖੇਤੀਬਾੜੀ ਧੰਦਿਆਂ ਲਈ 140388 ਲੱਖ, ਕਮਜੋਰ ਵਰਗ ਦੇ ਲੋਕਾਂ ਨੂੰ 52398 ਲੱਖ, ਜਦਕਿ ਅਨੁਸੂਚਿਤ ਜਾਤੀ/ਵਰਗ ਦੇ ਲੋਕਾਂ ਨੂੰ 22794 ਰੁਪਏ ਦੇ ਕਰਜੇ ਦਿਤੇ ਗਏ। ਇਸ ਸਾਲ ਦੌਰਾਨ 84 ਲਾਭਪਾਤਰੀਆਂ ਨੂੰ 308 ਲੱਖ ਰੁਪਏ ਦੇ ਸਿਖਿਆ ਲਈ ਕਰਜੇ ਦਿਤੇ ਗਏ। ਇਸ ਮੀਟਿੰਗ ਦੌਰਾਨ ਹੋਰਨਾ ਤੋਂ ਇਲਾਵਾ ਸ਼੍ਰੀ ਅਮਰਦੀਪ ਸਿੰਘ ਗੁਜਰਾਲ ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ),ਸ਼੍ਰੀ ਵਰਿੰਦਰਜੀਤ ਸਿੰਘ ਉਪ ਪੁਲਿਸ ਕਪਤਾਨ ,ਸ਼੍ਰੀ ਰੋਮੇਸ਼ ਨਾਗਪਾਲ ਡਿਪਟੀ ਜੋਨਲ ਹੈਡ ਯੂਕੋ ਬੈਂਕ, ਸ਼੍ਰੀ ਵੀ.ਕੇ. ਸਿੰਘ ਡੀ.ਡੀ.ਐਮ. ਨਬਾਰਡ, ਸ਼੍ਰੀ ਸ਼ੁਸ਼ੀਲ ਕੁਮਾਰ ਸ਼ਰਮਾ ਲੀਡ ਜ਼ਿਲ੍ਹਾ ਮੈਨੇਜਰ, ਸ਼੍ਰੀ ਸੰਜੇ ਕੱਕੜ ਭਾਰਤੀ ਰਿਜ਼ਰਵ ਬੈਂਕ ਦੇ ਅਧਿਕਾਰੀ,ਅਤੇ ਵਖ ਵਖ ਬੈਂਕਾਂ ਦੇ ਅਧਿਕਾਰੀ ਹਾਜਰ ਸਨ।