ਸਾਨੂੰ ਹਰੇ ਪੱਤੇਦਾਰ ਸਬਜੀਆਂ ਰੋਜਾਨਾ ਭੋਜਨ ਵਿੱਚ ਸ਼ਾਮਲ ਕਰਨੀਆਂ ਚਾਹੀਦੀਆਂ ਹਨ ਇਹਨਾਂ ਸ਼ਬਦਾ ਦਾ ਪ੍ਰਗਟਾਵਾ ਡਾ: ਸੀਮਾ, ਸੀਨੀਅਰ ਮੈਡੀਕਲ ਅਫਸਰ ਸੀ.ਐਚ.ਸੀ ਕਾਲਾ ਸੰਘਿਆਂ ਨੇ ਮਿਸ਼ਨ ਤੰਦਰੁਸਤ ਪੰਜਾਬ ਤਹਿਤ ਪੋਸ਼ਣ ਮਹੀਨਾਂ ਮਨਾਉਣ ਦੋਰਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਸਿਹਤ ਵਿਭਾਗ ਵਲੋਂ 1 ਸਤੰਬਰ ਤੋਂ ਲੈ ਕੇ 30 ਸਤੰਬਰ ਤੱਕ ਪੋਸ਼ਣ ਮਹੀਨਾਂ ਮਨਾਇਆ ਜਾ ਰਿਹਾ ਹੈ। ਜਿਸ ਦੌਰਾਨ ਨਵ ਜੰਮੇ ਬੱਚੇ ਤੋਂ ਲੈ ਕੇ 1000 ਦਿਨ ਤੱਕ ਉਸ ਦੀ ਖੁਰਾਕ ਸਬੰਧੀ ਲੋਕਾਂ ਨੁੰ ਜਾਗਰੂਕ ਕੀਤਾ ਜਾਵੇ। ਉਹਨਾਂ ਕਿਹਾ ਕਿ ਹਰੇਕ ਮਾਂ ਆਪਣੇ ਬੱਚੇ ਨੂੰ ਛੇ ਮਹੀਨੇ ਤੱਕ ਆਪਣਾ ਦੁੱਧ ਜਰੂਰ ਪਿਲਾਵੇ।ਇਸ ਨਾਲ ਬੱਚਾ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਤੋ ਬਚਿਆ ਰਹਿੰਦਾ ਹੈ। ਹਰੇਕ ਵਿਅਕਤੀ ਨੂੰ ਆਪਣੀ ਉਮਰ ਦੇ ਹਿਸਾਬ ਨਾਲ ਪੌਸ਼ਟਿਕ ਤੱਤਾਂ ਵਾਲਾ ਭੋਜਨ ਖਾਣਾ ਚਾਹੀਦਾ ਹੈ।ਉਨ੍ਹਾਂ ਕਿਹਾ ਸਰੀਰ ਨੂੰ ਤੰਦਰੁਸਤ ਰੱਖਣ ਲਈ ਸੰਤੁਲਿਤ ਭੋਜਨ ਦੀ ਜਰੂਰਤ ਹੁੰਦੀ ਹੈ।ਸੰਤੁਲਿਤ ਭੋਜਨ ਵਿੱਚ ਹਰੇਕ ਤਰ੍ਹਾਂ ਦਾ ਜਰੂਰੀ ਤੱਤ ਸਹੀ ਮਾਤਰਾ ਅਤੇ ਅਨੁਪਾਤ ਵਿੱਚ ਹੁੰਦੇ ਹਨ, ਜਿਸ ਦੀ ਸਰੀਰ ਨੂੰ ਜਰੂਰਤ ਹੁੰਦੀ ਹੈ।ਇਸ ਮੌਕੇ ਡਾ. ਸੁਨਾਕਸ਼ੀ ਨੇ ਕਿਹਾ ਕਿ ਸਰੀਰ ਨੂੰ ਤੰਦਰੁਸਤ ਬਣਾਉਣ ਦੇ ਲਈ ਭੋਜਨ ਵਿੱਚ ਪ੍ਰੋਟੀਨ,ਕਾਰਬੋਹਾਈਡ੍ਰੇਟ,ਵਿਟਾਮਿਨ ਅਤੇ ਚਿਕਨਾਈ ਆਦਿ ਖਣਿਜ ਪਦਾਰਥ ਦੀ ਜਰੂਰਤ ਹੁੰਦੀ ਹੈ।
ਉਹਨਾਂ ਕਿਹਾ ਕਿ ਇਹ ਜਰੂਰੀ ਤੱਤ ਸਾਨੂੰ ਕਣਕ,ਮੱਕੀ, ਚੌਲ, ਬਾਜਰਾ, ਸਕਰਕੰਦੀ,ਗੁੜ,ਦੁੱਧ,ਦੁੱਧ ਨਾਲ ਬਣੇ ਪਦਾਰਥ, ਪਨੀਰ,ਮੱਖਣ,ਦਹੀਂ,ਲੱਸੀ,ਅਤੇ ਦਾਲਾਂ ਆਦਿ ਤੋਂ ਮਿਲਦੇ ਹਨ।ਇਸ ਮੌਕੇ ਸ੍ਰੀ ਰਵਿੰਦਰ ਕੁਮਾਰ ਜੱਸਲ, ਬਲਾਕ ਐਜੂਕੇਟਰ ਨੇ ਦੱਸਿਆ ਕਿ ਸਾਨੂੰ ਪੋਸ਼ਟਿਕ ਭੋਜਨ ਜਿਵੇਂ ਰਲੀਆਂ ਮਿਲੀਆਂ ਦਾਲਾਂ, ਮੌਸਮੀ ਫਲ ਅਤੇ ਹਰੀਆਂ ਪੱਤੇਦਾਰ ਸਬਜੀਆਂ ਦੀ ਵਰਤੋ ਜਿਆਦਾ ਕਰਨੀ ਚਾਹੀਦੀ ਹੈ ਤਾਂ ਜੋ ਸਾਡੇ ਸਰੀਰ ਨੂੰ ਜਿਆਦਾ ਤੋਂ ਜਿਆਦਾ ਜਰੂਰੀ ਤੱਤ ਮਿਲ ਸਕਣ।ਉਨ੍ਹਾਂ ਕਿਹਾ ਗਰਭਵਤੀ ਔਰਤ ਨੂੰ ਆਪਣੇ ਭੋਜਨ ਦਾ ਖਾਸ ਧਿਆਨ ਰੱਖਣ ਦੀ ਜਰੂਰਤ ਹੈ।ਉਸ ਨੂੰ ਦਿਨ ਵਿੱਚ ਬਾਰ-ਬਾਰ ਅਤੇ ਥੋੜਾ-ਥੋੜਾ ਭੋਜਨ ਖਾਣਾ ਚਾਹੀਦਾ ਹੈ।ਉਸ ਦੇ ਭੋਜਨ ਵਿੱਚ ਹਰੇ ਪੱਤੇਦਾਰ ਸਬਜੀਆਂ ਅਤੇ ਪੋਸ਼ਟਿਕ ਆਹਾਰ ਜਰੂਰੀ ਹੋਣੇ ਚਾਹੀਦੇ ਹਨ।ਉਨ੍ਹਾਂ ਕਿਹਾ ਕਿ 1000 ਦਿਨ ਤੱਕ ਬੱਚੇ ਦੀ ਖੁਰਾਕ ਦਾ ਧਿਆਨ ਰੱਖਣ ਨਾਲ ਉਹ ਸਾਰੀ ਉਮਰ ਤੰਦਰੁਤ ਅਤੇ ਸਿਹਤ ਮੰਦ ਰਹੇਗਾ।ਇਸ ਮੌਕੇ ਤੇ ਹੋਰਨਾਂ ਤੋਂ ਇਲਾਵਾ ਡਾ.ਰਾਕੇਸ਼, ਰਕੇਸ਼ ਬਾਲੀ ਅਪਥਾਲਮਿਕ ਅਫਸਰ, ਰਿਤੁ, ਹਰਪ੍ਰੀਤ ਕੌਰ, ਨਿਰਵੈਰ ਸਿੰਘ,ਨਰੇਸ਼ ਕੁਮਾਰੀ, ਤੇ ਸੰਗੀਤਾ ਆਦਿ ਸ਼ਾਮਿਲ ਸਨ ।