ਜ਼ਿਲ੍ਹੇ ਅੰਦਰ ਜ਼ਿਲ੍ਹਾ ਪ੍ਰੀਸ਼ਦ ਤੇ ਪੰਚਾਇਤ ਸੰਮਤੀ ਦੀਆਂ ਚੋਣਾ 19 ਸਤੰਬਰ ਨੂੰ ਹੋਈਆਂ ਜਿਸ ਦੇ ਨਤੀਜੇ ਐਲਾਨੇ ਗਏ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਚੋਣ ਅਫ਼ਸਰ-ਕਮ-ਡਿਪਟੀ ਕਮਿਸ਼ਨਰ ਬਲਵਿੰਦਰ ਸਿੰਘ ਧਾਲੀਵਾਲ ਨੇ ਦੱਸਿਆ ਕਿ ਜ਼ਿਲ੍ਹਾ ਪ੍ਰੀਸ਼ਦ ਦੀਆਂ 4 ਜ਼ੋਨਾਂ ਲਈ ਹੋਈਆਂ ਚੋਣਾਂ ਵਿਚੋਂ ਕਾਂਗਰਸ ਪਾਰਟੀ ਦੇ 3 ਉਮੀਦਵਾਰ ਜੇਤੂ ਰਹੇ ਅਤੇ ਸ਼੍ਰੋਮਣੀ ਅਕਾਲੀ ਦਲ ਨੂੰ 1 ਜੌਨ 'ਤੇ ਜਿੱਤ ਹਾਸਲ ਹੋਈ, ਜਦਕਿ ਪੰਚਾਇਤ ਸੰਮਤੀ ਫ਼ਿਰੋਜ਼ਪੁਰ, ਮਮਦੋਟ ਅਤੇ ਘੱਲਖੁਰਦ ਦੀਆਂ ਕੁੱਲ 22 ਜ਼ੋਨਾਂ ਲਈ ਹੋਈਆਂ ਚੋਣਾਂ ਵਿਚੋਂ 20 ਜ਼ੋਨਾਂ ਤੇ ਕਾਂਗਰਸ ਦੇ ਉਮੀਦਵਾਰ, 1 ਅਕਾਲੀ ਦਲ ਦਾ ਉਮੀਦਵਾਰ ਅਤੇ 1 ਆਜ਼ਾਦ ਉਮੀਦਵਾਰ ਚੁਣਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਜ਼ਿਲ੍ਹਾ ਪ੍ਰੀਸ਼ਦ ਦੀ ਜ਼ੋਨ-5 ਜੋਧਪੁਰ ਵਿਚੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਸ਼ਲਿੰਦਰ ਸਿੰਘ, ਜ਼ੋਨ-8 ਬਾਜੀਦਪੁਰ ਵਿਚੋਂ ਕਾਂਗਰਸ ਦੇ ਜਸਮੇਲ ਸਿੰਘ, ਜ਼ੋਨ-9 ਸ਼ੇਰ ਖਾਂ ਵਾਲਾ ਵਿਚੋਂ ਕਾਂਗਰਸ ਦੇ ਮਨਪ੍ਰੀਤ ਕੌਰ ਅਤੇ ਜ਼ੋਨ-10 ਚੱਕ ਗੁਰਦਿਆਲ ਸਿੰਘ ਵਿਚੋਂ ਕਾਂਗਰਸ ਦੇ ਉਮੀਦਵਾਰ ਬਲਵਿੰਦਰ ਕੌਰ ਨੇ ਜਿੱਤ ਹਾਸਲ ਕੀਤੀ ਹੈ। ਜਦਕਿ ਜ਼ੋਨ-1 ਗੰਘਾ ਕਲਾ ਵਿਚੋਂ ਕਾਂਗਰਸ ਦੇ ਉਮੀਦਵਾਰ ਬਗ਼ੀਚਾ ਸਿੰਘ, ਜ਼ੋਨ-2 ਜੀਵਾਂ ਅਰਾਇਣ ਵਿਚੋਂ ਕਾਂਗਰਸ ਦੇ ਉਮੀਦਵਾਰ ਪਰਮਿਲਾ ਰਾਣੀ, ਜ਼ੋਨ-3 ਅਤੂ ਵਾਲਾ ਉਤਾੜ ਵਿਚੋਂ ਕਾਂਗਰਸ ਦੇ ਗੁਰਮੀਤ ਕੌਰ, ਜ਼ੋਨ-4 ਕੋਹਰ ਸਿੰਘ ਵਾਲਾ ਵਿਚੋਂ ਕਾਂਗਰਸ ਦੇ ਦਵਿੰਦਰਪਾਲ ਸਿੰਘ, ਜ਼ੋਨ-6 ਅਲੀ ਕੇ ਵਿਚੋਂ ਕਾਂਗਰਸ ਦੇ ਪ੍ਰੀਤਮ ਸਿੰਘ, ਜ਼ੋਨ-7 ਆਰਿਫ਼ ਕੇ ਵਿਚੋਂ ਕਾਂਗਰਸ ਦੇ ਲਖਵਿੰਦਰ ਸਿੰਘ, ਜ਼ੋਨ-11 ਵਕੀਲਾਂ ਵਾਲਾ ਵਿਚੋਂ ਕਾਂਗਰਸ ਦੇ ਗੁਰਦੇਵ ਸਿੰਘ, ਜ਼ੋਨ-12 ਸ਼ਾਹ ਵਾਲਾ ਵਿਚੋਂ ਕਾਂਗਰਸ ਦੇ ਜਸਪਾਲ ਕੌਰ, ਜ਼ੋਨ-13 ਫਤੇਹਗੜ ਸਭਰਾਂ ਵਿਚੋਂ ਕਾਂਗਰਸ ਦੇ ਪਰਮਜੀਤ ਕੌਰ ਅਤੇ ਜ਼ੋਨ-14 ਅਕਬਰ ਵਾਲਾ ਵਿਚੋਂ ਕਾਂਗਰਸ ਦੇ ਬਲਵਿੰਦਰ ਸਿੰਘ ਪਹਿਲਾਂ ਹੀ ਨਿਰਵਿਰੋਧ ਚੁਣੇ ਗਏ ਹਨ।
ਉਨ੍ਹਾਂ ਅੱਗੇ ਦੱਸਿਆ ਕਿ 3 ਪੰਚਾਇਤ ਸੰਮਤੀਆਂ ਲਈ ਹੋਈਆਂ ਚੋਣਾਂ ਵਿਚੋਂ ਬਲਾਕ ਫ਼ਿਰੋਜ਼ਪੁਰ ਦੀ ਜ਼ੋਨ 18 ਝੋਕ ਹਰੀ ਹਰ ਵਿਚੋਂ ਕਾਂਗਰਸ ਦੇ ਉਮੀਦਵਾਰ ਪਰਮਜੀਤ, ਜ਼ੋਨ 19 ਵਾਹਗੇ ਵਾਲਾ ਵਿਚੋਂ ਕਾਂਗਰਸ ਦੇ ਨਿਸ਼ਾਨ ਸਿੰਘ, ਜੌਨ 21 ਭਾਵੜਾ ਆਜਮ ਸ਼ਾਹ ਵਿਚੋਂ ਕਾਂਗਰਸ ਦੇ ਬੋਹੜ ਸਿੰਘ ਅਤੇ ਜ਼ੋਨ 22 ਮਹਿਮਾ ਵਿਚੋਂ ਕਾਂਗਰਸ ਦੇ ਪਰਨੀਤ ਕੌਰ ਜੇਤੂ ਰਹੇ। ਇਸੇ ਤਰ੍ਹਾਂ ਪੰਚਾਇਤ ਸੰਮਤੀ ਮਮਦੋਟ ਦੇ ਜ਼ੋਨ 2 ਜਾਮਾ ਰਖਿਆ ਹਿਤਾੜ ਤੋਂ ਕਾਂਗਰਸ ਦੇ ਪ੍ਰੀਤਮ ਕੌਰ ਅਤੇ ਜ਼ੋਨ 4 ਚੱਕ ਘੁਬਾਈ ਤਰਾਂਵਾਲੀ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਮਹੰਤ ਕੌਰ ਜੇਤੂ ਰਹੇ ਹਨ। ਇਸੇ ਤਰ੍ਹਾਂ ਹੀ ਪੰਚਾਇਤ ਸੰਮਤੀ ਘੱਲਖੁਰਦ ਦੇ ਜ਼ੋਨ-2 ਚੰਦੜ ਵਿਚੋਂ ਕਾਂਗਰਸ ਦੇ ਉਮੀਦਵਾਰ ਸੁਖਜਿੰਦਰ ਸਿੰਘ, ਜ਼ੋਨ-3 ਕੋਟ ਕਰੋੜ ਕਲਾਂ ਵਿਚੋਂ ਕਾਂਗਰਸ ਦੇ ਸਵਰਨਜੀਤ ਕੌਰ, ਜ਼ੋਨ-4 ਭੋਲੂ ਵਾਲਾ ਵਿਚੋਂ ਕਾਂਗਰਸ ਦੇ ਸਰਬਜੀਤ ਕੌਰ, ਜ਼ੋਨ-6 ਨਰਾਇਣ ਗੜ੍ਹ ਵਿਚੋਂ ਕਾਂਗਰਸ ਦੇ ਮਨਪ੍ਰੀਤ ਸਿੰਘ, ਜ਼ੋਨ-7 ਵਾਹੜਾ ਭਾਈ ਖਾਂ ਤੋਂ ਕਾਂਗਰਸ ਦੇ ਕਰਮਜੀਤ ਕੌਰ, ਜ਼ੋਨ-8 ਖ਼ਵਾਜਾ ਖੜਕ ਤੋਂ ਕਾਂਗਰਸ ਦੇ ਰਾਜਦੀਪ ਸਿੰਘ, ਜ਼ੋਨ-9 ਫ਼ਿਰੋਜ਼ਸ਼ਾਹ ਵਿਚੋਂ ਆਜ਼ਾਦ ਉਮੀਦਵਾਰ ਮਨਪ੍ਰੀਤ ਕੌਰ, ਜ਼ੋਨ-10 ਕਰਮੂ ਵਾਲਾ ਵਿਚੋਂ ਕਾਂਗਰਸ ਦੇ ਬਲਕਾਰ ਸਿੰਘ, ਜ਼ੋਨ-11 ਸੋਢੀ ਨਗਰ ਵਿਚੋਂ ਕਾਂਗਰਸ ਦੇ ਬਿੰਦਰ ਰਾਣੀ, ਜ਼ੋਨ-13 ਸੱਪਾਂ ਵਾਲੀ ਕਾਂਗਰਸ ਦੇ ਪਰਵਿੰਦਰ ਕੌਰ, ਜ਼ੋਨ-14 ਤੂਤ ਵਿਚੋਂ ਕਾਂਗਰਸ ਦੇ ਰਵਿੰਦਰ ਸਿੰਘ, ਜ਼ੋਨ-15 ਸਤੀਏ ਵਾਲਾ ਤੋਂ ਕਾਂਗਰਸ ਦੇ ਸੁਰਿੰਦਰਪਾਲ ਸਿੰਘ, ਜ਼ੋਨ-19 ਸਾਂਧੇ ਹਾਸ਼ਮ ਤੋਂ ਕਾਂਗਰਸ ਦੇ ਇੰਦਰਜੀਤ ਸਿੰਘ, ਜ਼ੋਨ-21 ਕਤਲਗੜ੍ਹੀ ਤੋਂ ਕਾਂਗਰਸ ਦੇ ਛਿੰਦਰ ਕੌਰ, ਜ਼ੋਨ-22 ਚੰਗਾਲੀ ਕਦੀਮ ਵਿਚੋਂ ਕਾਂਗਰਸ ਦੇ ਚਰਨਜੀਤ ਕੌਰ ਅਤੇ ਜ਼ੋਨ-23 ਸਾਧੂ ਸ਼ਾਹ ਵਾਲਾ ਤੋਂ ਕਾਂਗਰਸ ਦੇ ਉਮੀਦਵਾਰ ਕਾਲਾ ਜੇਤੂ ਰਹੇ। ਇਸ ਤੋਂ ਪਹਿਲਾਂ ਬਾਕੀ ਪੰਚਾਇਤ ਸੰਮਤੀਆਂ ਲਈ ਉਮੀਦਵਾਰ ਪਹਿਲਾਂ ਹੀ ਨਿਰਵਿਰੋਧ ਚੁਣੇ ਗਏ ਹਨ। ਇਸ ਤਰ੍ਹਾਂ ਜ਼ਿਲ੍ਹਾ ਪ੍ਰੀਸ਼ਦ ਲਈ 14 ਜ਼ੋਨਾਂ ਵਿਚੋਂ 13 ਕਾਂਗਰਸ, 1 ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਚੁਣੇ ਗਏ ਹਨ ਅਤੇ 6 ਪੰਚਾਇਤ ਸੰਮਤੀਆਂ ਲਈ 119 ਜ਼ੋਨਾਂ ਵਿਚੋਂ ਕਾਂਗਰਸ ਦੇ 117, ਸ਼੍ਰੋਮਣੀ ਅਕਾਲੀ ਦਲ ਦਾ 1 ਉਮੀਦਵਾਰ ਅਤੇ 1 ਆਜ਼ਾਦ ਉਮੀਦਵਾਰ ਚੁਣਿਆ ਗਿਆ ਹੈ।